1 Juan 2:1 - New Testament in Mazatec Huautla

¹ Nca³tsˀio³ ˀnti¹xti³-na⁴, je² cjoa⁴-vi⁴ cji³-no³, jme¹-ni³ nca³ tsi² coi⁴jnchi³-si¹nio³ je¹. Tsa² jnco³ xi³ tsa³jnqui³ je¹, ti¹jna³jnco³-na¹ xi³ fa³jin³-na¹ nqui³xcon⁴ Nˀai³-na¹, je² Jesucristo xi³ tjin¹-le⁴ cjoa⁴qui²xi⁴.

1 Juan 2:1 ပူးပေါင်းရင်းမြစ်များ

San Lucas 10:22

Nca³yi³je³ cjoa⁴ an³ qui³tsjoa³-na³ Nˀai³-na⁴. To⁴je² xi³ Nˀai³ xi³ ve³ jo³ cjoan³ xi³ ˀnti¹, ni⁴ˀya³-jin²sa³ xi³ ve³. To⁴je² xi³ ˀnti¹ xi³ ve³ jo³ cjoan³ xi³ Nˀai³. Cˀoa⁴ ve³ je² xi³ je² ˀnti¹ me³-le⁴ nca³ coa⁴co²son²tsen³-le⁴.

San Juan 10:15

Jo³-sˀin² nca³ ve³xcon³-na³ Nˀai³-na¹, cˀoa⁴-ti⁴ an³ ˀve³xcoan³ Nˀai³-na¹. Tsjoa³ntje²³ ni⁴ma⁴-na⁴ xi³ tˀa³tsˀe⁴ je² ˀnti¹cho⁴va³rre². tjio¹jin³. Cˀoa⁴-ti⁴ je²-ve⁴ ma³chjen¹-na³ nca³ cjoi⁴nčhoa³.

San Juan 13:33

ˀnti¹xti³, to⁴jo³ ti²jna⁴cao⁴-sa³no³ nqui²jnco³ tjo². Coi⁴jnchi¹sjai³-nao¹³, to⁴nca³ jo³ qui³xin³-le⁴ cho⁴ta⁴ judíos, cˀoa⁴xin³-no³ ntˀai⁴-vi⁴, jña³ nca³ cjoia¹³, jon² li²coi³ coan⁴ coa⁴nquion¹³.

San Juan 14:16

Cˀoa⁴-sˀin² cˀoe³tsˀoa²³-le⁴ Nˀai³-na¹, cˀoa⁴ je² tsjoa¹ nqui²jnco³-no³ xi³ coa⁴sen⁴cao⁴-no³, jme¹-ni³ nca³ cˀoe¹jna³cao⁴ntsjai²-si¹ni³no³.

San Juan 14:6

Jesús qui³tso²-le⁴: An³ nia¹³ xi³ ntia⁴², an³ nia¹³ xi³ cjoa⁴qui²xi⁴, an³ nia¹³ xi³ cjoa⁴vi³jna³chon³. Ni⁴to⁴ˀya³-jin² xi³ fa³ˀai³con²-le⁴ Nˀai³-na¹, tsa² tsian² nca³ an³.

San Juan 21:5

Jesús qui³tso²-le⁴: Xti³, a³ cje³ sa³co¹-jin²no³ jti⁴. Mai³, qui³tso²-le⁴.

San Juan 5:14

Cˀia⁴ nca³ coan³scan³-ni³ Jesús qui³sa³te³jin³-nca¹ni³ cho⁴ta⁴-ve⁴ ya⁴³ yo⁴nco⁴, cˀoi⁴qui³tso²-le⁴: Coe⁴-ni³ je³coan³ntai³, a³li² ti⁴je¹-jin² vi³jnchi³-ni³, jme¹-ni³ nca³ tsi² tsa² ti⁴cjoa⁴ˀai¹ne²-ni³li² xi³ nqui²sa⁴ to⁴ˀai¹ tjin¹.

