1 Juan 5:13 - New Testament in Mazatec Huautla

¹³ Je² nca³yi³je³ cjoa⁴-vi⁴ qui³squi³-no³ nca³ jon² xi³ ma³cjain¹-no³ xi³ tˀa³tsˀe⁴ jan³ˀain¹-le⁴ ˀnti¹-le⁴ Ni³na¹, jme¹-ni³ nca³ jcha⁴-si¹nio³ nca³ tjin¹-no³ je² cjoa⁴vi³jna³chon³ nca³ntsjai²-vi⁴, cˀoa⁴ jme¹-ni³ nca³ coan⁴cjain¹ntsjai²-si¹ni³no³ tˀa³tsˀe⁴ jan³ˀain¹-le⁴ ˀnti¹-le⁴ Ni³na¹.

1 Juan 5:13 ပူးပေါင်းရင်းမြစ်များ

San Juan 1:12

Nca³tsˀi³ jo³ tjin¹ ma³-ni³ xi³ je² tsa³ve³tjao², qui³tsjoa³ˀnte²-le⁴ nca³ ˀnti¹-le⁴ Ni³na¹ coan³, je² nca³tsˀi³ xi³ ma³cjain¹-le⁴ tˀa³tsˀe⁴ jan³ˀain¹-le⁴,

San Juan 2:23

Ya⁴ ti¹jna³ ya⁴ Jerusalén cˀia⁴ nca³ qui³sˀe³jna³ sˀoi¹ pa²xco⁴. Cjai¹nca³ ncjin² xi³ coan³cjain¹-le⁴ tˀa³tsˀe⁴ jan³ˀain¹-le⁴, nca³ tsa³ve³ jña³-le⁴ choa⁴ xi³ qui³tsjoa³.

San Juan 20:31

To⁴nca³ je² en¹ xi³ cˀoi⁴-sˀin² tjio¹tˀa³, jme¹-ni³ nca³ coan⁴cjain¹-si¹ni³no³ nca³ Jesús, je² xi³ Cristo, je² ˀnti¹-le⁴ Ni³na¹, jme¹-ni³ nca³ tjin¹-si¹ni³no³ cjoa⁴vi³jna³chon³ xi³ to⁴tˀa³tsˀe⁴ jan³ˀain¹-le⁴, cˀia⁴ nca³ cˀoa⁴-sˀin² ma³cjain¹-no³.

San Juan 21:24

Je²-vi⁴ je² cho⁴ta⁴-le⁴ Jesús xi³ cˀoa⁴-sˀin² tsjoa¹ en¹ xi³ tˀa³tsˀe⁴ nca³yi³je³ cjoa⁴-vi⁴. Je² qui³squi³ je² cjoa⁴-vi⁴, cˀoa⁴ ˀya³-nia¹ nca³ en¹-le⁴ cjoa⁴qui²xi⁴-ni¹.

San Juan 3:18

Je² xi³ ma³cjain¹-le⁴ tˀa³tsˀe⁴ Jesús, li²coi³ ti¹jna³ne²-le⁴ cjoa⁴ñˀain³, to⁴nca³ je² xi³ tsi² tsa² coi³ ma³cjain¹-le⁴ tˀa³tsˀe⁴, je³ti¹jna³ne²-le⁴ cjoa⁴ñˀain³, nca⁴ tsi² tsa² coi³ coan³ecjain¹-le⁴ tˀa³tsˀe⁴ jan³ˀain¹-le⁴ xi³ je² to⁴jnco³ ˀnti¹-le⁴ Ni³na¹.

