1 Corintios 1:5 - New Testament in Mazatec Huautla

⁵ Coan³nchi⁴na¹-lao⁴³ nca³yi³je³ cjoa⁴ nca³ ti³yo³cao⁴³ Cristo, jo³-sˀin² nca³ no²cjoao⁴³ cao⁴ jo³-sˀin² nca³ ma³cho⁴ya³-no³.

1 Corintios 1:5 ပူးပေါင်းရင်းမြစ်များ

Hechos de los Apóstoles 2:4

Cˀia⁴ cjai¹nca³ to⁴qui³sˀe³jin³ ni⁴ma⁴-le⁴ nca³tsˀi³ je² Espíritu Santo. Tsa³cˀe¹tsˀia⁴cao⁴ nca³ cja⁴ˀai¹ en¹ qui³nchja⁴, jo³-sˀin² nca³ je² Espíritu qui³tsjoa³-le⁴ nca³ qui³nchja⁴ya³.

Romanos 11:12

Tsa² to⁴tˀa³tsˀe⁴ nca³ qui³tsao³jin³ je¹ cho⁴ta⁴ Israel, coi³ nca³ sˀe⁴-le⁴ cjoa⁴nchi⁴na¹ son³ˀnte³-vi⁴, cˀoa⁴ tsa² to⁴tˀa³tsˀe⁴ nca³ qui³cha³-le⁴ cho⁴ta⁴ Israel, coi³ nca³ sˀe⁴-le⁴ cjoa⁴nchi⁴na¹ cho⁴ta⁴ xi³ li² judío-jin², jo¹ tjin¹-sa³ cjoa⁴nta³ xi³ sˀe⁴-le⁴ cˀia⁴ nca³ coan⁴jnco³-ni³ cho⁴ta⁴ judío.

Romanos 15:14

To⁴nca³ ña³qui³ tjin¹jnco³coan³ xi³ tˀa³tsaon⁴³, ntsˀe³, nca³ ti⁴jon²-nio³ nˀion¹ ma³tse³-nio³ cjoa⁴nta³, tjin¹yi³je³-no³ cjoa⁴fa³ˀai³tsjen³, cˀoa⁴-ti⁴ coan⁴-no³ cˀoin¹ya³-lao⁴³ xi²-nquio⁴³.

Romanos 15:4

Je² cjoa⁴ qui³chji³tˀa³ nca³sˀa⁴, qui³chji³tˀa³ xi³ tˀa³tsˀe⁴ nca³ coa⁴co²ya³-na¹, jme¹-ni³ nca³ sˀe⁴-si¹ni³na¹ cjoa⁴cho³ya²cao⁴cjoa⁴ xi³ to⁴tˀa³tsˀe⁴ cjoa⁴tse³jta³ cao⁴ cjoa⁴ni²je³ta³con² xi³ tjin¹-le⁴ xon⁴ Escrituras.

1 Corintios 12:10

Cˀoa⁴ nqui²jnco³, vˀai²-le⁴ nca³nˀion¹ xi³ ma³-le⁴ si¹xa¹-jin³ cjoa⁴xcon¹. Cˀoa⁴ nqui²jnco³, nca³ nˀion¹ nta³ nchja⁴ya³. Cˀoa⁴ nqui²jnco³, nca³ ma³-le⁴ co³tˀa³jin³ espíritu. Cˀoa⁴ nqui²jnco³, nca³ cja⁴ˀai¹ en¹ ma³-le⁴ nchja⁴. Cˀoa⁴ nqui²jnco³, nca³ ma³-le⁴ si¹cˀa³to³ya³ en¹.

1 Corintios 12:8

Xi³ cjoa⁴qui²xi⁴, to⁴tˀa³tsˀe⁴ je² Espíritu Santo vˀai²-le⁴ jnco³ cho⁴ta⁴ en¹ xi³ tsˀe⁴ cjoa⁴fa³ˀai³tsjen³ xi³ nta³ tjin¹, cˀoa⁴ nqui²jnco³ en¹ xi³ tsˀe⁴ cjoa⁴chji⁴ne⁴, jo³-sˀin² nca³ ti⁴je²-ni³ Espíritu Santo tsjoa¹.