San Juan 5:36

To⁴nca³ an³ tjin¹-na³ xi³ nqui²sa⁴ nta³ si¹qui²xi⁴ya³nta³ xi³ tˀa³tsˀan⁴ cao⁴-ni³ tsa² je² xi³ tsˀe⁴ Juan. Je² xa¹ xi³ qui³tsjoa³-na³ Nˀai³-na¹ nca³ si³jncoa²³, ti⁴je²-ni³ xa¹ xi³ cˀoa⁴sˀian³, cˀoa⁴sˀin² si¹qui²xi⁴ya³nta³ tˀa³tsˀan⁴ nca³ qui³si³ca³sen¹-na³ Nˀai³-na¹.

San Juan 6:27

Ti⁴xao¹³ a³li² to⁴tˀa³tsˀe⁴ je² xi³ vi³cha³² xi³ fi³tson³, to⁴nca³ tˀa³tsˀe⁴ je² xi³ vi³cha³² xi³ ti¹jna³ntsjai² xi³ tsjoa¹ cjoa⁴vi³jna³chon³ nca³ntsjai², xi³ je² ˀnti¹-le⁴ Ni³na¹ tsjoa¹-no³. Je² ˀnti¹-le⁴ xi³ Nˀai³-na¹ Ni³na¹ tsa³cˀe¹choa⁴.

San Juan 8:11

Chjon⁴²-ve⁴ qui³tso²: Señor, ni⁴ˀya³-jin². Cˀia⁴ Jesús qui³tso²-le⁴: Cˀoa⁴-ti⁴ an³ li²coi³ cˀaon³ne²-le²³ cjoa⁴ñˀain³. Tˀin³, a³li² ti⁴je¹-jin² vi³jnchi³-ni³.

Hechos de los Apóstoles 7:52

Je² nˀai³jcha¹cjin³-no³, jña¹-le⁴ cho⁴ta⁴ xi³ qui³nchja⁴ya³ xi³ tsi² tsa² tsa³nca³tjen⁴nqui³ co²ntran⁴-le⁴. Ña³qui³ qui³si³cˀen³-ni¹ je² xi³ to⁴nqui³-ni³ qui³nchja⁴ya³ nca³ cjoa⁴ˀai¹ jnco³ xi³ tjin¹-le⁴ cjoa⁴qui²xi⁴. Je²-vi⁴ xi³ jon² qui³nto³vao²³ ntˀai⁴-vi⁴, cˀoa⁴ xi³ qui³ni²cˀaon³.

Romanos 5:10

Tsa² cˀia⁴ nca³ co²ntran⁴-na¹ coan³ Ni³na¹, ti⁴je²-ni³ qui³si³cjao¹nta³-na¹ ti⁴tˀa³tsˀe⁴-ni³ xi³ to⁴tˀa³tsˀe⁴ cjoa⁴vi³ya³-le⁴ ˀnti¹-le⁴, to⁴sa³ ntˀai⁴, nca³ je³qui³cho³va²nta³-nia¹, coi²tjo⁴ntjai²-nia¹ xi³ to⁴tˀa³tsˀe⁴ cjoa⁴vi³jna³chon³-le⁴.

Romanos 6:15

Jme¹-ni³ˀni³. A³ coi⁴jnchi¹-nia¹ je¹ nca³ tsi² tsa² na³nqui³ ti³yo³-le⁴² cjoa⁴te¹xo³ma³, to⁴nca³ na³nqui³ ti³yo³-le⁴² cjoa⁴nta³. Ma³jain² ni⁴ˀi⁴tse¹-jin².

Romanos 8:34

ˀya¹ xi³ vˀe¹ne²-na¹ cjoa⁴ñˀain³. Cristo Jesús xi³ cˀen³, to⁴nca³ cˀoa⁴²-ti⁴ je² xi³ ja³ˀa²ya³-le⁴, xi³ ya⁴ ti¹jna³ nca³qui²xi⁴-le⁴ Ni³na¹, je² xi³ cˀoa⁴-ti⁴ vˀe¹tsˀoa³ xi³ tˀa³tsan⁴².

