1 Juan 4:9 - New Testament in Mazatec Huautla

⁹ Cˀoa⁴-sˀin² coan³cho⁴ya³-le⁴ ni⁴ma⁴-na¹ jo³-sˀin² nca³ Ni³na¹ tjao²que³-na¹, nca⁴ qui³si³ca³sen¹ i⁴ son³ˀnte³-vi⁴ je² ˀnti¹-le⁴ xi³ to⁴jnco³ ma³-ni³, jme¹-ni³ nca³ coi⁴yo³chon³-si¹nia¹ xi³ to⁴tˀa³tsˀe⁴.

1 Juan 4:9 ပူးပေါင်းရင်းမြစ်များ

San Marcos 12:6

Je² nai³-le⁴ to⁴jo³ tjin¹-sa³le⁴ jnco³ ˀnti¹ xi³ tsjoa³que³, cˀoa⁴-ti⁴ qui³si³ca³sen¹ nca³ je². Je² xi³ je³tˀa³-ni³. Scoe⁴xcon¹ ti³-na⁴, qui³tso².

San Lucas 4:18

Je² Espíritu-le⁴ Nai³-na¹ ti¹jna³cao⁴-na³, nca⁴ qui³tsjon²jon³-na³ tˀa³tsˀe⁴ xa¹ nca³ an³ nchja²ya³jin³-le⁴ xi³ yo⁴ma⁴ je² en¹nta³. Qui³si³ca³sen¹-na³ nca³ si³nta³ya³ cho⁴ta⁴ xi³ cjoa⁴ˀaon³ tjio¹jin³ ni⁴ma⁴-le⁴, nca³ coi³nchja²ya³jin³-le⁴ preso nca³ coa⁴tio⁴ntai¹, cˀoa⁴ cao⁴ je² xi³ xca⁴ cjoan³ nca³ coan⁴tsen³-le⁴ xcon⁴, nca³ si³cˀe¹yo³ntai¹ xi³ qui³ni²quin²ˀaon³.

San Juan 10:10

Cho⁴ta⁴che¹ to⁴fa³ˀai³ si¹che¹, fa³ˀai³ si¹cˀen³, fa³ˀai³ si¹qui³xo¹ya³, to⁴nca³ an³ coi³ xa¹ ja²ˀai⁴-nia³, jme¹-ni³ nca³ tjin¹-si¹ni³le⁴ cjoa⁴vi³jna³chon³, jme¹-ni³ nca³ nˀion¹ tse³ tjin¹-si¹ni³le⁴.

San Juan 14:6

Jesús qui³tso²-le⁴: An³ nia¹³ xi³ ntia⁴², an³ nia¹³ xi³ cjoa⁴qui²xi⁴, an³ nia¹³ xi³ cjoa⁴vi³jna³chon³. Ni⁴to⁴ˀya³-jin² xi³ fa³ˀai³con²-le⁴ Nˀai³-na¹, tsa² tsian² nca³ an³.

San Juan 3:16

Nca⁴ Ni³na¹ cˀoa⁴sˀin² coan³tsjca³que³ son³ˀnte³ nca³ qui³tsjoa³ je² xi³ to⁴jnco³ ˀnti¹-le⁴, jme¹-ni³ nca³ nca³tsˀi³-si¹ni³ xi³ ma³cjain¹-le⁴ tˀa³tsˀe⁴, li²coi³ cha⁴, to⁴nca³ tjin¹-le⁴ cjoa⁴vi³jna³chon³ nca³ntsjai².

San Juan 3:18

Je² xi³ ma³cjain¹-le⁴ tˀa³tsˀe⁴ Jesús, li²coi³ ti¹jna³ne²-le⁴ cjoa⁴ñˀain³, to⁴nca³ je² xi³ tsi² tsa² coi³ ma³cjain¹-le⁴ tˀa³tsˀe⁴, je³ti¹jna³ne²-le⁴ cjoa⁴ñˀain³, nca⁴ tsi² tsa² coi³ coan³ecjain¹-le⁴ tˀa³tsˀe⁴ jan³ˀain¹-le⁴ xi³ je² to⁴jnco³ ˀnti¹-le⁴ Ni³na¹.

