1 Pedro 1:2 - New Testament in Mazatec Huautla

² Qui³tjoe¹jion³ jo³-sˀin² nca³ to⁴nqui³-ni³ tsa³ve³-le⁴con³ Ni³na¹ Nˀai³-na¹. Je² Espíritu Santo qui³si³tsje³-no³, jme¹-ni³ nca³ si⁴tjo³son²-si¹ni³lao⁴³ Jesucristo, cˀoa⁴ jme¹-ni³ nca³ sˀe⁴tsao³jon³-si¹ni³no³ cao⁴ njin¹-le⁴ Jesucristo. Ca²ta³sˀe³sa³no³ cjoa⁴nta³, ca²ta³njen³nchˀan¹jin³-sa³ ni⁴ma⁴-no³.

1 Pedro 1:2 ပူးပေါင်းရင်းမြစ်များ

San Mateo 24:22

Cˀoa⁴ tsa² je² ni⁴čhjin³-ve⁴ tsi² tsa² cjoi⁴nčhoa¹jen³, ni⁴jnco³-jin² cho⁴ta⁴ xi³ coi⁴tjo³ntjai², to⁴nca³ xi³ tˀa³tsˀe⁴ je² xi³ qui³tjo³jin³ je² ni⁴čhjin³-ve⁴ cjoi⁴nčhoa¹jen³.

San Mateo 24:24

nca⁴ cˀoa⁴-sˀin² coi⁴so¹tjen⁴ cho⁴ta⁴nti³so³ xi³ Cristo coi⁴tso⁴-le⁴ yao³-le⁴, cˀoa⁴ cho⁴ta⁴nti³so³ xi³ coi⁴nchja⁴ya³, tse³ choa⁴ cao⁴ cjoa⁴xcon¹ xi³ tsjoa¹. Cˀoa⁴-sˀin² cˀoa⁴na⁴cha⁴-le⁴ nta³ tsa² je² xi³ Ni³na¹ tsa³cja³ˀa¹jin³, tsa² coan⁴-le⁴.

San Mateo 24:31

Cˀia⁴ nca³ si⁴²ca³sen¹ a²ncje⁴-le⁴ nˀion¹ squi¹ˀntia¹ čhjao³, cˀoa⁴ a²ncje⁴-le⁴ cˀoe⁴²xco¹ je² xi³ qui³tjo³jin³. Cˀoe⁴²xco¹-ni³ nca³ ño³ xi⁴nqui⁴-le⁴ son³ˀnte³, cˀoa⁴ sa³ˀnta³ jnco³ ncoa³ ncˀa³jmi³, sa³ˀnta³ xi³ nqui²jnco³ ncoa³.

San Marcos 13:20

Tsa² je² Nai³-na¹ li²coi³ qui³si³ˀnti¹ya³ coi³ ni⁴čhjin³-ve⁴, ni⁴jnco³-jin² cho⁴ta⁴ xi³ coi⁴tjo³ntjai², to⁴nca³ xi³ tˀa³tsˀe⁴ je² cho⁴ta⁴ xi³ Ni³na¹ tsa³cja³ˀa¹jin³, qui³si³ˀnti¹ya³ coi³ ni⁴čhjin³-ve⁴.

San Marcos 13:22

Cjai¹nca³to⁴ coi⁴so¹tjen⁴ cho⁴ta⁴nti³so³ xi³ Cristo coi⁴tso⁴-le⁴ yao³-le⁴, cˀoa⁴ xi³ je² xi³ nchja⁴ya³ tˀa³tsˀe⁴ Ni³na¹ coi⁴tso⁴-le⁴ yao³-le⁴. Tse³ choa⁴ cao⁴ cjoa⁴xcon¹ xi³ tsjoa¹. Cˀoa⁴-sˀin² xin² ntia⁴² fi²cao⁴, nta³ tsa² je² xi³ Ni³na¹ tsa³cja³ˀa¹jin³, tsa² coan⁴-le⁴.

San Marcos 13:27

Cˀia⁴ je² ˀnti¹-le⁴ cho⁴ta⁴ si⁴²ca³sen¹ a²ncje⁴-le⁴, cˀoa⁴ cˀoe⁴²xco¹ cho⁴ta⁴-le⁴ xi³ tsa³cja³ˀa¹jin³, cˀoe⁴²xco¹-ni³ nca³ ño³ xi⁴nqui⁴-le⁴ son³ˀnte³, cˀoa⁴ nca³qui³jnta² son³ˀnte³, cˀoa⁴ nca³qui³jnta² ncˀa³jmi³.