1 Corintios 15:34

Ti⁴cja³ˀa¹-lao⁴³ yao³-no³, ti⁴cja³ˀai³tsjaon³ xi³ cjoa⁴qui²xi⁴, cˀoa⁴ a³li² je¹-jin² ti⁴vi³jnchi³-nio³, nca³ tjin¹ cˀa³ xi³ li²coi³ ve³ Ni³na¹. An³ nchja²³ nca³ si³soa³-no³.

2 Corintios 5:21

Je² xi³ tsi² tsa³jnqui³ je¹, Ni³na¹ qui³si³nta³-ni³ je¹ xi³ tˀa³tsan⁴², jme¹-ni³ nca³ ña¹ cˀoa⁴coan³ cjoan³-nia³² je² cjoa⁴qui²xi⁴-le⁴ Ni³na¹, nca³ ti³yo³coa⁴² Cristo.

Gálatas 4:19

Jon² xi³ ˀnti¹xti³-na⁴, nˀion¹ aon³ ma³nqui³jnco³cˀa²-na³, jo³ sa³ˀnta³ cˀoa⁴²-la² ma³-le⁴ ya¹nchjin¹ cˀia⁴ nca³ vˀe¹ ˀnti¹, sa³ˀnta³ nca³ tsen³ jcha⁴-le⁴ nca³ nta³ coain¹cao⁴³ Cristo.

Efesios 2:18

To⁴tˀa³tsˀe⁴-ni¹ ña¹ nca³ joa³² tjin¹-na¹ ˀnte³ nca³ cjoi³cho³chon³-le⁴² Nˀai³-na¹ xi³ to⁴tˀa³tsˀe⁴ to⁴jnco³ Espíritu Santo.

Efesios 4:26

Nta³ tsa² ma³jti³-no³, a³li² je¹-jin² vi³jncho³. A³li² jti³-jin² ma³-no³ jo³ sa³ˀnta³ nca³ ca²ntjai² tsˀoi¹.

1 Timoteo 2:5

Jnco³ ma³-ni³ Ni³na¹, cˀoa⁴-ti⁴ jnco³ ma³-ni³ xi³ chji⁴ne⁴ˀen¹, Jesucristo cho⁴ta⁴xˀin⁴ xi³ si¹cjao²nta³ Ni³na¹ cao⁴ cho⁴ta⁴son³ˀnte³.

1 Timoteo 3:14

Je²-vi⁴ ti²cji³-le²³, nta³ tsa² ti²co³ya³ nca³ nti⁴ton⁴ cjoi³cho³nčhˀoe²-le²³.

Hebreos 9:24

Nca⁴ tsi² tsa² ja³ˀa³sˀen³ Cristo ya⁴ ˀnte³tsje³ xi³ qui³sˀe³nta³-ni³ ntsja³ cho⁴ta⁴, xi³ nco³ya²-le⁴ je² ˀnte³tsje³ xi³ cjoa⁴qui²xi⁴, to⁴nca³ ya⁴ ja³ˀa³sˀen³ ti⁴ya⁴ ncˀa³jmi³-ni³. Ya⁴ va³co¹ yao³-le⁴ ntˀai⁴-vi⁴ xi³ tˀa³tsan⁴² ya⁴ nqui³xcon⁴ Ni³na¹.

Santiago 1:27

Cˀoa⁴-sˀin² ña³qui³ ˀya³xcoan¹ Ni³na¹ nca³ ma³nquin¹chon³-le⁴² xi³ jchˀan⁴ xi³ cˀen³ xˀin⁴-le⁴, nca³ cjoa⁴ñˀain³ tjio¹fa³ˀai³, cˀoa⁴-ti⁴ nca³ chˀa⁴sje³xin²-le⁴² yao³-na¹ cjoa⁴ xi³ tjin¹ son³ˀnte³-vi⁴. Je²-vi⁴ xi³ cjoa⁴-le⁴ Ni³na¹ xi³ tsje³ tjin¹ xi³ tsi² jma² tjin¹ nqui³xcon⁴ Nˀai³-na¹.

