1 Juan 1:10 - New Testament in Mazatec Huautla

¹⁰ Tsa² cˀoa⁴coi⁴xoan¹ nca³ li²coi³ tsa³qui³jncha³² je¹, Ni³na¹ chˀa³sje³nti³soa³². Je² en¹-le⁴ li²coi³ vˀe²jin³ta³coan³².

1 Juan 1:10 ပူးပေါင်းရင်းမြစ်များ

San Juan 3:33

Je² xi³ cjoe¹ en¹-le⁴, je²-vi⁴ qui³si³qui²xi⁴ya³nta³ nca³ Ni³na¹ xi³ cjoa⁴qui²xi⁴.

Colosenses 3:16

Je² en¹ xi³ tˀa³tsˀe⁴ Cristo ca²ta³sˀe³jin³ ni⁴ma⁴-no³, ca²ta³ma³ncjin²ya³ ja⁴jin³ ni⁴ma⁴-no³. Ta³co²ya³-lao⁴³ tˀe²ne²-lao⁴³ xi²nquio⁴³ cao⁴ nca³yi³je³ cjoa⁴ˀi³sen³ta³con². Ti⁴jnta¹-lao⁴³ Ni³na¹ je² en¹-le⁴, ti⁴jntao¹³ je² xi³ vˀa³sje³je³ya³ Ni³na¹, ti⁴jntao¹³ ja⁴jin³ ni⁴ma⁴-no³. Nca³ sin³ nca³ nta³ ti⁴jnta¹-lao⁴³ Nai³-na¹ ja⁴jin³ ni⁴ma⁴-no³, nca³ cˀoai⁴-lao⁴³ cjoa⁴nta³.

1 Juan 1:8

Tsa² cˀoa⁴coi⁴xoan¹ nca³ tsin²-na¹ je¹, ti⁴ña¹ chˀa²na⁴cha⁴-ni³le⁴² yao³-na¹. Tsin²-na¹ xi³ cjoa⁴qui²xi⁴.

1 Juan 2:14

Cˀoa⁴-sˀin² qui³squi³-no³ nca³ jon² xi³ nˀai³ ˀmi²-no³, nca⁴ tsa³ˀya³-nio¹³ je² xi³ ti¹jna³ sa³ˀnta³ nca³ to²tsˀin³-le⁴ cjoa⁴. Cˀoa⁴-sˀin² qui³squi³-no³ nca³ jon² xi³ xti³xˀion⁴³, nca⁴ tjin¹-no³ nca³nˀion¹, cˀoa⁴ je² en¹-le⁴ Ni³na¹ sˀe³jin³ntsjai²-no³, cˀoa⁴ qui³ni²qui³njen³-lao⁴³ je² nai⁴².

1 Juan 2:4

Je² xi³ cˀoi⁴tso²: An³-vi⁴ tsa³ˀve³ nca³ je², cˀoa⁴ li²coi³ si¹cji³tjo³son² cjoa⁴te¹xo³ma³-le⁴, je² cjai¹nca³ nti³so³. Tsin²-le⁴ cjoa⁴qui²xi⁴-jin² nca³ je².

1 Juan 4:4

Jon² nio¹³, ˀnti¹xti³-na⁴, tsˀe⁴ Ni³na¹ nio¹³, cˀoa⁴ qui³ni²qui³njen³-lao⁴³ je² xi³ nchja⁴ya³ cjoa⁴nti³so³, nca⁴ je² xi³ ti¹jna³jin³ ni⁴ma⁴-no³ nqui²sa⁴ ncˀa³ ti¹jna³ cao⁴-ni³ tsa² je² nai⁴² xi³ tso²ˀva³ i⁴ son³ˀnte³-vi⁴.

1 Juan 5:10

Je² xi³ ma³cjain¹-le⁴ tˀa³tsˀe⁴ ˀnti¹-le⁴ Ni³na¹, je² cjoa⁴ xi³ qui³ni²qui²xi⁴ya³ ti¹jna³jin³ ni⁴ma⁴-le⁴. Je² xi³ tsi² ma³cjain¹-le⁴ tˀa³tsˀe⁴ Ni³na¹, tsa³cˀa³sje³ nti³so³ Ni³na¹, nca³ tsi²coi³ coan³cjain¹-le⁴ je² en¹ xi³ Ni³na¹ qui³si³qui²xi⁴ya³ xi³ tˀa³tsˀe⁴ ˀnti¹-le⁴.

2 Juan 1:2

Ti²cji³-no³ xi³ tˀa³tsˀe⁴ je² cjoa⁴qui²xi⁴ xi³ ti¹jna³jin³-na¹, cˀoa⁴ xi³ cˀoe¹jna³jin³ntsjai²-na¹.