1 Corintios 9:1 - New Testament in Mazatec Huautla

¹ A³ tsi² tsa² an³ pa²stro⁴. A³ tsi² ti²jna⁴nte¹³ nca³ an³. A³ tsi² tsa² tsa³ˀve³ je² Jesús Nai³-na¹. A³ tsi² tsa² jon² xi³ xa¹-na⁴ xi³ tˀa³tsˀe⁴ je² Nai³-na¹.

1 Corintios 9:1 ပူးပေါင်းရင်းမြစ်များ

Hechos de los Apóstoles 9:17

Cˀia⁴ Ananías qui³, ja³ˀa³sˀen³ ni³ˀya³. Tsa³ca¹jna³son²-le⁴ ntsja³, cˀoa⁴qui³tso²: Saulo ˀnti¹ntsˀe³, je² Nai³-na¹ Jesús xi³ coan³tsen³-li² nca³ ja²ˀai⁴ ya⁴³ ntia⁴², qui³si³ca³sen¹-na³ jme¹-ni³ nca³ coan⁴tsen³ nqui²jnco³cˀa²-si¹ni³li², cˀoa⁴ nca³ tse³ sˀe⁴jin³-si¹ni³ ni⁴ma⁴-li⁴ Espíritu Santo.

1 Timoteo 2:7

Xi³ tˀa³tsˀe⁴ je² cjoa⁴ an³ qui³si³ca³sen¹jna³-na³ nca³ nchja²ya³ nca³ pa²stro⁴ coan³. (Ña³qui³ cjoa⁴qui²xi⁴ xi³ xian³, a³li²coi³ cjoa⁴nti³so³.) An³ va³co³ya²³-le⁴ cho⁴ta⁴ xi³ li² judío-jin² jo³-sˀin² ma³cjain¹-na¹ cao⁴ xi³ cjoa⁴qui²xi⁴.

1 Corintios 3:6

An³ tsa³cˀe³ntje²³, Apolos tsa³cˀe¹jten⁴nqui³-le⁴ na³nta¹, to⁴nca³ Ni³na¹ xi³ qui³si³jcha¹.

Hechos de los Apóstoles 23:11

Xi³ coan³nchaon³-ni³, cˀia⁴ nca³ coan³ njion², je² Nai³-na¹ tsa³ca³sen²tˀa³-le⁴ Pablo, cˀoi⁴qui³tso²-le⁴: A³li² cˀoa⁴-jin² ma³-li² Pablo. Jo³-sˀin² nca³ qui³tsˀai² en¹-li⁴ xi³ tˀa³tsˀan⁴ i⁴ Jerusalén, cˀoa⁴-sˀin² ma³chjen¹ nca³ cˀoai⁴ en¹-li⁴ cˀoa⁴-ti⁴ ya⁴ Roma.

Hechos de los Apóstoles 9:3

Cˀia⁴ nca³ ti¹fi² ja⁴ya³ ntia⁴², cˀia⁴ nca³ ji³cho² čhian³ Damasco, to⁴ña³cjoan¹ ja³ˀa³ nca³ coan³ˀi³sen³ntai³-le⁴ jnco³ lˀi¹ xi³ ncˀa³jmi³ ji³nčhoa³-ni³.

1 Corintios 9:19

Nta³ tsa² ntai¹ ti²jna⁴-le⁴ nca³tsˀi³, cˀoa⁴-sˀin² cho⁴ˀnta³-le⁴ nca³tsˀi³ tsa³cˀe³nta³-nia³ yao³-na⁴, jme¹-ni³ nca³ nqui²sa⁴ ncjin² cho⁴ta⁴ si³qui³njen³-si¹nia³ tˀa³tsˀe⁴ Cristo.

2 Timoteo 1:11

Xi³ tˀa³tsˀe⁴ je² en¹nta³-vi⁴ cˀoa⁴-sˀin² qui³sˀe³ne²-na³ nca³ nchja²ya³, nca³ pa²stro⁴ ma³, nca³ maestro ma³-le⁴ cho⁴ta⁴ xi³ li² judío-jin².

