ZUDÂH 1:6 - Mara Bible RV (BSI)

⁶ Vâlyuhchâpazy chhao ama biehneina nata ama pahrâna su a siesaipazy cha, noh rônahpa pachiana noh tlôna taihta zohna hnabeidyna ry liata chhâzaw bâlia ta chahrypa ta y awpa ta Abeipa ta a soh chy ei.

ZUDÂH 1:6 ပူးပေါင်းရင်းမြစ်များ

MATHAI 10:15

Hmeiseihta ta ei cha chho ei, ryureina noh liata, cha khih hlâta Sawdawmâ nata Kawmawrâ pasa taopa a zie a y via aw.

MATHAI 25:41

“Cha khai tawhta a chavei lâta a ypazy hnohta, ‘Chhiesapa ta a ypa saih u, ahripa nata a lyuhchâpazy châta a chhuahdypa chhâzaw mei lâ na siesai teh u.

MATHAI 8:29

Thata awh ei ta, “Khazohpa Sawchapawpa, kheihta miah tao awpa ma na khoh? Noh taihpa tlô hlâta riethei miah pataosa awpa ta ma nâ vy?” tah ei ta.

ZAWHÂNA 8:44

Nâmo cha nama paw ahripa tawhta a puapa châ ei chi ta, nama khopa cha, nama paw khopa taopa a châ. Ano cha âthaona tawhta lianycheihpa châ ta, ano liata biehmeiseihpa rai a y leipa vâta, biehmeiseihpa liata a duah vei. Haipa bie a rei nahta, ano châna dopa a palâsa tyh. Ano cha haihthaipa nata haipa bie zydua paw a châ.

RAWMA 2:5

Na palôh kuhchhana nata ro khoh leina vâta, hiehâhna noh, Khazohpa pachiana siapa â vaw luahna noh châta, nâmasasyh ta hiehâhna nâ pachôpakhy.

EPHESI 6:12

Eimâ piapazy he sapa nata thisaih châ leipa ei ta, abeinazy, biehneinazy, he khizaw zohna chô liata hmotaotheinazy nata avâ suzy liata a ypa thlahpa moleipazy tlao ama châ.

HEBRAI 10:27

Ryureina rarôh ypa nata ano dyuhtuhpazy a kâ patlô awpa hiehâhna mei tlao a y aw.

2 PITY 2:4

Vâlyuhchâpazy moleina hmo ama tao nona kha, Khazohpa ta âmo cha pahlôh leipa ta, hriena su liata thy ta, pachiana daihti a tlô hlâlei khaohtlô zohpa liata a khô chy ei.

2 PITY 2:9

Cha hawhna chata Abeipa ta ano a pachâtuhpazy cha reipasaona tawhta a pachha nawpazie pahno ta, sialeipazy cha pachiana noh a tlô hlâlei hriena ry liata soh chy nawpazie chhao a pahno.

ZUDÂH 1:13

Tilaipi chatlaopa a pathluahpa, âmo maophyuhna buchaphy a papuapazy châ ei ta, awhsi viavipa, zoh kaluhpa liata chhâzaw ta a y awpazy ama châ.

BIEPHUAH 20:10

Âmo dôveituhpa ahripa cha, sahrâhpa nata hrohso pakheipa yna mei nata kaih tipo liata thypa châ ta, chhô nah zâ ta chhâzaw nata tlyzaw ta pasa pataosapa a châ aw.

BIEPHUAH 20:2

Drâkao parih hlôpa, ahripa nata Sâtâ cha patu ta, kô sâh kha châta chahry ta.