1 Juan 5:18 - New Testament in Mazatec Huautla

¹⁸ ˀya³-nia¹ nca³ nca³tsˀi³ xi³ qui³tsin³ tˀa³tsˀe⁴ Ni³na¹, a³li²coi³ je¹ ma³jnqui³. To⁴nca³ je² xi³ qui³tsin³ tˀa³tsˀe⁴ Ni³na¹, je² Jesucristo si¹coi²nta⁴ nca³ je², cˀoa⁴ je² nai⁴² li²coi³ tsoa⁴.

1 Juan 5:18 ပူးပေါင်းရင်းမြစ်များ

San Mateo 5:37

To⁴nca³ ca²ta³jaon³-li² tsa² jaon³-li², cˀoa⁴ tsa² mai³ mai³-li². Je² xi³ fa³ˀa³to³-sa³ je²-vi⁴, ya⁴² nčhoa¹-ni³ xi³ chˀao³ tjin¹.

San Mateo 6:13

Cˀoa⁴ a³li² cha⁴ni²tˀa³-jin²na³jin⁴ xi³ chˀao³ si¹cao⁴-na³jin⁴, to⁴nca³ chˀa⁴sje³ntjai²-na³jin⁴ xi³ cjoa⁴tsˀen⁴. Nca⁴ tsi⁴ ni¹ cjoa⁴te¹xo³ma³, cao⁴ nca³nˀion¹, cao⁴ cjoa⁴je³ya³ nca³ntsjai² ni⁴čhjin³. Cˀoa⁴ ca²ta³ma³.

San Juan 1:13

xi³ tsi² tsa² njin¹ qui³tsin³-ni³, ni⁴ tˀa³tsˀe⁴-jin² cjoa⁴tsjoa³-le⁴ yao³-na¹, ni⁴ tˀa³tsˀe⁴-jin² cjoa⁴tsjoa³-le⁴ xˀin⁴, to⁴nca³ tˀa³tsˀe⁴ Ni³na¹ qui³tsin³-ni³.

San Juan 14:30

A³li²coi³ ti⁴tse³ coi³nchja²cao⁴-ni³no³, nca³ nčhoa¹ je² nai⁴² xi³ va³te¹xo³ma³ son³ˀnte³-vi⁴. To⁴nca³ ni⁴jme³-jin² xi³ tjin¹-le⁴ xi³ tˀa³tsˀan⁴.

San Juan 15:4

Ti⁴yo³cao⁴-nao¹³, cˀoa⁴ an³ coa²te⁴jna³cao⁴-no³. Jo³-ni³ tsa² jnco³ ya¹ntsa⁴ xi³ tsi² tsa² va³-le⁴ to³ nca³ to⁴je², tsa² tsi² ti¹jna³tˀa³nˀion¹ ya¹je³, cˀoa⁴-ti⁴sˀin² li²jme³ xi³ coan⁴ sˀiaon⁴³ nca³ jon², tsa² tsi² cˀoa⁴-sˀin² coi⁴yo³cao⁴-nao¹³.

San Juan 15:7

Tsa² an³ ti³yo³cao⁴-nao¹³, cˀoa⁴ tsa² en¹-na⁴ tjin¹jin³-no³, nca³yi³je³ xi³ me³-no³, ti⁴jao¹³, cˀoa⁴-sˀin² coi⁴tjo³son²-no³.

San Juan 15:9

Jo³-sˀin² nca³ tsjoa³que³-na³ Nˀai³-na¹, cˀoa⁴-sˀin² tsjoa³que⁴-no³. Ti⁴yo³cao⁴³ cjoa⁴tsjoa³cha³-na⁴.

Hechos de los Apóstoles 11:23

Cˀia⁴ nca³ Bernabé ji³cho², tsa³ve³ cjoa⁴nta³-le⁴ Ni³na¹, coan³tsjoa³-le⁴. Tsa³cˀe¹ne² nca³tsˀi³ nca³ cao⁴ nca³yi³je³ ni⁴ma⁴-le⁴ ca²ta³va³tio²tˀa³-le⁴ Nai³-na¹.

