1 Corintios 4:6 - New Testament in Mazatec Huautla

⁶ To⁴nca³ je²-vi⁴, ntsˀe³², qui³xian³ tˀa³tsˀan⁴, cˀoa⁴ tˀa³tsˀe⁴ Apolos, nca³ cˀoa⁴-sˀin² tsa³cja³ntia⁴²-lai²⁴jin⁴ nca³ jon², jme¹-ni³ nca³ cao⁴ jin⁴-jin⁴ cho¹tˀa³ya³-si¹nio³ nca³ tsi² nqui²sa⁴ tse³ sˀian⁴-sao³ jo³ tjin¹ xi³ tji¹tˀa³, jme¹-ni³ nca³ tsi² ncˀa³con³ coa⁴nquin¹tˀa³-si¹ni³lao⁴³ jnco³ cho⁴ta⁴, cˀoa⁴ co²ntran⁴ coa⁴nquin¹-lao⁴³ xi³ cja⁴ˀai¹.

1 Corintios 4:6 ပူးပေါင်းရင်းမြစ်များ

Hechos de los Apóstoles 18:24

Cˀia⁴ ji³cho² ya⁴ Efeso jnco³ cho⁴ta⁴ judío xi³ Apolos ˀmi², xi³ qui³tsin³ ya⁴ Alejandría, jnco³ cho⁴ta⁴xˀin⁴ xi³ ña³qui³ nˀion¹ nta³ ma³-le⁴ nchja⁴ya³. Cjai¹nca³ nta³ ma³-le⁴ xon⁴ Escritura.

Hechos de los Apóstoles 19:1

Cˀoa⁴coan³ cˀia⁴ nca³ ti¹jna³ Apolos ya⁴ Corinto, Pablo ja³ˀai³ ya⁴ Efeso. Je³tsˀa³mjen³ nca³qui³jnta² ja⁴ˀnte³ ja⁴tˀain³-ni³. Qui³sa³te³jin³ cˀa³ cho⁴ta⁴-le⁴ Cristo.

Romanos 12:3

Cˀoa⁴xin³-no³ nca³ jnco¹jnco¹ xi³ ti³yo³-vi⁴, xi³ to⁴tˀa³tsˀe⁴ cjoa⁴nta³ xi³ tsa³cˀai²-na³, nca³ tsi² ˀya³ xi³ nqui²sa⁴ nˀion¹ ncˀa³ si⁴²cja³ˀai³tsjen³-le⁴ yao³-le⁴ cao⁴-ni³ tsa² xi³ jo³-sˀin² nca³ va³quin²-le⁴, to⁴nca³ cˀoa⁴-sˀin² ca²ta³si¹cja³ˀai³tsjen³jin³ nca³ ni⁴ncˀa³-jin² cˀoa⁴ ni⁴na³nqui³-jin² si⁴²cja³ˀai³tsjen³ xi³ tˀa³tsˀe⁴ yao³-le⁴, to⁴nca³ jo³-sˀin² choa⁴ xi³ Ni³na¹ qui³tsjoa³-le⁴ nca³ jnco¹jnco¹ nca³ coan³cjain¹-le⁴.

1 Corintios 1:12

Coi³ xi³ ti²xian³: Jnco¹jnco¹ nca³ jon² cˀoi⁴vi³xon¹³: An³ tsˀe⁴ Pablo nia¹³, to⁴nca³ an³ tsˀe⁴ Apolos nia¹³, to⁴nca³ an³ tsˀe⁴ Cefas nia¹³, to⁴nca³ an³ tsˀe⁴ Cefas nia¹³, to⁴nca³ an³ tsˀe⁴ Cristo nia¹³.

1 Corintios 1:19

Cˀoa⁴-sˀin² tji¹tˀa³: Si³cha³ cjoa⁴chji⁴ne⁴-le⁴ cho⁴ta⁴ xi³ chji⁴ne⁴, cˀoa⁴ sca³ni²tˀa³xian²³ cjoa⁴ˀi³sen³ta³con²-le⁴ cho⁴ta⁴ xi³ ma³cho⁴ya³-le⁴.

1 Corintios 1:31

Coi³ cjoa⁴-vi⁴, jo³-sˀin² tji¹tˀa³, je² xi³ vˀa³sje³je³ya³ yao³-le⁴, ca²ta³vˀa³sje³je³ya³ yao³-le⁴ nca³ ti¹jna³cao⁴ Nai³-na¹.

1 Corintios 13:4

Je² cjoa⁴tjao²cha³ tse³jta³-ni¹, cˀoa⁴ tjin¹-le⁴ cjoa⁴nta³. Je² cjoa⁴tjao²cha³ tsin²-le⁴ cjoa⁴xin²ta³con²-jin². Je² cjoa⁴tjao²cha³ li²coi³ vˀa³sje³je³ya³ yao³-le⁴, li²coi³ ma³ncˀa³con³.

