ZUDÂH 1:19 - Mara Bible RV (BSI)

¹⁹ Cha chyhsazy cha achhaihna a patlôsatuhpa, khizawpa chyhsa, Thlahpa a hnei leipazy ama châ.

ZUDÂH 1:19 ပူးပေါင်းရင်းမြစ်များ

BIESOZY 18:1

Ano dei ta a y nanopa cha ano khopa sai a tluapa châ ta, Sona dopa zydua a dyuhpa a châ.

ISAI 65:5

“Â hlapa liata a duah teh, Nâ vaw hnia kha, Nâma hlâta ei pathaih via,” A tah tyhpazy ama châ. Ei hnapasu liata meikhuh châ ei ta, Noh y ta mei a iapa ama châ.

EZEKIA 14:7

Izarei pathla tlyma, Izarei râh liata chihropa a pahrâpa tlyma, kei tawhta a pananopa ta, a khazoh nothlahpazy a palôh liata soh ta, a paraona ahluana lô a hmia liata sona chôta, kei nâ saohiah awpa ta hrohsopa lâ a pangaipa maih cha, kei Abeipa tlai heta ei chhy aw.

HÔSIA 4:14

Chatahrasala, nama sawchanôzy cha, Ama sihryhna vâta hrie aw veih ei na; Nama myuhnôzy chhao, Amâ pheina vâta hrie aw veih ei na; Chapawzy ta sihryhnô cha a pheikhei ei ta, Âzuahnôzy nata atheihna ama hlâ khohpa tlao a châ. Pahnona a phahlapa phopi cha a leidia aw.

HÔSIA 9:10

Râhchawhpa liata kre thei hawhta Izarei cha hmô na ta; Theiku a daih tuapa ei mopa hawhta, Châ pathlatuhpazy kha ei moh ei. Châhrasala Bâlâpeô ama vaw tlôpa nahta, Nozachhihpa hmo lâta thlai ama tlei haw; Chavâta ama tlaichhaipa hmozy hawhta, Âmo chhao pasichhihpa ama châ haw.

RAWMA 8:9

Châhrasala Khazohpa Thlahpa nâmo liata a y khiahta cha, sapa ta a ypa châ leipa ei chi ta, Thlahpa ta a ypa tlao nama châ. Ahy rai Krista Thlahpa a hnei leipa cha ano chyhsa châ vei.

1 KAWRINI 2:14

Khizaw chyhsa ta Khazohpa Thlahpa hmozy a pyh vei. Ano pachâ ta cha hruna châ ta, thlahpa ta pahnopa chi a châpa vâta pahno thei vei.

1 KAWRINI 6:19

Nama pôhpa cha Khazohpa tawhta nama daopa, nama chhôh liata a ypa Thlahpa Pathaihpa Achhyna o a châ tahpa pahno veih ei chi mâ? Nâmo eih châ khao veih ei chi,

HEBRAI 10:25

Thokha taozie hawhta, apakhynazy bâhsai leipa ta, tlao a pasyu raihrie ei suh u. Noh â hnia via rilipa nama hmôpa hawhta, thata a pasyu ei suh u.

ZÂMIE 3:15

Cha sona cha chô lâ tawhta a za tlôpa sona châ leipa ta, khizaw sona châ ta, thlahpa tawhta châ leipa ta, ahripa tawhtapa tlao a châ.