San Juan 5:24

Ña³qui³ cjoa⁴qui²xi⁴ ña³qui³ cjoa⁴qui²xi⁴ xi³ xin³-no³: Je² xi³ nčhˀoe¹ en¹-na⁴, cˀoa⁴ xi³ ma³cjain¹-le⁴ tˀa³tsˀe⁴ je² xi³ qui³si³ca³sen¹-na³, tjin¹-le⁴ cjoa⁴vi³jna³chon³ nca³ntsjai². Li²jme³ cjoa⁴ñˀain³ sˀe⁴-le⁴, to⁴nca³ je³ji³tjo³-ni³ cjoa⁴vi³ya³, je³tjin¹-le⁴ cjoa⁴vi³jna³chon³.

Hechos de los Apóstoles 3:16

Jesús qui³si³nta³ je² cho⁴ta⁴-vi⁴ xi³ ti³ˀyao³ xi³ ˀya³xcon³, nca³ ma³cjain¹-na³jin⁴ xi³ tˀa³tsˀe⁴ Jesús. To⁴coi³ nca³ ma³cjain¹-na³jin⁴ tˀa³tsˀe⁴ Jesús, coi³ nca³ ca²vˀai²-ni³le⁴ cjoa⁴nta³ je² cho⁴ta⁴-vi⁴ nca³ ña³qui³ ca²ma³nta³-ni³ nqui³xcon³ nca³ jon².

Hechos de los Apóstoles 4:12

Ni⁴to⁴ˀya³-jin²sa³ xi³ vˀa³sje³ntjai²-na¹, nca³ tsi² xi³ cja⁴ˀai¹ xi³ tjio¹ i⁴ son³ˀnte³-vi⁴ xi³ ma³-le⁴ vˀa³sje³ntjai²-na¹.

2 Corintios 5:1

Nca⁴ ˀya³qui²xi⁴-ni¹⁴jin⁴ tsa² je² ntˀia³son³ˀnte³ xi³ jo³-ni³ to⁴čhjoa⁴carpa jña³ vi³yo³ˀya²-ni¹⁴jin⁴ cˀoa⁴-sˀin² cjoi⁴tson¹, tjin¹-na³jin⁴ jnco³ ni³ˀya³ xi³ Ni³na¹ tsa³cˀe¹nta³-na³jin⁴, xi³ tsi² tsa² ntsja³ cho⁴ta⁴ coan³nta³-ni³, xi³ ti¹jna³ntsjai² ncˀa³jmi³.

Gálatas 4:6

Ni³na¹ qui³si³ca³sen¹jin³ ni⁴ma⁴-no³ je² Espíritu-le⁴ ˀnti¹-le⁴, je² xi³ cˀoi⁴tso²: Abba, Nˀai³, nca⁴ jon² nio¹³ xti³-le⁴.

1 Pedro 5:12

Tsen³ ma³-na³ nca³ nˀion¹ tˀa³con³ ntsˀe³ Silvano, je² xi³ qui³squi³ xi³ tˀa³tsˀan⁴, nca³ an³ qui³sca³ni³ i⁴tse¹-no³ en¹. Ti²vˀe³ne²³-no³, ti²si³qui²xi⁴ya³-no³ nca³ ña³qui³ cjoa⁴nta³-le⁴ Ni³na¹ je²-vi⁴ xi³ ti³yo³jin³-lao⁴³.

1 Juan 1:4

Je² cjoa⁴-vi⁴ cˀoa⁴-sˀin² chji³-lai²⁴jin⁴, jme¹-ni³ nca³ coan⁴tse³ya³-si¹ni³ cjoa⁴tsjoa³-no³.

1 Juan 2:1

Nca³tsˀio³ ˀnti¹xti³-na⁴, je² cjoa⁴-vi⁴ cji³-no³, jme¹-ni³ nca³ tsi² coi⁴jnchi³-si¹nio³ je¹. Tsa² jnco³ xi³ tsa³jnqui³ je¹, ti¹jna³jnco³-na¹ xi³ fa³jin³-na¹ nqui³xcon⁴ Nˀai³-na¹, je² Jesucristo xi³ tjin¹-le⁴ cjoa⁴qui²xi⁴.

