1 Timoteo 5:3 - New Testament in Mazatec Huautla

³ Jcha⁴xcoin¹³ ya¹nchjin¹ xi³ cˀen³ xˀin⁴-le⁴ xi³ ña³qui³ cˀan² cjoa⁴qui²xi⁴.

1 Timoteo 5:3 ပူးပေါင်းရင်းမြစ်များ

San Mateo 15:6

nca³ je² cho⁴ta⁴-ve⁴ li²coi³ ma³chjen¹ nca³ scoe⁴xcon¹ nˀai³-le⁴ a³xo⁴ na⁴-le⁴. Cˀoa⁴-sˀin² qui³ni²xo²yao³ cjoa⁴te¹xo³ma³-le⁴ Ni³na¹ xi³ to⁴cjoa⁴ tˀa³tsˀe⁴ costumbre-no³.

San Mateo 23:13

To⁴nca³ ma⁴-xo¹nio³ nca³ jon², cho⁴ta⁴ scribano cao⁴ cho⁴ta⁴ fariseos, jao²ncjain¹ nio¹³. Vˀe²chjoa²-nio¹³ xo⁴ntjoa⁴-le⁴ je² cjoa⁴te¹xo³ma³-le⁴ Ni³na¹ nqui³xcon⁴ cho⁴ta⁴ xi³ me³-le⁴ fa³ˀa³sˀen³, ti⁴jon²-nio³ li²coi³ vi³tja³sˀaon³, cˀoa⁴ je² xi³ tjio¹fa³ˀa³sˀen³ tsa³cˀe²chjoa²-lao⁴³ nca³ fa³ˀa³sˀen³.

San Lucas 2:37

Coan³scan³-ni³ nca³ cˀen³ xˀin⁴-le⁴ ño³can³ cao⁴-ni³ ño³ no¹ tsa³cˀe²jna³cˀan². A³li²coi³ tsa³ca³sen²xin²-le⁴ yo⁴nco⁴ jña³ tsa³ve³xcon¹ Ni³na¹ nca³ ni⁴čhjin³ nca³ ni⁴tjen⁴ cao⁴ cjoa⁴vi³jna³nchjan³ cao⁴ cjoa⁴vˀe²tsˀoa³.

San Lucas 7:12

Cˀia⁴ nca³ ja³ˀai³čhian³-ni³ xo⁴ntjoa⁴ na⁴xi⁴na³nta¹, coe⁴-ni³ nti³tsin³-jan¹ tjio¹vˀa³sje³ jnco³ cˀen³ xi³ to⁴je² to⁴jnco³ ˀnti¹-le⁴ na⁴-le⁴ jña³-le⁴ xi³ ti¹jna³cˀan². Cˀoa⁴ ncjin² cho⁴ta⁴ xi³ ya⁴ tsˀe⁴ na⁴xi⁴na³nta¹-ve⁴ tjio¹cao⁴ nca³ je².

San Juan 1:47

Cˀia⁴ nca³ Jesús tsa³ve³ Natanael xi³ ti¹nčhoa¹con³-le⁴, qui³tso² xi³ tˀa³tsˀe⁴: Ne³ jnco³ xi³ cjoa⁴qui²xi⁴ cho⁴ta⁴ israelita, xi³ tsin²-le⁴ cjoa⁴chˀa²na⁴cha⁴-jin².

Hechos de los Apóstoles 6:1

Cˀia⁴ ni⁴čhjin³-ve⁴ cjai¹nca³ coan³ncjin²ya³ cho⁴ta⁴-le⁴ Cristo. Je² cho⁴ta⁴ griegos cjai¹nca³ to⁴chˀao³ tsa³ca³tio²-le⁴con³ cho⁴ta⁴ hebreos nca³ je² ya¹nchjin¹-le⁴ xi³ je³cˀen³ xˀin⁴-le⁴ li²coi³ cˀoa⁴-sˀin² tsˀa³cao⁴-le⁴ je² tso³jmi² xi³ vˀa³vi¹-le⁴ nchaon³nchaon³.