Santiago 1:18

Je² xi³ cˀoa⁴-sˀin² coan³me³-le⁴, nca³ tsa³cˀe¹ntje²-na¹ xi³ to⁴tˀa³tsˀe⁴ en¹ xi³ cjoa⁴qui²xi⁴, jme¹-ni³ nca³ ña¹ sˀe⁴jna³ti¹tjon²-nia³² nca³yi³je³ xi³ je² tsa³cˀe¹nta³.

Santiago 1:27

Cˀoa⁴-sˀin² ña³qui³ ˀya³xcoan¹ Ni³na¹ nca³ ma³nquin¹chon³-le⁴² xi³ jchˀan⁴ xi³ cˀen³ xˀin⁴-le⁴, nca³ cjoa⁴ñˀain³ tjio¹fa³ˀai³, cˀoa⁴-ti⁴ nca³ chˀa⁴sje³xin²-le⁴² yao³-na¹ cjoa⁴ xi³ tjin¹ son³ˀnte³-vi⁴. Je²-vi⁴ xi³ cjoa⁴-le⁴ Ni³na¹ xi³ tsje³ tjin¹ xi³ tsi² jma² tjin¹ nqui³xcon⁴ Nˀai³-na¹.

1 Pedro 1:23

Qui³tsin³ nqui²jnco³cˀao²³, a³li² tsˀe⁴ ntje⁴ xi³ fi³tson³-jin², to⁴nca³ tsˀe⁴ xi³ tsa² fi³tson³, xi³ to⁴tˀa³tsˀe⁴ en¹-le⁴ Ni³na¹ xi³ ti¹jna³con³, cˀoa⁴ xi³ cˀoe¹jna³ntsjai².

1 Juan 2:29

Tsa² ˀya³-nio¹³ nca³ je² tjin¹-le⁴ cjoa⁴qui²xi⁴, cˀoa⁴-ti⁴ ca²ta³ˀyao³ nca³ nca³tsˀi³ cho⁴ta⁴ xi³ sˀin¹ xi³ cjoa⁴qui²xi⁴, je²-vi⁴ qui³tsin³ xi³ tˀa³tsˀe⁴ Ni³na¹.

1 Juan 3:12

A³li²coi³ cˀoa⁴nˀiaon²³ jo³-ni³ Caín xi³ tsˀe⁴ nai⁴², xi³ qui³si³cˀen³ ntsˀe⁴. A¹-ni³ nca³ qui³si³cˀen³-si¹ni³. A³ tsi² coi³ nca³ tsi² nta³ xa¹-le⁴, cˀoa⁴ je² xa¹-le⁴ ntsˀe⁴ tjin¹-le⁴ cjoa⁴qui²xi⁴.

1 Juan 3:3

Nca³tsˀi³ xi³ tjin¹-le⁴ cjoa⁴tsjoa³ nca³ sco¹ya³-le⁴ nca³ je², coan⁴tsje³ ni⁴ma⁴-le⁴ jo³-sˀin² tsje³ cjoan³ nca³ je².

1 Juan 3:9

Nca³tsˀi³ xi³ qui³tsin³ xi³ tˀa³tsˀe⁴ Ni³na¹, li²coi³ je¹ ma³jnqui³, nca⁴ je² ntje⁴-le⁴ Ni³na¹ ti¹jna³jin³ntsjai² ni⁴ma⁴-le⁴. A³li²coi³ ma³-le⁴ ma³jnqui³ je¹, nca⁴ qui³tsin³ xi³ tˀa³tsˀe⁴ Ni³na¹.

1 Juan 4:6

To⁴nca³ ña¹ tsˀe⁴ Ni³na¹ nia¹. Je² xi³ ña³qui³ nta³ ve³ Ni³na¹, nčhˀoe¹-na¹. Je² xi³ tsi² tsˀe⁴ Ni³na¹, li²coi³ nčhˀoe¹-na¹. Coi³ cjoa⁴ nca³ ˀya³-nia¹ je² espíritu xi³ cjoa⁴qui²xi⁴ cˀoa⁴ je² espíritu xi³ nti³so³.

