1 Corintios 14:3 - New Testament in Mazatec Huautla

³ To⁴nca³ je² xi³ nchja⁴ya³, nchja⁴cao⁴ cho⁴ta⁴, nca³ si¹quin³ncˀa³ cjoa⁴fa³ˀai³tsjen³-le⁴, cˀoa⁴ nca³ si¹nˀion¹jin³-le⁴, cˀoa⁴ nca³ si¹je³con³.

1 Corintios 14:3 ပူးပေါင်းရင်းမြစ်များ

San Lucas 3:18

Cˀoa⁴-sˀin² qui³nchja⁴ya³jin³-le⁴ na⁴xi⁴na³nta¹ en¹nta³ cao⁴ ncjin² xi³ cja⁴ˀai¹-sa³ cjoa⁴ xi³ ti¹vˀe¹ne²-le⁴.

Hechos de los Apóstoles 13:15

Cˀia⁴ nca³ je³qui³sˀe³xquia⁴ je² cjoa⁴te¹xo³ma³ cao⁴ je² xon⁴ xi³ tsˀe⁴ je² xi³ qui³nchja⁴ya³ tˀa³tsˀe⁴ Ni³na¹, je² cho⁴ta⁴ti¹tjon²-le⁴ ntˀia³ sinagoga qui³nchja⁴-le⁴ Pablo cao⁴ mi²yo⁴-le⁴, cˀoa⁴qui³tso²: Nca³tsˀio³ ˀnti¹ntsˀe³, tsa² tjin¹-no³ jme³-ve⁴ en¹ xi³ cˀoe¹ne²-lao⁴³ na⁴xi⁴na³nta¹, ti⁴no²cjoao⁴³.

Hechos de los Apóstoles 14:22

Qui³tsjoa³-le⁴ nca³nˀion¹ ni⁴ma⁴-le⁴ cho⁴ta⁴-le⁴ Cristo. Tsa³cˀe¹ne²-le⁴ nca³ cˀoa⁴-sˀin² ca²ta³tio²cao⁴-ntsjai² xi³ ma³cjain¹-le⁴. Qui³tso²-le⁴ nca³ cjai¹nca³ ma³chjen¹ nca³ tse³ cjoa⁴ñˀain³ chja⁴ˀa² nca³ coi⁴tja¹sˀen³² ya⁴ cjoa⁴te¹xo³ma³-le⁴ Ni³na¹.

Hechos de los Apóstoles 15:32

Je² Judas cao⁴ Silas cˀoa⁴-ti⁴ coan³-le⁴ qui³nchja⁴ya³. A³li² to⁴cˀoa⁴cji³ qui³si³je³con³ je² ntsˀe⁴. Qui³tsjoa³-le⁴ nca³nˀion¹.

Hechos de los Apóstoles 4:36

Cˀia⁴ tjin¹ jnco³ cho⁴ta⁴ levita xi³ José ˀmi². Je² pa²stro⁴ Bernabé qui³tso²-le⁴ (xi³ tso²-ni³ ˀnti¹-le⁴ cjoa⁴ni²je³con³). Ya⁴ ˀnte³-le⁴ Chipre tsˀe⁴ je² cho⁴ta⁴-ve⁴.

Hechos de los Apóstoles 9:31

Nca³qui³jnta² Judea cao⁴ Galilea cao⁴ Samaria ña³qui³ nchˀan¹ tjio¹ na⁴xi⁴na³nta¹-le⁴ Cristo. Li²jme² cjoa⁴si³ xi³ tjin¹-le⁴. Qui³sˀe³-sa³le⁴ nca³nˀion¹ nca³ cˀoa⁴-sˀin² tjio¹ma³, nca³ qui³tsa³cjon³que³ Nai³-na¹. Je² Espíritu Santo tsa³ca³sen²cao⁴, cˀoa⁴-sˀin² coan³ncjin²ya³.

Romanos 12:8

Je² xi³ vˀe¹tˀain³, ca²ta³si¹chjen¹ jo³-sˀin² vˀai²-le⁴ nca³ vˀe¹tˀain³. Je² xi³ si¹cˀa³vi¹ cjoa⁴tjao², cˀoa⁴ca²ta³sˀin¹ cao⁴ cjoa⁴nta³. Je² xi³ ma³ nca³jco⁴-le⁴, nta³ ca²ta³si¹coi²nta⁴. Je² xi³ ma³ma⁴que³, cˀoa⁴ca²ta³sˀin¹ cao⁴ cjoa⁴tsjoa³.

Romanos 14:19

Cˀoa⁴-sˀin² cjoin³tjen⁴nqui³-le⁴² cjoa⁴ xi³ si¹qui³njen³nchˀan¹jin³-na¹, cˀoa⁴-ti⁴ je² xi³ si¹quin³ncˀa³ xi¹ncjin¹.