Santiago 3:9

Cao⁴ ni³jen³² chˀa²sje³je³ya³-nia¹ Ni³na¹ Nˀai³-na¹, cˀoa⁴ cao⁴ ni³jen³² no²cjoa⁴ˀaon³-ni³le⁴² cho⁴ta⁴ xi³ cˀoa⁴coan³ cjoan³ jo³ cji³ Ni³na¹.

1 Pedro 2:22

Cristo li²coi³ tsa³jnqui³ je¹, ni⁴ qui³nchja⁴-jin² en¹chˀa²na⁴cha⁴.

1 Pedro 3:18

Cˀoa⁴-ti⁴ to⁴jnco³ cˀa², ntia³ tsa³cja³ˀa¹nˀion¹ cjoa⁴ñˀain³ Cristo xi³ to⁴tˀa³tsˀe⁴ cjoa⁴tsˀen⁴. Je² xi³ tjin¹-le⁴ cjoa⁴qui²xi⁴ tsa³cja³ˀa¹ cjoa⁴ñˀain³ xi³ tˀa³tsˀe⁴ xi³ tsin²-le⁴ cjoa⁴qui²xi⁴, jme¹-ni³ nca³ coai⁴cao⁴-si¹ni³na¹ Ni³na¹. Ña³qui³ cˀen³ jo³ cjoan³ yao³-le⁴, to⁴nca³ qui³ni²cˀe¹jna³con³ jo³ cjoan³ espíritu-le⁴.

1 Juan 3:18

Nca³tsˀio³ ˀnti¹xti³-na⁴, ña³qui³ nta³ tjao²cha³ ca²ta³ma³² xi²nquia⁴². A³li² to⁴ˀen¹ coi⁴no²cjoa⁴², to⁴nca³ je² cjoa⁴tjao²cha³ xi³ cjoa⁴qui²xi⁴ xi³ sˀian⁴².

1 Juan 3:5

ˀya³-nio¹³ nca³ coi³ cjoa⁴ coan³tsen³-ni³ Cristo, jme¹-ni³ nca³ cjoa⁴ˀa²xin²-si¹ni³ je¹-na¹. Tsin²-le⁴ je¹-jin² nca³ je².

1 Juan 3:7

ˀnti¹xti³, a³li² vˀai²ˀnte³-jion² nca³ ˀya³ xi³ jon² vˀa³na⁴cha⁴-no³. Je² xi³ sˀin¹ xi³ cjoa⁴qui²xi⁴, cjai¹nca³ tjin¹-le⁴ cjoa⁴qui²xi⁴, jo³-sˀin² nca³ Cristo cˀoa⁴-ti⁴ tjin¹-le⁴ cjoa⁴qui²xi⁴.

1 Juan 4:4

Jon² nio¹³, ˀnti¹xti³-na⁴, tsˀe⁴ Ni³na¹ nio¹³, cˀoa⁴ qui³ni²qui³njen³-lao⁴³ je² xi³ nchja⁴ya³ cjoa⁴nti³so³, nca⁴ je² xi³ ti¹jna³jin³ ni⁴ma⁴-no³ nqui²sa⁴ ncˀa³ ti¹jna³ cao⁴-ni³ tsa² je² nai⁴² xi³ tso²ˀva³ i⁴ son³ˀnte³-vi⁴.

1 Juan 5:17

Nca³yi³je³ xi³ li²coi³ nta³ tjin¹, je¹ ni¹, to⁴nca³ tjin¹ je¹ xi³ tsi² va³quin²-le⁴ cjoa⁴vi³ya³.

1 Juan 5:21

ˀnti¹xti³-na⁴, chja⁴ˀa²xin²-lao⁴³ yao³-no³ nca³yi³je³ xi³ xco¹son² cjoan³. Cˀoa⁴ ca²ta³ma³.

3 Juan 1:4

Tsin²-na³ cjoa⁴-jin² xi³ nqui²sa⁴ sˀe⁴-na³ cjoa⁴tsjoa³ jo³-ni³ tsa² je²-vi⁴, nca³ nčhˀoe³-nia³ nca³ je² xti³-na⁴ cao⁴ cjoa⁴qui²xi⁴ tjio¹ma³-ni³.