ZUDÂH 1:11 - Mara Bible RV (BSI)

¹¹ Ama hu a po na! Kaina lâpi a chhih ei ta, athôhna hmô awpa ta Bâlâma moleina lâpi liata a râ ei ta, Kôrâ adyuhna liata ama leidia.

ZUDÂH 1:11 ပူးပေါင်းရင်းမြစ်များ

2 ABEIZY 16:16

Theihthaipa Uria ta Bei Ahâza biepiepa hawhta, cha zydua cha tao ta.

ISAI 3:11

Moleipa cha a hu a po na! Chhiena a tyh aw ta, A hmotaopazy viarithôpa a châ aw.

ISAI 3:9

Ama hmia phao ta ama châna palâsa ta, Ama moleina Sawdawmâ hawhta ama phuah; Nyu veih ei. Ama hu a po na! Âmosasyh ta raona amâ taopa a châ.

ZEREMIAH 13:27

Na pasichhihnazy hmô na ta, Lyu tlâhzy liata nâ pheinazy ei hmô haw; Arâ paw khohpa hawhta na sâpa hmô na ta, Na sihryhna zakheichhihpa chhao ei hmô haw. Hy Zerusale, na hu a po kaw dia! Khati taih ma pathaih leipa ta na y chy aw?”

EZEKIA 13:3

Abeipa Zehôvâh ta hetana heta a tah: Ama hmôpa y tlôh leipa ta, âmo palôh liata a ypa bie a phuah tyhpa hrohsopa hrupazy cha, ama hu a po kaw dia!

MIKÂ 6:5

Hy ei phopi, Môabâ bei Bâlâka ta Nama chô liata tao â chhuahpazy kha a thei u la, Beô sawchapawpa Bâlâma ta  chhynazy chhao kha a thei teh u; Siti tawhta Kilkal taihta Hmo tlôpazy kha a thei teh u; Chatanachata Abeipa ta Siana ta hmo a taopazy nama pahno thei aw.”

ZEKARIA 11:17

“Sahroh zaw a siesaipa Vaituhpa dyutlai leipa cha, A hu a po na! Zaozi ta a bâh chhawh sala, A mo chachâh lâ dy mawh sy! A bâh sy khai sala, A mo chachâh lâ tlokhuh chao mawh sy!” tah ta.

MALUHREINA 31:16

Pachâ teh u, âmo kha Bâlâma ryhraona ta Peô liata Izarei sawzy Abeipa chô liata paraona a pataosatuhpazy châ ei ta, âmo vâta Abeipa chyhsazy chô liata potlana a vaw tlôpa kha.

MATHAI 11:21

“Kôrâzi, na hu a po na! Besaidâ, na hu a po na! Nâmo liata hmonoâhpa taopazy kha, Tyre nata Sidaw liata taopa châ sala, latho poh a bupa ta, buchâh a mia aw ei ta, ama ro ha awpa tlai.

RYHPACHANEINA 23:4

Izi râh tawhta nama kaw pua nota, viahchhâ nata ti ta ama cha dy leipa vâta nata chhie cha sapa awpa ta Mesôpôtamia râh Pethô khih liata Beô sawchapawpa Bâlâma ama hruapa vâta, Abeipa pakhypi liata amâ hlao awpa châ vei.

HEBRAI 11:4

Ngiapâna ta Abela cha Kainâ hlâta atheihna pha viapa Khazohpa lâ hlâ ta, Khazohpa ta a hmopiepazy a pyh ta, ano cha reithai ta, mosiapa ta a rao. Â ngiapâna vâta, Abela cha a thi tawh chhao ta bie a reih lymâ.

2 PITY 2:15

Lâpi dopa tleisai ei ta, ama pavia haw. Hmo doleipa taopa tawhta athôhna hmô a tlaichhaipa Beô sawchapawpa Bâlâma lâpi amâ chhih.

1 ZAWHÂNA 3:12

Moleipa tawhta a puapa, ano unawhpa a thietuhpa Kainâ hawhna khata eima y awpa châ vei. Khâpa vâta ma a unawhpa kha a thie? A hmotaopazy kha moleina hmo châ ta, a unawhpa hmotaopazy kha a siapa a châpa vâta a châ.

BIEPHUAH 2:14

Châhrasala pasina chyhta ei cha hnei. Nama hry liata chyhsa thokha Bâlâma pachuna khâchâ a patupazy y ei ta. Bâlâma cha Izarei sawzy hmiakô liata achapiana lô so awpa ta Bâlâka a pachutuhpa châ ta, Izarei sawzy cha nothlahpa lâta hlâpa niedozy paniesa ta, apatlana moleina pataosa a chhuahpa kha a châ.