San Lucas 18:7

Cˀoa⁴ Ni³na¹ a³ tsi² cˀoe⁴²nta³jin³-le⁴ xi⁴ tsˀe⁴ cho⁴ta⁴ xi³ tsa³cja³ˀa¹jin³ xi³ nˀion¹ nchja⁴-le⁴ ni⁴čhjin³ cao⁴ ni⁴tjen⁴, a³ tsin²-le⁴ cjoa⁴tse³jta³ xi³ tˀa³tsˀe⁴.

Hechos de los Apóstoles 15:18

Cˀoa⁴tso² je² Nai³-na¹ xi³ tsa³ca³co¹son²tsen³-le⁴ nca³yi³je³ cjoa⁴-vi⁴ sa³ˀnta³ coa²tse³. Je² Ni³na¹ tsa³ve³ nca³yi³je³ xa¹-le⁴, jo³ sa³ˀnta³ qui³sˀe³ son³ˀnte³.

Hechos de los Apóstoles 2:23

Je² Jesús qui³ni²⁴ntsja³, jo³-sˀin² nca³ Ni³na¹ to⁴nqui³-ni³ qui³sco³son²-ni³le⁴, cˀoa⁴ to⁴nqui³-ni³ tsa³ve³. Jon² qui³nto³vao³ qui³ni²cˀen³-nio³ cao⁴ ntsja³ cho⁴ta⁴je¹. Tsa³cja³tˀao³ cro².

Hechos de los Apóstoles 20:32

Ntˀai⁴-vi⁴ntai⁴ nca³tsˀio³ ˀnti¹ntsˀe³, si³ca³tio²cao⁴-no³ Ni³na¹ cao⁴ je² en¹ xi³ tˀa³tsˀe⁴ cjoa⁴nta³-le⁴. Je² en¹ coan⁴-le⁴ tsjoa¹-no³ nca³nˀion¹, tsjoa¹-no³ cjoa⁴tjao² cao⁴ nca³tsˀi³ cho⁴ta⁴ xi³ je³coan³tsje³.

Romanos 1:5

Xi³ to⁴tˀa³tsˀe⁴ Cristo qui³scoe²³ cjoa⁴nta³ cao⁴ xa¹-le⁴ pa²stro⁴, jme¹-ni³ nca³ nca³tsˀi³ cho⁴ta⁴ xi³ li² judío-jin² coi⁴tjo³son²-si¹ni³le⁴ nca³ coan⁴cjain¹-le⁴ tˀa³tsˀe⁴ jan³ˀain¹-le⁴ Cristo.

Romanos 1:7

Ti²cji³-no³ nca³tsˀio³ xi³ ti³yo³ ya⁴ Roma, xi³ tsjoa³que³-no³ Ni³na¹, xi³ qui³no²cjoa⁴-no³ nca³ cho⁴ta⁴-le⁴ Cristo coaon⁴³. Ni³na¹ Nˀai³-na¹ cao⁴ Nai³-na¹ Jesucristo ca²ta³tsjoa¹-no³ cjoa⁴nta³, ca²ta³si¹qui³njen³nchˀan¹jin³ ni⁴ma⁴-no³.

Romanos 11:2

Ni³na¹ li²coi³ tsa³cˀa³sje³xin² na⁴xi⁴na³nta¹-le⁴ xi³ to⁴nqui³-ni³ tsa³ve³. A³ tsi² ˀyao³ jo³ tso² xon⁴ Escritura tˀa³tsˀe⁴ Elías, jo³-sˀin² nca³ tsa³cˀe¹tsˀoa³-le⁴ Ni³na¹ co²ntran⁴-le⁴ Israel,

Romanos 11:28

Cˀoa⁴-sˀin² xi³ tˀa³tsˀe⁴ je² en¹nta³ xi³ tˀa³tsˀe⁴ Cristo, co²ntran⁴ ma³-le⁴. Coi³ cjoa⁴ cˀoa⁴coan³ xi³ tˀa³tsaon⁴³. To⁴-nca³ jo³-sˀin² nca³ Ni³na¹ tsa³cja³ˀa¹jin³, Ni³na¹ cjai¹nca³ tjao²que³ nca³ je² xi³ tˀa³tsˀe⁴ nˀai³jcha¹cjin³-le⁴.