1 Corintios 3:19

Je² cjoa⁴chji⁴ne⁴-le⁴ son³ˀnte³-vi⁴ cjoa⁴sca¹ ni¹ xi³ tˀa³tsˀe⁴ Ni³na¹, nca⁴ cˀoa⁴-sˀin² tji¹tˀa³: Je² xi³ tsoa⁴ cho⁴ta⁴chji⁴ne⁴ ti⁴cˀia⁴-ni³ nca³ sˀin¹ cjoa⁴ma²ña⁴-le⁴.

1 Corintios 3:21

Cˀoa⁴-sˀin² ni⁴jnco³-jin² xi³ ca²ta³vˀa³sje³je³ya³ cho⁴ta⁴, nca⁴ nca³yi³je³ tsaon⁴³ nio¹³.

1 Corintios 5:2

Jon² cˀoa⁴-sˀin² ncˀa³con³ ti³mao³, ni⁴ˀaon³-jin² coan³-no³, jme¹-ni³ nca³ tjo¹xin²-si¹ni³no³ je² xi³ cˀoa⁴qui³sˀin³ coi³ cjoa⁴-vi⁴.

1 Corintios 5:6

Li²coi³ nta³-ni³ nca³ yao³-no³ nˀo²sje³ncˀao³. A³ tsi² tsa² ˀyao³, nta³ tsa² to⁴choa³ na⁴ˀyo⁴san³, si¹san³ nca³yi³je³ na⁴ˀyo⁴.

1 Corintios 8:1

Xi³ tˀa³tsˀe⁴ je² tso³jmi² xi³ vˀai²tˀa³-le⁴ xco¹son², ˀya³-nia¹ nca³ nca³tsˀia³² tjin¹-na¹ cjoa⁴chji⁴ne⁴. Je² cjoa⁴chji⁴ne⁴ si¹ncˀa³con³, to⁴nca³ je² cjoa⁴tjao²cha³ si¹quin³ncˀa³.

1 Corintios 9:23

Cˀoa⁴ je²-vi⁴ cˀoa⁴sˀian³ xi³ tˀa³tsˀe⁴ en¹nta³ tˀa³tsˀe⁴ Cristo, jme¹-ni³ nca³ to⁴jnco³ cˀoa⁴cao⁴tˀa³-si¹ni³na³ cao⁴ je².

2 Corintios 10:12

Nca⁴ tsi² ma³nˀion¹-ta³coin²⁴jin⁴ nca³ ya⁴ si⁴xqui⁴tˀai³-jin⁴ yao³-na⁴jin⁴ a³xo⁴ si⁴nco¹son²coai⁴-jin⁴ yao³-na⁴jin⁴ cao⁴ cˀa³ xi³ ti⁴je² nta³ vˀa³sje³-ni³ yao³-le⁴. Nca⁴ ti⁴je² vˀe¹cho⁴ya³-ni³ yao³-le⁴ ya⁴jin³-le⁴ xi¹ncjin¹, cˀoa⁴ si¹nco¹son² yao³-le⁴ cao⁴ xi¹ncjin¹, tsin²-le⁴ cjoa⁴fa²ˀai³tsjen³-jin².

2 Corintios 10:15

Nca⁴ tsi² ni²cˀa³toi²⁴-jin⁴ choa⁴-le⁴ nca³ chˀa²sje³je³yai³⁴-jin⁴ yao³-na⁴jin⁴ cao⁴ xa¹ xi³ tsˀe⁴ xi³ cja³ˀai¹. To⁴nca³ cho³ya²-lai⁴jin⁴ nca³ nqui²sa⁴ coan⁴jcha¹jin³-sa³no³ je² xi³ ma³cjain¹-no³. Cˀoa⁴-sˀin² nqui²sa⁴ coan⁴je³ya³ta³coin²⁴-jin⁴ ya⁴jin³-le⁴ nca³ jon², jo³-sˀin² choa⁴-le⁴ xa¹-na⁴jin⁴.

2 Corintios 10:7

Jon² cho¹tsen³-lao⁴³ cjoa⁴ jo³-sˀin² nca³ ma³tsen³. Tsa² jnco³ xi³ ti⁴je² nta³ ve³con³-ni³ yao³-le⁴ nca³ tsˀe⁴ Cristo, cˀoa⁴-ti⁴ je²-vi⁴ ca²ta³si¹cja³ˀai³tsjen³ nqui²ntia³ jo³-sˀin² nca³ je² tsˀe⁴ Cristo ni¹, cˀoa⁴-ti⁴sˀin²ni³ jin⁴-jin⁴ tsˀe⁴ Cristo ni¹⁴-jin⁴.

2 Corintios 11:4

Nca⁴ tsa² je² xi³ fa³ˀai³, nchja⁴ya³-no³ xi³ nqui²jnco³ Jesús cao⁴-ni³ tsa² je² xi³ qui³no²cjoa⁴yai³⁴-jin⁴, a³xo⁴ tsa² chjoao¹³ nqui²jnco³ espíritu xi³ cja⁴ˀai¹ cao⁴-ni³ tsa² je² xi³ je³qui³chjoao¹³, a³xo⁴ nqui²jnco³ en¹nta³ xi³ tˀa³tsˀe⁴ Cristo xi³ cja⁴ˀai¹ cao⁴-ni³ tsa² je² xi³ je³qui³chjoao¹³, nta³ si⁴cjain¹-lao⁴³.

