1 Corintios 2:4 - New Testament in Mazatec Huautla

⁴ Je² en¹-na⁴ cao⁴ je² cjoa⁴qui²xi⁴ xi³ qui³nchja²ya³ li²coi³ qui³nchja²ya³jin³-no³ cao⁴ cjoa⁴chji⁴ne⁴-le⁴ cho⁴ta⁴ xi³ to⁴xquia⁴ vˀe¹jnco³-ta³con²³, to⁴nca³ cˀia⁴ nca³ qui³nchja²ya³ cˀoa⁴-sˀin² tsa³ca³co³son²tsen³-no³ je² Espíritu Santo cao⁴ nca³nˀion¹-le⁴,

1 Corintios 2:4 ပူးပေါင်းရင်းမြစ်များ

Hechos de los Apóstoles 20:27

Li²coi³ coan³cai³-na³ nca³ cˀoa⁴-sˀin² qui³nchja²ya³jin³-no³ nca³yi³je³ jo³ tso² Ni³na¹.

Hechos de los Apóstoles 26:28

Cˀia⁴ Agripa cˀoa⁴qui³tso²-le⁴ Pablo: Ji³ to⁴choa³tse³-ni¹ ni²ˀi³nta³jin³-nai¹³ nca³ cho⁴ta⁴-le⁴ Cristo coan⁴.

Romanos 15:13

Cˀoa⁴ je² Ni³na¹ xi³ tsjoa¹ cjoa⁴cho³ya²cao⁴cjoa⁴, ca²ta³si¹tse³-no³ cao⁴ nca³yi³je³ cjoa⁴tsjoa³, cˀoa⁴ cao⁴ cjoa⁴nchˀan¹ta³con² nca³ ma³cjain¹-no³, jme¹-ni³ nca³ coan⁴ncjin²ya³-si¹ni³no³ cjoa⁴cho³ya²cao⁴cjoa⁴ xi³ to⁴tˀa³tsˀe⁴ nca³nˀion¹-le⁴ je² Espíritu Santo.

Romanos 15:19

Qui³si³xa¹³ cao⁴ nca³nˀion¹-le⁴ cjoa⁴xcon¹ cao⁴ choa⁴, cˀoa⁴ cao⁴ nca³nˀion¹-le⁴ je² Espíritu Santo xi³ tsˀe⁴ Ni³na¹. Cˀoa⁴-sˀin² tsa³ca²sen⁴tsˀia³cao⁴-nia³ ya⁴ Jerusalén, cˀoa⁴ xi³ cao⁴ ya⁴ ntai³-le⁴ sa³ˀnta³ ya⁴ Ilírico, je³coan³jnco³-na³ nca³ qui³si³cˀa³tji³vi¹soan²³ nca³qui³jnta² je² en¹nta³ xi³ tˀa³tsˀe⁴ Cristo.

Romanos 16:18

Je² cho⁴ta⁴ xi³ cˀoa⁴cjoan³ a³li²coi³ Nai³-na¹ Jesucristo si¹xa¹tˀa³-le⁴ jo³-ni³ cho⁴ˀnta³, to⁴nca³ to⁴yao³-le⁴ si¹xa¹ntjai². Cjai¹ ntsjen¹ en¹ xi³ nchja⁴, cˀoa⁴ cjai¹nca³ ma³-le⁴ nchja⁴. Cˀoa⁴-sˀin² vˀa³na⁴cha⁴-le⁴ ni⁴ma⁴-le⁴ xi³ tsi²coi³ ve³.

1 Corintios 1:17

Nca⁴ tsi² tsa² coi³ xa¹ qui³si³ca³sen¹-na³ Cristo nca³ cho⁴ta⁴ coa³te³nta¹³. To⁴coi³ xa¹ qui³si³ca³sen¹-na³ nca³ coi³nchja²ya³-nia³ je² en¹nta³ xi³ tˀa³tsˀe⁴ Cristo, li²coi³ cao⁴ cjoa⁴chji⁴ne⁴ xi³ to⁴xquia⁴ en¹, jme¹-ni³ nca³ tsi² cha⁴-si¹ni³ nca³nˀion¹-le⁴ cro²-le⁴ Cristo.

1 Corintios 2:1

Ntsˀe³², cˀia⁴ nca³ qui³con³-no³, a³li² cao⁴ en¹ncˀa³-jin² qui³con³-no³, ni⁴cao⁴ cjoa⁴chji⁴ne⁴ xi³ ncˀa³-jin² nca³ qui³tsjoa³-no³ cjoa⁴qui²xi⁴ xi³ tˀa³tsˀe⁴ Cristo.