Romanos 15:16

Nca³ an³ coan³ cho⁴ˀnta³-le⁴ Jesucristo tˀa³tsˀe⁴ cho⁴ta⁴ xi³ li² judío-jin², nca³ si³xa¹coa⁴ en¹nta³-le⁴ Ni³na¹, jme¹-ni³ nca³ je² cjoa⁴tjao² xi³ tsjoa³tˀa³, xi³ coi³ cho⁴ta⁴ xi³ li² judío-jin², sa⁴sen¹con³-ni³le⁴ Ni³na¹, nca³ coan³tsje³ cao⁴ je² Espíritu Santo.

Romanos 16:19

Nca⁴ jo³-sˀin² nca³ ni²tjo³son²³ jon²-vi⁴, cjai¹nca³ nˀion¹ nta³ ˀya³-le⁴ nca³tsˀi³. Coi³ nca³ cˀoa⁴²-sˀin² ma³, tsjoa³-na³ xi³ tˀa³tsaon⁴³, to⁴nca³ me³-na³ nca³ chji⁴ne⁴ coaon⁴³ tˀa³tsˀe⁴ xi³ nta³ tjin¹, to⁴nca³ nca³ ña³qui³ tsje³ coaon⁴³ tˀa³tsˀe⁴ xi³ chˀao³ tjin¹.

Romanos 16:26

To⁴nca³ je³ti¹jna³son²tsen³ ntˀai⁴-vi⁴. To⁴tˀa³tsˀe⁴ xon⁴ Escrituras xi³ qui³squi³ je² cho⁴ta⁴ xi³ qui³nchja⁴ya³ tˀa³-tsˀe⁴ Ni³na¹, jo³ tso² cjoa⁴te¹xo³ma³-le⁴ Ni³na¹ xi³ ti¹jna³ntsjai², je³tsa³cˀin²ya³-le⁴ nca³tsˀi³ na⁴xi⁴na³nta¹ nca³ qui³jnta² son³ˀnte³, jme¹-ni³ nca³ si⁴²tjo³son²-si¹ni³le⁴ nca³ coan⁴cjain¹-le⁴.

Romanos 8:13

Tsa² coi⁴yo³ jo³-sˀin² me³-le⁴ yao³-na¹, coi⁴ya²-nio¹³ˀni³, to⁴nca³ tsa² cao⁴ je² Espíritu Santo si⁴cˀaon³ je² cjoa⁴ xi³ sˀin¹ yao³-na¹, coi⁴yo³chon³-nio¹³ˀni³.

Romanos 8:33

ˀya¹ xi³ coa⁴²nqui³ je² cho⁴ta⁴ xi³ Ni³na¹ tsa³cja³ˀa¹jin³. Ni³na¹ xi³ si¹cje³tˀa³ je¹.

1 Corintios 1:30

Tsˀe⁴ Ni³na¹ nio¹³ jon² nca³ ti³yo³cao⁴³ Cristo Jesús. Je² xi³ Ni³na¹ qui³tsjoa³ nca³ cjoa⁴chji⁴ne⁴-na¹ coan³. Je² xi³ qui³si³cje³tˀa³ je¹-na¹, cˀoa⁴ qui³si³tsje³-na¹, cˀoa⁴ tsa³cˀe¹chji¹ntjai²-na¹.

1 Corintios 6:11

Cˀoa⁴coan³ cjoaon³ cˀao³. To⁴nca³ je³tsa³ca³ne²yao³ yao³-no³, je³coan³tsje³yao³, je³je³tˀa³ je¹-no³, cao⁴ je² jan³ˀain¹-le⁴ je² Nai³-na¹ Jesucristo, cˀoa⁴ xi³ to⁴tˀa³tsˀe⁴ je² Espíritu Santo xi³ tsˀe⁴ Ni³na¹-na¹.

2 Corintios 10:5

Ni²qui³xo²yai³⁴-jin⁴ cjoa⁴fa³ˀai³tsjen³ xi³ ncˀa³ tjio¹ cˀoa⁴ nca³yi³je³ cjoa⁴ xi³ ncˀa³ tjin¹, xi³ vi³so¹tjen⁴ co²ntran⁴-le⁴ cjoa⁴chji⁴ne⁴-le⁴ Ni³na¹. Ntoa³nˀioin¹⁴-jin⁴ nca³yi³je³ cjoa⁴fa³ˀai³tsjen³, jme¹-ni³ nca³ si⁴²tjo³son²-si¹ni³le⁴ Cristo.

