1 Juan 5:6 - New Testament in Mazatec Huautla

⁶ Je² Jesucristo ja³ˀai³-ni³ cao⁴ na³nta¹ cao⁴ njin¹. A³li² tsa² to⁴cao⁴ na³nta¹-jin² ja³ˀai³-ni³, to⁴nca³ cao⁴ na³nta¹ cao⁴ njin¹. Cˀoa⁴ je² Espíritu Santo xi³ si¹qui²xi⁴ya³ en¹, nca⁴ je² Espíritu Santo je² xi³ cjoa⁴qui²xi⁴.

1 Juan 5:6 ပူးပေါင်းရင်းမြစ်များ

San Mateo 26:28

Je²-vi⁴ njin¹-na⁴ ni¹ xi³ tsˀe⁴ cjoa⁴cho⁴tse⁴ xi³ qui³sˀe³nˀion¹, xi³ xi²jten⁴ xi³ tˀa³tsˀe⁴ xi³ ncjin² cho⁴ta⁴, jme¹-ni³ nca³ cha⁴tˀa³-ni³le⁴ je¹-le⁴.

San Mateo 3:16

Cˀoa⁴ Jesús, coan³scan³-ni³ nca³ je³qui³sa³te²nta¹, ji³nčhoa³mi³ jin³nti⁴ton⁴-ni³ na³nta¹. Coe⁴-ni³ je² ncˀa³jmi³ qui³tjo³ˀai²-le⁴, cˀoa⁴ tsa³ve³ je³ Espíritu-le⁴ Ni³na¹ xi³ ji³nčhoa³jen³-ni³ jo³-ni³ ni⁴se³ paloma, ja³ˀai³jen³ne²-le⁴ Jesús.

San Marcos 14:24

Jesús qui³tso²-le⁴: Je²-vi⁴ njin¹-na⁴ ni¹ xi³ tsˀe⁴ cjoa⁴cho⁴tse⁴ xi³ qui³sˀe³nˀion¹, xi³ xi¹jten⁴ xi³ tˀa³tsˀe⁴ ncjin² cho⁴ta⁴.

San Lucas 22:20

Cˀia⁴ nca³ je³tsa³cjen², cˀoa⁴-ti⁴sˀin² qui³sˀin³ cao⁴ je² cho⁴tsin¹, qui³tso²: Je² cho⁴tsin¹-vi⁴ je² ni¹ xi³ cjoa⁴cho⁴tse⁴ xi³ vˀe³nta³coa⁴ cao⁴ njin¹-na⁴ xi³ xi¹jten⁴ tˀa³tsaon⁴³.

San Juan 14:17

Je² xi³ Nˀai³-na¹ tsjoa¹-no³, je² Espíritu Santo xi³ ña³qui³ cjoa⁴qui²xi⁴, xi³ cho⁴ta⁴son³ˀnte³-vi⁴ li²coi³ ma³-le⁴ cjoe¹tjao² nca³ tsi² tsa² coi³ ve³, ni⁴ve³xcon³-jin². To⁴nca³ jon² ˀya³xcon³-nio¹³, nca⁴ ti¹jna³cao⁴-no³, cˀoa⁴ cjoa⁴ˀa³sˀen³jin³ ni⁴ma⁴-no³.

San Juan 14:6

Jesús qui³tso²-le⁴: An³ nia¹³ xi³ ntia⁴², an³ nia¹³ xi³ cjoa⁴qui²xi⁴, an³ nia¹³ xi³ cjoa⁴vi³jna³chon³. Ni⁴to⁴ˀya³-jin² xi³ fa³ˀai³con²-le⁴ Nˀai³-na¹, tsa² tsian² nca³ an³.

San Juan 15:26

To⁴nca³ cˀia⁴ nca³ cjoa⁴ˀai¹ je² xi³ va³sen¹cao⁴, xi³ an³ si³ca³sen¹³-no³ tˀa³tsˀe⁴ Nˀai³-na¹, je² Espíritu Santo xi³ ña³qui³ cjoa⁴qui²xi⁴, xi³ ya⁴ fa³ˀai³-ni³ Nˀai³-na¹, je² xi³ tsjoa¹ en¹-le⁴ xi³ tˀa³tsˀan⁴.