1 Corintios 2:13

Je² cjoa⁴-vi⁴ xi³ cˀoa⁴-sˀin² no²cjoa⁴², a³li²coi³ cao⁴ en¹ xi³ cjoa⁴chji⁴ne⁴-le⁴ cho⁴ta⁴ va³co¹ya³-na¹, to⁴nca³ cao⁴ en¹ xi³ je² Espíritu Santo va³co¹ya³-na¹. Cao⁴ en¹ xi³ tsˀe⁴ Espíritu Santo ni²cˀa³to³ya³² cjoa⁴ xi³ tsˀe⁴ Espíritu Santo.

1 Corintios 4:20

Je² cjoa⁴te¹xo³ma³-le⁴ Ni³na¹ li²coi³ to⁴cao⁴ en¹-jin² sˀe³-ni³, to⁴nca³ cao⁴ nca³nˀion¹.

2 Corintios 6:6

nca³ tsje³ ti³yoi³⁴-jin⁴, nca³ chji⁴nai⁴-jin⁴, nca³ ni²cjain¹-lai⁴jin⁴, nca³ cjoa⁴nta³ tjin¹-na³jin⁴, cao⁴ Espíritu Santo, cao⁴ cjoa⁴tjao²cha³ xi³ ña³qui³ cjoa⁴qui²xi⁴,

Gálatas 1:10

A³ tsˀe⁴ cho⁴ta⁴ je² cjoa⁴nta³ xi³ va³sje²³ ntˀai⁴ a³xo⁴ tsˀe⁴ Ni³na¹ ni¹. A³ va³sjai³-nia¹³ nca³ si³tsjoa³-le⁴ cho⁴ta⁴. Xi³ cjoa⁴qui²xi⁴ ni¹, tsa² an³ si³tsjoa³-le⁴ cho⁴ta⁴, a³li² cho⁴-ˀnta³-le⁴ Cristo-jian²³ˀni³.

Colosenses 2:4

Coi³ cjoa⁴ cˀoa⁴xin³-ni³no³, jme¹-ni³ nca³ tsi² tsa² ˀya³ xi³ cˀoa⁴na⁴cha⁴-si¹ni³no³ cao⁴ en¹ntsjen¹ˀa³ xi³ cjoa³cao⁴-no³.

1 Tesalonicenses 1:5

Je² en¹nta³ xi³ tˀa³tsˀe⁴ Cristo xi³ qui³no²cjoa⁴ya³jin³-lai²⁴jin⁴, a³li² to⁴ˀen¹-jin² xi³ ji³cho²-no³, cˀoa⁴-ti⁴ tjin¹-le⁴ nca³nˀion¹ cao⁴ Espíritu Santo, cˀoa⁴ cao⁴ cjoa⁴nˀion¹jin³ qui³no²cjoa⁴ya³-no³. Je³ˀyao³ jo³-sˀin² tsa³nquin¹coai⁴-jin⁴ yao³-na⁴jin⁴ ya⁴jin³-no³ nca³ jon², nca³ tjao²cha³-lai²⁴jin⁴.

1 Pedro 1:12

Qui³ni²cho⁴ya³-le⁴ cho⁴ta⁴-ve⁴ nca³ li² ti⁴tˀa³tsˀe⁴-jin²ni³, to⁴nca³ tˀa³tsan⁴² qui³si³xa¹cao⁴ je² cjoa⁴ xi³ qui³no²cjoa⁴ya³jin³-no³ ntˀai⁴-vi⁴. Je² cho⁴ta⁴ xi³ qui³nchja⁴ya³jin³-no³ je² en¹nta³ xi³ tˀa³tsˀe⁴ Cristo cˀoa⁴qui³sˀin³ xi³ to⁴tˀa³tsˀe⁴ je² Espíritu Santo xi³ qui³ni²ca³sen¹-ni³ ncˀa³jmi³. Je² a²ncje⁴ me³-le⁴ scoe⁴ je² cjoa⁴-ve⁴.

2 Pedro 1:16

Cˀia⁴ nca³ tsa³cˀin²ya³-lai²⁴jin⁴ xi³ tˀa³tsˀe⁴ nca³nˀion¹-le⁴ Jesucristo Nai³-na¹, cˀoa⁴ jo³-sˀin² nca³ cjoa⁴ˀai¹, li²coi³ qui³ni²sin³-lai⁴jin⁴ xi³ to⁴cuento ˀmi², xi³ to⁴jin⁴ tsa³cˀe²ntai³⁴-jin⁴, to⁴nca³ je² xcoin³⁴-jin⁴ cˀoa⁴-sˀin² tsa³ve³ je² cjoa⁴je³ya³-le⁴.

2 Pedro 2:18

Cˀia⁴ nca³ nchja⁴ en¹ncˀa³ xi³ tsi²jme³ chji¹-le⁴, cao⁴ cjoa⁴chi⁴nca⁴-le⁴ yao³-le⁴ si¹ntˀe¹tˀa³-le⁴ je¹ je² cho⁴ta⁴ xi³ cjoa⁴qui²xi⁴ ji³tjo³xin²-le⁴ xi³ tsi² nta³ tjio¹ma³.