Gálatas 5:1

Xi³ tˀa³tsˀe⁴ je² cjoa⁴ntai¹-ve⁴ Cristo qui³si³cˀe¹yo³ntai¹-na¹. Ña³qui³ nˀion¹ ti⁴yo³jin³-lao⁴³ je² cjoa⁴ntai¹-ve⁴. A³li² ti⁴vˀai²ˀnte³-jin²nio³ nca³ ya¹ yugo sˀe⁴nqui³ nqui²jnco³cˀa² ya¹sion³ nca³ cho⁴ˀnta³ coaon⁴³.

2 Corintios 6:1

Cˀoa⁴-sˀin² nca³ jin⁴-jin⁴, xi³ to⁴jnco³ ni²xai¹⁴-jin⁴ cao⁴ Cristo, vˀe²ne²-lai²⁴jin⁴ nca³ tsi² to⁴ya⁴-ni³ chjoao¹³ je² cjoa⁴nta³-le⁴ Ni³na¹.

Romanos 1:1

An³ nia¹³ Pablo, xi³ cho⁴ˀnta³-le⁴ Jesucristo. Qui³no²cjoa⁴-na³ nca³ pa²stro⁴ coan³, cˀoa⁴ qui³nˀo²sje³xin²-na³ xi³ tˀa³tsˀe⁴ je² en¹nta³-le⁴ Ni³na¹

Gálatas 1:1

An³ nia¹³ Pablo, xi³ pa²stro⁴, xi³ tsi² tsˀe⁴-jin² xa¹-le⁴ cho⁴ta⁴son³ˀnte³, ni⁴je²-jin² cho⁴ta⁴son³ˀnte³ xi³ qui³tsjoa³-na³ xa¹. To⁴nca³ Jesucristo, cˀoa⁴ Ni³na¹ Nˀai³-na¹ xi³ qui³si³cja³ˀa¹ya³jin³-ni³le⁴ cˀen³ Jesús, je² xi³ qui³tsjoa³-na³ xa¹.

1 Tesalonicenses 2:6

A³li² tsa² je² cjoa⁴je³ya³-le⁴ cho⁴ta⁴ tsa³qui³jnchi³sjai³⁴-jin⁴, ni⁴tsaon⁴³-jion²³, ni⁴to⁴ˀya³-jin²sa³ xi³ tsˀe⁴, nta³ tsa² coan³-na³jin⁴ nca³ jon² qui³ni²chˀa¹ne²-lai²⁴jin⁴, nca⁴ pa²stro⁴-le⁴ Cristo ni¹⁴-jin⁴.

2 Corintios 11:5

Cjoa⁴qui²xi⁴ si³cja³ˀai³tsjen³-nia¹³ nca³ ni⁴jme³-jin² xi³ na³nqui³ ti²jna⁴-le⁴ je² pa²stro⁴ xo⁴cjoan³-ve⁴ xi³ nˀion¹ ncˀa³ vˀa³sje³ yao³-le⁴.

1 Corintios 1:1

An³ nia¹³ Pablo, xi³ qui³no²cjoa⁴-na³ nca³ pa²stro⁴-le⁴ Jesucristo coan³, jo³-sˀin² coan³me³-le⁴ Ni³na¹, cˀoa⁴ cao⁴ je² ntsˀe³² Sóstenes,

Romanos 11:13

Jon² xi³ fa³cao⁴-no³ xi³ cho⁴ta⁴ xi³ li² judío-jin². Coi³ nca³ an³ nia¹³ xi³ pa²stro⁴-le⁴ cho⁴ta⁴ xi³ li² judío-jin², vˀa³sje³je³ya²³ je² xa¹ xi³ tsa³cˀai²-na³,

Romanos 1:5

Xi³ to⁴tˀa³tsˀe⁴ Cristo qui³scoe²³ cjoa⁴nta³ cao⁴ xa¹-le⁴ pa²stro⁴, jme¹-ni³ nca³ nca³tsˀi³ cho⁴ta⁴ xi³ li² judío-jin² coi⁴tjo³son²-si¹ni³le⁴ nca³ coan⁴cjain¹-le⁴ tˀa³tsˀe⁴ jan³ˀain¹-le⁴ Cristo.

Hechos de los Apóstoles 14:14

Cˀia⁴ nca³ qui³nčhˀoe¹ je² pa²stro⁴ Bernabé cao⁴ Pablo, ña³qui³ tsa³ca³sen¹jnta³ na³jño³-le⁴, qui³to²ca³jin³-le⁴ cho⁴ta⁴ncjin²-ve⁴, qui³squi³ˀntia¹xa¹-le⁴ nca³tsˀi³.

