1 Juan 4:1 - New Testament in Mazatec Huautla

¹ Jon² xi³ tsjoa³que⁴-no³, a³li² ma³cjain¹-jin²no³ nca³tsˀi³ espíritu, to⁴nca³ cho¹tˀa³-nio¹³ tsa² tsˀe⁴ Ni³na¹ espíritu-ve⁴. Cjai¹nca³ to⁴ncjin² cho⁴ta⁴ xi³ cjoa⁴nti³so³ nchja⁴ya³, xi³ si¹ma³son² son³ˀnte³.

1 Juan 4:1 ပူးပေါင်းရင်းမြစ်များ

San Marcos 13:21

Cˀia⁴ tsa² jnco³ cho⁴ta⁴ cˀoa⁴coi⁴tso⁴-no³: Coe⁴-ni³, i⁴ ti¹jna³-vi⁴ Cristo, a³xo⁴ tsa² coi⁴tso⁴, coe⁴-ni³, ya⁴ ti¹jna³-ve⁴, a³li² ma³cjain¹-jin²no³.

San Lucas 12:57

A¹-ni³ nca³ tsi² tsa² ti⁴jon² ˀya³-si¹nio³ xi³ cjoa⁴qui²xi⁴.

San Lucas 21:8

Cˀia⁴ qui³tso² Jesús: Cho¹tsaon³ jme¹-ni³ nca³ tsi² coai⁴cao⁴-si¹ni³no³ ntia⁴²tˀa³xin², nca⁴ cjai¹ ncjin² cjoa⁴ˀai¹ cao⁴ jan³ˀain¹-na⁴, coi⁴tso⁴: An³ nia¹³ Cristo. Cˀoa⁴ coi⁴tso⁴-sa³: Ni⁴čhjin³ ti¹jna³čhian³-ni¹. A³li² ma³nquin¹tjen⁴nqui³-jin²lao⁴³ nca³ je².

Hechos de los Apóstoles 17:11

Nqui²sa⁴ nta³ cho⁴ta⁴ je²-vi⁴ cao⁴ xi³ tjio¹ ya⁴ Tesalónica. Je²-vi⁴ cjai¹nca³ to⁴nti⁴ton⁴ qui³scoe¹ je² en¹-le⁴ Ni³na¹ cao⁴ tse³ cjoa⁴tsjoa³. Nchaon³nchaon³ qui³sco²tˀa³ je² xon⁴ Escritura, tsa² cjoa⁴qui²xi⁴ nca³ cˀoa⁴tjin¹ je² cjoa⁴-vi⁴.

Hechos de los Apóstoles 20:29

ˀve³-nia¹³ nca³ an³ nca³ coan⁴scan³-ni³ nca³ cjoia¹³, cjoa⁴ˀa³sˀen³jin³-no³ jo³-ni³ tsa² tsen⁴² xi³ nˀion¹ toan¹, xi³ li²coi³ si⁴²cha³tˀa³-le⁴ cho⁴ta⁴-le⁴ Cristo xi³ jo³-ni³ tsa² va³rre² tjio¹jtin¹.

1 Corintios 12:10

Cˀoa⁴ nqui²jnco³, vˀai²-le⁴ nca³nˀion¹ xi³ ma³-le⁴ si¹xa¹-jin³ cjoa⁴xcon¹. Cˀoa⁴ nqui²jnco³, nca³ nˀion¹ nta³ nchja⁴ya³. Cˀoa⁴ nqui²jnco³, nca³ ma³-le⁴ co³tˀa³jin³ espíritu. Cˀoa⁴ nqui²jnco³, nca³ cja⁴ˀai¹ en¹ ma³-le⁴ nchja⁴. Cˀoa⁴ nqui²jnco³, nca³ ma³-le⁴ si¹cˀa³to³ya³ en¹.

1 Corintios 14:29

Cˀoa⁴-ti⁴sˀin² je² cho⁴ta⁴ xi³ nchja⁴ya³, ca²ta³nchja⁴ nca³ to⁴jao² a³xo⁴ jan²-sa³, cˀoa⁴ xi³cˀa³ ca²ta³co³son²-ni³le⁴.

1 Tesalonicenses 5:20

A³li² chˀa²sje³nqui³-jion²³ je² en¹ xi³ no²cjoa⁴ya³ tˀa³tsˀe⁴ Ni³na¹.

1 Tesalonicenses 5:21

Na²nta³ cho¹tˀa³jion³ nca³yi³je³. A³li² njion³-jion²³ jña³-le⁴ xi³ nta³ tjin¹.

2 Tesalonicenses 2:2

a³li² jnco³ tjo²-jin² mˀo¹fa³ya³-no³ cjoa⁴fa³ˀai³tsjen³-no³, a³li² ni²va³-jin²lao⁴³ ni⁴ma⁴-no³, ni⁴cao⁴-jin² en¹, ni⁴cao⁴-jin² xon⁴, xi³ cˀoa⁴tso² nca³ tsain⁴-jin⁴ je²-vi⁴ xi³ tso² nca³ je³ ni⁴čhjin³-le⁴ Nai³-na¹.

