1 Pedro 1:3 - New Testament in Mazatec Huautla

³ Jo¹ to⁴nta³-le⁴ Ni³na¹ Nˀai³-le⁴ Jesucristo Nai³-na¹, xi³ cˀoa⁴-sˀin² to⁴tse³ cjoa⁴ma⁴ta³con² tjin¹-le⁴ nca³ qui³si³cho⁴tse⁴ya³-nca¹ni³na¹, jme¹-ni³ nca³ cho¹ya²-si¹ni³le⁴² xi³ ti¹jna³con³ nca³ ja³ˀa²ya³jin³-ni³le⁴ cˀen³ Jesucristo.

1 Pedro 1:3 ပူးပေါင်းရင်းမြစ်များ

San Juan 1:13

xi³ tsi² tsa² njin¹ qui³tsin³-ni³, ni⁴ tˀa³tsˀe⁴-jin² cjoa⁴tsjoa³-le⁴ yao³-na¹, ni⁴ tˀa³tsˀe⁴-jin² cjoa⁴tsjoa³-le⁴ xˀin⁴, to⁴nca³ tˀa³tsˀe⁴ Ni³na¹ qui³tsin³-ni³.

Romanos 12:12

Cjoa⁴tsjoa³ ca²ta³sˀe³-no³ xi³ tˀa³tsˀe⁴ xi³ cho³ya²-lao⁴³, cjoa⁴tse³jta³ ca²ta³sˀe³-no³ xi³ tˀa³tsˀe⁴ cjoa⁴ñˀain³ xi³ ti³chja³ˀao²³, tˀe²tsˀoa³ntsjao²³.

Romanos 15:13

Cˀoa⁴ je² Ni³na¹ xi³ tsjoa¹ cjoa⁴cho³ya²cao⁴cjoa⁴, ca²ta³si¹tse³-no³ cao⁴ nca³yi³je³ cjoa⁴tsjoa³, cˀoa⁴ cao⁴ cjoa⁴nchˀan¹ta³con² nca³ ma³cjain¹-no³, jme¹-ni³ nca³ coan⁴ncjin²ya³-si¹ni³no³ cjoa⁴cho³ya²cao⁴cjoa⁴ xi³ to⁴tˀa³tsˀe⁴ nca³nˀion¹-le⁴ je² Espíritu Santo.

Romanos 4:25

Je² xi³ qui³ni²cˀen³ tˀa³tsˀe⁴ cjoa⁴tsˀen⁴-na¹, cˀoa⁴ xi³ ja³ˀa²ya³-le⁴ jme¹-ni³ nca³ cjoe⁴tˀa³-si¹ni³ je¹-na¹.

Romanos 5:10

Tsa² cˀia⁴ nca³ co²ntran⁴-na¹ coan³ Ni³na¹, ti⁴je²-ni³ qui³si³cjao¹nta³-na¹ ti⁴tˀa³tsˀe⁴-ni³ xi³ to⁴tˀa³tsˀe⁴ cjoa⁴vi³ya³-le⁴ ˀnti¹-le⁴, to⁴sa³ ntˀai⁴, nca³ je³qui³cho³va²nta³-nia¹, coi²tjo⁴ntjai²-nia¹ xi³ to⁴tˀa³tsˀe⁴ cjoa⁴vi³jna³chon³-le⁴.

Romanos 8:11

Cˀoa⁴ tsa² je² Espíritu Santo xi³ tsˀe⁴ Ni³na¹ xi³ qui³si³cja³ˀa¹ya³jin³-ni³le⁴ cˀen³ Cristo, tsa² coi³ Espíritu ti¹jna³jin³ ni⁴ma⁴-no³, je² xi³ qui³si³cja³ˀa¹ya³jin³-ni³le⁴ cˀen³ Cristo Jesús, cˀoa⁴-ti⁴ tsjoa¹-le⁴ cjoa⁴vi³jna³chon³ yao³-no³ xi³ vi³ya³, xi³ to⁴tˀa³tsˀe⁴ je² Espíritu Santo-le⁴ xi³ ti¹jna³jin³ ni⁴ma⁴-no³.