2 Corintios 12:19

A³ to⁴jo³ ni²cja³ˀai³tsjen³-nio¹³ nca³ to⁴ti³no²cjoa⁴ntjai²⁴-jin⁴ yao³-na⁴jin⁴ cao⁴ jon². Nqui³xcon⁴ Ni³na¹ no²cjoai⁴-jin⁴ nca³ ti³yo³coai⁴-jin⁴ Cristo, to⁴nca³ jon² xi³ tsjoa³que⁴-no³, nca³yi³je³ no²cjoa⁴-ni³jin⁴ xi³ tˀa³tsˀe⁴ nca³ coin⁴ncˀao³.

2 Corintios 12:20

Tsa³cjon³-nia¹³ nca³ cˀia⁴ nca³ coi³choa³, nca³ sa⁴te¹jin³-no³ jo³ cjoaon³, jo³-sˀin² nca³ tsi² sa⁴sen¹-na³, cˀoa⁴ an³ sa⁴te¹jin³-nao¹³ jo³ cjoan³ nca³ tsi² sa⁴sen¹-no³, tsa² cˀoa⁴-sˀin² tjin¹ cjoa⁴vi³xcan¹ ya⁴jin³-le⁴ nca³ jon², cao⁴ cjoa⁴xin²ta³con², cjoa⁴jti³, nca³ jao²ya³ ti³yo³, cao⁴ xi³ chˀao³ ˀmi²lao⁴³ xi²nquio⁴³, cao⁴ xi³ chja³ˀa²nqui³jmio¹³, cao⁴ cjoa⁴ncˀa³ta³con², cao⁴ cjoa⁴si³.

2 Corintios 12:6

Nca⁴ tsa² me³-na³ cˀoa³sje³je³ya³ yao³-na⁴, li²coi³ sca¹ coan⁴-na³, nca⁴ cˀoa⁴²xian¹ xi³ cjoa⁴qui²xi⁴. To⁴nca³ si³cˀe¹jna²³-nia¹, jme¹-ni³ nca³ ni⁴ˀya³-jin² xi³ nqui²sa⁴ nta³ si⁴²cja³ˀai³tsjen³-si¹ni³ jo³ cjoan³ an³, cao⁴-ni³ tsa² xi³ ve³ tsˀan⁴, a³xo⁴ xi³ nčhˀoe¹-ni³na³.

2 Corintios 4:15

Nca³yi³je³ je² cjoa⁴-vi⁴ tˀa³tsaon⁴³ nio¹³, jme¹-ni³ nca³ coan⁴tse³ya³-si¹sa³ni³ cjoa⁴nta³ xi³ tˀa³tsˀe⁴ cho⁴ta⁴ncjin²-sa³, cˀoa⁴ jme¹-ni³ nca³ cˀoai⁴-si¹sa³ni³le⁴ cjoa⁴nta³ Ni³na¹, cˀoa⁴-sˀin² coan⁴tse³ya³-sa³ je² cjoa⁴je³ya³-le⁴ Ni³na¹.

Colosenses 2:18

A³li²ni²jyo³-jin²lao⁴³ xi³ cjoa⁴ˀa²xin²-no³ je² xi³ coi⁴njen⁴-no³, nca³ me³-le⁴ nca³ ma⁴ chˀa²sjao³ yao³-no³ nca³ ˀya³xcon¹³ a²ncje⁴. Vi³na³nqui³ya³ xi³ tˀa³tsˀe⁴ xi³ tsi² qui³sco²tsen³. To⁴ya⁴-ni³ nca³ jo³ je³ya³ vˀa³sje³ yao³-le⁴ xi³ to⁴tˀa³tsˀe⁴ cjoa⁴fa³ˀai³tsjen³ xi³ tsˀe⁴ son³ˀnte³-vi⁴.

1 Tesalonicenses 1:5

Je² en¹nta³ xi³ tˀa³tsˀe⁴ Cristo xi³ qui³no²cjoa⁴ya³jin³-lai²⁴jin⁴, a³li² to⁴ˀen¹-jin² xi³ ji³cho²-no³, cˀoa⁴-ti⁴ tjin¹-le⁴ nca³nˀion¹ cao⁴ Espíritu Santo, cˀoa⁴ cao⁴ cjoa⁴nˀion¹jin³ qui³no²cjoa⁴ya³-no³. Je³ˀyao³ jo³-sˀin² tsa³nquin¹coai⁴-jin⁴ yao³-na⁴jin⁴ ya⁴jin³-no³ nca³ jon², nca³ tjao²cha³-lai²⁴jin⁴.

2 Timoteo 2:10

Coi³ cjoa⁴ nca³yi³je³ jcho¹cjoa⁴-na³ xi³ tˀa³tsˀe⁴ je² cho⁴ta⁴ xi³ qui³tjo³jin³, jme¹-ni³ nca³ cˀoa⁴-ti⁴ je² coi⁴tjo³ntjai²-si¹ni³ xi³ to⁴tˀa³tsˀe⁴ Cristo Jesús cao⁴ cjoa⁴je³ya³ xi³ nca³ntsjai².