Romanos 15:2

Nca³ jnco¹jncoa¹-vi⁴ si⁴tsjoa³ya³-le⁴² xi²nquia⁴² xi³ tˀa³-tsˀe⁴ nca³ nqui²sa⁴ nta³ coan⁴-le⁴ cˀoa⁴ nca³ coin⁴ncˀa³-sa³.

1 Corintios 10:23

Nca³yi³je³ tjo³ˀnte³-na¹, to⁴nca³ li²coi³ nca³yi³je³ ma³chjen¹-na¹. Nca³yi³je³ tjo³ˀnte³-na¹, to⁴nca³ li²coi³ nca³yi³je³ nta³ si¹quin³ncˀa³-na¹.

1 Corintios 14:12

Cˀoa⁴-ti⁴sˀin²ni³ nca³ jon² nca³ cˀoa⁴-sˀin² ni²xa¹ti¹ya³-lao⁴³ yao³-no³ nca³ me³-no³ cjoa⁴tjao²-le⁴ Espíritu Santo. Cˀoa⁴-sˀin² ti⁴xa¹ti¹yao³ nca³ si⁴quin³ncˀao³ na⁴xi⁴na³nta¹-le⁴ Cristo.

1 Corintios 14:17

Cjoa⁴qui²xi⁴ ji³ nta³ vˀai²-lai⁴ cjoa⁴nta³ Ni³na¹, to⁴nca¹ je² xi³jnco³ li²jme³ xi³ coin⁴ncˀa³-ni³.

1 Corintios 14:26

Jme¹-ni³ tso²cˀoa⁴, ntsˀe³. Cˀia⁴ nca³ ma³ñao³, nca³ jnco¹jnco¹ nca³ jon² tjin¹-le⁴ en¹-le⁴ Ni³na¹, tjin¹-le⁴ cjoa⁴fa³ˀai³tsjen³ xi³ va³co¹ya³, tjin¹-le⁴ xi³ va³co¹son²tsen³, tjin¹-le⁴ en¹cja⁴ˀai¹, cˀoa⁴ tjin¹-le⁴ xi³ si¹cˀa³to³ya³. Cˀoa⁴-sˀin² ca²ta³ma³ nca³yi³je³ nca³ nta³ coin⁴ncˀa³-nio³.

1 Corintios 14:31

Nca³ coan⁴²-no³ nca³tsˀio³ nca³ coi⁴no²cjoa⁴yao³ nca³ jnco¹jnco¹³, jme¹-ni³ nca³ nca³tsˀi³ coan⁴-si¹ni³le⁴, cˀoa⁴ nca³tsˀi³ coan⁴nˀion¹jin³-si¹ni³.

1 Corintios 8:1

Xi³ tˀa³tsˀe⁴ je² tso³jmi² xi³ vˀai²tˀa³-le⁴ xco¹son², ˀya³-nia¹ nca³ nca³tsˀia³² tjin¹-na¹ cjoa⁴chji⁴ne⁴. Je² cjoa⁴chji⁴ne⁴ si¹ncˀa³con³, to⁴nca³ je² cjoa⁴tjao²cha³ si¹quin³ncˀa³.

2 Corintios 1:4

xi³ si¹je³con³-na¹ nca³yi³je³ cjoa⁴ñˀain³-na¹, jme¹-ni³ nca³ cˀoa⁴-ti⁴ ña¹ coan⁴-si¹ni³na¹ si⁴je³ta³coan³² je² xi³ tjio¹jin³ to⁴jña³-le⁴ cjoa⁴ñˀain³-ni³ cao⁴ xi³ ti⁴coi³-ni³ cjoa⁴ni²je³ta³con², jo³-sˀin² si¹je³con³-na¹ Ni³na¹ nca³ ña¹.

2 Corintios 2:7

To⁴sa³ jon² ti⁴cha³tˀa³-lao⁴³, cˀoa⁴ ti⁴je³ta³con²-lao⁴³, jme¹-ni³ nca³ je² xi³ cˀoa⁴qui³sˀin³ li²coi³ ya⁴ cjoe⁴jin³ cjoa⁴va³ xi³ nˀion¹ tse³.

Efesios 4:29

Ni⁴to⁴jnco³-jin² en¹ xi³ chˀao³ tso² nˀo¹sje³-nio³ ntso⁴ˀvao³, to⁴je² en¹ xi³ nta³ tjin¹ xi³ coi⁴ncha³cao⁴, xi³ ma³chjen¹-le⁴, jme¹-ni³ nca³ cˀoa⁴-sˀin² tsjoa¹-si¹ni³le⁴ cjoa⁴nta³ je² xi³ nčhˀoe¹.