1 Corintios 13:2

Cˀoa⁴ nta³ tsa² an³ tjin¹-na³ cjoa⁴tjao² nca³ ma³-na³ nchja²ya³, cˀoa⁴ nta³ tsa² ma³cho⁴ya³-na³ nca³yi³je³ cjoa⁴ xi³ tji¹ˀma³, cˀoa⁴ nca³yi³je³ cjoa⁴chji⁴ne⁴, cˀoa⁴ nta³ tsa² tse³ ma³cjain¹-na³ nca³yi³je³, sa³ˀnta³ nca³ coan⁴-na³ cjoa⁴ˀa²xian²³ ni³nto³, tsa² tsin²-na³ cjoa⁴tjao²cha³, ni⁴jme³-jian²ˀni³ an³.

1 Corintios 13:8

Je² cjoa⁴tjao²cha³ ni⁴cˀia³-jin² fe³tˀa³, to⁴nca³ je² cjoa⁴ xi³ no²cjoa⁴ya³-ni³ li²coi³ ti⁴coan⁴chjen¹-ni³, cˀoa⁴-ti⁴ sˀe⁴chjoa²-le⁴ je² en¹-le⁴ cho⁴ta⁴, cˀoa⁴ je² cjoa⁴chji⁴ne⁴ li²coi³ ti⁴coan⁴chjen¹-ni³.

1 Corintios 14:26

Jme¹-ni³ tso²cˀoa⁴, ntsˀe³. Cˀia⁴ nca³ ma³ñao³, nca³ jnco¹jnco¹ nca³ jon² tjin¹-le⁴ en¹-le⁴ Ni³na¹, tjin¹-le⁴ cjoa⁴fa³ˀai³tsjen³ xi³ va³co¹ya³, tjin¹-le⁴ xi³ va³co¹son²tsen³, tjin¹-le⁴ en¹cja⁴ˀai¹, cˀoa⁴ tjin¹-le⁴ xi³ si¹cˀa³to³ya³. Cˀoa⁴-sˀin² ca²ta³ma³ nca³yi³je³ nca³ nta³ coin⁴ncˀa³-nio³.

1 Corintios 8:11

Cˀoa⁴ xi³ to⁴tˀa³tsˀe⁴ je² cjoa⁴chji⁴ne⁴-li⁴ cha⁴jin³ je² xi³ choa³con³, je² ntsˀe³² xi³ Cristo cˀen³ tˀa³tsˀe⁴.

2 Corintios 4:6

Nca⁴ Ni³na¹ xi³ cˀoa⁴qui³tso², je² lˀi¹ ca²ta³ma³ˀi³sen³-ni³ jña³ njion²chon³, cˀoa⁴ je² ni¹ xi³ qui³si³ˀi³sen³jin³ ni⁴ma⁴-na⁴jin⁴. Cˀoa⁴-sˀin² tˀa³tsain⁴-jin⁴ qui³si³ˀi³sen³, jme¹-ni³ nca³ jcha⁴-si¹ni³jin⁴ je² cjoa⁴je³ya³-le⁴ Ni³na¹ xi³ ncjain¹ Jesucristo ma³tsen³-ni³.

2 Corintios 6:10

jo³-ni³ xi³ va³-na³jin⁴, to⁴nca³ tsjoa³-na³jin⁴ nca³ntsjai², jo³-ni³ tsa² xi³ yo⁴ma⁴, to⁴nca³ ncjin² xi³ ti³ni²nchi⁴nai¹⁴-jin⁴, jo³-ni³ xi³ tsi² tsa² jme³ xi³ tjin¹-na³jin⁴, to⁴nca³ xi³ nai³-le⁴ mai³⁴-jin⁴ nca³yi³je³.

2 Corintios 8:7

To⁴coi³ jo³-sˀin² nca³ tjin¹tsˀa³to³ntjai²-no³ nca³yi³je³, jo³-sˀin² nca³ ma³cjain¹-no³, jo³-sˀin² nca³ no²cjoao⁴³, cao⁴ cjoa⁴chji⁴ne⁴, cao⁴ nca³yi³je³ cjoa⁴ni²coi²nta⁴, cao⁴ cjoa⁴tjao²cha³-no³ xi³ tˀa³tsain⁴-jin⁴, cˀoa⁴-ti⁴ tse³ ca²ta³sˀe³ tsˀa³to³ntjai²-no³ je² cjoa⁴nta³-vi⁴.

2 Corintios 9:11

Cˀoa⁴-sˀin² coan⁴nchi⁴na¹-nio³ cao⁴ nca³yi³je³, jme¹-ni³ nca³ tse³ cˀoai⁴-si¹ni³lao⁴³ nca³yi³je³ cjoa⁴nta³ xi³cˀa³, xi³ si⁴²xa¹jin³-le⁴ nca³ tsjoa¹-le⁴ cjoa⁴nta³ Ni³na¹ cˀia⁴ nca³ cha⁴ni²-lai⁴jin⁴ cjoa⁴tjao²-no³.