2 Corintios 13:14

Je² cjoa⁴nta³-le⁴ Nai³-na¹ Jesucristo, cˀoa⁴ je² cjoa⁴tjao²cha³-le⁴ Ni³na¹ cˀoa⁴-sˀin² ca²tˀe²yo³jin³-no³ nca³tsˀio³ cjoa⁴-vi⁴, cˀoa⁴ nca³ ña³tjen⁴ coi⁴yo³cao⁴³ Espíritu Santo. Cˀoa⁴ ca²ta³ma³.

Colosenses 3:12

Jon² nio¹³ xi³ Ni³na¹ tsa³cja³ˀa¹jin³-no³, xi³ tsjao³, xi³ Ni³na¹ tsjoa³que³-no³. Cˀoa⁴-sˀin² ti⁴cˀa³ntjai²yao³ yao³-no³, ca²ta³sˀe³-no³ cjoa⁴ma⁴ta³con², cao⁴ cjoa⁴nta³, cao⁴ cjoa⁴yo⁴ma⁴ cjia³ta³con², cao⁴ cjoa⁴ntˀe¹, cao⁴ cjoa⁴tse³ta³con².

2 Tesalonicenses 2:13

To⁴nca³ jin⁴-jin⁴ ma³chjen¹-na³jin⁴ nca³ cˀoai⁴-lai⁴jin⁴ cjoa⁴nta³ Ni³na¹ nca³ntsjai² xi³ tˀa³tsaon⁴³, ntsˀe³² xi³ tjao²que³-no³ Nai³-na¹. Tsa³cja³ˀa¹jin³-no³ Ni³na¹ sa³ˀnta³ nca³ to²tsˀin³-le⁴ cjoa⁴ nca³ coi²tjo⁴ntjao²³ to⁴tˀa³tsˀe⁴ je² Espíritu Santo xi³ qui³si³tsje³ya³-no³ cˀoa⁴ to⁴tˀa³tsˀe⁴ nca³ ma³cjain¹-no³ xi³ cjoa⁴qui²xi⁴.

2 Timoteo 2:10

Coi³ cjoa⁴ nca³yi³je³ jcho¹cjoa⁴-na³ xi³ tˀa³tsˀe⁴ je² cho⁴ta⁴ xi³ qui³tjo³jin³, jme¹-ni³ nca³ cˀoa⁴-ti⁴ je² coi⁴tjo³ntjai²-si¹ni³ xi³ to⁴tˀa³tsˀe⁴ Cristo Jesús cao⁴ cjoa⁴je³ya³ xi³ nca³ntsjai².

Tito 1:1

An³ nia¹³ Pablo, xi³ cho⁴ˀnta³-le⁴ Ni³na¹, xi³ pa²stro⁴-le⁴ Jesucristo, jme¹-ni³ nca³ coan⁴cjain¹-si¹ni³le⁴ je² xi³ Ni³na¹ tsa³cja³ˀa¹jin³, cˀoa⁴ jme¹-ni³ nca³ scoe⁴-si¹ni³ je² cjoa⁴qui²xi⁴ xi³ va³quin²-le⁴ nca³ ve³xcon¹ Ni³na¹.

Hebreos 10:22

To⁴coi³ coi⁴ncha³čhian³-nia¹ nca³ tji¹qui²xi⁴ ni⁴ma⁴-na¹, nca³ nˀion¹ tji¹jnco³-ta³coan³², nca³ ña³qui³ nta³ ma³cjain¹-na¹, nca³ je² ni⁴ma⁴-na¹ je³coan³tsje³ tˀa³tsˀe⁴ cjoa⁴fa³ˀai³tsjen³ xi³ tsˀen⁴ nca³ tsa³cˀe¹jten⁴jon³ jo³-ni³ na³nta¹, cˀoa⁴ nca³ qui³sa³ne²jon³ yao³-na¹ cao⁴ na³nta¹ xi³ tsje³.

Hebreos 11:28

Coi³ nca³ coan³cjain¹-le⁴, tsˀa³sje³ sˀoi¹ pa²xco⁴ njin¹ xi¹jten⁴jon³, jme¹-ni³ nca³ je² a²ncje⁴ xi³ qui³si³cˀen³ ˀnti¹tjon² li²coi³ si⁴²cao⁴-si¹ni³ je² xti³-le⁴ Israel.

Hebreos 12:24

cˀoa⁴ ji³cho³tˀa³-lao⁴³ Jesús, je² xi³ vˀe¹nta³jin³-le⁴ cjoa⁴cho⁴tse⁴ xi³ qui³sˀe³nˀion¹, cˀoa⁴ je² njin¹ xi³ qui³chjo³jnti²va³jon³, xi³ nqui²sa⁴ nta³ nchja⁴ cao⁴-ni³ tsa² tsˀe⁴ Abel.