Romanos 8:24

Nca⁴ ji²tjo⁴ntjai²-nia¹ cao⁴ cjoa⁴cho³ya²cao⁴cjoa⁴-vi⁴. To⁴nca³ je² xi³ ti³cho³ya²-le⁴², tsa² ma³tsen³, li²coi³ ti³cho³ya²-le⁴². ˀya¹ xi³ sco¹ya³-sa³le⁴ xi³ je³co³tsen³.

1 Corintios 13:13

Ntˀai⁴-vi⁴ cˀoa⁴-sˀin² tjio¹ntsjai² xi³ ma³cjain¹-na¹, xi³ cjoa⁴cho³ya²cao⁴cjoa⁴, cˀoa⁴ xi³ cjoa⁴tjao²cha³, cˀoa⁴ je² xi³ jan² cjoa⁴-vi⁴, to⁴nca³ je² xi³ nqui²sa⁴ ti¹tjon², je² xi³ cjoa⁴tjao²cha³.

1 Corintios 15:20

To⁴nca³ ntˀai⁴ Cristo je³qui³ni²cja³ˀa¹ya²jin³-ni³le⁴ je² xi³ cˀen³. Je² xi³ coan³ tjon²-le⁴ je² xi³ je³cˀen³.

2 Corintios 1:3

Cjoa⁴nta³ ca²ta³vˀai²-le⁴ je² Ni³na¹-le⁴ cˀoa⁴ Nˀai³-le⁴ Nai³-na¹ Jesucristo, je² Nˀai³ xi³ tsˀe⁴ cjoa⁴ma⁴ta³con², cˀoa⁴ Ni³na¹ xi³ tsˀe⁴ nca³yi³je³ cjoa⁴ni²je³ta³con²,

Gálatas 6:16

Ca²ta³njen³nchˀan¹jin³ ni⁴ma⁴-le⁴, cˀoa⁴ cjoa⁴ma⁴ta³con² ca²ta³sa³co¹-le⁴ nca³tsˀi³ xi³ cˀoa⁴-sˀin² tjio¹ma³ jo³ tso² en¹ je²-vi⁴, cˀoa⁴ je² cho⁴ta⁴ Israel xi³ tsˀe⁴ Ni³na¹.

Efesios 1:17

Cˀoa⁴-sˀin² vˀe³tsˀoa²³ nca³ Ni³na¹-le⁴ Nai³-na¹ Jesucristo, je² Nˀai³-na¹ xi³ tsˀe⁴ cjoa⁴je³ya³, ca²ta³tsjoa¹jin³ ni³ma⁴-no³ cjoa⁴chji⁴ne⁴, ca²ta³si¹ˀi³sen³-no³ sa³ˀnta³ nta³ jchao⁴³ Ni³na¹.

Efesios 1:3

Ca²ta³vi³tjo³je³ya³ Ni³na¹-le⁴ cao⁴ Nˀai³-le⁴ Nai³-na¹ Jesucristo, xi³ qui³si³chi³con³tˀain³-na¹ cao⁴ nca³yi³je³ cjoa⁴nta³ xi³ tsˀe⁴ ncˀa³jmi³ xi³ tˀa³tsˀe⁴ ni⁴ma⁴-na¹, nca³ ti³yo³coa⁴² Cristo.

Efesios 1:7

Je² Cristo tsa³cˀe¹chji¹ntjai²-na¹ cao⁴ njin¹-le⁴. Qui³si³cha³tˀa³ je¹-na¹ nca³ cˀoa⁴-sˀin² to⁴nˀion¹ tse³ cjoa⁴nta³ xi³ tjin¹-le⁴.

Efesios 2:4

To⁴nca³ Ni³na¹, nca⁴ cˀoa⁴-sˀin² to⁴tse³ cjoa⁴ma⁴ta³con² tjin¹-le⁴, cjai¹nca³ nˀion¹ coan³tsjoa³que³-na¹.

Efesios 3:20

Ni³na¹ nqui²sa⁴ to⁴tse³ ma³-le⁴ sˀin¹ nca³yi³je³ cjoa⁴ jo³ cji³ xi³ ni²je¹, jo³-sˀin² fa³ˀai³tsjen³-na¹, to⁴tˀa³tsˀe⁴ je² nca³nˀion¹ xi³ si¹xa¹jin³-na¹.

