1 Juan 2:15 - New Testament in Mazatec Huautla

¹⁵ A³li² je²-jin² ni²me³ta³con²³ son³ˀnte³, ni⁴ nca³yi³je³ jña³-le⁴ xi³ chon³ son³ˀnte³. Tsa² jnco³ xi³ si¹me³con³ son³ˀnte³, tsin²-le⁴ cjoa⁴tjao²cha³-jin² xi³ tˀa³tsˀe⁴ Ni³na¹.

1 Juan 2:15 ပူးပေါင်းရင်းမြစ်များ

San Mateo 4:8

Nqui²jnco³cˀa² je² nai⁴² qui³cao⁴ jnco³ ni³nto³ xi³ nˀion¹ ncˀa³, cˀoa⁴ tsa³ca³co¹-le⁴ nca³yi³je³ cjoa⁴te¹xo³ma³-le⁴ son³ˀnte³, cao⁴ cjoa⁴je³ya³-le⁴.

San Mateo 6:24

Ni⁴ˀya³-jin² xi³ jao² nai³-le⁴ ma³ si¹xa¹-le⁴. Cˀoa⁴ jti³que³ coan⁴ jnco³, cˀoa⁴ xi³jnco³ tsjoa³que³, cˀoa⁴ coai⁴tˀa³-le⁴ jnco³ cˀoa⁴ xi³jnco³ chˀao³ scoe⁴con³. A³li²coi³ coan⁴ ni²xa¹-lao⁴³ nca³ jao², Ni³na¹ cao⁴ cjoa⁴nchi⁴na¹.

San Lucas 16:13

Ni⁴jnco³-jin² cho⁴ˀnta³ xi³ jao² nai³-le⁴ si¹xa¹-le⁴, nca⁴ jti³que³ coan⁴ jnco³, cˀoa⁴ xi³jnco³ coan⁴tsjoa³que³, a³xo⁴ coai⁴tˀa³-le⁴ jnco³, cˀoa⁴ xi³jnco³ chˀao³ scoe⁴con³. Li²coi³ coan⁴ si⁴xa¹-lao⁴³ nca³ jao², Ni³na¹ cao⁴ cjoa⁴nchi⁴na¹.

San Juan 15:19

Tsa² i⁴ tsaon⁴³ i⁴ son³ˀnte³-vi⁴, je² cho⁴ta⁴son³ˀnte³ tsjoa³que³ xi³ tsˀe⁴. To⁴nca³ jon² li²coi³ i⁴ tsaon⁴³, to⁴sa³ an³ qui³scoe²jin³-ni³no³ cho⁴ta⁴son³ˀnte³. Coi³ nca³ jti³que³-ni³no³ cho⁴ta⁴son³ˀnte³-vi⁴.

Romanos 12:2

A³li² cˀoa⁴-jin²sˀin² ma³nquin¹cao⁴³ yao³-no³ jo³ tjin¹ cjoa⁴ son³ˀnte³-vi⁴. Ca²ta³vˀa³ntjai²yao³ yao³-no³ nca³ coan⁴cho⁴tse⁴ya³nta³ nqui²jnco³cˀa²-ni³ cjoa⁴fa³ˀai³tsjen³-no³, jme¹-ni³ nca³ jcha⁴-si¹nio³ jme³-ni³ xi³ Ni³na¹ me³-le⁴, jña³-le⁴ xi³ nta³, xi³ sa³sen¹-le⁴, xi³ ña³qui³ tji¹jnco³.

Gálatas 1:10

A³ tsˀe⁴ cho⁴ta⁴ je² cjoa⁴nta³ xi³ va³sje²³ ntˀai⁴ a³xo⁴ tsˀe⁴ Ni³na¹ ni¹. A³ va³sjai³-nia¹³ nca³ si³tsjoa³-le⁴ cho⁴ta⁴. Xi³ cjoa⁴qui²xi⁴ ni¹, tsa² an³ si³tsjoa³-le⁴ cho⁴ta⁴, a³li² cho⁴-ˀnta³-le⁴ Cristo-jian²³ˀni³.