1 Juan 2:21

Li²coi³ cˀoa⁴-sˀin² qui³squi³-no³ nca⁴ tsi² ˀyao³ xi³ cjoa⁴qui²xi⁴, to⁴nca³ qui³squi³-no³ nca⁴ je³ˀyao³ xi³ cjoa⁴qui²xi⁴, cˀoa⁴ nca⁴ je³ˀyao³ nca³ nca³yi³je³ cjoa⁴nti³so³ li²coi³ tsˀe⁴ xi³ cjoa⁴qui²xi⁴.

1 Juan 2:25

Je²-vi⁴ xi³ Ni³na¹ qui³tsjoa³-na¹ tsˀoa³ nca³ tsjoa¹-na¹, je² cjoa⁴vi³jna³chon³ nca³ntsjai²-ve⁴.

1 Juan 2:26

Cˀoa⁴-sˀin² qui³squi³-no³ je² cjoa⁴-vi⁴ xi³ tsˀe⁴ je² xi³ jon² vˀa³na⁴cha⁴-no³.

1 Juan 3:23

Je²-vi⁴ xi³ cjoa⁴te¹xo³ma³-le⁴: Ca²ta³ma³cjain¹-na¹ tˀa³tsˀe⁴ jan³ˀain¹-le⁴ ˀnti¹-le⁴ Ni³na¹, Jesucristo, cˀoa⁴ tjao²cha³ ca²ta³ma³² xi²nquia⁴², jo³-sˀin² tsa³ca³te¹xo³ma³-na¹ nca³ je².

1 Juan 4:9

Cˀoa⁴-sˀin² coan³cho⁴ya³-le⁴ ni⁴ma⁴-na¹ jo³-sˀin² nca³ Ni³na¹ tjao²que³-na¹, nca⁴ qui³si³ca³sen¹ i⁴ son³ˀnte³-vi⁴ je² ˀnti¹-le⁴ xi³ to⁴jnco³ ma³-ni³, jme¹-ni³ nca³ coi⁴yo³chon³-si¹nia¹ xi³ to⁴tˀa³tsˀe⁴.

1 Juan 5:10

Je² xi³ ma³cjain¹-le⁴ tˀa³tsˀe⁴ ˀnti¹-le⁴ Ni³na¹, je² cjoa⁴ xi³ qui³ni²qui²xi⁴ya³ ti¹jna³jin³ ni⁴ma⁴-le⁴. Je² xi³ tsi² ma³cjain¹-le⁴ tˀa³tsˀe⁴ Ni³na¹, tsa³cˀa³sje³ nti³so³ Ni³na¹, nca³ tsi²coi³ coan³cjain¹-le⁴ je² en¹ xi³ Ni³na¹ qui³si³qui²xi⁴ya³ xi³ tˀa³tsˀe⁴ ˀnti¹-le⁴.

1 Juan 5:11

Je²-vi⁴ xi³ en¹-le⁴: Nca³ Ni³na¹ qui³tsjoa³-na¹ je² cjoa⁴vi³jna³chon³ nca³ntsjai²-ve⁴, cˀoa⁴ je² cjoa⁴vi³jna³chon³-vi⁴ ti¹jna³jin³ je² ˀnti¹-le⁴.

1 Juan 5:20

ˀya³-nia¹ nca³ je² ˀnti¹-le⁴ Ni³na¹ ja³ˀai³-ni¹. Qui³si³cho⁴ya³-na¹ jme¹-ni³ nca³ jcha⁴-si¹nia³² je² xi³ ña³qui³ cjoa⁴qui²xi⁴. Ti³yo³coa⁴² nca³ je² xi³ ña³qui³ cjoa⁴qui²xi⁴, xi³ Jesucristo je² ˀnti¹-le⁴. Je²-vi⁴ xi³ Ni³na¹ cjoa⁴qui²xi⁴, cˀoa⁴ je²-vi⁴ xi³ cjoa⁴vi³jna³chon³ nca³ntsjai²-ve⁴.