Colosenses 1:23

Cˀoa⁴coan⁴ tsa² coa⁴nquin¹-sao⁴³, cˀoa⁴ tsa² coi⁴yo³nˀion¹³ jo³-sˀin² nca³ ma³cjain¹-no³, cˀoa⁴ tsa² tsi² nca³ i⁴ nca³ jan¹ cˀoao¹³-ta³con²³ tˀa³tsˀe⁴ je² cjoa⁴nta³ xi³ ti³cho³ya²-lao⁴³, xi³ tsˀe⁴ je² en¹nta³ tˀa³tsˀe⁴ Cristo xi³ qui³no²ˀyao²³, jña³-le⁴ xi³ qui³no²cjoa⁴ya³jin³-le⁴ nca³tsˀi³ xi³ tjio¹ i⁴ son³ˀnte³-vi⁴. An³ Pablo qui³tjoe¹-na³ coi³ xa¹ tˀa³tsˀe⁴ en¹ je²-vi⁴.

Colosenses 1:27

Ni³na¹ coan³me³-le⁴ nca³ qui³si³cji³nčhˀoe¹ je² cho⁴ta⁴-le⁴ Cristo jo³-sˀin² nˀion¹ tse³ cjoa⁴je³ya³ tjin¹-le⁴ je² cjoa⁴ˀma³-ve⁴ ya⁴jin³-le⁴ cho⁴ta⁴ xi³ li² judío-jin². Je² cjoa⁴ˀma³-ve⁴ je² Cristo xi³ ti¹jna³jin³ ni⁴ma⁴-no³. Coi³ nca³ sˀe⁴-no³ je² cjoa⁴je³ya³ xi³ ti³cho³ya²-lao⁴³.

1 Tesalonicenses 1:3

A³li² cˀia³ ni²cha³jin³-jin⁴ nca³ ni²cja³ˀai³tsjen³-lai²⁴jin⁴ nqui³xcon⁴ Ni³na¹ Nˀai³-na¹, jo³ nˀiaon²³ nca³ ma³cjain¹-no³, jo³-sˀin² ni²xao¹³ nca³ tsjoa³chao³, jo³-sˀin² tjin¹-no³ cjoa⁴tse³jta³ nca³ cho³ya²-lao⁴³ Nai³-na¹ Jesucristo.

1 Tesalonicenses 4:13

Ntsˀe³², cˀoa⁴-ti⁴ li²coi³ me³-na³jin⁴ nca³ tsi² sˀe⁴jin³-no³ xi³ tˀa³tsˀe⁴ xi³ cjio³fe², jme¹-ni³ nca³ tsi² tsa² coan⁴va³-si¹ni³no³, jo³-ni³ tsa² xi³cˀa³ xi³ tsi² tsa² jme³ co³ya³-le⁴.

2 Tesalonicenses 2:16

Ti⁴je²-ni³ Nai³-na¹ Jesucristo cao⁴ Ni³na¹ Nˀai³-na¹, je² xi³ cjai¹nca³ coan³tsjoa³que³-na¹, qui³tsjoa³-na¹ cjoa⁴je³ta³con² xi³ cˀoe¹jna³jin³ntsjai²-na¹, cˀoa⁴ xi³ nta³ ti³cho³ya²-le⁴² xi³ to⁴tˀa³tsˀe⁴ cjoa⁴nta³-le⁴.

1 Timoteo 1:14

To⁴nca³ je² cjoa⁴nta³-le⁴ Nai³-na¹ cjai¹nca³ coan³ncjin²ya³-na³ jo³-sˀin² nca³ ma³cjain¹-na³ jo³-sˀin² nca³ tsjoa³que⁴ nca³ ti²jna⁴coa⁴ Cristo Jesús.

Tito 2:13

Ti³cho³ya²-le⁴² xi³ cjai¹nca³ to⁴nta³ cjoa⁴nta³, cˀia⁴ nca³ coan⁴tsen³ cjoa⁴je³ya³-le⁴ je² Ni³na¹ xi³ nˀion¹ ncˀa³, xi³ vˀa³sje³ntjai²-na¹, xi³ ti⁴je²-ni³ Jesucristo.

