1 Corintios 1:1 - New Testament in Mazatec Huautla

¹ An³ nia¹³ Pablo, xi³ qui³no²cjoa⁴-na³ nca³ pa²stro⁴-le⁴ Jesucristo coan³, jo³-sˀin² coan³me³-le⁴ Ni³na¹, cˀoa⁴ cao⁴ je² ntsˀe³² Sóstenes,

1 Corintios 1:1 ပူးပေါင်းရင်းမြစ်များ

San Lucas 6:13

Cˀia⁴ nca³ qui³sˀe³sen¹ qui³nchja⁴ma³ña³-le⁴ cho⁴ta⁴-le⁴, cˀoa⁴ tsa³cja³ˀa¹jin³ te³jao² xi³ cˀoa⁴-ti⁴ pa²stro⁴ qui³tso²-le⁴.

San Juan 15:16

A³li² jon²-jion²³ qui³chjoe¹jin³-nao¹³, to⁴nca³ an³ qui³scoe²jin³-no³ nca³ jon². Qui³si³qui³ncha²nta³-no³, jme¹-ni³ nca³ coa⁴nquin¹-nio³, cˀoa⁴ nta³ si⁴xa¹-si¹nio³, cˀoa⁴ je² xa¹-no³ sa⁴tio²-si¹ni³, jme¹-ni³ nca³ Nˀai³-na¹ tsjoa¹-ni³no³ nca³yi³je³ xi³ ni²je¹-lao⁴³ cao⁴ jan³ˀain¹-na⁴.

San Juan 20:21

Jesús ti⁴qui³tso²-nca¹ni³le⁴: Nchˀan¹ ca²ta³sˀe³-no³. Jo³-sˀin² xa¹ qui³si³ca³sen¹-na³ Nˀai³-na¹, cˀoa⁴-ti⁴sˀin²ni³ si³ca³sen¹³-no³ nca³ an³.

Hechos de los Apóstoles 1:15

Cˀia⁴ ni⁴čhjin³-ve⁴ Pedro tsa³qui³so¹tjen⁴jin³-le⁴ ntsˀe⁴. (Je² nca³tsˀi³ cho⁴ta⁴ xi³ coan³xco¹ jnco³ ciento cao⁴ can³-la⁴ ma³-ni³.) Pedro qui³tso²-le⁴:

Hechos de los Apóstoles 1:2

sa³ˀnta³ je² ni⁴čhjin³ nca³ qui³tjo³ve¹ ja⁴ncˀa¹. Xi³ to⁴tˀa³tsˀe⁴ je² Espíritu Santo Jesús je³qui³tsjoa³-le⁴ cjoa⁴-te¹xo³ma³ je² pa²stro⁴ xi³ tsa³cja³ˀa¹jin³.

Hechos de los Apóstoles 18:17

Cˀia⁴ nca³tsˀi³ cho⁴ta⁴ griego qui³scoe¹ Sóstenes, je² cho⁴ta⁴ti¹tjon²-le⁴ ntˀia³ sinagoga. Tsa³ca¹-le⁴ ya⁴ nqui³xcon⁴ ntˀia³va³sen³. Galión li²coi³ qui³si³sin³-le⁴ je² cjoa⁴-vi⁴.

Hechos de los Apóstoles 22:21

Cˀoi⁴qui³tso²-na³ Nai³-na¹: Tˀin³ nca³ cjai¹nca³ cjin³ sca³ni³-le²³, ya⁴ jña³ nca³ tjio¹ cho⁴ta⁴ xi³ li² judío-jin².

Romanos 1:1

An³ nia¹³ Pablo, xi³ cho⁴ˀnta³-le⁴ Jesucristo. Qui³no²cjoa⁴-na³ nca³ pa²stro⁴ coan³, cˀoa⁴ qui³nˀo²sje³xin²-na³ xi³ tˀa³tsˀe⁴ je² en¹nta³-le⁴ Ni³na¹

Romanos 1:10

Ti²si³je¹³-nia¹³ tsa² coi⁴cho³-na³ ni⁴čhjin³ tsa² Ni³na¹ cˀoa⁴-sˀin² me³-le⁴ nca³ cˀoa⁴coan⁴-na³ nca³ cjoi¹con³-no³ nca³ jon² to⁴jo³-sˀin²ni³.

Romanos 1:5

Xi³ to⁴tˀa³tsˀe⁴ Cristo qui³scoe²³ cjoa⁴nta³ cao⁴ xa¹-le⁴ pa²stro⁴, jme¹-ni³ nca³ nca³tsˀi³ cho⁴ta⁴ xi³ li² judío-jin² coi⁴tjo³son²-si¹ni³le⁴ nca³ coan⁴cjain¹-le⁴ tˀa³tsˀe⁴ jan³ˀain¹-le⁴ Cristo.

1 Corintios 15:9

An³ nia¹³ pa²stro⁴ xi³ nqui²sa⁴ na³nqui³ ti¹jna³-sa³le⁴ xi³cˀa³ pa²stro⁴, nca³ tsi² tsa² va³quin²-na³ nca³ cˀoa⁴ˀmi²-na³ pa²stro⁴, nca³ co²ntran⁴ qui³-le⁴ je² na⁴xi⁴na³nta¹-le⁴ Ni³na¹.

1 Corintios 3:9

Nca⁴ jin⁴-jin⁴ to⁴jnco³ ni²xa¹coai⁴-jin⁴ Ni³na¹, cˀoa⁴ jon² nio¹³ ˀnte³-le⁴ jña³ nca³ si¹xa¹ Ni³na¹, cˀoa⁴ jon² nio¹³ ntˀia³-le⁴ xi³ vˀe¹nta³ Ni³na¹.