1 Juan 5:1

Nca³tsˀi³ xi³ ma³cjain¹-le⁴ nca³ Jesús je² Cristo, je²-vi⁴ qui³tsin³ tˀa³tsˀe⁴ Ni³na¹. To⁴ˀya³-ni³ve⁴ xi³ tjao²que³ xi³jcha¹-le⁴ cˀoa⁴-ti⁴ tjao²que³ nca³tsˀi³ xi³ qui³tsin³ tˀa³tsˀe⁴.

1 Juan 5:15

Cˀoa⁴ tsa² ˀya³² nca³ je² nčhˀoe¹-na¹, to⁴jme³-ni³ cjoa⁴ xi³ ni²je¹-le⁴², ˀya³-nia¹ nca³ tjin¹-na¹ je² cjoa⁴ xi³ qui³ni²je¹-le⁴².

1 Juan 5:19

ˀya³-nia¹ nca³ ña¹ tsˀe⁴ Ni³na¹ nia¹, cˀoa⁴ i⁴ nca³qui³jnta² son³ˀnte³-vi⁴ ti¹jna³cao⁴ nai⁴².

1 Juan 5:20

ˀya³-nia¹ nca³ je² ˀnti¹-le⁴ Ni³na¹ ja³ˀai³-ni¹. Qui³si³cho⁴ya³-na¹ jme¹-ni³ nca³ jcha⁴-si¹nia³² je² xi³ ña³qui³ cjoa⁴qui²xi⁴. Ti³yo³coa⁴² nca³ je² xi³ ña³qui³ cjoa⁴qui²xi⁴, xi³ Jesucristo je² ˀnti¹-le⁴. Je²-vi⁴ xi³ Ni³na¹ cjoa⁴qui²xi⁴, cˀoa⁴ je²-vi⁴ xi³ cjoa⁴vi³jna³chon³ nca³ntsjai²-ve⁴.

1 Juan 5:21

ˀnti¹xti³-na⁴, chja⁴ˀa²xin²-lao⁴³ yao³-no³ nca³yi³je³ xi³ xco¹son² cjoan³. Cˀoa⁴ ca²ta³ma³.

1 Juan 5:4

Je² nca³tsˀi³ xi³ qui³tsin³ tˀa³tsˀe⁴ Ni³na¹, si¹qui³njen³-le⁴ son³ˀnte³-vi⁴. Coi³ cjoa⁴ nca³ ni²qui³njen³-le⁴² son³ˀnte³-vi⁴, nca⁴ ma³cjain¹-na¹.

Judas 1:21

To⁴tˀa³tsˀe⁴ cjoa⁴tjao²cha³-le⁴ Ni³na¹ chjoe¹tjao²³ yao³-no³, nca³ ti³cho³ya²-lao⁴³ cjoa⁴ma⁴ta³con²-le⁴ Nai³-na¹ Jesucristo ja⁴tˀa³tsˀe⁴ cjoa⁴vi³jna³chon³ nca³ntsjai².

Judas 1:24

Je² Ni³na¹ xi³ cjai¹nca³ tjin¹-le⁴ nca³nˀion¹, nca³ va³se²chjoa²-no³ nca³ tsi² tsa² tsao⁴nquio³, nca³ si⁴²qui³ncha¹-no³ nqui³xcon⁴ cjoa⁴je³ya³-le⁴ cao⁴ cjai¹nca³ tse³ cjoa⁴tsjoa³ nca³ tsi²jme³ je¹ xi³ tjin¹-no³.

Apocalipsis 2:13

An³ ˀve³nia¹³ xa¹-no³, cˀoa⁴ jña³ nca³ ti³yo³, jña³ nca³ ti¹jna³ ya¹xi²le⁴-le⁴ je² Satanás. Li²coi³ ni²cha³jion³ jan³ˀain¹-na⁴, cˀoa⁴ li²coi³ tsa³cˀe²ˀmao³ xi³ ma³cjain¹-no³ tˀa³tsˀan⁴, nta³ tsa² je² ni⁴čhjin³-le⁴ je² Antipas je² testigonta³-na⁴, je² xi³ cˀen³jin³-no³ nca³ jon², jña³ nca³ ti¹jna³ Satanás.