1 Juan 4:17 - New Testament in Mazatec Huautla

¹⁷ Cˀoa⁴-sˀin² ma³jnco³jin³-na¹ cjoa⁴tjao²cha³, jme¹-ni³ nca³ sˀe⁴-si¹ni³na¹ cjoa⁴nˀion¹ta³con² cˀia⁴ ni⁴čhjin³ nca³ sˀe⁴nta³jin³ cjoa⁴. Jo³-sˀin² cjoan³ nca³ je², cˀoa⁴-sˀin² cjoan³² nca³ ña¹ i⁴ son³ˀnte³-vi⁴.

1 Juan 4:17 ပူးပေါင်းရင်းမြစ်များ

San Mateo 10:15

Xi³ cjoa⁴qui²xi⁴ xi³ xin³-no³, cho⁴ta⁴ Sodoma cao⁴ xi³ tsˀe⁴ Gomorra nqui²sa⁴ choa³ cjoa⁴ñˀain³ sˀe⁴-le⁴ cao⁴-ni³ tsa² je² na⁴xi⁴na³nta¹-ve⁴ coi³ ni⁴čhjin³-ve⁴ nca³ sˀe⁴-le⁴ cjoa⁴ñˀain³.

San Mateo 10:25

To⁴ma³-ni³le⁴ je² cho⁴ta⁴-ve⁴ nca³ cˀoa⁴ma³-le⁴ jo³-sˀin² ma³-le⁴ maestro-le⁴, cˀoa⁴ to⁴ma³-ni³le⁴ je² cho⁴ˀnta³-ve⁴ nca³ cˀoa⁴ma³-le⁴ jo³-sˀin² ma³-le⁴ Nai³-le⁴. Tsa² Beelzebú tsa³cˀin²-le⁴ nˀai³-le⁴ ntˀia³, nqui²sa⁴-sa³ cˀoa⁴cˀoin¹-le⁴ xi³ tsˀe⁴ ntˀia³-le⁴.

San Mateo 11:22

To⁴coi³ cˀoa⁴xin³-no³ nca³ cho⁴ta⁴ Tiro, cao⁴ xi³ tsˀe⁴ Sidón, nqui²sa⁴ choa³ cjoa⁴ñˀain³ sˀe⁴-le⁴ cao⁴-ni³ tsa² jon² je² ni⁴čhjin³-ve⁴ nca³ sˀe⁴ cjoa⁴ñˀain³.

San Mateo 11:24

To⁴coi³ cˀoa⁴xin³-no³ nca³ ya⁴ ˀnte³ Sodoma nqui²sa⁴ jcho¹cjoa⁴-le⁴ je² cjoa⁴ñˀain³-le⁴ cao⁴-ni³ tsa² ji³, je² ni⁴čhjin³-ve⁴ nca³ sˀe⁴ cjoa⁴ñˀain³.

San Mateo 12:36

To⁴nca³ an³ xin³-no³ nca³ je² nca³yi³je³ en¹ xi³ to⁴xquia⁴ coi⁴tso⁴ cho⁴ta⁴, ti⁴coi³-ni³ tsjoa¹ coi²nta⁴ ni⁴čhjin³ cˀia⁴ nca³ sˀe⁴-le⁴ cjoa⁴ñˀain³.

San Juan 15:20

Nta³ ca²ta³fa³ˀai³tsjen³-no³ je² en¹ xi³ qui³xin³-no³: Je² xi³ cho⁴ˀnta³ ma³, a³li² je²-jin² ti¹tjon²-le⁴ nai³-le⁴. Tsa² an³ chˀao³ qui³si³cao⁴-na³, cˀoa⁴-ti⁴ jon² chˀao³ si⁴²cao⁴-no³. Tsa² qui³si³qui³tjo³son² en¹-na⁴, cˀoa⁴-ti⁴ si⁴²qui³tjo³son² tsaon⁴³.

San Juan 17:22

Je² cjoa⁴je³ya³ xi³ ji³ tsa³cˀai²-nai¹³, cˀoa⁴-ti⁴sˀin² qui³tsjoa³-le⁴, jme¹-ni³ nca³ to⁴jnco³ coan⁴-si¹ni³ jo³-ni³ tsa² ña¹ to⁴jnco³ ma³-nia³².

Romanos 8:29

je² xi³ Ni³na¹ to⁴nqui³-ni³ tsa³ve³, cˀoa⁴²-ti⁴ to⁴nqui³-ni³ xa¹ tsa³cˀe¹nta³-ni³ nca³ cˀoa⁴coan⁴ cjoan³ jo³ cjoan³ ˀnti¹-le⁴, jme¹-ni³ nca³ ˀnti¹tjon² coan⁴-si¹ni³le⁴ jin³-le⁴ ncjin² ntsˀe⁴.

Hebreos 9:27

To⁴jo³-sˀin² nca³ tjin¹-ni³ nca³ jnco³ cˀa² vi³ya³ cho⁴ta⁴, cˀoa⁴ coan⁴scan³-ni³ sˀe⁴nta³jin³-le⁴ cjoa⁴.