2 Corintios 1:1

An³ nia¹³ Pablo, pa²stro⁴-le⁴ Jesucristo, jo³-sˀin² coan³me³-le⁴ Ni³na¹, cao⁴ ntsˀe³², je² Timoteo, to⁴jnco³ ti³chji²-lai²⁴jin⁴ jon² xi³ na⁴xi⁴na³nta¹-le⁴ Ni³na¹ xi³ ti³yo³ ya⁴ Corinto, cao⁴ nca³tsˀi³ cho⁴ta⁴-le⁴ Cristo xi³ tjio¹ ya⁴ nca³qui³jnta² Acaya.

2 Corintios 11:5

Cjoa⁴qui²xi⁴ si³cja³ˀai³tsjen³-nia¹³ nca³ ni⁴jme³-jin² xi³ na³nqui³ ti²jna⁴-le⁴ je² pa²stro⁴ xo⁴cjoan³-ve⁴ xi³ nˀion¹ ncˀa³ vˀa³sje³ yao³-le⁴.

2 Corintios 12:12

Cjoa⁴qui²xi⁴-ni¹ nca³ je² choa⁴-le⁴ pa²stro⁴ cˀoa⁴-sˀin² cˀoa⁴coan³ ya⁴jin³-le⁴ nca³ jon² cao⁴ nca³yi³je³ cjoa⁴tse³ta³con², cao⁴ choa⁴, cao⁴ cjoa⁴ xi³ tse³, cao⁴ cjoa⁴xcon¹.

2 Corintios 8:5

Cˀoa⁴ li²coi³ cˀoa⁴-sˀin² coan³ jo³-sˀin² qui³cho³ya²-lai⁴jin⁴, to⁴nca³ ti¹tjon² ti⁴je² qui³tsjoa³tˀa³-le⁴ yao³-le⁴ Nai³-na¹ cao⁴ jin⁴-jin⁴, jo³-sˀin² nca³ coan³me³-le⁴ Ni³na¹.

Gálatas 1:1

An³ nia¹³ Pablo, xi³ pa²stro⁴, xi³ tsi² tsˀe⁴-jin² xa¹-le⁴ cho⁴ta⁴son³ˀnte³, ni⁴je²-jin² cho⁴ta⁴son³ˀnte³ xi³ qui³tsjoa³-na³ xa¹. To⁴nca³ Jesucristo, cˀoa⁴ Ni³na¹ Nˀai³-na¹ xi³ qui³si³cja³ˀa¹ya³jin³-ni³le⁴ cˀen³ Jesús, je² xi³ qui³tsjoa³-na³ xa¹.

Efesios 1:1

An³ nia¹³ Pablo, pa²stro⁴-le⁴ Jesucristo, nca⁴ cˀoa⁴-sˀin² coan³me³-le⁴ Ni³na¹. Ti²cji³-no³ jon² xi³ cho⁴ta⁴-le⁴ Cristo, xi³ ti³yo³ ya⁴ Efeso. Nta³ ma³nquin¹tˀa³-lao⁴³ Cristo Jesús.

Efesios 4:11

Ti⁴je²-ni³ xi³ qui³tsjoa³-le⁴ cˀa³ nca³ pa²stro⁴ ma³, cˀoa⁴ xi³cˀa³ nca³ vˀe¹ma³ nchja⁴ya³, cˀoa⁴ xi³cˀa³ nca³ vˀe¹ma³son² nca³ tso²ya³ tˀa³tsˀe⁴ Ni³na¹, cˀoa⁴ xi³cˀa³ nca³ pastor ma³, cˀoa⁴ nca³ maestro ma³.

Colosenses 1:1

An³ nia¹³ Pablo, pa²stro⁴-le⁴ Jesucristo, nca³ cˀoa⁴-sˀin² coan³me³-le⁴ Ni³na¹, cˀoa⁴ cao⁴ je² ntsˀe³² Timoteo

1 Timoteo 1:1

An³ nia¹³ Pablo, pa²stro⁴-le⁴ Jesucristo nca³ cˀoa⁴sˀin² tsa³cˀe¹ne²-na³ Ni³na¹ xi³ vˀa³sje³ntjai²-na¹, cao⁴ Nai³-na¹ Jesucristo xi³ ti³cho³ya²-le⁴².

1 Timoteo 2:7

Xi³ tˀa³tsˀe⁴ je² cjoa⁴ an³ qui³si³ca³sen¹jna³-na³ nca³ nchja²ya³ nca³ pa²stro⁴ coan³. (Ña³qui³ cjoa⁴qui²xi⁴ xi³ xian³, a³li²coi³ cjoa⁴nti³so³.) An³ va³co³ya²³-le⁴ cho⁴ta⁴ xi³ li² judío-jin² jo³-sˀin² ma³cjain¹-na¹ cao⁴ xi³ cjoa⁴qui²xi⁴.

2 Timoteo 1:1

An³ nia¹³ Pablo, pa²stro⁴-le⁴ Jesucristo nca³ cˀoa⁴-sˀin² coan³me³-le⁴ Ni³na¹. An³ nia¹³ pa²stro⁴ xi³ tˀa³tsˀe⁴ je² cjoa⁴vi³jna³chon³ xi³ Ni³na¹ qui³si³sˀe³nqui³, cˀoa⁴ xi³ Cristo Jesús tsjoa¹.