Efesios 1:17

Cˀoa⁴-sˀin² vˀe³tsˀoa²³ nca³ Ni³na¹-le⁴ Nai³-na¹ Jesucristo, je² Nˀai³-na¹ xi³ tsˀe⁴ cjoa⁴je³ya³, ca²ta³tsjoa¹jin³ ni³ma⁴-no³ cjoa⁴chji⁴ne⁴, ca²ta³si¹ˀi³sen³-no³ sa³ˀnta³ nta³ jchao⁴³ Ni³na¹.

Efesios 2:7

jme¹-ni³ nca³ je² ni⁴čhjin³ xi³ nčhoa¹-sa³ coa⁴co²-si¹ni³ je² cjoa⁴nta³-le⁴ xi³ li² to⁴jo³ xi³ cji³tse³, nca³ cˀoa⁴-sˀin² qui³sˀe³-le⁴ cjoa⁴ma⁴ta³con² tˀa³tsan⁴² nca³ ti³yo³coa⁴² Cristo Jesús.

Efesios 3:8

Je² xi³ nqui²sa⁴-sa³ na³nqui³ tjio¹ xi³ cho⁴ta⁴-le⁴ Cristo, an³ xi³ nqui²sa⁴-sa³ nˀion¹ na³nqui³ ti²jna⁴-le⁴. An³ tsa³cˀai²-na³ cjoa⁴nta³-vi⁴ nca³ cˀoa⁴-sˀin² coi³nchja²ya³jin³-le⁴ cho⁴ta⁴ xi³ li² judío-jin² je² en¹nta³ tˀa³tsˀe⁴ je² cjoa⁴nta³ xi³ tjin¹-le⁴ Cristo xi³ li²coi³ coan⁴ jcha⁴yi³je³.

Efesios 6:19

Cˀoa⁴-ti⁴sˀin² tˀe²tsˀoao³ tˀa³tsˀan⁴, jme¹-ni³ nca³ cˀoai⁴-si¹ni³na³ en¹ nca³ sco³ˀe²³ ntso⁴ˀva³, cˀoa⁴ jme¹-ni³ nca³ li²coi³ tsa³cjon³-si¹nia³ nca³ coi³nchja²ya³ je² cjoa⁴ˀma³ xi³ tsˀe⁴ en¹nta³ tˀa³tsˀe⁴ Cristo.

Filipenses 1:9

Je²-vi⁴ xi³ vˀe³tsˀoa²ntjai²³-no³, nca³ je² cjoa⁴tjao²cha³-no³ coan⁴ncjin²ya³-ni³ cao⁴ cjoa⁴chji⁴ne⁴ cao⁴ cjoa⁴ˀi³sen³ta³con²,

Colosenses 2:3

Tjio¹ˀma³ cao⁴ Cristo nca³yi³je³ nca³nˀion¹ xi³ tsˀe⁴ cjoa⁴chji⁴ne⁴ cao⁴ cjoa⁴ˀi³sen³ta³con².

Colosenses 3:10

Je³qui³chjoao¹³ je² ni⁴ma⁴ xi³ cho⁴tse⁴, xi³ je³cji³ma³cho⁴tse⁴ya³ cao⁴ cjoa⁴fa³ˀai³tsjen³ xi³ cjoa⁴qui²xi⁴ jo³ cjoan³ je² xi³ tsa³cˀe¹nta³ nca³ je².

Santiago 3:13

ˀya¹-ni³ xi³ jon² xi³ chji⁴ne⁴ xi³ xˀin⁴cjoa⁴. Ca²ta³va³co¹ xa¹-le⁴ jo³-sˀin² nca³ nta³ fi²cao⁴ yao³-le⁴ cao⁴ cjoa⁴ˀi³nta³-jin³ xi³ tsˀe⁴ cjoa⁴ˀi³sen³ta³con².

2 Pedro 3:18

Ca²ta³ma³jcha¹jin³-no³ cjoa⁴nta³-le⁴ cˀoa⁴ cjoa⁴fa³ˀai³tsjen³-le⁴ Nai³-na¹ Jesucristo xi³ tsa³cˀa³sje³ntjai²-na¹. Je² ca²ta³vi³tjo³je³ya³ ntˀai⁴-vi⁴, cˀoa⁴ sa³ˀnta³ nca³ ni⁴čhjin³ xi³ tsi² cjoe⁴tˀa³. Cˀoa⁴ ca²ta³ma³.