Hechos de los Apóstoles 14:4

Jao² ya³ coan³ cho⁴ta⁴ na⁴xi⁴na³nta¹. Jnco³ cˀa² xi³ cho⁴ta⁴ judíos tjio¹cao⁴, cˀoa⁴ je² xi³ nqui²jnco³ cˀa² pa²stro⁴ tjio¹cao⁴.

Hechos de los Apóstoles 13:2

Nca³tsˀi³ cho⁴ta⁴-vi⁴ qui³si³xa¹tˀa³-le⁴ Nai³-na¹, tsa³ca³tio²nchjan³-ni¹. Cˀia⁴ qui³tso² Espíritu Santo: Chja⁴ˀa²xin²-nao¹³ Bernabé cao⁴ Saulo xi³ tˀa³tsˀe⁴ xa¹ xi³ an³ qui³nchja²³-ni³le⁴.

Hechos de los Apóstoles 9:15

Cˀia⁴ je² Nai³-na¹ cˀoa⁴qui³tso²-le⁴ Ananías: Tˀin³. Je² cho⁴ta⁴-vi⁴ tsa³cja³ˀa³jian³, nca³ coan⁴chjen¹-na³ jme¹-ni³ nca³ coai⁴cao⁴-ni³ jan³ˀain¹-na⁴ nqui³xcon⁴ cho⁴ta⁴ xi³ li² judío-jin², cao⁴ cho⁴ta⁴ti¹tjon², cao⁴ xti³-le⁴ Israel.

Hechos de los Apóstoles 9:5

Cˀia⁴ Saulo qui³tso²: ˀya¹-ni³ ji³, Señor. Cˀia⁴ je² qui³tso²: An³ nia¹³ Jesús xi³ ti³ˀmi³tjen⁴nqui³ co²ntran⁴-nai¹³. To⁴si⁴qui²ˀoain³ yao³-li⁴, tsa² coi⁴njon¹-lai⁴ ya¹ xi³ yao³xcon¹ cji³.

1 Corintios 10:29

Cjoa⁴fa³ˀai³tsjen³, xian³, a³li² tsi⁴-jin², to⁴nca³ xi³ tsˀe⁴ xi³jnco³ ni¹. Jme¹ chji¹-le⁴ cjoa⁴ntai¹-na⁴ tsa² cˀoa⁴-sˀin² sˀe⁴-le⁴ cjoa⁴ñˀain³ xi³ to⁴tˀa³tsˀe⁴ cjoa⁴fa³ˀai³tsjen³-le⁴ xi³ cja⁴ˀai¹.

1 Corintios 10:30

Cˀoa⁴ tsa² an³ tsjoa³ cjoa⁴nta³ cˀia⁴ nca³ vˀa³cao⁴tˀa³-na³, a¹-ni³ nca³ cˀoa⁴-sˀin² coi⁴no²cjoa⁴ˀaon³-si¹ni³na³ xi³ to⁴tˀa³tsˀe⁴ je²-ve⁴ jña³-le⁴ xi³ cjoa⁴nta³ tsjoa³-nia³ nca³ cjen².

1 Corintios 11:16

Tsa² jnco³ xi³ me³-le⁴ nca³ to⁴cja⁴ˀai¹ coi⁴tso⁴, ca²ta³ve³ nca³ jin⁴-jin⁴ li²coi³ cja⁴ˀai¹-sˀin² nca³-na³jin⁴, ni⁴je²-jin² na⁴xi⁴na³nta¹-le⁴ Ni³na¹.

2 Corintios 10:7

Jon² cho¹tsen³-lao⁴³ cjoa⁴ jo³-sˀin² nca³ ma³tsen³. Tsa² jnco³ xi³ ti⁴je² nta³ ve³con³-ni³ yao³-le⁴ nca³ tsˀe⁴ Cristo, cˀoa⁴-ti⁴ je²-vi⁴ ca²ta³si¹cja³ˀai³tsjen³ nqui²ntia³ jo³-sˀin² nca³ je² tsˀe⁴ Cristo ni¹, cˀoa⁴-ti⁴sˀin²ni³ jin⁴-jin⁴ tsˀe⁴ Cristo ni¹⁴-jin⁴.