ZUDÂH 1:4 - Mara Bible RV (BSI)

⁴ Chyhsa thokha, kha hlâ tawhta thaileichâ awpa ta rao chiehpazy arulâta amâ vaw ngia. Cha chyhsazy cha Khazohpa a uasa leipazy châ ei ta, eima Khazohpa ngiachhiena cha parâna châta hmâh ei ta, eima Hyutuhpa nata eima Beipa hnei chhôhpa Zisu Krista a paphasaipazy ama châ.

ZUDÂH 1:4 ပူးပေါင်းရင်းမြစ်များ

2 SAMUELA 22:5

Thina tichatlaopazy ta na vao ta, Raona tily ta eina phaoh.

HLAZY 1:1

Hmoparaopazy ryhraona a chhih beih leipa, Moleipazy lâpi liata a duah beih leipa, Chyhsa a mohnao thaipazy dyuchhai liata a tyuh beih leipa, Cha hawhpa chyhsa cha a nohlao na.

HLAZY 62:2

Ano deita cha ei lôpanô nata ei pachhana châ ta, Ei thokhy châ ta, A chalyu beih aw va na.

MATHAI 13:25

A chyhsazy amâ mô chhôh ta, a chariahpa a vy ta, sâh hry liata sâh pakheipa hie ta, sie syulyu ha ta.

ZAWHÂNA 17:3

He he chhâzaw hrona a châ: Nâ, Khazoh hmeiseihpa deita nata na tuapa Zisu Krista pahnopa hih.

HMOTAOPAZY 11:23

Bânabâ cha Antiôkâ tlô ta, Khazohpa ngiachhiena raihria a hmô nahta, a ly ngaita ta, achhuahna a ipa hneipa ta, Abeipa châta ngâchhih awpa ta âmo cha pasyu ta.

HMOTAOPAZY 15:24

“Eima hry liata chyhsa thokha ta keimo biepie leipa ta nâmo lâ a zu ei ta, ama bie reipa ta cha patypamâ ei ta, noraihpa ta ama cha paysapa thâtih eima vaw thei.

KALATIA 2:4

Krista Zisu liata khotalaina eima hneipa mohparu awpa ta, unawh pakheipazy arulâta eima hry liata a vaw ngia ei ta, seichâna lâ miah a chhi awpa amâ chhuahpa vâta, chopawtaina kyh he a vaw ypa a châ.

KALATIA 5:13

Unawh saih u, khotalaina hnei awpa ta awpa nama châ. Châhrasala nama khotalaina cha sapa ryhpaohna châta hmâh leipa u la, kyhpachâna ta tlao a chakao raihrie teh u.

EPHESI 4:14

Chatanachata chyhsa so piehpiena nata dôthaina hmotaopa tichatlaopazy ta hao lâ he lâ a chatlaopa nata pachuna ziza to ta a phao pahaipa hawtipa châ khao aw ma pi.

1 TIMAWTHY 5:8

Sanawh a chyh leipa chyhsa, a eih pachaipa ta a chhôhkhazy a chyh leipa chyhsa cha, ngiapâna a paphasaipa châ ta, ngiapâleipa hlâ chhao ta a chhie via.

2 TIMAWTHY 2:12

Pasa eima tao khiahta cha, A hnohta ryu eima reih hra aw; Ano eimâ paphasai khiahta cha, Ano chhao ta miah â paphasai hra aw;

2 TIMAWTHY 3:6

Cha hawhpa chyhsazy cha, ozy liata a ngiapa ta, chanô chiehleipazy patu ei ta, molei phaohri ta âmo cha pavipa ta, aohraohna to ta chyhsa a pasiesachheipazy ama châ.

1 PITY 2:16

Khotalaipa châ ei chi ta, châhrasala nama khotalaina cha moleina khu nawpa ta nama hmâ awpa châ leipa ta, Khazohpa chakaotuhpazy hawhta tlao nama y awpa a châ.

1 PITY 2:8

Achapiana lô vaw châ ta, Moleina lôpanô a vaw châ haw.” Bie ama zyh leipa vâta a chapia ei ta, cha hawhta y awpa ta raopa rai ama châ.

1 PITY 4:18

“Mosiapa hmahta pachha lyliapa a châ khiahta cha, Khazohpa a uasa leipa nata moleipa chhochhi cha, Kheihta rimâ ma ama châ aw tly?”

2 PITY 2:10

Sapa aohraohna lôhrâ a patlô tyhpa nata biehneina a mohnaopazy hrie nawpa chhochhi a pahno via pachai. Hru riahphapazy châ ei ta, a palai ngaita ei ta, vâ liata rônahpazy reipachhie awpa hmah a chi leipazy ama châ.

2 PITY 2:7

Moleipazy parâ aohraohna vâta a pachâ thata a rôh tyhpa mosiapa Lawta kha, Khazohpa ta a pachha haw.

2 PITY 3:7

Châhrasala cha bie lilaw chata tahmâno ta avâ nata alei a ypazy he mei châta pachô ta, Khazohpa a uasa leipazy pachiana nata leidiana noh a tlô hlâlei â pakhei chy ei.

1 ZAWHÂNA 2:22

Zisu cha Krista a châ tahpa a pyh leipa hleikhô ta a haihpa ahy ma a y? Paw nata Sawchapawpa a pyh leipa cha Krista dyuhtuhpa a châ.

ZUDÂH 1:15

Chyhsa zydua pachia aw ta, Khazohpa a uasa leipazy cha, Khazohpa kho leipa hmo ama taopa zydua vâta thailei a pachâsa aw ei. Khazohpa uasa leipa ta, Khazohpa chô liata bie pachyupa a reihpazy chhao thailei a pachâsa aw ei,” tahpa ta a vaw chhochhielie.

ZUDÂH 1:18

Lyuhchâpazy ta, “Daihti hnôhchaipa liata cha, pasipasawh a hmâhpa, Khazohpa uasa leipa ta ama aohraohnazy a chadaipa ama y aw,” tahpa ta ama cha vaw chho haw.

BIEPHUAH 15:4

Hy Abeipa, ahy ma cha chi leipa ta y aw ta, Na moh palyupalih leipa ta a y aw? Pathaihpa cha nâ dei na châ. Na pachiana siaziezy palâhâhpa a châ hapa vâta, Phopi zydua a vy aw ei ta, Ama châ vaw chhy aw.”