1 Corintios 3:6 - New Testament in Mazatec Huautla

⁶ An³ tsa³cˀe³ntje²³, Apolos tsa³cˀe¹jten⁴nqui³-le⁴ na³nta¹, to⁴nca³ Ni³na¹ xi³ qui³si³jcha¹.

1 Corintios 3:6 ပူးပေါင်းရင်းမြစ်များ

Hechos de los Apóstoles 11:18

Cˀia⁴ nca³ qui³nčhˀoe¹ nca³yi³je³ xo⁴ tso²-ve⁴, tsa³ca³tio²jyo¹. Cjai¹nca³ to⁴je³ya³ tsˀa³sje³ Ni³na¹. Cˀoa⁴qui³tso²: Cjoa⁴qui²xi⁴-ˀni³ nca³ Ni³na¹ cˀoa⁴-ti⁴ qui³tsjoa³-le⁴ cjoa⁴nta³ sa³ˀnta³ cho⁴ta⁴ xi³ li² judío-jin² nca³ si⁴²cˀa³ntjai²ya³ cjoa⁴fa³ˀai³tsjen³-le⁴ nca³ sˀe⁴-le⁴ cjoa⁴vi³jna³chon³ nca³ntsjai².

Hechos de los Apóstoles 14:27

Cˀia⁴ nca³ je³ji³cho², tsa³cˀe¹xco¹ na⁴xi⁴na³nta¹-le⁴ Cristo. Pablo cao⁴ Bernabé tsa³cˀe¹-le⁴ na⁴jmi¹ nca³yi³je³, jme³-ve⁴ xi³ Ni³na¹ tsa³cˀe¹nta³ xi³ tˀa³tsˀe⁴, cˀoa⁴ jo³-sˀin² Ni³na¹ qui³sco³ˀai²ˀnte²-le⁴ cho⁴ta⁴ xi³ li² judío-jin² nca³ coan⁴cjain¹-le⁴.

Hechos de los Apóstoles 16:14

Cˀia⁴ jnco³ chjon⁴² xi³ Lidia ˀmi², xi³ va³te¹na³ na³jño³ni², xi³ ya⁴ na⁴xi⁴na³nta¹ Tiatira tsˀe⁴, tsa³ve³xcon¹ Ni³na¹, ti¹nčhˀoe¹. Je² Nai³-na¹ qui³sco³ˀai² ni⁴ma⁴-le⁴, tsa³ca³sen¹ xo⁴ño³ jme¹-ni³ nca³ qui³nčhˀoe¹-si¹ni³ xi³ qui³tso² Pablo.

Hechos de los Apóstoles 18:24

Cˀia⁴ ji³cho² ya⁴ Efeso jnco³ cho⁴ta⁴ judío xi³ Apolos ˀmi², xi³ qui³tsin³ ya⁴ Alejandría, jnco³ cho⁴ta⁴xˀin⁴ xi³ ña³qui³ nˀion¹ nta³ ma³-le⁴ nchja⁴ya³. Cjai¹nca³ nta³ ma³-le⁴ xon⁴ Escritura.

Hechos de los Apóstoles 19:1

Cˀoa⁴coan³ cˀia⁴ nca³ ti¹jna³ Apolos ya⁴ Corinto, Pablo ja³ˀai³ ya⁴ Efeso. Je³tsˀa³mjen³ nca³qui³jnta² ja⁴ˀnte³ ja⁴tˀain³-ni³. Qui³sa³te³jin³ cˀa³ cho⁴ta⁴-le⁴ Cristo.

Hechos de los Apóstoles 21:19

Cˀia⁴ nca³ je³qui³si³ti²ˀnta³, Pablo cˀoa⁴-sˀin² tsa³cˀe¹tsje³ tsje³ na⁴jmi¹ jo³ tjin¹ cjoa⁴ xi³ Ni³na¹ tsa³cˀe¹nta³jin³-le⁴ cho⁴ta⁴ xi³ li² judío-jin² xi³ tˀa³tsˀe⁴ xa¹-le⁴ Pablo.