Hebreos 3:6

To⁴nca³ Cristo qui³si³tjo³son² jo³-ni³ ˀnti¹ xi³ tjin¹ne²-le⁴ nca³ si¹coi²nta⁴-le⁴ cho⁴ta⁴ni³ˀya³-le⁴ Ni³na¹. Ña¹ nia¹ xi³ coi³ cho⁴ta⁴-le⁴, tsa² sa³ˀnta³ nca³ cjoe⁴tˀa³ nta³ coi⁴ntoa⁴nˀioan¹ je² cjoa⁴nˀion¹ta³con²-na¹ cˀoa⁴ je² cjoa⁴tsjoa³-na¹ xi³ tˀa³tsˀe⁴ xi³ cho²ya³-le⁴².

Santiago 1:18

Je² xi³ cˀoa⁴-sˀin² coan³me³-le⁴, nca³ tsa³cˀe¹ntje²-na¹ xi³ to⁴tˀa³tsˀe⁴ en¹ xi³ cjoa⁴qui²xi⁴, jme¹-ni³ nca³ ña¹ sˀe⁴jna³ti¹tjon²-nia³² nca³yi³je³ xi³ je² tsa³cˀe¹nta³.

1 Pedro 1:13

Coi³ cjoa⁴-vi⁴ ti⁴ca³tio¹ntao³ cjoa⁴fa³ˀai³tsjen³-no³, to⁴jvi³ ti⁴yo³, ña³qui³ nta³ cho¹ya³-lao⁴³ je² cjoa⁴nta³ xi³ cjoa⁴ˀai¹-no³ cˀia⁴ nca³ coan⁴tsen³-no³ Jesucristo.

1 Pedro 1:21

Xi³ to⁴tˀa³tsˀe⁴ Cristo ma³cjain¹-no³ xi³ tˀa³tsˀe⁴ Ni³na¹, je² xi³ qui³si³cja³ˀa¹ya³jin-ni³le⁴ cˀen³, cˀoa⁴-ti⁴ je² xi³ qui³tsjoa³-le⁴ cjoa⁴je³ya³. Coi³ cjoa⁴-vi⁴ nca³ cˀoa⁴-sˀin² ma³cjain¹-no³, cˀoa⁴ cho¹ya³-lao⁴³ tˀa³tsˀe⁴ Ni³na¹.

1 Pedro 1:23

Qui³tsin³ nqui²jnco³cˀao²³, a³li² tsˀe⁴ ntje⁴ xi³ fi³tson³-jin², to⁴nca³ tsˀe⁴ xi³ tsa² fi³tson³, xi³ to⁴tˀa³tsˀe⁴ en¹-le⁴ Ni³na¹ xi³ ti¹jna³con³, cˀoa⁴ xi³ cˀoe¹jna³ntsjai².

1 Pedro 2:2

Jo³-ni³ ˀnti¹le³ xi³ sˀa⁴ ca²tsin³, ca²ta³ma³me³-no³ je² nta¹chi³qui³ xi³ tˀa³tsˀe⁴ ni⁴ma⁴-no³, xi³ ña³qui³ nta³, jme¹-ni³ nca³ cˀoa⁴-sˀin² coan⁴jcha¹-si¹nio³ nca³ coi²tjo⁴ntjao²³.

1 Pedro 3:15

To⁴nca³ ja⁴jin³ ni⁴ma⁴-no³ jcha⁴xcon¹³ Ni³na¹ xi³ Nai³-na¹. Cao⁴ cjoa⁴ntˀe¹ cao⁴ cjoa⁴xcon¹ta³con² ti⁴yo³ntao³ nca³ntsjai², nca³ coan⁴ coi⁴xon¹ya³-lao⁴³ nca³ jnco¹jnco¹ xi³ sco¹na³nqui³ya³-no³ xi³ tˀa³tsˀe⁴ cjoa⁴ xi³ ti³cho³ya²-lao⁴³.

