1 Juan 3:10 - New Testament in Mazatec Huautla

¹⁰ Cˀoi⁴-sˀin² ˀya³-ni³le⁴ je² xi³ ˀnti¹-le⁴ Ni³na¹, cˀoa⁴ je² xi³ ˀnti¹-le⁴ nai⁴². Nca³tsˀi³ xi³ tsi² cjoa⁴qui²xi⁴ xi³ sˀin¹, xi³ tsi² tjao²que³ ntsˀe⁴, a³li² tsˀe⁴ Ni³na¹-jin².

1 Juan 3:10 ပူးပေါင်းရင်းမြစ်များ

San Mateo 13:38

Je² na³nqui³ je² ni¹ xi³ son³ˀnte³. Je² na⁴xin⁴ xi³ nta³, je² ni¹ xi³ cho⁴ta⁴ xi³ sˀe⁴-le⁴ cjoa⁴te¹xo³ma³-le⁴ ncˀa³jmi³. Cˀoa⁴ je² jña¹ xi³ tsi² nta³, je² ni¹ xi³ cho⁴ta⁴-le⁴ nai⁴².

San Lucas 6:35

Ca²ta³ma³tsjoa³chao³ tso²cˀoa⁴ co²ntran⁴-no³, cˀoa⁴ nta³ tˀiaon⁴³, cˀoa⁴ ti⁴quin²yao³ nca³ a³li²jme³-jin² xi³ cho¹ya³-lao⁴³ xi³ tsˀe⁴. Tse³ coan⁴chji¹-no³, cˀoa⁴ coaon⁴³ ˀnti¹-le⁴ Ni³na¹ xi³ nˀion¹ ncˀa³, nca⁴ je² tjin¹-le⁴ cjoa⁴nta³ xi³ tˀa³tsˀe⁴ xi³ ncˀa³con³, cˀoa⁴ xi³ chˀao³ cjoan³.

San Juan 1:12

Nca³tsˀi³ jo³ tjin¹ ma³-ni³ xi³ je² tsa³ve³tjao², qui³tsjoa³ˀnte²-le⁴ nca³ ˀnti¹-le⁴ Ni³na¹ coan³, je² nca³tsˀi³ xi³ ma³cjain¹-le⁴ tˀa³tsˀe⁴ jan³ˀain¹-le⁴,

San Juan 11:52

A³li² tsa² to⁴je² na⁴xi⁴na³nta¹-ve⁴ xi³ coi⁴ya¹ntjai² Jesús, cˀoa⁴²-ti⁴ cˀoe⁴²xco¹ nca³tsˀi³ ˀnti¹-le⁴ Ni³na¹ xi³ tjio¹tsao³va³ son³ˀnte³.

San Juan 8:44

Jon² nio¹³ xi³ nˀai³-no³ je² nai⁴², cˀoa⁴ tsjoa³-no³ nca³ cˀoa⁴sˀiaon⁴³ jo³-sˀin² me³-le⁴ nˀai³-no³. Je² nˀai³-no³ si¹cˀen³ cˀen³ sa³ˀnta³ ti¹tjon², cˀoa⁴ li²coi³ tsa³cˀe²jna³jin³-le⁴ xi³ cjoa⁴qui²xi⁴, nca⁴ tsin²-le⁴ cjoa⁴qui²xi⁴-jin². Cˀia⁴ nca³ nchja⁴ en¹nti³so³, nchja⁴ jo³ cjoan³ nca³ je². Nti³so³ nca³ je², cˀoa⁴ nˀai³-le⁴ cjoa⁴nti³so³.

San Juan 8:47

Je² xi³ tsˀe⁴ Ni³na¹, nčhˀoe¹ je² en¹-le⁴ Ni³na¹. Coi³ nca³ tsi² tsa² no²ˀya²-lao⁴³ nca³ jon², nca⁴ tsi² tsa² tsˀe⁴ Ni³na¹-jion²³.

Hechos de los Apóstoles 13:10

Cˀoi⁴qui³tso²-le⁴: Ja⁴! A³li² to⁴cˀoa⁴cji³ cjoa⁴chˀa¹na⁴-cha⁴ cjoa⁴taon³ xi³ tjin¹-li², ji³ xi³ ˀnti¹-le⁴ nai⁴², co²ntran⁴-le⁴ ji³ nca³yi³je³ xi³ cjoa⁴qui²xi⁴. A³ tsi² tsa² coi⁴jna³jyoi¹³ nca³ cˀoa⁴-sˀin² ni²qui³xo¹yai³ je² ntia⁴² xi³ qui²xi⁴ xi³ tsˀe⁴ Nai³-na¹.

Romanos 13:8

Ni⁴to⁴jme³-jin² xi³ qui³tjen⁴-no³ cao⁴ ˀya³-ni³ve⁴, to⁴je²-jin² cjoa⁴tjao²cha³ nca³ ma³tsjoa³chao³ xi²nquio⁴³. Je² xi³ tsjoa³que³ xi¹ncjin¹, je² xi³ si¹qui³tjo³son² cjoa⁴te¹xo³ma³.