San Juan 16:13

Cˀia⁴ nca³ cjoa⁴ˀai¹ je² Espíritu Santo xi³ ña³qui³ cjoa⁴qui²xi⁴, je² xi³ si⁴²qui³ncha¹ya³ntia³-no³ nca³yi³je³ xi³ ña³qui³ cjoa⁴qui²xi⁴, nca⁴ tsi² tsa² to⁴je² xi³ cˀoa⁴-sˀin² coi⁴nchja⁴, to⁴cˀoa⁴-sˀin² coi⁴nchja⁴ jña³-le⁴ xi³ cjoi⁴nčhˀoe¹, cˀoa⁴-sˀin² si⁴²cji³nčhˀoe¹-no³ jme³-sa³ni³ cjoa⁴ xi³ cjoa⁴ˀai¹.

San Juan 3:5

Jesús qui³nchja⁴: Ña³qui³ cjoa⁴qui²xi⁴ ña³qui³ cjoa⁴qui²xi⁴ xi³ xin³-le²³, je² xi³ tsi² qui³tsin³ tˀa³tsˀe⁴ na³nta¹ cˀoa⁴ tˀa³tsˀe⁴ Espíritu Santo, li²coi³ coan⁴ cjoa⁴ˀa³sˀen³ cjoa⁴te¹xo³ma³-le⁴ Ni³na¹.

San Juan 4:10

Jesús cˀoi⁴qui³tso²-le⁴: Tsa² ˀyai³ cjoa⁴tjao²-le⁴ Ni³na¹ cˀoa⁴ tsa² ˀya³xcoin³ je² xi³ cˀoa⁴tso²-li²: Tˀai²-nai¹³ xi³ scˀoia⁴, ji³ xi³ si⁴je¹-lai⁴ nca³ je², cˀoa⁴ je² tsjoa¹-li² na³nta¹ xi³ ti¹jna³con³.

San Juan 4:14

To⁴nca³ je² xi³ scˀoi¹ je² na³nta¹ xi³ an³ tsjoa³-le⁴, ni⁴cˀia³-jin² ti⁴coan⁴fa³ti²-ni³le⁴. Je² na³nta¹ xi³ an³ tsjoa³-le⁴, to⁴ya⁴² sˀe³jna³jin³-le⁴ jo³-ni³ na³nta¹ xi³ cji²⁴ncˀa³jin³-le⁴, xi³ tsjoa¹ cjoa⁴vi³jna³chon³ nca³ntsjai².

San Juan 6:55

Je² yao³-na⁴ xi³ ña³qui³ ma³chi³ne³, cˀoa⁴ je² njin¹-na⁴ xi³ ña³qui³ ma³ˀyo².

Hechos de los Apóstoles 8:36

Cˀia⁴ nca³ tjio¹fi² ya⁴³ ntia⁴², ji³cho² jña³ tjin¹ na³nta¹. Cˀoa⁴qui³tso² je² cho⁴ta⁴ˀnti⁴-vi⁴: Tjin¹ na³nta¹ i⁴-vi⁴. A¹-ni³ nca³ tsi² coan⁴-ni³ nca³ sa³te¹nta¹ an³-vi⁴.

Romanos 3:25

Ni³na¹ qui³si³cˀe¹jna³son²tsen³ Cristo nca³ coan³-le⁴ je¹ntjai²-na¹ cao⁴ njin¹-le⁴. Ña¹ chjoe¹ coi³ cjoa⁴nta³-vi⁴ nca³ ma³cjain¹-na¹. Cˀoa⁴-sˀin² sˀe³son²tsen³ cjoa⁴qui²xi⁴-le⁴ Ni³na¹, nta³ tsa² cao⁴ cjoa⁴tse³jta³-le⁴ qui³si³cˀa³to³-ni³ je¹ xi³ je³ja³ˀa³to³.

Efesios 1:7

Je² Cristo tsa³cˀe¹chji¹ntjai²-na¹ cao⁴ njin¹-le⁴. Qui³si³cha³tˀa³ je¹-na¹ nca³ cˀoa⁴-sˀin² to⁴nˀion¹ tse³ cjoa⁴nta³ xi³ tjin¹-le⁴.

Colosenses 1:4

Je³cˀoa⁴-sˀin² qui³no²ˀyai²⁴-jin⁴ jo³-sˀin² nca³ ma³cjain¹-no³ tˀa³tsˀe⁴ Cristo Jesús, jo³-sˀin² nca³ tjao²chao³ nca³tsˀi³ cho⁴ta⁴-le⁴ Cristo.