Romanos 15:18

Li²coi³ coan⁴nˀion¹coan³ nca³ coi³nchja²³ to⁴jme³ cjoa⁴-ni³, to⁴je² cjoa⁴ xi³ Cristo qui³si³nta³ xi³ to⁴tˀa³tsˀan⁴ cao⁴ en¹ cˀoa⁴ cao⁴ xa¹, jme¹-ni³ nca³ cho⁴ta⁴ xi³ li² judío-jin² si⁴²cji³tjo³son²-si¹ni³le⁴.

1 Corintios 1:12

Coi³ xi³ ti²xian³: Jnco¹jnco¹ nca³ jon² cˀoi⁴vi³xon¹³: An³ tsˀe⁴ Pablo nia¹³, to⁴nca³ an³ tsˀe⁴ Apolos nia¹³, to⁴nca³ an³ tsˀe⁴ Cefas nia¹³, to⁴nca³ an³ tsˀe⁴ Cefas nia¹³, to⁴nca³ an³ tsˀe⁴ Cristo nia¹³.

1 Corintios 1:30

Tsˀe⁴ Ni³na¹ nio¹³ jon² nca³ ti³yo³cao⁴³ Cristo Jesús. Je² xi³ Ni³na¹ qui³tsjoa³ nca³ cjoa⁴chji⁴ne⁴-na¹ coan³. Je² xi³ qui³si³cje³tˀa³ je¹-na¹, cˀoa⁴ qui³si³tsje³-na¹, cˀoa⁴ tsa³cˀe¹chji¹ntjai²-na¹.

1 Corintios 3:22

Tsa² Pablo, tsa² Apolos, tsa² Cefas, tsa² je² son³ˀnte³-vi⁴, tsa² cjoa⁴vi³jna³chon³, tsa² cjoa⁴vi³ya³, tsa² je² xi³ ntˀai⁴, tsa² je² xi³ cjoa⁴ˀai¹, nca³yi³je³ tsaon⁴³ nio¹³.

1 Corintios 3:7

Ni⁴je²-jin² xi³ vˀe¹ntje² xi³ chji¹-le⁴, ni⁴je²-jin² xi³ na³nta¹ vˀe¹jten⁴nqui³-le⁴, to⁴nca³ Ni³na¹ xi³ si¹jcha¹.

1 Corintios 9:1

A³ tsi² tsa² an³ pa²stro⁴. A³ tsi² ti²jna⁴nte¹³ nca³ an³. A³ tsi² tsa² tsa³ˀve³ je² Jesús Nai³-na¹. A³ tsi² tsa² jon² xi³ xa¹-na⁴ xi³ tˀa³tsˀe⁴ je² Nai³-na¹.

Efesios 3:17

Nta³ ca²ta³vˀe²jna³jin³ ni⁴ma⁴-no³ Cristo nca³ ma³cjain¹-no³. Vˀe³tsˀoa²³ nca³ nˀion¹ coi⁴yo³cao⁴³ nca³ nˀion¹tˀa³ coaon⁴³ cjoa⁴tjao²cha³,

1 Tesalonicenses 1:5

Je² en¹nta³ xi³ tˀa³tsˀe⁴ Cristo xi³ qui³no²cjoa⁴ya³jin³-lai²⁴jin⁴, a³li² to⁴ˀen¹-jin² xi³ ji³cho²-no³, cˀoa⁴-ti⁴ tjin¹-le⁴ nca³nˀion¹ cao⁴ Espíritu Santo, cˀoa⁴ cao⁴ cjoa⁴nˀion¹jin³ qui³no²cjoa⁴ya³-no³. Je³ˀyao³ jo³-sˀin² tsa³nquin¹coai⁴-jin⁴ yao³-na⁴jin⁴ ya⁴jin³-no³ nca³ jon², nca³ tjao²cha³-lai²⁴jin⁴.