Efesios 2:2

Nca³sˀa⁴ xi³ cja⁴ˀai¹ ni⁴čhjin³ cˀoa⁴-sˀin² tsa³qui³ma³-jion³ je² cjoa⁴-ve⁴ jo³ cji³ma³chon³ son³ˀnte³, jo³-sˀin² nca³ me³-le⁴ je² xi³ nca³jco⁴-le⁴ xi³ ya⁴ tjin¹-le⁴ nca³nˀion¹ jin³sen¹. Je² ni¹ xi³ nca³jco⁴-le⁴ nai⁴² xi³ nta³jin³ xi³ ntˀai⁴-vi⁴ si¹xa¹jin³ cho⁴ta⁴ xi³ xi¹jin³.

1 Timoteo 6:10

Je² xi³ si¹me³con³ taon⁴, ya⁴ nčhoa¹-ni³ nca³yi³je³ cjoa⁴tsˀen⁴. Je² cho⁴ta⁴ xi³ coi³ si¹me³con³, xin² ntia⁴² qui³-le⁴ en¹ xi³ ma³cjain¹-na¹. A³li² to⁴cˀoa⁴cji³ cjoa⁴so³ cjoa⁴ñˀain³ tsa³cja³ˀa¹.

Santiago 1:27

Cˀoa⁴-sˀin² ña³qui³ ˀya³xcoan¹ Ni³na¹ nca³ ma³nquin¹chon³-le⁴² xi³ jchˀan⁴ xi³ cˀen³ xˀin⁴-le⁴, nca³ cjoa⁴ñˀain³ tjio¹fa³ˀai³, cˀoa⁴-ti⁴ nca³ chˀa⁴sje³xin²-le⁴² yao³-na¹ cjoa⁴ xi³ tjin¹ son³ˀnte³-vi⁴. Je²-vi⁴ xi³ cjoa⁴-le⁴ Ni³na¹ xi³ tsje³ tjin¹ xi³ tsi² jma² tjin¹ nqui³xcon⁴ Nˀai³-na¹.

Santiago 4:4

Jon² xi³ xˀion⁴³, xi³ ya¹nchjon¹³, xi³ qui³njion²³ ntia⁴²-le⁴ Ni³na¹, a³ tsi² tsa² ˀyao³ nca³ je² xi³ mi²yo⁴-le⁴ cjoa⁴son³-ˀnte³ co²ntran⁴-le⁴ Ni³na¹ ni¹. To⁴ˀya³-ni³ xi³ me³-le⁴ si¹mi²yo⁴ cjoa⁴son³ˀnte³, co²ntran⁴-le⁴ Ni³na¹ ma³.

1 Juan 3:17

To⁴nca³ je² xi³ tjin¹-le⁴ nca³yi³je³ xi³ ma³chjen¹-le⁴ xi³ tsˀe⁴ son³ˀnte³, cˀoa⁴ scoe⁴ jnco³ ntsˀe⁴ xi³ tsin²-le⁴ xi³ ma³chjen¹-le⁴, cˀoa⁴ cˀoe⁴²chjoa²-le⁴ ni⁴ma⁴-le⁴, a³ ti¹jna³jin³ntsjai² ni⁴ma⁴-le⁴ cjoa⁴tjao²cha³-le⁴ Ni³na¹.

1 Juan 4:5

Je² xi³ nchja⁴ya³ cjoa⁴nti³so³, tsˀe⁴ son³ˀnte³ ni¹. Coi³ nchja⁴-ni¹ xi³ tsˀe⁴ son³ˀnte³, cˀoa⁴ je² son³ˀnte³ nčhˀoe¹-le⁴ nca³ je².

1 Juan 5:10

Je² xi³ ma³cjain¹-le⁴ tˀa³tsˀe⁴ ˀnti¹-le⁴ Ni³na¹, je² cjoa⁴ xi³ qui³ni²qui²xi⁴ya³ ti¹jna³jin³ ni⁴ma⁴-le⁴. Je² xi³ tsi² ma³cjain¹-le⁴ tˀa³tsˀe⁴ Ni³na¹, tsa³cˀa³sje³ nti³so³ Ni³na¹, nca³ tsi²coi³ coan³cjain¹-le⁴ je² en¹ xi³ Ni³na¹ qui³si³qui²xi⁴ya³ xi³ tˀa³tsˀe⁴ ˀnti¹-le⁴.