ZUDÂH 1:1 - Mara Bible RV (BSI)

¹ Zisu Krista chakaotuhpa nata Zâmie unawhpa Zudâh ta Paw Khazohpa liata kyhpachâpa nata Zisu Krista châta awpa nata vaipa sahlaozy ei châ naoh ei.

ZUDÂH 1:1 ပူးပေါင်းရင်းမြစ်များ

MATHAI 10:3

Phili nata Bâthawlawmu; Thawma nata chhiekheituhpa Mathai; Alphu sawchapawpa Zâmie nata Thâdia;

MATHAI 13:55

He chyhsa he zôthaipa sawchapawpa kha châ vei ma? A nô chhao Mâri ama tahpa kha châ vei ma? A unawhzy chhao Zâmie, Zawsi, Saimaw nata Zudâh zy châ veih ei ma?

MÂKA 3:18

Adaru, Phili, Bâthawlawmu, Mathai, Thawma, Alphu sawchapawpa Zâmie, Thâdia, Kâna chyhsa Saimaw nata

MÂKA 6:3

He chyhsa he Zâmie, Zôse, Zudâh nata Saimaw zy unawhpa, Mâri sawchapawpa, tho zôthaipa kha châ vei ma? A sietanôzy chhao, he liata eima hnohta y thlâh ha veih ei ma?” tah ei ta. Chavâta a chô liata ama palôh châ leipa ta.

LUKA 6:16

Zâmie sawchapawpa Zudâh nata a patusatuhpa Zudâh Iskari zy ama châ.

ZAWHÂNA 12:26

Ahy rai eina chakao khiahta la, na zi mawh sy. Nâ chakaotuhpa cha ei yna liata a y hra aw. Ahy rai eina chakao khiahta la, ano cha Paw ta a palyupalih aw.

ZAWHÂNA 14:22

Zudâh, Iskari a châ leipa ta, a hnohta, “Abeipa, khazia keimo hnohta a luah aw chi ta, khizaw hnohta nâ luah aw vei?” tah ta.

ZAWHÂNA 15:16

Nâmo ta nâ tlyh veih ei chi, kei ta tlao châ tlyh ei na ta, sie ta, thei pathei awpa nata khâ pathei awpa ta ei cha rao ei. Chatanachata ei moh ta Paw lâ nama hiapa maih a cha pie lymâ aw ei.

ZAWHÂNA 17:15

Âmo cha khizaw tawhta la awpa ta châ haw va na, moleipa tawhta hrôbieh awpa ta ei châ haw.

ZAWHÂNA 17:17

Âmo cha biehmeiseihpa ta pathaisa mah y. Na bie cha biehmeiseihpa a châ.

ZAWHÂNA 17:19

Biehmeiseihpa liata pathaisapa ama châ thei nawpa ta, âmo vâta keimasasyh ta ei pathaisa.

ZAWHÂNA 6:39

He he nâ tuahtuhpa khopa cha a châ, ano ta eina piepa zydua ahy hmah pahlei leipa aw na ta, noh chhâna noh liata ei pathyu aw ei.

HMOTAOPAZY 1:13

O amâ ngia nahta, Pity, Zawhâna, Zâmie, Adaru, Phili nata Thawma, Bâthawlawmu nata Mathai, Alphu sawchapawpa Zâmie nata Saimaw, Zilô py liatapa nata Zâmie sawchapawpa Zudâh zy cha ama yna chhôhpadâhpa chô chaipa lâ khy ei ta.

HMOTAOPAZY 20:32

“Tahmâ he Khazohpa nata a ngiachhiena bie liata ei cha pavaosa ei. Cha chata cha palaiseihsa aw ei ta, mopathaihpazy hry liata ryuto a cha pahneisa aw ei.

HMOTAOPAZY 27:23

Tazâ liana tlai khata, ano eih châ na ta, ei chakaopa Khazohpa vâlyuhchâpa ei hmiakô liata a vaw duah ta,

RAWMA 1:1

Pawla, Zisu Krista chakaotuhpa, lyuhchâpa châ awpa ta awpa nata Khazohpa thâtihpha châta pananopa ta, he châpaphaopa he a roh.

RAWMA 1:6

Cha chata nâmo, Rawma khih liata a ypa, Zisu Krista eih châ awpa ta awpa zydua chhao a cha pahly ei.

RAWMA 16:18

Cha hawhpa chyhsazy cha, eima Beipa Zisu Krista chakao leipa ei ta, âmo py a chakaopa tlao châ ei ta, reikah pahniapa nata papyupahly thainazy ta chyhsa pha molopazy ama dôvei tyh.

RAWMA 6:22

Tahmâ deikua cha, moleina tawhta khotalaipa châ ha ei chi ta, Khazohpa seizy nama châ haw. A theilâpa nama hmôpa cha pathaihna lâta a chhipa châ ta, cha chhâna cha chhâzaw hrona a châ.