1 Timoteo 4:1

To⁴nca³ je² Espíritu Santo nchja⁴tsen³-ni¹ nca³ je² ni⁴čhjin³ xi³ nčhoa¹, tjin¹ cˀa³ xi³ to⁴xin² ntia⁴² coai⁴-le⁴ en¹ xi³ ma³cjain¹-na¹, cjoi⁴nčhˀoe¹-le⁴ espíritu xi³ vˀa³na⁴cha⁴-le⁴, cao⁴ cjoa⁴fa³ˀai³tsjen³-le⁴ nai⁴² xi³ nta³jin³.

2 Timoteo 3:13

To⁴nca³ je² cho⁴ta⁴tsˀen⁴, cˀoa⁴ je² xi³ vˀa³na⁴cha⁴ to⁴ña³qui³ to⁴sin³ to⁴nta³ nqui²sa⁴-sa³ tsˀen⁴ coan⁴, cˀoa⁴na⁴cha⁴-sa³le⁴, cˀoa⁴-ti⁴ chˀa⁴na⁴cha⁴-sa³le⁴.

2 Pedro 2:1

Cˀoa⁴-ti⁴ ya⁴ na⁴xi⁴na³nta¹-ve⁴ tsa³ca³tio² cho⁴ta⁴nti³so³ xi³ qui³tso² nca³ qui³nchja⁴ya³ tˀa³tsˀe⁴ Ni³na¹, jo³-sˀin² sˀe⁴jin³-no³ cho⁴ta⁴nti³so³ xi³ coa⁴co²ya³. Je² sca⁴ni²jin³ˀma³-no³ cjoa⁴ xi³ si⁴²qui³tson¹-no³, cˀoa⁴ li²coi³ coan⁴cjain¹-le⁴ tˀa³tsˀe⁴ je² Nai³-na¹ xi³ tsa³cˀe¹chji¹ntjai² tˀa³tsˀe⁴. Cˀoa⁴-sˀin² coa⁴²sjai³-le⁴ yao³-le⁴ xi³ nti⁴ton⁴ cha⁴jin³.

1 Juan 2:18

ˀnti¹xti³, je³ti¹fe³tˀa³ ni⁴čhjin³. Cjoa⁴ˀai¹ xi³ Cristo tso²-le⁴ yao³-le⁴, xi³ co²ntran⁴ coai⁴-le⁴, jo³-sˀin² nca³ qui³no²ˀyao²³. Je³cˀoa⁴-sˀin² cji³ma³ ntˀai⁴-vi⁴, nca³ je³tjin¹ ncjin² xi³ Cristo tso²-le⁴ yao³-le⁴, xi³ co²ntran⁴ fi²-le⁴. Cˀoa⁴-sˀin² ˀya³-nia¹ nca³ je³ti¹fe³tˀa³ ni⁴čhjin³.

1 Juan 2:7

Nca³tsˀio³ ˀnti¹ntsˀe³, li²coi³ cji³-no³ cjoa⁴te¹xo³ma³ cho⁴tse⁴, to⁴je² cjoa⁴te¹xo³ma³ jchi¹nca³ xi³ ti¹jna³-no³ sa³ˀnta³ nca³ coan³cjain¹ ti¹tjon²-no³. Je² cjoa⁴te¹xo³ma³ jchi¹nca³ je² en¹ xi³ qui³no²ˀyao²³ jo³ sa³ˀnta³ nca³ ti¹tjon².

2 Juan 1:7

Ncjin² ma³-ni³ xi³ vˀa³na⁴cha⁴ ja³ˀa³sˀen³ i⁴ son³ˀnte³-vi⁴, xi³ tsi² cˀoa⁴tso² nca³ Jesucristo ja³ˀai³-ni³ jo³ cjoan³ yao³-na¹. Je² xi³ li²coi³ cˀoa⁴tso² to⁴vˀa³na⁴cha⁴, cˀoa⁴ je² xi³ co²ntran⁴-le⁴ Cristo.

3 Juan 1:11

Ji³ xi³ tsjoa³que⁴-le²³, a³li² je²-jin² chjen¹nqui³-lai⁴ xi³ chˀao³ tjin¹, to⁴nca³ je² xi³ nta³ tjin¹. Je² xi³ nta³ sˀin¹, tsˀe⁴ Ni³na¹ ni¹, to⁴nca³ je² xi³ chˀao³ sˀin¹, ni⁴ˀi⁴tse¹-jin² ve³ Ni³na¹.

Apocalipsis 2:2

An³ ˀve³nia¹³ xa¹-no³, jo³-sˀin² nˀion¹ ni²xao¹³, cao⁴ cjoa⁴tse³jta³-no³, cˀoa⁴ li²coi³ jcho¹cjoa⁴cao⁴-no³ cho⁴ta⁴tsˀen⁴. Je³qui³cho²tˀao³ je² xi³ pa²stro⁴ tso²-le⁴ yao³-le⁴, cˀoa⁴ li²coi³-ni³ coan³. Je³coan³sjai³-no³ nca³ cho⁴ta⁴nti³so³.