ZÔELA 3:4 - Mara Bible RV (BSI)

⁴ “Nâmo, Tyre, Sidaw nata Philistinâ râhzy saih u, ei châta khâpa ma nama châ tly? Ei hmotaopa kheihawhpa vâta ma viari eina thô ei chi tly? Viari eina thô khiah ei chi ta cha, nama viarithôna cha nâmo luh chô lia tlai ta a chatliepa nata a parapa ta ei vaw pakuasa aw.

ZÔELA 3:4 ပူးပေါင်းရင်းမြစ်များ

2 THÂTIHZYRONA 21:16

Chatanachata Zehôrâ a dyuh awpa ta, Abeipa ta Kusi mo chheipâh liata a ypa Philistinâ mo nata Arabia mo palôh pathyu ta.

ISAI 14:29

Hy Philistinâ râh zydua saih u, Nâmo châ tupa chôchahrei a tlie hapa vâta a ly hlei khuh vy; Vâzi thari tawhta chyuphao vaw thao aw ta, A thei cha vâzi mei a zawtheipa a châ aw.

ISAI 34:8

Abeipa ta phuh lana noh hnei ta, Zaio kyh liata viarithôna kô a hnei.

ISAI 59:18

Ama hmotaopazy hawhta, A chariahpazy viari thô aw ta; A khakhaipazy chhao, Hiehâhna ta viari a thô aw; A chariahpazy viari thô aw ta, Tilaipi kiah râhzy chhao viari a thô aw ei.

ZEREMIAH 47:1

He he Phiraoh ta Kâza a pahnie hlâta, Philistinâ mo kyh liata hrohsopa Zere­miah hnohta Abeipa bie a vaw tlôpa a châ.

ZEREMIAH 47:4

Philistinâ mo zydua pahleipadiana noh vaw tlô hai ta, Baotuhpa a y tlakaihpazy chhao, Tyre nata Sidaw tawhta chhawh pathlahna noh a vaw tlô haipa vâta, Cha hawhpa hmo cha a vaw ypa a châ. Abeipa ta Philistinâ mo pahleipadia hai ta, Tilaipi kiah Kâftaw râh liata laibâhpazy chhao, A pahleipadia hai ei.

ZEREMIAH 51:6

“Babylaw khih chhôh tawhta a râ u la, Chyhsa to ama hrona pabohsa mawh ei sy! Babylaw moleina vâta leidia khah u; He he Abeipa phuh lana daihti châ ta, Babylaw viari a thôna daihti a châ hih.

ZÔELA 2:10

Ama hmiakô liata alei a sih ta, Avâzy â chalyu. Noh nata thlâpâ zoh ei ta, Awhsizy khaih khao vei.

ZÔELA 2:2

Zohna nata zoh myhna noh châ ta, Meihdo a chhohpa nata zoh kaluhna noh a châ. Avyhpa ta khupa hawhta, Phopi thatlôpa nata maluh hluh ngaitapa ta Tlâhpizy cha a khu khai haw. Cha hawhpa cha y beih leipa ta, Chhâ vaw y awpa zydua liata chhao y heih khao aw vei.

MATHAI 11:21

“Kôrâzi, na hu a po na! Besaidâ, na hu a po na! Nâmo liata hmonoâhpa taopazy kha, Tyre nata Sidaw liata taopa châ sala, latho poh a bupa ta, buchâh a mia aw ei ta, ama ro ha awpa tlai.

MATHAI 11:22

Châhrasala ei cha chho ei, ryureina noh liata la nâmo pasa taopa hlâta Tyre nata Sidaw pasa tao awpa a zie a y via aw.

LUKA 10:13

“Kôrâzi, na hu a po na! Besaidâ, na hu a po na! Nâmo liata hmonoâhpa taopazy kha Tyre nata Sidaw liata taopa châ sala, latho poh a bupa ta buchâh hry liata a tyuh aw ei ta, ama ro ha awpa tlai.

LUKA 10:14

Pachiana noh liata, nâma pasa tao awpa hlâta Tyre nata Sidaw pasa tao awpa a zie a y via aw.

LUKA 18:7

Khazohpa chhochhi ta cha, â tlyhpa, chhô nah zâ ta ano a awsaopazy châta hmo dopa taopa leipa ta a y aw ma? A pahawh pasâh aw ma?

HMOTAOPAZY 9:4

Alei liata pao ta, ao thei ta, ao chata a hnohta, “Sawla, Sawla, khazia eina taola chi?” tah ta.

RYHPACHANEINA 32:35

Phuh cha keima la awpa châ ta, Kei ta viari ei thô aw; Ama phei a chakhao patoh aw ta, Ama chhiena noh â hnia haw; Ama raona noh a vaw tlô patoh aw.

2 THYSALAWNIKA 1:6

Khazohpa pachiana cha a do ta, nama rie châ patheituhpazy cha rietheina ta viari a thô aw.

RYUREITUHPAZY 11:12

Zephathâ ta Amawna bei hnohta, “Ei chô liata khâpa palôh pha leina ma hnei chi ta, he hawhta ei râh a dyuh awpa ta eina vaw siehnao chi tly?” tahpa ta lyuhchâpa tuah ta.