Santiago 2:13

Tjoe¹-le⁴ cjoa⁴ñˀain³, a³li²jme³ cjoa⁴ma⁴ta³con² xi³ sˀe⁴ xi³ tˀa³tsˀe⁴ je² xi³ tsi²coi³ tjin¹-le⁴ cjoa⁴ma⁴ta³con². Je² cjoa⁴ma⁴ta³con² si¹qui³njen³-le⁴ cjoa⁴ñˀain³.

Santiago 2:22

A³ tsi² ˀyai³ nca³ cˀoa⁴-sˀin² Abraham qui³si³tjo³son²cao⁴ xa¹-le⁴ jo³-sˀin² coan³cjain¹-le⁴. Xi³ coan³cjain¹-le⁴ ña³qui³ coan³jnco³son²-ni¹ xi³ to⁴tˀa³tsˀe⁴ xa¹-le⁴.

2 Pedro 2:9

Cˀia⁴ ni⁴čhjin³ nca³ fa³ˀa¹ cjoa⁴ñˀain³, je² Nai³-na¹ ma³-le⁴ vˀa³sje³ntjai² cho⁴ta⁴ xi³ ve³xcon¹ nca³ je². Ma³-le⁴ si¹cˀe¹jna³tjao² je² xi³ tsin²-le⁴ cjoa⁴qui²xi⁴-jin², sa³ˀnta³ ni⁴čhjin³ nca³ sˀe⁴nta³jin³-le⁴, jme¹-ni³ nca³ cˀoa⁴-sˀin² sˀe⁴jna³ne²-ni³le⁴ cjoa⁴ñˀain³.

2 Pedro 3:7

Ti⁴je²-ni³ en¹-le⁴ Ni³na¹ ti¹vˀe¹tjao² je² ncˀa³jmi³ cao⁴ son³ˀnte³ xi³ tjin¹ ntˀai⁴, jme¹-ni³ nca³ coi⁴ti⁴-si¹ni³ coi³ ni⁴čhjin³ nca³ sˀe⁴nta³jin³-le⁴ cjoa⁴, nca³ cha⁴ cho⁴ta⁴ xi³ tsi² ve³xcon¹ Ni³na¹.

1 Juan 2:28

Ntˀai⁴-vi⁴, ˀnti¹xti³, cˀoa⁴-sˀin² ti⁴yo³cjao³ntsjao²³ cao⁴ Cristo, jme¹-ni³ nca³ nta³ nˀion¹tˀa³ta³con²-si¹nia³² cˀia⁴ nca³ coan⁴tsen³ nqui²jnco³cˀa² nca³ je², cˀoa⁴ jme¹-ni³ nca³ li²coi³ coan⁴soa³-si¹ni³na¹ nqui³xcon⁴ nca³ je² cˀia⁴ nca³ cjoa⁴ˀai¹.

1 Juan 2:5

To⁴nca³ je² xi³ si¹cji³tjo³son² en¹-le⁴, ña³qui³ coan³jnco³jin³ ni⁴ma⁴-le⁴ cjoa⁴tjao²cha³-le⁴ Ni³na¹. Coi³ cjoa⁴ nca³ ˀya³-nia¹ nca³ je² ti³yo³coa⁴².

1 Juan 2:6

Je² xi³ tso² nca³ ti¹jna³cao⁴ Jesucristo, ma³chjen¹ nca³ cˀoa⁴-sˀin² cˀoa¹mjen³, jo³-sˀin² tsa³cˀa³mjen³ nca³ je².

1 Juan 3:1

Ne² cˀoa⁴tjin¹ cjoa⁴tjao²cha³ xi³ qui³tsjoa³-na¹ Nˀai³-na¹, jme¹-ni³ nca³ ˀnti¹-le⁴ Ni³na¹ ˀmi²-si¹ni³na¹. Coi³ nca³ i⁴ son³ˀnte³ li²ˀya³ xi³ ve³-na¹, nca³ tsi²coi³ tsa³ve³ Ni³na¹.

1 Juan 3:3

Nca³tsˀi³ xi³ tjin¹-le⁴ cjoa⁴tsjoa³ nca³ sco¹ya³-le⁴ nca³ je², coan⁴tsje³ ni⁴ma⁴-le⁴ jo³-sˀin² tsje³ cjoan³ nca³ je².

1 Juan 3:7

ˀnti¹xti³, a³li² vˀai²ˀnte³-jion² nca³ ˀya³ xi³ jon² vˀa³na⁴cha⁴-no³. Je² xi³ sˀin¹ xi³ cjoa⁴qui²xi⁴, cjai¹nca³ tjin¹-le⁴ cjoa⁴qui²xi⁴, jo³-sˀin² nca³ Cristo cˀoa⁴-ti⁴ tjin¹-le⁴ cjoa⁴qui²xi⁴.

1 Juan 4:12

Ni⁴ˀya³-jin² xi³ qui³sco²tsen³-le⁴ Ni³na¹. Tsa² tjao²cha³ coan⁴² xi²nquia⁴², Ni³na¹ ti¹jna³jin³ntsjai² ni⁴ma⁴-na¹, cˀoa⁴ cjoa⁴tjao²cha³-le⁴ ña³qui³ coan³jnco³jin³ ni⁴ma⁴-na¹.