1 Timoteo 3:16

Ña³qui³ ˀya³² nca³tsˀia³² nca³ cjai¹nca³ to⁴je³ya³ je² cjoa⁴ˀma³-ve⁴ jo³-sˀin² ˀya³xcoan¹ Ni³na¹. Ni³na¹ tsa³ˀya³-le⁴ nca³ cho⁴ta⁴yao³ cjoan³ jo³-ni³ ña¹. Xi³ to⁴tˀa³tsˀe⁴ Espíritu Santo tsa³ˀya³-le⁴ nca³ tjin¹-le⁴ cjoa⁴qui²xi⁴. Tsa³ve³ je² a²ncje⁴-ve⁴. Qui³no²cjoa⁴ya³jin³-le⁴ nca³tsˀi³ na⁴xi⁴na³nta¹. Xi³ i⁴ son³ˀnte³-vi⁴ tjio¹ coan³cjain¹-le⁴ tˀa³tsˀe⁴. Qui³tjoe¹ ncˀa³jmi³ cao⁴ cjoa⁴je³ya³.

Tito 3:5

tsˀa³sje³ntjai²-na¹, a³li² coi³-jin² to⁴tˀa³tsˀe⁴-jin² xa¹ xi³ nta³ qui³nˀian². To⁴coi³ nca³ coan³ma⁴que³-na¹ tsˀa³sje³ntjai²-na¹, nca³ qui³si³tsje³ya³-na¹ jo³ xi³ nqui²jnco³cˀa² qui³tsian⁴², nca³ je² Espíritu Santo qui³si³cho⁴tse⁴ya³-na¹.

Hebreos 10:29

Jo¹-sˀin² ni²cja³ˀai³tsjaon³ nca³ jon², a³ tsi² tsa² nqui²-sa⁴ tse³ cjoa⁴ñˀain³ va³quin²-le⁴ je² xi³ va³sen²ne² je² ˀnti¹-le⁴ Ni³na¹, cˀoa⁴ xi³ si¹cja³ˀai³tsjen³ nca³ jnti¹ cjoan³ je² njin¹ xi³ tsˀe⁴ cjoa⁴ xi³ qui³sˀe³nˀion¹, coi³ njin¹ xi³ qui³si³tsje³ nca³ je², cˀoa⁴ xi³ chˀao³ tso²-le⁴ je² Espíritu Santo xi³ tjin¹-le⁴ cjoa⁴nta³.

Hebreos 12:24

cˀoa⁴ ji³cho³tˀa³-lao⁴³ Jesús, je² xi³ vˀe¹nta³jin³-le⁴ cjoa⁴cho⁴tse⁴ xi³ qui³sˀe³nˀion¹, cˀoa⁴ je² njin¹ xi³ qui³chjo³jnti²va³jon³, xi³ nqui²sa⁴ nta³ nchja⁴ cao⁴-ni³ tsa² tsˀe⁴ Abel.

Hebreos 13:20

Je² Ni³na¹ xi³ tsjoa¹ cjoa⁴ xi³ nchˀan¹ tjin¹, xi³ tsa³cˀa³sje³jin³-ni³le⁴ cˀen³ Nai³-na¹ Jesucristo, xi³ to⁴tˀa³tsˀe⁴ njin¹ xi³ tsˀe⁴ cjoa⁴ xi³ qui³sˀe³nˀion¹ nca³ntsjai². Cjai¹nca³ nta³ co³ˀnta³ va³rre² Jesucristo xi³ nˀion¹ je³ya³.

Hebreos 9:14

je² njin¹-le⁴ Cristo a³li² to⁴cˀoa⁴cji³ nqui²sa⁴ nta³ si¹tsje³-ni³ cjoa⁴fa³ˀai³tsjen³-no³ xa¹ xi³ chˀao³ tjin¹, jme¹-ni³ nca³ si⁴xa¹-si¹ni³lao⁴³ je² Ni³na¹ xi³ ti¹jna³con³. Cristo ti⁴je² qui³tsjoa³tˀa³-ni³le⁴ Ni³na¹ yao³-le⁴ nca³ ña³qui³ tsje³, xi³ to⁴tˀa³tsˀe⁴ espíritu xi³ ti⁴tsˀe⁴-ni³ xi³ nca³ntsjai².

Hebreos 9:7

To⁴nca³ ya⁴ ntˀia³na³jño³ xi³ ma³jao²-ni³, je² na⁴ˀmi³ti¹tjon² to⁴je² to⁴jnco³ fa³ˀa³sˀen³ jnco³ cˀa² nca³ jnco³ no¹. Li²coi³ fa³ˀa³sˀen³ tsa² tsi² cao⁴ njin¹, xi³ cˀoa⁴-sˀin² tsjoa¹tˀa³ xi³ ti⁴tˀa³tsˀe⁴-ni³, cˀoa⁴ xi³ tˀa³tsˀe⁴ je¹-le⁴ cjoa⁴njion²ta³con²-le⁴ cho⁴ta⁴na⁴xi⁴na³nta¹.