Hechos de los Apóstoles 9:39

Cˀia⁴ Pedro ji³so²tjen⁴, qui³cao⁴ nca³ je². Xi³ je³ji³cho², qui³cao⁴ ya⁴ cuarto jña³ ncˀa³. Jo³ tsa³qui³ncha³tˀa³-le⁴ ya¹nchjin¹ xi³ je³cˀen³ xˀin⁴-le⁴. Tjio¹cji³ˀntia¹, tjio¹va³co¹-le⁴ na³jño³ chˀo¹tji³ xi³ Dorcas qui³si³nta³ cˀia⁴ nca³ ti¹jna³cao⁴-sa³.

Hechos de los Apóstoles 9:41

Pedro qui³tsjoa³-le⁴ ntsja³, qui³si³qui³so¹tjen⁴. Cˀia⁴ qui³nchja⁴-le⁴ nca³tsˀi³ cho⁴ta⁴-le⁴ Cristo cao⁴ je² ya¹nchjin¹ xi³ cˀen³ xˀin⁴-le⁴. Tsa³ca³co¹-le⁴ Dorcas nca³ ti¹jna³con³.

1 Tesalonicenses 2:6

A³li² tsa² je² cjoa⁴je³ya³-le⁴ cho⁴ta⁴ tsa³qui³jnchi³sjai³⁴-jin⁴, ni⁴tsaon⁴³-jion²³, ni⁴to⁴ˀya³-jin²sa³ xi³ tsˀe⁴, nta³ tsa² coan³-na³jin⁴ nca³ jon² qui³ni²chˀa¹ne²-lai²⁴jin⁴, nca⁴ pa²stro⁴-le⁴ Cristo ni¹⁴-jin⁴.

1 Timoteo 5:2

Je² ya¹nchjin¹ jchi¹nca³ tˀe²ne²-lai⁴ jo³-ni³ tsa² na⁴-li⁴, je² xti³ya¹nchjin¹ jo³-ni³ tsa² ti³chjai³ nca³ ña³qui³ tsje³ ca²ta³mai³.

Santiago 1:27

Cˀoa⁴-sˀin² ña³qui³ ˀya³xcoan¹ Ni³na¹ nca³ ma³nquin¹chon³-le⁴² xi³ jchˀan⁴ xi³ cˀen³ xˀin⁴-le⁴, nca³ cjoa⁴ñˀain³ tjio¹fa³ˀai³, cˀoa⁴-ti⁴ nca³ chˀa⁴sje³xin²-le⁴² yao³-na¹ cjoa⁴ xi³ tjin¹ son³ˀnte³-vi⁴. Je²-vi⁴ xi³ cjoa⁴-le⁴ Ni³na¹ xi³ tsje³ tjin¹ xi³ tsi² jma² tjin¹ nqui³xcon⁴ Nˀai³-na¹.

1 Pedro 2:17

Jcha⁴xcon¹³ nca³tsˀi³. Ca²ta³ma³tsjoa³chao³ ntsˀao³. Ti⁴jcon¹chao³ Ni³na¹. Jcha⁴xcon¹³ cho⁴ta⁴ti¹tjon².

1 Pedro 3:7

Jon², xi³ xˀion⁴³, cˀoa⁴-ti⁴sˀin² ti⁴yo³cao⁴³ ya¹nchjin¹-no³ jo³-sˀin² nca³ nta³ ma³cho⁴ya³-no³. Jcha⁴cho⁴tao⁴³ ya¹nchjin¹-no³ jo³-ni³ tsa² jnco³ cho⁴tsin¹ xi³ nqui²sa⁴ čhjoe³, nca⁴ to⁴jnco³ tjin¹-no³ cjoa⁴tjao² xi³ cjoa⁴vi³jna³chon³, jme¹-ni³ nca³ je² xi³ vˀe²tsˀoao³ li²coi³ sa⁴te¹chjoa²-si¹ni³.