ZÔELA 3:2 - Mara Bible RV (BSI)

² Phopi zydua pahmaoh aw ei na ta, Zehôsaphâ Saikao lâ ei chhi aw ei; Cha liata âmo cha, Ei phopi nata ei ryuto Izarei moh ta ei pachia aw ei. Izarei sawzy cha phopizy hry liata papai ei ta, Ei râh amâ raipa vâta, Phopizy cha ei pachia aw ei.

ZÔELA 3:2 ပူးပေါင်းရင်းမြစ်များ

2 THÂTIHZYRONA 20:26

A noh palihna liata Berâkâh Saikao liata a hmaoh ei ta, cha liata Abeipa ama palyupalih. Chavâta cha su moh cha tanoh taihta Berâkâh Saikao tahpa a châ.

ISAI 66:16

Abeipa ta mei ta pachia aw ta, A zaozi ta chyhsa zydua a pachia aw; Chavâta Abeipa ta a thiepazy cha, Ama hluh ngaita aw.

ISAI 66:18

“Ama hmotaopazy nata ama pachâpazy ei pahno. Râh to nata reih to ei chhipakhy nawpa daihti a vaw tlô hai. A vy aw ei ta, ei rônahna ama hmô aw.

ZEREMIAH 12:14

Abeipa ta hetana heta a tah: “Ei phopi Izarei hnohta ryuto râh ei piepa a chhutuhpa ei chheipâh râh moleipa zydua cha, moh teh u, ama râh tawhta phia aw ei na ta, Zudâh pathlazy chhao ama hry tawhta ei phia aw ei.

ZEREMIAH 25:31

Abeipa cha phopizy lyuhtua awpa a hneipa vâta, Â rôhpa pyu cha alei chhâna taihta a khaihpalie aw; Sapa zydua pachiana liata a ngiakhei aw ta, Hmoparaopazy cha zaozi lâ a hlâ aw ei,’ Abeipa ta a tah.

ZEREMIAH 49:1

Amawna mo kyh liata, Abeipa ta hetana heta a tah: “Izarei ta sawchapawzy hnei vei ma? Ryutotuhpa hnei vei ma? Khazia Mikô ta Kâdâ cha pho ta, Ano phopi cha Kâdâ khihpizy liata a pahrâsa tly?

ZEREMIAH 50:17

“Izarei cha mietaku pai patlapa châ ta, Chakeibarôhneipa ta â chadai pai hapa a châ. Asuria bei ta ano cha palâ tua ta, Tahmâ Babylaw bei Nebukaneza ta a ruzy a thlie haw.

EZEKIA 25:8

“Abeipa Zehôvâh ta hetana heta a tah: Môabâ nata Seirâ ta, ‘Zudâh pathlazy cha phopi hropazy nata amâ nanona y vei,’ ama tahpa vâta,

EZEKIA 34:6

Tlâhpi to liata viavi ei ta, tlâh sâhpa to liata ama viavi. Ei mietakuzy cha alei chô zydua liata paipatlapa ta y ei ta, a tluatuhpa nata a pachâtuhpa rai y veih ei.

EZEKIA 35:10

“‘Phopi mianopa nata râh mianopazy cha kei eih châ aw ei ta, keimo ta eima hnei aw,’ tah chi ta, cha râh liata Abeipa a y thlâh hapa chhao ta, cha hawhta na tahpa vâta,

EZEKIA 36:1

“Nâ, chyhsa sawchapawpa y, Izarei tlâhzy hnohta hrohsona bie phuah la, ama hnohta hetana heta reih teh: Hy Izarei tlâhzy saih u, Abeipa bie thei teh u.

EZEKIA 36:5

Chavâta Abeipa Zehôvâh ta hetana heta a tah: Ei hiatlia pasana ta phopi hropazy nata Edômâ mo zydua chô liata hiehâh ngaitapa ta bie vaw reih ha na ta. Âmo cha palôh a ly ngaitapa nata papeisana rai hnei leipa ta ei râh nâ chhupazy châ ei ta, râh sibie phana suzy cha ama hraona sôh ta a taopazy ama châ.

