1 Corintios 5:4 - New Testament in Mazatec Huautla

⁴ Cao⁴ jan³ˀain¹-le⁴ Nai³-na¹ Jesucristo je³tsa³cˀe³nta³jin³-le⁴. Cˀia⁴ nca³ coan⁴ñao³ nca³ jon², cˀoa⁴ nca³ je² ni⁴ma⁴-na⁴ ya⁴ ti¹jna³, cao⁴ je² nca³nˀion¹-le⁴ xi³ tsˀe⁴ Nai³-na¹ Jesucristo

1 Corintios 5:4 ပူးပေါင်းရင်းမြစ်များ

San Mateo 16:19

Cˀoa⁴ ji³ si³ntsja³-le²³ yo²vi⁴ xi³ tsˀe⁴ xo⁴ntjoa⁴-le⁴ cjoa⁴te¹xo³ma³-le⁴ ncˀa³jmi³, cˀoa⁴ nca³yi³je³ cjoa⁴ xi³ tsi² tsa² coi³ cˀoai⁴ˀnte³-lao⁴³ i⁴ son³ˀnte³-vi⁴, cˀoa⁴-ti⁴ li²coi³ cˀoai⁴ˀnte³-le⁴ ya⁴ ncˀa³jmi³. Nca³yi³je³ cjoa⁴ xi³ cˀoai⁴ˀnte³-lao⁴³ i⁴ son³ˀnte³-vi⁴, cˀoa⁴-ti⁴ cˀoai⁴ˀnte³-le⁴ ya⁴ ncˀa³jmi³.

San Mateo 18:20

Ya⁴ jña³ nca³ to⁴jnco³ tjio¹ jao² a³xo⁴ jan² xi³ tsˀan⁴ cho⁴ta⁴, ya⁴² ti²jna⁴jin³ va³sen³-le⁴ nca³ je².

San Mateo 28:18

Cˀia⁴ nca³ Jesús ji³nčhoa³tˀa³čhian³-le⁴, tsa³cja¹cao⁴: Nca³yi³je³ cjoa⁴te¹xo³ma³ qui³tsˀai²-na³ ncˀa³jmi³, cˀoa⁴ i⁴ son³ˀnte³.

San Mateo 28:20

Ta⁴co²ya³-lao⁴³ nca³ ca²ta³si¹tjo³son² nca³yi³je³ cjoa⁴ xi³ an³ tsa³cˀe³ne²³-no³. Coe⁴-ni³ an³ ti²jna⁴cao⁴-no³ nca³ jon² nca³ntsjai² ni⁴čhjin³, sa³ˀnta³ nca³ cjoe⁴tˀa³ son³ˀnte³-vi⁴. Cˀoa⁴ ca²ta³ma³.

San Juan 20:23

Je² xi³ si⁴cha³tˀa³-lao⁴³ je¹-le⁴, cˀoa⁴-sˀin² tjio¹cha³tˀa³-le⁴. Je² xi³ tsi² si⁴cha³tˀa³-lao⁴³, li²coi³ tjio¹cha³tˀa³-le⁴.

Hechos de los Apóstoles 16:18

Ncjin² ni⁴čhjin³ nca³ cˀoa⁴qui³sˀin³ tso²ti³-ve⁴. To⁴nca³ je² Pablo coan³jti³-le⁴, qui³si³cˀo¹fa³, cˀoi⁴qui³tso²-le⁴ je² ntjao⁴ xi³ nta³jin³ xi³ tjin¹-le⁴ tso²ti³-ve⁴: Cˀoa⁴-sˀin² vˀe³ne²-le²³ cao⁴ jan³ˀain¹-le⁴ Jesucristo, ti²tjo⁴xin²-lai⁴ tso²ti³-vi⁴. Ti⁴coi³-ni³ hora ji³tjo³xin²-le⁴.

Hechos de los Apóstoles 3:6

Cˀoi⁴qui³tso² Pedro: Tsin²-na³ taon⁴čhoa³, tsin²-na³ taon⁴si³ne², to⁴nca³ je² xi³ tjin¹-na³, tsjoa³-le²³. Cao⁴ jan³ˀain¹-le⁴ Jesucristo xi³ Nazaret tsˀe⁴, ti²so⁴tjain⁴ to¹mjain³.

Hechos de los Apóstoles 4:30

Tjain³ ntsai⁴, jme¹-ni³ nca³ coan⁴nta³-si¹ni³ chˀin³. Choa⁴ cao⁴ cjoa⁴xcon¹ ca²ta³ma³ xi³ to⁴tˀa³tsˀe⁴ jan³ˀain¹-le⁴ Jesús ˀnti¹-li⁴ xi³ tsje³.

2 Corintios 13:10

To⁴coi³ cji³-ni³no³ je²-vi⁴, cˀia⁴ nca³ xin² ti²jna⁴, jme¹-ni³ nca³ tsi² ta²ja³jin³ si³cao⁴-si¹ni³no³ cˀia⁴ nca³ ya⁴ ti²jna⁴, jo³-sˀin² je² cjoa⁴te¹xo³ma³ xi³ Nai³-na¹ qui³tsjoa³-na³, nca³ si³quin³ncˀa³-no³, cˀoa⁴ li²coi³ nca³ si³qui³xo²ya³-no³.

2 Corintios 13:3

Coi³ nca³ me³-no³ nca³ cho¹tˀa³-nao¹³ tsa² Cristo nchja⁴jin³-na³. Je² Cristo li²coi³ i³nta³ xi³ tˀa³tsaon⁴³, to⁴nca³ tjin¹-le⁴ nca³nˀion¹ xi³ tˀa³tsaon⁴³.

2 Corintios 2:6

Je² xi³ cˀoa⁴qui³sˀin³, to⁴coan³-la²ni³le⁴ je² cjoa⁴ñˀain³-vi⁴, nca³ ncjin² coan³ xi³ je³qui³si³cja³ˀa¹-le⁴.

Efesios 5:20

Nca³ntsjai² nca³yi³je³ tˀai²-lao⁴³ cjoa⁴nta³ Ni³na¹ Nˀai³-na¹ xi³ to⁴tˀa³tsˀe⁴ jan³ˀain¹-le⁴ Nai³-na¹ Jesucristo.

Colosenses 3:17

Je² nca³yi³je³ xi³ nˀiaon²³, tsa² cao⁴ en¹-no³ tsa² cao⁴ ntsao⁴³, cˀoa⁴tˀiaon⁴³ nca³yi³je³ jo³-ni³ tsa² cho⁴ta⁴ xi³ yˀa³ jan³ˀain¹-le⁴ Nai³-na¹ Jesús. Tˀai²-lao⁴³ cjoa⁴nta³ Ni³na¹ Nˀai³-na¹ xi³ to⁴tˀa³tsˀe⁴ Jesús.

2 Tesalonicenses 3:6

To⁴nca³ cˀoa⁴sˀin² vˀe²ne²-lai²⁴jin⁴, ntsˀe³², xi³ tˀa³tsˀe⁴ jan³ˀain¹-le⁴ Nai³-na¹ Jesucristo, nca³ coi⁴ncha³xin²-lao⁴³ nca³tsˀi³ ntsˀe³² xi³ chˀao³sˀin² tjio¹ma³cao⁴ yao³-le⁴, xi³ tsi² tsa² cˀoa⁴sˀin² fi²cao⁴ jo³ tso² cjoa⁴fa³ˀai³tsjen³ xi³ jin⁴ tsa³cˀai²-lai⁴jin⁴.