1 Juan 3:6 - New Testament in Mazatec Huautla

⁶ To⁴ˀya³-ni³ xi³ ti¹jna³cao⁴ Cristo nca³ntsjai², li²coi³ ma³jnqui³ je¹. To⁴ˀya³-ni³ve⁴ xi³ ma³jnqui³ je¹, li²coi³ tsa³ve³ Cristo, ni⁴ tsa³ve³xcon³-jin² Cristo.

1 Juan 3:6 ပူးပေါင်းရင်းမြစ်များ

2 Corintios 3:18

To⁴coi³ ña¹ nca³tsˀia³² nca³ tsi² tjio¹ˀma³ ncjan³², nca³ cho¹tsen³ya³² jo³-ni³ tsa² jnco³ cho⁴tsin¹ je² cjoa⁴je³ya³-le⁴ Nai³-na¹, cˀoa⁴-sˀin² cji³vˀa³ntjai²ya³² nca³ cˀoa⁴coan⁴ cjoan³² jo³ cjoan³ Nai³-na¹, nca³ tjin¹-na¹ cjoa⁴je³ya³, cˀoa⁴ nqui²sa⁴ tse³ cjoa⁴je³ya³ nca³ nčhoa¹-ni³ je² Nai³-na¹ xi³ je² Espíritu.

2 Corintios 4:6

Nca⁴ Ni³na¹ xi³ cˀoa⁴qui³tso², je² lˀi¹ ca²ta³ma³ˀi³sen³-ni³ jña³ njion²chon³, cˀoa⁴ je² ni¹ xi³ qui³si³ˀi³sen³jin³ ni⁴ma⁴-na⁴jin⁴. Cˀoa⁴-sˀin² tˀa³tsain⁴-jin⁴ qui³si³ˀi³sen³, jme¹-ni³ nca³ jcha⁴-si¹ni³jin⁴ je² cjoa⁴je³ya³-le⁴ Ni³na¹ xi³ ncjain¹ Jesucristo ma³tsen³-ni³.

1 Juan 2:28

Ntˀai⁴-vi⁴, ˀnti¹xti³, cˀoa⁴-sˀin² ti⁴yo³cjao³ntsjao²³ cao⁴ Cristo, jme¹-ni³ nca³ nta³ nˀion¹tˀa³ta³con²-si¹nia³² cˀia⁴ nca³ coan⁴tsen³ nqui²jnco³cˀa² nca³ je², cˀoa⁴ jme¹-ni³ nca³ li²coi³ coan⁴soa³-si¹ni³na¹ nqui³xcon⁴ nca³ je² cˀia⁴ nca³ cjoa⁴ˀai¹.

1 Juan 2:3

Coi³ ˀya³-nia¹ nca³ tsa³ˀya³² nca³ je², tsa² ni²cji³tjo³soan² cjoa⁴te¹xo³ma³-le⁴.

1 Juan 2:4

Je² xi³ cˀoi⁴tso²: An³-vi⁴ tsa³ˀve³ nca³ je², cˀoa⁴ li²coi³ si¹cji³tjo³son² cjoa⁴te¹xo³ma³-le⁴, je² cjai¹nca³ nti³so³. Tsin²-le⁴ cjoa⁴qui²xi⁴-jin² nca³ je².

1 Juan 3:2

Jon² xi³ cjai¹nca³ tsjoa³que⁴-no³, ntˀai⁴-vi⁴ ˀnti¹-le⁴ Ni³na¹ nia¹ nca³ ña¹. Cje³-sa³ ma³tsen³-jin² jo³ coan⁴ cjoan³², to⁴nca³ ˀya³-nia¹ cˀia⁴ nca³ coan⁴tsen³ nca³ je², cˀoa⁴-ti⁴ cˀoa⁴coan⁴ cjoan³² jo³ cjoan³ nca³ je², nca⁴ cˀoa⁴-sˀin² jcha⁴² jo³ cjoan³ nca³ je².

1 Juan 3:9

Nca³tsˀi³ xi³ qui³tsin³ xi³ tˀa³tsˀe⁴ Ni³na¹, li²coi³ je¹ ma³jnqui³, nca⁴ je² ntje⁴-le⁴ Ni³na¹ ti¹jna³jin³ntsjai² ni⁴ma⁴-le⁴. A³li²coi³ ma³-le⁴ ma³jnqui³ je¹, nca⁴ qui³tsin³ xi³ tˀa³tsˀe⁴ Ni³na¹.

1 Juan 4:8

Je² xi³ tsi² tjao²que³, ni⁴cˀia³-jin² tsa³ve³ Ni³na¹. Je² Ni³na¹ xi³ cjoa⁴tjao²cha³.

1 Juan 5:18

ˀya³-nia¹ nca³ nca³tsˀi³ xi³ qui³tsin³ tˀa³tsˀe⁴ Ni³na¹, a³li²coi³ je¹ ma³jnqui³. To⁴nca³ je² xi³ qui³tsin³ tˀa³tsˀe⁴ Ni³na¹, je² Jesucristo si¹coi²nta⁴ nca³ je², cˀoa⁴ je² nai⁴² li²coi³ tsoa⁴.

3 Juan 1:11

Ji³ xi³ tsjoa³que⁴-le²³, a³li² je²-jin² chjen¹nqui³-lai⁴ xi³ chˀao³ tjin¹, to⁴nca³ je² xi³ nta³ tjin¹. Je² xi³ nta³ sˀin¹, tsˀe⁴ Ni³na¹ ni¹, to⁴nca³ je² xi³ chˀao³ sˀin¹, ni⁴ˀi⁴tse¹-jin² ve³ Ni³na¹.