ZÔELA 3:13 - Mara Bible RV (BSI)

¹³ “Nama savâ phia teh u, Sâh hria â daih ha hih. A vy u la, vaw tly teh u; Kre saohna khaoh bie ta, Tibeihzy a khô ha hih; Ama moleina a lai kaw dia!

ZÔELA 3:13 ပူးပေါင်းရင်းမြစ်များ

ÂTHAONA 13:13

Sawdawmâ chyhsazy cha molei ngaita ei ta, Abeipa chô liata hmo thata parao ei ta.

ÂTHAONA 15:16

Amawri mo moleina kih a tlô mâh leipa vâta, chhâ palihna liata, he su liana heta ama vaw kua aw,” tah ta.

ÂTHAONA 18:20

Abeipa ta, “Sawdawmâ nata Kawmawrâ thâtih ama reipa hluh ta, ama moleina a rarôh y ngaita.

ISAI 17:5

Sâh hriatuhpa ta sapiahzy pahmaoh ta, A ku ta sâh suhzy a thliepa hawhta châ aw ta, Chyhsa ta Rephai Saikao liata Sâh suhzy kâmo a thohpa hawhta a châ aw.

ISAI 63:3

“Keima dei ta kre saohna khaoh liata kre thei tly na ta, Phopizy hry tawhta pakha hmah ei hnohta y veih ei. Hiehâhpa ta tly ei na ta, Pathi iapa ta ei tlychheih ha ei. Chavâta ama hrona thisaih ei chysia liata a pie ta, Ei poh zydua a kia khai haw.

ZEREMIAH 51:33

Pheisaihzy Abeipa, Izarei Khazohpa ta hetana heta a tah: “Babylaw sawchanô cha, Sâh tly nota sawhri hawhta a châ; Bohpi leipa ta a sâh hria daihti a vaw tlô aw.”

CHAPHÔHTUNA 1:15

“Ei pasaipha zydua kha, Abeipa ta a thy khai ha ei; Nâ dyuh awpa ta pakhypi aw ta, Ei satliazy pahleipadia awpa ta pakhypi a aw; Zudâh sawchanô laihsa kôpa cha, Kre saohna liata kre thei tlypa hawhta Abeipa ta a tly haw.

HÔSIA 6:11

Hy Zudâh y, ei phopi vânoh ei patosa heih tita, Nâma châta chhao sâh hria daihti raopa a châ.

MATHAI 13:39

âmo a hietuhpa chariahpa cha ahripa a châ. Sâh hria daihti cha daihti chhâna châ ta, hriatuhpazy cha vâlyuhchâpazy ama châ.

MÂKA 4:29

A thei cha a hmoh nahta, sâh hria daihti a châ hapa vâta, savâ ta thlai a tai tyh,” tah ta.

RYHPACHANEINA 16:9

“Hâta ei sari nama paki aw. Cha cha sâkarâ ta sâh nama tai pathao noh tawhta rei awpa a châ.

BIEPHUAH 14:14

Chatawhcha kaw moh na ta, meihdo râhpa hmô na ta. Meihdo chô liana chata chyhsa sawchapawpa a lyupa, a luh liata ngôh lakho a kho ta, a ku liata savâ tiah ngaitapa a chabapa ta a tyuhpa hmô na ta.

BIEPHUAH 19:15

A pakah tawhta zaozi tiah ngaitapa vaw pua ta, cha chata phopizy chhawh aw ta, thua chôchahrei ta ama chô liata ryureih aw ta, Khazohpa Atotaotheipa hiehâhna ru ngaitapa kre saohna khaoh a tly aw.