Efesios 5:1

Chjen²nqui³-lao⁴³ Ni³na¹, jo³-ni³ tsa² ˀnti¹ xi³ cjai¹nca³ tjao²cha³.

Colosenses 3:14

Je² nca³ ti¹tjon²-le⁴ nca³yi³je³ cjoa⁴-vi⁴, ca²ta³ma³tsjoa³chao³ xi²nquio⁴³, nca³ je² cjoa⁴tjao²cha³ xi³ nta³ vˀe¹cjao²-na¹, cˀoa⁴ si¹jnco³-na¹.

1 Timoteo 1:5

Coi³ xi³ me³-le⁴ cjoa⁴te¹xo³ma³-le⁴ Ni³na¹ nca³ tsjoa³cha³² cao⁴ ni⁴ma⁴-na¹ xi³ tsje³, cao⁴ cjoa⁴fa³ˀai³tsjen³nta³-na¹, cao⁴ nca³ ña³qui³ cjoa⁴qui²xi⁴ ma³cjain¹-na¹.

1 Juan 2:29

Tsa² ˀya³-nio¹³ nca³ je² tjin¹-le⁴ cjoa⁴qui²xi⁴, cˀoa⁴-ti⁴ ca²ta³ˀyao³ nca³ nca³tsˀi³ cho⁴ta⁴ xi³ sˀin¹ xi³ cjoa⁴qui²xi⁴, je²-vi⁴ qui³tsin³ xi³ tˀa³tsˀe⁴ Ni³na¹.

1 Juan 3:1

Ne² cˀoa⁴tjin¹ cjoa⁴tjao²cha³ xi³ qui³tsjoa³-na¹ Nˀai³-na¹, jme¹-ni³ nca³ ˀnti¹-le⁴ Ni³na¹ ˀmi²-si¹ni³na¹. Coi³ nca³ i⁴ son³ˀnte³ li²ˀya³ xi³ ve³-na¹, nca³ tsi²coi³ tsa³ve³ Ni³na¹.

1 Juan 3:2

Jon² xi³ cjai¹nca³ tsjoa³que⁴-no³, ntˀai⁴-vi⁴ ˀnti¹-le⁴ Ni³na¹ nia¹ nca³ ña¹. Cje³-sa³ ma³tsen³-jin² jo³ coan⁴ cjoan³², to⁴nca³ ˀya³-nia¹ cˀia⁴ nca³ coan⁴tsen³ nca³ je², cˀoa⁴-ti⁴ cˀoa⁴coan⁴ cjoan³² jo³ cjoan³ nca³ je², nca⁴ cˀoa⁴-sˀin² jcha⁴² jo³ cjoan³ nca³ je².

1 Juan 4:21

Je²-vi⁴ cjoa⁴te¹xo³ma³ xi³ Ni³na¹ qui³tsjoa³-na¹: Je² xi³ tjao²que³ Ni³na¹, cˀoa⁴-ti⁴ ma³chjen¹ nca³ tjao²que³ ntsˀe⁴.

1 Juan 4:6

To⁴nca³ ña¹ tsˀe⁴ Ni³na¹ nia¹. Je² xi³ ña³qui³ nta³ ve³ Ni³na¹, nčhˀoe¹-na¹. Je² xi³ tsi² tsˀe⁴ Ni³na¹, li²coi³ nčhˀoe¹-na¹. Coi³ cjoa⁴ nca³ ˀya³-nia¹ je² espíritu xi³ cjoa⁴qui²xi⁴ cˀoa⁴ je² espíritu xi³ nti³so³.

1 Juan 4:8

Je² xi³ tsi² tjao²que³, ni⁴cˀia³-jin² tsa³ve³ Ni³na¹. Je² Ni³na¹ xi³ cjoa⁴tjao²cha³.

1 Juan 5:19

ˀya³-nia¹ nca³ ña¹ tsˀe⁴ Ni³na¹ nia¹, cˀoa⁴ i⁴ nca³qui³jnta² son³ˀnte³-vi⁴ ti¹jna³cao⁴ nai⁴².

1 Juan 5:2

Cˀoi⁴-sˀin² ˀya³-nia¹ nca³ tjao²cha³² ˀnti¹-le⁴ Ni³na¹, cˀia⁴ nca³ tjao²cha³² Ni³na¹, cˀoa⁴ ni²cji³tjo³soan² cjoa⁴te¹xo³ma³-le⁴.

3 Juan 1:11

Ji³ xi³ tsjoa³que⁴-le²³, a³li² je²-jin² chjen¹nqui³-lai⁴ xi³ chˀao³ tjin¹, to⁴nca³ je² xi³ nta³ tjin¹. Je² xi³ nta³ sˀin¹, tsˀe⁴ Ni³na¹ ni¹, to⁴nca³ je² xi³ chˀao³ sˀin¹, ni⁴ˀi⁴tse¹-jin² ve³ Ni³na¹.