1 Pedro 1:2

Qui³tjoe¹jion³ jo³-sˀin² nca³ to⁴nqui³-ni³ tsa³ve³-le⁴con³ Ni³na¹ Nˀai³-na¹. Je² Espíritu Santo qui³si³tsje³-no³, jme¹-ni³ nca³ si⁴tjo³son²-si¹ni³lao⁴³ Jesucristo, cˀoa⁴ jme¹-ni³ nca³ sˀe⁴tsao³jon³-si¹ni³no³ cao⁴ njin¹-le⁴ Jesucristo. Ca²ta³sˀe³sa³no³ cjoa⁴nta³, ca²ta³njen³nchˀan¹jin³-sa³ ni⁴ma⁴-no³.

1 Pedro 3:21

Je² na³nta¹-ve⁴ nco³ya³-le⁴ je² xi³ ntˀai⁴-vi⁴ vˀa³sje³ntjai²-na¹, xi³ coi³ cjoa⁴sa³te¹nta¹. Je² cjoa⁴sa³te¹nta¹ li²coi³ fa³ˀa¹xin²-na¹ cjoa⁴tsˀen⁴-le⁴ yao³-na¹. To⁴coi³ xi³ tso² nca³ nta³ cjoa⁴fa³ˀai³tsjen³ tjin¹-na¹ nqui³xcon⁴ Ni³na¹ to⁴tˀa³tsˀe⁴ nca³ ja³ˀa²ya³-ni³le⁴ Cristo.

1 Juan 1:7

Cˀia⁴ tsa² jña³ nca³ i³sen³ ma³nquian¹, jo³-sˀin² jña³ nca³ i³sen³ ti¹jna³ nca³ je², cˀoa⁴-sˀin² ti³yo³cjoa³² xi²nquia⁴², cˀoa⁴ njin¹-le⁴ Jesucristo ˀnti¹-le⁴ Ni³na¹ si¹tsje³ya³-na¹ nca³yi³je³ je¹-na¹.

1 Juan 4:10

Cˀoi⁴-sˀin² tjin¹ xi³ cjoa⁴tjao²cha³: A³li² coi³-jin² nca³ ña¹ xi³ coan³tsjoa³cha³² Ni³na¹, to⁴nca³ je² Ni³na¹ xi³ coan³tsjoa³que³-na¹ nca³ ña¹. Qui³si³ca³sen¹ ˀnti¹-le⁴ xi³ je¹ntjai²-na¹ coan³-le⁴.

Apocalipsis 1:5

cˀoa⁴ Jesucristo je² testigonta³, je² xi³ ti¹tjon² ja³ˀa²ya³jin³-ni³le⁴ cˀen³, je² xi³ nca³jco⁴-le⁴ cho⁴ta⁴ti¹tjon² xi³ i⁴ tjio¹ son³ˀnte³-vi⁴. Je² xi³ coan³tsjoa³que³-na¹. Je² xi³ tsa³ca³ne¹ya³-ni³ cao⁴ njin¹-le⁴ je² je¹-na¹.

Apocalipsis 5:9

Cˀoa⁴ qui³se³ jnco³ jnta³ cho⁴tse⁴, tso²: Va³quin²-li² nca³ chjoai¹³ je² xon⁴, cˀoa⁴ nca³ chˀa⁴sje³tˀai³ sello-le⁴. Nca⁴ ji³ qui³ni²cˀen³-li², nca³ cao⁴ njin¹-li⁴ ji³ tsa³cˀe²chji¹ntjai²n-a³jin⁴ xi³ tˀa³tsˀe⁴ Ni³na¹, nca³ ja²ˀai⁴-ni³jin⁴ nca³yi³je³ ntje⁴, nca³yi³je³ en¹, nca³yi³je³ na⁴xi⁴na³nta¹, nca³yi³je³ ˀnte³.

Apocalipsis 7:14

Cˀoa⁴ an³ qui³xin³-le⁴: Señor, ji³ ˀyai³. Cˀoa⁴ je² qui³tso²-na³: Je²-vi⁴ xi³ nˀion¹ tse³ cjoa⁴ñˀain³ tsa³cja³ˀa¹, cˀoa⁴ je³tsa³ca³ne¹jon³ na³jño³-le⁴, cˀoa⁴ je² qui³si³čhoa³ cao⁴ je² njin¹-le⁴ je² Va³rre².