1 Corintios 5:6 - New Testament in Mazatec Huautla

⁶ Li²coi³ nta³-ni³ nca³ yao³-no³ nˀo²sje³ncˀao³. A³ tsi² tsa² ˀyao³, nta³ tsa² to⁴choa³ na⁴ˀyo⁴san³, si¹san³ nca³yi³je³ na⁴ˀyo⁴.

1 Corintios 5:6 ပူးပေါင်းရင်းမြစ်များ

San Mateo 13:33

Nqui²jnco³ cjoa⁴xco¹son² qui³tso²-le⁴: Je² cjoa⁴te¹xo³ma³-le⁴ ncˀa³jmi³ ya³ ma³nco¹son² na⁴ˀyo⁴san³ xi³ qui³scoe¹ jnco³ chjon⁴², cˀoa⁴ jan² choa⁴ scoan⁴ nio⁴xti²la⁴ qui³si³cˀo¹tji³jin³ sa³ˀnta³ nca³ qui³tsin³jin³ nca³yi³je³ na⁴ˀyo⁴-ve⁴.

San Lucas 13:21

Cˀoa⁴-sˀin² nco³ya³-le⁴ na⁴ˀyo⁴san³ xi³ qui³scoe¹ jnco³ chjon⁴², cˀoa⁴ jan² choa⁴ scoan⁴ nio⁴xti²la⁴ qui³si³cˀo¹jin³ sa³ˀnta³ qui³tsin³jin³ nca³yi³je³ na⁴ˀyo⁴scoan⁴-ve⁴.

Romanos 6:16

A³ tsi² ˀyao³ ˀya³-ni³ve⁴ xi³ cˀoai⁴-lao⁴³ yao³-no³ nca³ cho⁴ˀnta³-le⁴ coaon⁴³ nca³ si⁴tjo³son²-lao⁴³, jon² nio¹³ xi³ ña³qui³ cho⁴ˀnta³-le⁴ mao³ je² xi³ ni²tjo³son²-lao⁴³. Tsa² je² je¹-ve⁴ xi³ cho⁴ˀnta³-le⁴ coaon⁴³, coi⁴ya²-nio¹³ˀni³, to⁴nca³ tsa² si⁴tjo³son²-lao⁴³ Ni³na¹, cˀoai⁴-no³ xi³ cjoa⁴qui²xi⁴.

1 Corintios 15:33

A³li² chˀa²na⁴cha⁴-jin²no³. Je² mi²yo⁴ xi³ tsi² nta³, je² xi³ si¹qui³tson¹ xi³ nta³ tjin¹.

1 Corintios 3:21

Cˀoa⁴-sˀin² ni⁴jnco³-jin² xi³ ca²ta³vˀa³sje³je³ya³ cho⁴ta⁴, nca⁴ nca³yi³je³ tsaon⁴³ nio¹³.

1 Corintios 5:2

Jon² cˀoa⁴-sˀin² ncˀa³con³ ti³mao³, ni⁴ˀaon³-jin² coan³-no³, jme¹-ni³ nca³ tjo¹xin²-si¹ni³no³ je² xi³ cˀoa⁴qui³sˀin³ coi³ cjoa⁴-vi⁴.

Gálatas 5:9

I⁴tse¹ na⁴ˀyo⁴san³ xi³ sˀe³jin³ nio⁴xti²la⁴ ña³qui³ si¹jcha¹ nca³yi³je³.

2 Timoteo 2:17

Je² en¹-le⁴ to⁴coai⁴ ca³jna³ jo³-ni³ tsa² jnco³ jtse¹. Himeneo cao⁴ Fileto tjio¹jin³-le⁴ xi³ cˀoa⁴cjoan³.

Santiago 4:16

To⁴nca³ ntˀai⁴-vi⁴ nˀo²sje³ncˀao³ yao³-no³ xi³ tˀa³tsˀe⁴ cjoa⁴ncˀa³ta³con²-no³. Chˀao³ tjin¹ nca³yi³je³ jo³-sˀin² nˀo²sje³ncˀao³ yao³-no³.