RAWMA 8:30

A rao chhieliepazy cha aw ta, a awpazy thai pachâsa ta, thai a pachâsapazy cha a palyupalih ei.

RAWMA 9:24

Cha ngiachhiena beihzy cha, keimo, Zuzy hry tawhta a awpazy dei châ leipa pi ta, Zenitaizy hry tawhta a awpazy chhao eima châ hra.

1 KAWRINI 1:2

Kawrini khih liata a ypa, mopathaihpazy châ awpa ta Krista Zisu liata pananopa Khazohpa awnanopa nata su to liata eima Beipa Zisu Krista, âmo Beipa nata keimo Beipa moh a padopa zydua eima châ naoh.

1 KAWRINI 6:11

Nama hry liata thokha chhao, cha hawhpa chyhsa nama châ tyhpa kha. Châhrasala pasipa nata pathaisapa châ ha ei chi ta, Abeipa Zisu Krista moh ta nata eima Khazohpa Thlahpa ta thai pachâsapa nama châ haw.

EPHESI 5:26

Awnanopa cha bie nata ti ta pasipa ta, a pathaisa thei nawpa ta, Krista cha Awnanopa châta â pie.

1 THYSALAWNIKA 2:12

A khinarâh nata a rônahna lâta nâmo châ awtuhpa Khazohpa chyhsa tlâh nama châ thei nawpa ta, cha pasyu pi ta, nama tha cha patlô pi ta, bie eima cha pie.

1 THYSALAWNIKA 5:23

Thlalôhna Khazohpa ta tlokhuh cha pathaisa ei sala, nama thlahpa, nama pathipalôh nata nama pôhpa cha, eima Beipa Zisu Krista â vy tita, seina hnei leipa ta cha paysa mawh ei sy.

2 TIMAWTHY 1:9

Ano cha eima hmotaopazy vâta châ leipa ta, a hmochhuahpa nata a ngiachhiena vâta miah pachha ta, awna pathaihpa ta miah awtuhpa a châ. Cha ngiachhiena cha khizaw y hlâta Krista Zisu liata miah a pie haw.

2 TIMAWTHY 4:18

Abeipa ta moleipa zydua tawhta na pachha aw ta, a vâ khinarâh lâ â bohpa ta eina tlôkhei aw. A hnohta chhâzaw nata tlyzaw ta rônahna y mawh sy. Amen.

HEBRAI 3:1

Chavâta unawh pathaihpa, vârâh awna a to hrapazy saih u, eimâ ngiapâna palâhâhna lyuhchâpa nata Theihthai Beichaipa Zisu thâtih pachâ tyh muh vy.

ZÂMIE 1:1

Khazohpa nata Abeipa Zisu Krista chakaotuhpa Zâmie ta chi hrawh hleino paipatlapazy ei châ naoh ei.

1 PITY 1:2

Paw Khazohpa pahno chhieliepa hawhta atlyhpazy, Zisu Krista rei a ngiah awpa nata a thisaih ta thia awpa ta Thlahpa ta pathaisapazy ei cha naoh ei. Nama chô liata ngiachhiena nata thlalôhna papôhsapa ta y mawh sy.

1 PITY 1:5

Daihti hnôhchaipa liata palâhâh awpa ta a mâ chiehpa ta a ypa ngiapâna vâta pachhana nama hmô thei nawpa ta, Khazohpa hmotaotheina ta vaipa nama châ.

1 PITY 2:9

Nâmo deikua la, zohna tawhta puapa ta khaihna noâhpa liata a ngia awpa ta châ awtuhpa ei phana cha nama phuah thei nawpa ta, phopi atlyhpa, abei chi theihthaipa, phopi pathaihpa, Khazohpa ryuto phopi nama châ.

1 PITY 5:10

Ngiachhiena zydua Khazohpa, a chhâzaw rônahna to awpa ta Krista liata châ awtuhpa ei chata, bohpi leipa pasa nama tao khai tawhta, cha paduapathi aw ei ta, cha pa-ipa ta tha cha patlô aw ei ta, a cha padua aw ei.

2 PITY 1:1

Zisu Krista chakaotuhpa nata lyuhchâpa Saimaw Pity ta Zisu Krista eima Khazohpa nata Pachhatuhpa siana vâta keimo topa hawhpa ngiapâna sôh ngaitapa a to hrapazy ei châ naoh ei.

ZUDÂH 1:21

Khazohpa kyhpachâna liata a pabohsa u la, eima Beipa Zisu Krista ngiachhiena, chhâzaw hrona lâ a chhi theipa cha hâ muh vy.

ZUDÂH 1:3

Kho ngaitapa saih u, mo to ta pachhana eima topa thâtih nama hnohta ro awpa ei kho kaw nota, mopathaihpazy hnohta chhâzaw châta ei kha piepa ngiapâna a duakhei lymâ awpa ta, nâmo lâ ahawna tao awpa â ngiahpa ta ei pahno.