San Juan 5:23

jme¹-ni³ nca³ cˀoa⁴sˀin² nca³tsˀi³ scoe⁴xcon¹-si¹ni³ ˀnti¹-le⁴ jo³sˀin² ve³xcon¹ Nˀai³-na¹. Je² xi³ tsi² ve³xcon¹ ˀnti¹-le⁴, cˀoa⁴-ti⁴ tsi² ve³xcon¹ Nˀai³-na¹ xi³ qui³si³ca³sen¹ ˀnti¹-le⁴.

San Juan 6:29

Jesús cˀoi⁴qui³tso²-le⁴: Je²-vi⁴ xa¹ xi³ me³-le⁴ Ni³na¹, nca³ cˀoa⁴-sˀin² coan⁴cjain¹-no³ xi³ tˀa³tsˀe⁴ je² Cristo xi³ Ni³na¹ qui³si³ca³sen¹.

San Juan 6:51

An³ nia¹³ nio⁴xti²la⁴ xi³ ti¹jna³con³, xi³ ji²tjo⁴jen³-nia³ ncˀa³jmi³. Tsa² jnco³ xi³ je² nio⁴xti²la⁴ coa⁴cjen⁴, cˀoe¹jna³con³-ni¹ nca³ntsjai². Je² yao³-na⁴ je² nio⁴xti²la⁴ xi³ an³ tsjoa³. Coi³ xi³ an³ tsjoa³, jme¹-ni³ nca³ coa⁴tio⁴con³-si¹ni³ cho⁴ta⁴son³ˀnte³.

San Juan 6:57

Jo³-sˀin² qui³si³ca³sen¹-na³ Nˀai³-na¹ xi³ ti¹jna³con³, cˀoa⁴ an³ ti²jna⁴coan³ xi³ to⁴tˀa³tsˀe⁴ Nˀai³-na¹, cˀoa⁴-ti⁴sˀin² ˀya³ xi³ an³ squi⁴ne⁴-na³ cˀoe¹jna³con³ xi³ to⁴tˀa³tsˀan⁴.

San Juan 8:29

Je² xi³ qui³si³ca³sen¹-na³ i⁴ ti¹jna³cao⁴-na³. Je² Nˀai³-na¹ li²coi³ qui³si³cˀe¹jna³-na³ nca³ to⁴ˀan³, nca⁴ cˀoa⁴sˀian³ nca³ntsjai² je² xi³ sa³sen¹-le⁴ nca³ je².

San Juan 8:42

Cˀia⁴ Jesús cˀoa⁴qui³tso²-le⁴: Tsa² Ni³na¹ je² nˀai³-no³, ña³qui³ cjoa⁴qui²xi⁴ nca³ coan⁴tsjoa³cha³-nao¹³. An³ ji²tjo⁴-nia³ Ni³na¹, coi³ ja²ˀai⁴-nia³. Li²coi³ je²ˀe⁴ xi³ ti⁴tˀa³tsˀan⁴-nia³, to⁴nca³ je² qui³si³ca³sen¹-na³.

San Juan 9:3

Jesús qui³nchja⁴: Ni⁴je²-jin² je²-vi⁴ tsa³jnqui³ je¹, cˀoa⁴ ni⁴je²-jin² xi³jcha¹-le⁴, to⁴nca³ cˀoa⁴-sˀin² qui³tsin³ jme¹-ni³ nca³ coan⁴tsen³-si¹ni³ xa¹-le⁴ Ni³na¹ xi³ to⁴tˀa³tsˀe⁴.