Efesios 6:22

Coi³ cjoa⁴ nca³ qui³sca³ni³con³-no³ Tíquico, jme¹-ni³ nca³ jcha⁴-si¹nio³ xi³ tˀa³tsain⁴jin⁴, cˀoa⁴ jme¹-ni³ nca³ si⁴²je³con³-si¹ni³ ni⁴ma⁴-no³.

Colosenses 4:8

Je² xi³ coi³ xa¹ ca²si³ca³sen¹³-nia³, jme¹-ni³ nca³ scoe³-nia³ cjoa⁴-no³ nca³ jon², cˀoa⁴ je² si⁴²je³con³-si¹ni³ ni⁴ma⁴-no³.

1 Tesalonicenses 2:11

Cˀoa⁴-sˀin² ˀyao³ jo³-ni³ tsa² nˀai³ cao⁴ ˀnti¹xti³-le⁴, cˀoa⁴-sˀin² tsa³cˀe²ne²-lai²⁴jin⁴ qui³ni²nˀioin¹⁴-jin⁴ ta³con² nca³ jnco¹jnco¹³.

1 Tesalonicenses 2:3

A³li²coi³ tsa³cˀe²ne²-lai²⁴jin⁴ xi³ tsi² tsa² coi³ cˀoa⁴tjin¹, xi³ cjoa⁴jnti¹, xi³ cjoa⁴chˀa²na⁴cha⁴,

1 Tesalonicenses 3:2

Qui³cha³ni²⁴-jin⁴ Timoteo, je² ntsˀe³² xi³ si¹xa¹-le⁴ Ni³na¹, xi³ ti¹va³sen¹cao⁴-na³jin⁴ tˀa³tsˀe⁴ je² en¹nta³ tˀa³tsˀe⁴ Cristo, nca³ cˀoa⁴-sˀin² si⁴²nˀion¹-ta³con²no³ cˀoe⁴²ne²-no³ jo³-sˀin² coan⁴cjain¹-no³,

1 Tesalonicenses 4:1

Je² xi³ fe³tˀa³-sa³ni³, ntsˀe³², nca³ vˀe²tsˀoa³-lai²⁴jin⁴ vˀe²ne²-lai²⁴jin⁴ nca³ ti³yo³coa⁴² Nai³-na¹ Jesús. Jo³-sˀin² nca³ tsa³cˀin²ya³-lai²⁴jin⁴, jo³-sˀin² ma³chjen¹ nca³ coi⁴mao³ jo³-sˀin² sa³sen¹-le⁴ Ni³na¹, cˀoa⁴-sˀin² ca²ta³ma³ncjin²yao³.

1 Tesalonicenses 4:18

Cˀoa⁴-sˀin² nca³ˀi⁴ nca³jan¹ ti⁴je³ta³con²³ xi²nquio⁴³ cao⁴ je² en¹-vi⁴.

2 Tesalonicenses 3:12

Je² xi³ cˀoa⁴cjoan³ vˀe²ne²-lai⁴jin⁴ vˀe²tsˀoa³-lai⁴jin⁴ nca³ ti³yo³coa⁴² Nai³-na¹ Jesucristo nca³ to⁴jvi³ ca²ta³si¹xa¹, cˀoa⁴ ca²ta³cjen² nio⁴ xi³ ti⁴tsˀe⁴-ni³.

1 Timoteo 1:4

Ni⁴si¹sin³-jin²le⁴ xi³ to⁴ˀen¹, ni⁴vˀe¹xqui⁴-jin²le⁴ cho⁴ta⁴jchi¹nca³-le⁴ xi³ tsi²coi³ fe³tˀa³-le⁴. Je² cjoa⁴-vi⁴ vˀe¹ntje² xi³ to⁴cjoa⁴cho³va²ya³ti³-ni³. A³li²coi³ vˀe¹ntje² cjoa⁴-le⁴ Ni³na¹ xi³ tsˀe⁴ xi³ ma³cjain¹-na¹.

1 Timoteo 4:13

Cˀia⁴ ˀnta³ nca³ cjoi⁴choa³, cˀoa⁴-sˀin² tˀe²xquiai⁴, tˀe²nai²³, ta⁴co²yai³.

1 Timoteo 6:2

Je² xi³ tjin¹-le⁴ nai³ xi³ ma³cjain¹-le⁴ tˀa³tsˀe⁴ Cristo, a³li² to⁴cjoa⁴-jin² ve³con³, nca⁴ cˀoa⁴²-ti⁴ ntsˀe⁴. To⁴sa³ nqui²sa⁴ nta³ ca²ta³si¹xa¹-le⁴ nca⁴ je² nai³-le⁴ cho⁴ˀnta³-ve⁴ cˀoa⁴-ti⁴ ma³cjain¹-le⁴ tˀa³tsˀe⁴ Cristo, cˀoa⁴ tjao²cha³ ma³ xi¹ncjin¹. Je² cjoa⁴-vi⁴ ta⁴co²yai³, cˀoa⁴ tˀe²nai²³.