EZEKIA 38:22

Potlana nata thisaih palopa ta ano cha pachia aw na ta, ano nata a pheisaihzy nata a hnohta a ypa phopi hluhpi chô liata vâkatlâ pasuasa aw na ta, pareih lai ngaitapazy patlasapa ta, mei nata kaihzy ei pasuasa aw.

EZEKIA 39:11

“Kawkâ nata a zawpizy cha pabupa ama châ awpa vâta, cha noh liata, Izarei râh liata Kawkâ châta thlâ su taopa aw na ta, tilaipi nochhi lâ liata Khitlyhpazy Saikao ei taopa aw ei. Cha saikao cha Hâmôkawkâ Saikao tahpa a châ aw.

ZÔELA 3:12

“Phopizy cha thyu ei sala, Zehôsaphâ Saikao lâ a khy mawh ei sy. Cha liata a tyuh aw na ta, Izarei chheipâh phopi zydua ei pachia aw ei.

ZÔELA 3:14

“Zasâh manôhzy kalihpi to ei ta, Pachiana saikao liata ama y! Abeipa noh cha, Pachiana Saikao liata â hnia haw.

AMÔSÂ 1:11

Abeipa ta hetana heta a tah: “Edômâ moleina miathôh vâta, Âh, miaplih vâ chhao rai ta, Hriena chalihsa aw va na; Zaozi ta a unawhpa a chadai ta, Ngiachhiena zydua thy khaipa ta, A hiehâhna ta khâ hriechheih ta, A pathiiana chhâzaw ta â vao thlâh hapa vâta.

MIKÂ 4:12

Abeipa pachânazy pahno leipa ei ta, A hmochhuahpazy ama novâh vei; Sawhri liata sapiah pahmaohpa hawhta, Âmo cha a pahmaoh hapa pahno veih ei.

ZEPHANIA 3:8

Chavâta pachia awpa ta Ei duah nawpa noh vaw hâ teh u,” Abeipa ta a tah. “Phopizy pahmaoh aw na ta, Khinarâhzy ei awpakhy aw; Ei hiehâhna lei thlu aw ei na ta, Ei pathi sah ngaitapa ei lei thlu aw ei; Biechhâna ei tao haw. Ei hiatliana mei ta Khizaw zydua a kâ khai aw.”

BIEPHUAH 11:18

Phopizy ama hiehâh ta, Na pathiiana a vaw tlô; Cha cha athihpazy pachiana daihti châ ta, Châ chakaotuhpa hrohsopazy nata mopathaihpazy Lymâ piena daihti a châ. Na moh a chituhpa a lai a chyh ta Lymâ piena daihti châ ta, Leilô paraotuhpazy paraona daihti a châ,” tahpa ta Khazohpa a chhy ei ta.

BIEPHUAH 16:14

Chazy cha ahripa thlahpazy châ ei ta, hmonoâhpa a tao tyhpazy ama châ. Khizaw bei zydua lâta sie ei ta, Khazohpa Atotaotheipa noh rônahpa liata adyuhna châta beizy cha ama awpakhy.

BIEPHUAH 16:16

Chatanachata ahripa thlahpazy ta khizaw bei zydua cha Hebrai reih ta Harmakedaw ama tahpa su liata awpakhy ei ta.

BIEPHUAH 16:6

Mopathaihpazy nata hrohsopazy thisaih palo ei ta, Thisaih lilaw na padosa ha ei; Amâ phuhpa rai a châ!” a tahpa thei na ta.

BIEPHUAH 20:8

alei ki palih liata phopizy dôvei awpa ta pua aw ta, Kawkâ nata Makawkâ zy cha adyuhna châta a awpakhy aw. Ama maluh hluhzie cha tilaipi liata sadi hawhta a châ.