ZUDÂH 1:9 - Mara Bible RV (BSI)

⁹ Vâlyuhchâpa chônôchaipa Mikaila tlai chhao khata, Mawsi ri kyh liata ahripa nata a chhu ei ta, ahripa â dyuh nona kha, reipachhiena pachiana bie phuah leipa ta, “Abeipa ta cha ra mawh sy,” tlao a tah.

ZUDÂH 1:9 ပူးပေါင်းရင်းမြစ်များ

1 THÂTIHZYRONA 12:17

Dâvi cha âmo dy awpa ta pua ta, ama hnohta, “Na bao awpa ta adyhna bie rei awpa ta kei lâ a vypa nama châ khiahta cha, ei palôh ta châ pazao aw ei ta, ei ku liata hmo doleipa khâpa hmah y vei tahpa pahno thlâh hana chôta, ei khakhaipazy na patusa namâ chhuah khiahta deikua cha, miah pathlatuhpazy Khazohpa ta cha hmô ei sala, viari cha thô mawh ei sy,” tah ta.

PUASAINA 22:28

“Khazohpa na rei pachhie awpa châ leipa ta, na phopi ryureituhpa chô liata bie pha leipa na reih awpa châ vei.

DÂNIAH 10:13

Persia khinarâh ryureituhpa ta noh kih nata noh kha chhôh na pakhâ ta, châhrasala ryureituhpa lai chaipazy hry liatapa Mikaila cha keima na bao awpa ta a vy ta. Cha liata kei cha Persia beizy hnohta siesaipa châ na ta.

DÂNIAH 10:21

Châhrasala biedopa rona châbu liata ropa ei cha chho aw: Nâmo ryureituhpa Mikaila tah leipa ta cha, he sahlaozy adyuhna liata nâ dyuhkheipa pakha hmah y veih ei.

DÂNIAH 12:1

“Cha daihti liata, na chyhsazy a châhkheituhpa hyutuh rônahpa Mikaila vaw pua aw ta, nôpona daihti, phopi y tua no tawhta a y beih leipa cha a vaw y aw. Châhrasala cha daihti liata, châbu liata a moh ropa ta a ypa na chyhsazy cha pachhapa ta ama y aw.

ZEKARIA 3:2

Abeipa ta Sâtâ hnohta, “Nâ Sâtâ, Abeipa ta a cha ra! Zerusale a tlyhtuhpa Abeipa ta a cha ra! Kha chyhsa kha mei tawhta thothu a daophipa châ vei ma?” tah ta.

MÂKA 15:29

Cha su a chapiapazy ta ama luh chahuahpa ta, “Âh! Nâ, Achhyna o phie ta, noh thôh ta a sa heih awpa chi,

RYHPACHANEINA 34:6

Bepeô dady Môabâ râh saikao liata ama pabu. Châhrasala a thlâ yna cha ahy hmahta tanoh taihta pahno veih ei.

1 THYSALAWNIKA 4:16

Abeipa cha rahaopa nata vâlyuhchâpa chônôchaipa ao nata Khazohpa chiahmie pyu chhaota avâ tawhta za chô aw ta, Krista liata athipazy cha ama thyu tua aw.

1 PITY 3:9

Moleina cha moleina ta viarithô leipa u la, reipachhiena chhao reipachhiena ta viarithô hra leipa u la, byhnâ tlao awpa teh u. Cha hawhta taopa ta byhnâ to awpa ta awpa nama châ.

2 PITY 2:11

Thatlôna nata hmotaotheina a hnei viapa vâlyuhchâpazy hmahta, chazy reipachhiena bie Abeipa hmiakô liata reih veih ei.

BIEPHUAH 12:7

Chatawhcha vârâh liata adyuhna vaw y ta. Mikaila nata a vâlyuhchâpazy ta drâkao cha a dyuh ei ta. Drâkao nata a vâlyuhchâpazy chhaota a vaw dyuh palie hra ei ta.