1 Pedro 3:21

Je² na³nta¹-ve⁴ nco³ya³-le⁴ je² xi³ ntˀai⁴-vi⁴ vˀa³sje³ntjai²-na¹, xi³ coi³ cjoa⁴sa³te¹nta¹. Je² cjoa⁴sa³te¹nta¹ li²coi³ fa³ˀa¹xin²-na¹ cjoa⁴tsˀen⁴-le⁴ yao³-na¹. To⁴coi³ xi³ tso² nca³ nta³ cjoa⁴fa³ˀai³tsjen³ tjin¹-na¹ nqui³xcon⁴ Ni³na¹ to⁴tˀa³tsˀe⁴ nca³ ja³ˀa²ya³-ni³le⁴ Cristo.

1 Pedro 3:5

Ni⁴čhjin³ jchi¹nca³ je² ya¹nchjin¹ xi³ tsje³ tjio¹, xi³ qui³sco³ya²-le⁴ Ni³na¹, cˀoa⁴-sˀin² qui³si³chjen¹ ni⁴ma⁴nta³-le⁴, nca³ na³nqui³ tsa³ca³tio²-le⁴ xˀin⁴-le⁴.

1 Juan 2:29

Tsa² ˀya³-nio¹³ nca³ je² tjin¹-le⁴ cjoa⁴qui²xi⁴, cˀoa⁴-ti⁴ ca²ta³ˀyao³ nca³ nca³tsˀi³ cho⁴ta⁴ xi³ sˀin¹ xi³ cjoa⁴qui²xi⁴, je²-vi⁴ qui³tsin³ xi³ tˀa³tsˀe⁴ Ni³na¹.

1 Juan 3:3

Nca³tsˀi³ xi³ tjin¹-le⁴ cjoa⁴tsjoa³ nca³ sco¹ya³-le⁴ nca³ je², coan⁴tsje³ ni⁴ma⁴-le⁴ jo³-sˀin² tsje³ cjoan³ nca³ je².

1 Juan 3:9

Nca³tsˀi³ xi³ qui³tsin³ xi³ tˀa³tsˀe⁴ Ni³na¹, li²coi³ je¹ ma³jnqui³, nca⁴ je² ntje⁴-le⁴ Ni³na¹ ti¹jna³jin³ntsjai² ni⁴ma⁴-le⁴. A³li²coi³ ma³-le⁴ ma³jnqui³ je¹, nca⁴ qui³tsin³ xi³ tˀa³tsˀe⁴ Ni³na¹.

1 Juan 4:7

Jon² xi³ cjai¹nca³ tsjoa³que⁴-no³, cˀoa⁴-sˀin² tjao²cha³ ca²ta³ma³² xi²nquia⁴², nca⁴ je² xi³ cjoa⁴tjao²cha³ ˀmi² tsˀe⁴ Ni³na¹. To⁴ˀya³-ni³ve⁴ xi³ tjao²que³, je² xi³ qui³tsin³ tˀa³tsˀe⁴ Ni³na¹, cˀoa⁴ ña³qui³ nta³ ve³ Ni³na¹.

1 Juan 5:1

Nca³tsˀi³ xi³ ma³cjain¹-le⁴ nca³ Jesús je² Cristo, je²-vi⁴ qui³tsin³ tˀa³tsˀe⁴ Ni³na¹. To⁴ˀya³-ni³ve⁴ xi³ tjao²que³ xi³jcha¹-le⁴ cˀoa⁴-ti⁴ tjao²que³ nca³tsˀi³ xi³ qui³tsin³ tˀa³tsˀe⁴.

1 Juan 5:18

ˀya³-nia¹ nca³ nca³tsˀi³ xi³ qui³tsin³ tˀa³tsˀe⁴ Ni³na¹, a³li²coi³ je¹ ma³jnqui³. To⁴nca³ je² xi³ qui³tsin³ tˀa³tsˀe⁴ Ni³na¹, je² Jesucristo si¹coi²nta⁴ nca³ je², cˀoa⁴ je² nai⁴² li²coi³ tsoa⁴.

1 Juan 5:4

Je² nca³tsˀi³ xi³ qui³tsin³ tˀa³tsˀe⁴ Ni³na¹, si¹qui³njen³-le⁴ son³ˀnte³-vi⁴. Coi³ cjoa⁴ nca³ ni²qui³njen³-le⁴² son³ˀnte³-vi⁴, nca⁴ ma³cjain¹-na¹.