2 Timoteo 4:2

Ti⁴no²cjoa⁴yai³ en¹-vi⁴, ti⁴xi¹ti¹yai³ nca³ntsjai² ni⁴čhjin³, ti⁴cho⁴ya³-lai⁴ ti⁴no²cjoa⁴ti³coai⁴ tˀe²ne²-lai⁴ cao⁴ nca³yi³je³ cjoa⁴tse³ta³con² cao⁴ cjoa⁴fa³ˀai³tsjen³ xi³ cˀoin¹ya³-lai⁴.

Tito 1:9

nta³ ca²ta³fi²cao⁴ je² en¹ xi³ cjoa⁴qui²xi⁴, jo³-sˀin² ti¹sa³co¹ya³, jme¹-ni³ nca³ cˀoa⁴-sˀin² coan⁴-ni³le⁴ cˀoe⁴²ne² cao⁴ cjoa⁴fa³ˀai³tsjen³ xi³ nta³, cˀoa⁴ jme¹-ni³ nca³ cˀoa⁴-sˀin² si⁴²cho⁴ya³-ni³le⁴ xi³ cja⁴ˀai¹ tso².

Tito 2:15

Je²-vi⁴ ti⁴no²cjoai⁴, tˀe²ne²-lai⁴, ti⁴no²cjoa⁴ti³coai⁴, jo³-sˀin² nca³ tjin¹-li² ˀnte³. A³li² vˀai²ˀnte³-jin²lai⁴ ˀya³ xi³ cˀoa⁴sje³nqui³-li².

Tito 2:6

Cˀoa⁴-ti⁴sˀin² tˀe²ne²-lai⁴ je² xti³xˀin⁴ nca³ nta³ cjoa⁴fa³ˀai³tsjen³ ca²ta³sˀe³-le⁴.

Tito 2:9

Tˀe²ne²-lai⁴ cho⁴ˀnta³ nca³ na³nqui³ ca²ta³va³tio²-le⁴ nai³-le⁴. Nta³ ca²ta³ma³tsjoa³cao⁴-le⁴ nca³yi³je³ xa¹-le⁴ nai³-le⁴. A³li² cjen³nqui²ˀa³-jin².

Hebreos 10:25

Li²coi³ si⁴cˀe¹jna³² nca³ coan⁴ña³², jo³-sˀin² nca³ tjin¹ cˀa³ xi³ cˀoa⁴-sˀin² ma³nca³-le⁴, to⁴nca³ cˀoe¹ne²-le⁴² xi²nquia⁴², to⁴nqui²sa⁴ cˀoa⁴sˀiaon⁴³ jo³-sˀin² nca³ jchao⁴³ nca³ je² ni⁴čhjin³-ve⁴ nčhoa¹čhian³.

Hebreos 13:22

To⁴nca³ vˀe³tsˀoa²³-no³ ntsˀe³, nca³ ca²ta³jcho¹cjoa⁴cao⁴-no³ je² en¹ xi³ vˀe³ne²³-no³, nca⁴ to⁴choa³ qui³squi³-no³.

Hebreos 3:13

To⁴sa³ tˀe²ne²-lao⁴³ xi²nquio⁴³ nca³ nchaon³nchaon³, xi³ to⁴tjen⁴ nca³ ntˀai⁴-vi⁴ ˀmi², jme¹-ni³ nca³ ni⁴jnco³-jin² xi³ jon² coan⁴ta²ja³jin³cao⁴-si¹nio³ cjoa⁴chˀa¹na⁴cha⁴-le⁴ je¹.

1 Pedro 5:12

Tsen³ ma³-na³ nca³ nˀion¹ tˀa³con³ ntsˀe³ Silvano, je² xi³ qui³squi³ xi³ tˀa³tsˀan⁴, nca³ an³ qui³sca³ni³ i⁴tse¹-no³ en¹. Ti²vˀe³ne²³-no³, ti²si³qui²xi⁴ya³-no³ nca³ ña³qui³ cjoa⁴nta³-le⁴ Ni³na¹ je²-vi⁴ xi³ ti³yo³jin³-lao⁴³.

Judas 1:20

To⁴nca³ jon², xi³ tsjoa³que⁴-no³, ña³qui³ ti⁴jcha¹jion³ yao³-no³ xi³ cjai¹nca³ tsje³ xi³ ma³cjain¹-no³, tˀe²tsˀoao³ cao⁴ je² Espíritu Santo.