Hebreos 5:9

Cˀia⁴ nca³ ña³qui³ cjoa⁴qui²xi⁴ je³ji³tjo³son²-le⁴, cˀia⁴ coan³ nai³-le⁴ cjoa⁴vi³tjo³ntjai² nca³ntsjai² xi³ tˀa³tsˀe⁴ nca³tsˀi³ xi³ si¹tjo³son²-le⁴.

1 Pedro 1:14

Jo³-ni³ ˀnti¹xti³ntˀe¹ li² ni²tjo³son²-jin²lao⁴³ cjoa⁴chi⁴nca⁴-no³ jo³-ni³ nca³sˀa⁴, cˀia⁴ nca³ tjio¹njion²-sa³ cjoa⁴fa³-ˀai³tsjen³-no³.

1 Pedro 1:19

to⁴nca³ coan³chji¹ntjao²³ cao⁴ je² njin¹-le⁴ Cristo xi³ nˀion¹ chji¹-le⁴, xi³ jo³-ni³ tsa² tsˀe⁴ ˀnti¹va³rre² xi³ tsi² jña³ chˀao³ cji³-le⁴ xi³ ña³qui³ tsje³.

1 Pedro 1:20

Cristo cˀoa⁴-sˀin² to⁴nqui³-ni³ qui³sa³sen³nta³ jo³ sa³ˀnta³ nca³sˀa⁴, nca³ cje³ sˀe³nta³-jin² son³ˀnte³, to⁴nca³ je³coan³tsen³ je² ni⁴čhjin³fe³tˀa³-vi⁴ xi³ tˀa³tsaon⁴³.

1 Pedro 1:22

Qui³ni²tsjao³ ni⁴ma⁴-no³ nca³ qui³ni²tjo³son²-lao⁴³ xi³ cjoa⁴qui²xi⁴ xi³ to⁴tˀa³tsˀe⁴ je² Espíritu Santo, nca³ ña³qui³ cjoa⁴qui²xi⁴ ma³tsjoa³chao³ ntsˀao³. Nˀion¹ nta³ ca²ta³ma³tsjoa³chao³ xi²nquio⁴³ cao⁴ ni⁴ma⁴-no³ xi³ tsje³ tjin¹.

1 Pedro 2:9

Jon² nio¹³ na⁴xi⁴na³nta¹ xi³ qui³tjo³jion³. Jon² nio¹³ na⁴ˀmi³ xi³ ncˀa³ xa¹-le⁴. Jon² nio¹³ na⁴xi⁴na³nta¹ xi³ tsje³, na⁴xi⁴na³nta¹ tˀa³tsˀe⁴ Ni³na¹, jme¹-ni³ nca³ coi⁴no²cjoa⁴ya³-nio³ cjoa⁴nta³ xi³ tsˀe⁴ Ni³na¹ xi³ qui³nchja⁴-no³ jña³ nca³ i³sen³xcon¹, ji²tjo⁴³ jña³ nca³ njion².

2 Pedro 1:2

Ca²ta³sˀe³-sa³no³ cjoa⁴nta³, ca²ta³njen³nchˀan¹jin³-sa³ ni⁴ma⁴-no³, nca³ ña³qui³ nta³ ˀyao³ Ni³na¹ cao⁴ Jesús Nai³-na¹.

2 Juan 1:1

An³ nia¹³ cho⁴ta⁴jchi¹nca³ ti²cji³-no³ ji³ chjon⁴² xi³ qui³tjo³jin³, cˀoa⁴ cao⁴ xti³-li⁴. Xi³ cjoa⁴qui²xi⁴ ma³tsjoa³que⁴-no³ an³, cˀoa⁴ a³li² to⁴ˀan³-jian²³, to⁴nca³ cˀoa⁴-ti⁴ nca³tsˀi³ xi³ tsa³ve³ xi³ cjoa⁴qui²xi⁴, ma³tsjoa³que³-no³.

2 Juan 1:13

Je² xti³-le⁴ ti³chjai³ xi³ qui³tjo³jin³ si¹ti²ˀnta³-li². Cˀoa⁴ ca²ta³ma³.

Judas 1:2

Cjoa⁴ma⁴ta³con² cao⁴ cjoa⁴tjao²cha³ ca²ta³ma³ncjin²ya³jin³-no³, ca²ta³njen³nchˀan¹jin³-sa³ ni⁴ma⁴-no³.