1 Pedro 4:4 - New Testament in Mazatec Huautla

⁴ Coi³ cjoa⁴ je³cji³ma³xcon¹-ni³le⁴ nca³ tsi² tsa² ma³nquin¹cao⁴³ xi³ ti⁴je²-ni³ cjoa⁴ xi³ li²coi³ ti⁴ma³ntˀe¹-ni³, xi³ si¹qui³tson¹ya³. Tjio¹nchja⁴ˀaon³-no³.

1 Pedro 4:4 ပူးပေါင်းရင်းမြစ်များ

San Mateo 23:25

Ma⁴-xo¹nio³ nca³ jon², cho⁴ta⁴ scribano cao⁴ cho⁴ta⁴ fariseos, jao²ncjain¹ nio¹³. Ni²tsjao³ son²ncˀa³-le⁴ cho⁴tsin¹ cao⁴ čhoa⁴, to⁴nca³ ja⁴ya³-le⁴ tjio¹qui³tse³-ni³ cjoa⁴che¹ cao⁴ cjoa⁴chi⁴nca⁴.

San Lucas 15:13

Li²coi³ ncjin² ni⁴čhjin³ coan³scan³-ni³, je² ti³ xi³ ma³ˀnti¹ tsa³cˀe¹xco¹ nca³yi³je³ tso³jmi²-le⁴. Qui³tˀa³xin² jnco³ ˀnte³ xi³ cjin³tˀa³. Ya⁴ qui³si³cji³tson¹ xi³ qui³tsˀai²cjoa⁴tjao²-le⁴, to⁴ña³qui³ chˀao³ qui³cao⁴ yao³-le⁴.

Hechos de los Apóstoles 13:45

To⁴nca³ cjai¹nca³ coan³chi⁴ni⁴ cho⁴ta⁴ judíos, cˀia⁴ nca³ tsa³ve³ nca³ nˀion¹ ncjin² cho⁴ta⁴ coan³ña³. Cˀoa⁴qui³tso² nca³ li²coi³ cˀoa⁴tjin¹ je² en¹-le⁴ Pablo. Qui³nchja⁴ˀaon³-le⁴.

Hechos de los Apóstoles 18:6

To⁴nca³ je² cho⁴ta⁴-ve⁴ to⁴tsa³ca³te¹cjao³ˀa² Pablo, cˀoa⁴ qui³nchja⁴ˀaon³-le⁴. Cˀia⁴ Pablo tsa³cˀe¹tsao³jne³ na³jño³-le⁴, cˀoi⁴qui³tso²-le⁴: Cao⁴ njin¹-no³ tˀe²chji¹-nio³, tsje³ nia¹³ nca³ an³. Ntˀai⁴-vi⁴ cjoi¹con³-le⁴ cho⁴ta⁴ xi³ li² judío-jin².

Romanos 13:13

Nta³ coan³nquin¹coa⁴² yao³-na¹ jo³-sˀin² xi³ cjoa⁴qui²xi⁴ jo³-sˀin² vˀe²ma³² nca³ ni⁴čhjin³. A³li²coi³ cjoa⁴chi⁴nca⁴ cao⁴ cjoa⁴chˀi⁴ coi⁴tso⁴ma³jian³². A³li²coi³ ya¹nchjin¹ cjoa¹jta³² cao⁴ xi³ to⁴xquia⁴ nˀian² cao⁴ yao³-na¹. A³li²coi³ coi⁴xcan³coa⁴² xi²nquia⁴². A³li²coi³ coan⁴xin²ta³con² jcha⁴² xi²nquia⁴².

Efesios 5:18

A³li² yao³-no³jin² ni²chˀi⁴-nio³ vino, nca³ cˀoa⁴-sˀin² si¹qui³xo²ya³-ni³ cjoa⁴, to⁴nca³ ca²ta³tse³jin³ ni⁴ma⁴-no³ je² Espíritu Santo.

1 Pedro 2:12

Nta³ ta³nquin¹cao⁴³ yao³-no³ ya⁴jin³-le⁴ cho⁴ta⁴ xi³ li² judío-jin². Nta³ tsa² jo³-ni³ cho⁴ta⁴tsˀen⁴ ve³con³-no³, cˀia⁴ tsa² scoe⁴ nca³ nta³ xa¹-no³, cˀoa⁴sje³je³ya³ Ni³na¹ coi³ ni⁴čhjin³ nca³ Ni³na¹ cjoa⁴ˀai¹con³-le⁴.

1 Pedro 3:16

Ca²ta³sˀe³-no³ cjoa⁴fa³ˀai³tsjen³ xi³ nta³ tjin¹, jme¹-ni³ nca³ coan⁴soa³-si¹ni³le⁴ je² xi³ fa³je¹tˀa³ tˀa³tsaon⁴³ jo³-ni³ tsa² cho⁴ta⁴tsˀaon⁴³, xi³ nchja⁴ˀaon³-no³ nca³ nta³ ti³ma³nquin¹cao⁴³ yao³-no³ tˀa³tsˀe⁴ Cristo.

2 Pedro 2:12

Jo³-ni³ tsa² cho⁴ xi³ li²coi³ nčhˀoe¹, xi³ to⁴xa¹ cˀoa⁴cjoan³-ni³ xi³ to⁴xa¹ qui³tsin³-ni³ nca³ coi⁴nto⁴va⁴ nca³ si⁴cˀen³, je² cho⁴ta⁴-vi⁴ nchja⁴chˀao³-le⁴ cjoa⁴ xi³ tsi² tsa² ma³cho⁴ya³-le⁴, to⁴jnco³ cao⁴ je² coi⁴ya²-ni¹ cha⁴jin³-ni¹.

2 Pedro 2:22

Ña³qui³ cˀoa⁴-sˀin² cji³ma³-le⁴ jo³ tso² en¹ xo⁴ tso²: Je² nia¹ qui³squi³ne³ nqui²ntia³ nta¹vi³so³-le⁴, cˀoa⁴ je² chi⁴nca⁴ xi³ je³tsa³ca³nco¹ya³ nqui²ntia³ tsa³ca³nco¹ya³ ya⁴jin³ nta¹si³.

Judas 1:10

To⁴nca³ je²-vi⁴ nchja⁴ˀaon³ to⁴jme³ cjoa⁴ xi³ tsi² tsa² ma³cho⁴ya³-le⁴. Fi³tson³jin³ je² cjoa⁴ xi³ to⁴je² yˀa³-ni³, jo³-ni³ tsa² cho⁴ xi³ tsi²jme³ cjoa⁴fa³ˀai³tsjen³ tjin¹-le⁴.