Romanos 8:32

Je² xi³ li²coi³ tsa³cˀe¹chjoa²-le⁴ nca³ qui³sˀe³-le⁴ cjoa⁴ñˀain³, nta³ tsa² ti⁴tsˀe⁴-ni³ ˀnti¹-le⁴, to⁴nca³ qui³tsjoa³tˀa³ xi³ tˀa³tsan⁴² nca³tsˀia³², a³ tsi² cˀoa⁴-ti⁴ tsjoa¹cjoa⁴tjao²-na¹ nca³yi³je³ cjoa⁴ cao⁴ Cristo.

Hebreos 1:5

Ni³na¹ a³ cˀoa⁴qui³tso²-le⁴ a²ncje⁴ jnco³ cˀa²: Ji³ ni¹³ ˀnti¹-na⁴. Ntˀai⁴-vi⁴ ji³ xi³ cˀoa⁴-sˀin² ˀnti¹-na⁴ xin³-le²³. Nqui²jnco³cˀa²: An³ coan⁴ Nˀai³-le⁴, cˀoa⁴ je² coan⁴ ˀnti¹na⁴.

1 Juan 3:16

Cˀoa⁴-sˀin² coan³cho⁴ya³-na¹ je² xi³ cjoa⁴tjao²cha³ ˀmi², nca³ Cristo qui³tsjoa³ yao³-le⁴ cao⁴ njin¹-le⁴ xi³ tˀa³tsan⁴². Cˀoa⁴-ti⁴ ña¹-je⁴ ma³chjen¹-na¹ nca³ cˀoai⁴tˀa³² yao³-na¹ cao⁴ njin¹-na¹ xi³ tˀa³tsˀe⁴ ntsˀe³².

1 Juan 4:10

Cˀoi⁴-sˀin² tjin¹ xi³ cjoa⁴tjao²cha³: A³li² coi³-jin² nca³ ña¹ xi³ coan³tsjoa³cha³² Ni³na¹, to⁴nca³ je² Ni³na¹ xi³ coan³tsjoa³que³-na¹ nca³ ña¹. Qui³si³ca³sen¹ ˀnti¹-le⁴ xi³ je¹ntjai²-na¹ coan³-le⁴.

1 Juan 4:16

Ña¹ tsa³ˀya³-nia¹ cˀoa⁴ coan³cjain¹-na¹ nca³ tjao²que³-na¹ Ni³na¹. Je² Ni³na¹ xi³ cjoa⁴tjao²cha³. Cˀoa⁴ to⁴ˀya³-ni³ xi³ tjin¹ntsjai²-le⁴ cjoa⁴tjao²cha³, ti¹jna³cao⁴ Ni³na¹, cˀoa⁴ Ni³na¹ ti¹jna³cao⁴ nca³ je².

1 Juan 5:11

Je²-vi⁴ xi³ en¹-le⁴: Nca³ Ni³na¹ qui³tsjoa³-na¹ je² cjoa⁴vi³jna³chon³ nca³ntsjai²-ve⁴, cˀoa⁴ je² cjoa⁴vi³jna³chon³-vi⁴ ti¹jna³jin³ je² ˀnti¹-le⁴.

1 Juan 5:13

Je² nca³yi³je³ cjoa⁴-vi⁴ qui³squi³-no³ nca³ jon² xi³ ma³cjain¹-no³ xi³ tˀa³tsˀe⁴ jan³ˀain¹-le⁴ ˀnti¹-le⁴ Ni³na¹, jme¹-ni³ nca³ jcha⁴-si¹nio³ nca³ tjin¹-no³ je² cjoa⁴vi³jna³chon³ nca³ntsjai²-vi⁴, cˀoa⁴ jme¹-ni³ nca³ coan⁴cjain¹ntsjai²-si¹ni³no³ tˀa³tsˀe⁴ jan³ˀain¹-le⁴ ˀnti¹-le⁴ Ni³na¹.