ZÔELA 3:12 - Mara Bible RV (BSI)

¹² “Phopizy cha thyu ei sala, Zehôsaphâ Saikao lâ a khy mawh ei sy. Cha liata a tyuh aw na ta, Izarei chheipâh phopi zydua ei pachia aw ei.

ZÔELA 3:12 ပူးပေါင်းရင်းမြစ်များ

2 THÂTIHZYRONA 20:26

A noh palihna liata Berâkâh Saikao liata a hmaoh ei ta, cha liata Abeipa ama palyupalih. Chavâta cha su moh cha tanoh taihta Berâkâh Saikao tahpa a châ.

HLAZY 7:6

Hy Abeipa, na hiehâhpa ta thyu la, Ei chariahpazy ruchhôna thyuhnao mah y; Keima châta a hra la, Adona bie pathlu mah y.

HLAZY 96:13

Abeipa hmiakô liata hla sa mawh ei sy. Abeipa cha a vy ta, Khizaw pachia awpa ta â vy. Siana ta khizaw pachia aw ta, A ngâchhihna ta phopizy a pachia aw.

HLAZY 98:9

Abeipa hmiakô liata hla sa mawh ei sy. Abeipa cha khizaw pachia awpa ta â vy. Siana ta khizaw pachia aw ta, Â khopa ta phopizy a pachia aw.

ISAI 2:4

Abeipa ta râhzy likah pachia aw ta, Phopizy likah aeinazy a pathlâ aw; Ama zaozizy cha leipaliena chhaichhi lâta palie aw ei ta, Ama aseizy chhao thochiah taina chaihrai lâta ama palie aw; Phopi nata phopi ta zaozi a hy thlu khao leipa aw ei ta, A dyuhzie chhao a chu khao aw veih ei.

ISAI 22:1

He he aluahna saikao kyh chhochhieliena bie a châ: Khâpa ma châ patypamâ ei tly, Vâphuh lâ dia nama kia khai haw?

ISAI 3:13

Abeipa cha a ryureina dyuchhai liata a tyuh ta, Phopizy pachia awpa ta â vaw duah.

EZEKIA 30:3

Noh a hnia ha tlôh ta, Abeipa noh â hnia haw; Meihdo zohna noh châ aw ta, Phopizy châta raona noh a châ aw.

EZEKIA 39:11

“Kawkâ nata a zawpizy cha pabupa ama châ awpa vâta, cha noh liata, Izarei râh liata Kawkâ châta thlâ su taopa aw na ta, tilaipi nochhi lâ liata Khitlyhpazy Saikao ei taopa aw ei. Cha saikao cha Hâmôkawkâ Saikao tahpa a châ aw.

ZÔELA 3:14

“Zasâh manôhzy kalihpi to ei ta, Pachiana saikao liata ama y! Abeipa noh cha, Pachiana Saikao liata â hnia haw.

ZÔELA 3:2

Phopi zydua pahmaoh aw ei na ta, Zehôsaphâ Saikao lâ ei chhi aw ei; Cha liata âmo cha, Ei phopi nata ei ryuto Izarei moh ta ei pachia aw ei. Izarei sawzy cha phopizy hry liata papai ei ta, Ei râh amâ raipa vâta, Phopizy cha ei pachia aw ei.

MIKÂ 4:3

Khazohpa ta phopizy likah liata bie pachia aw ta, Lâhlapi liata phopi thatlôpazy châta biepathluna a tao aw; Ama zaozizy cha, Leipaliena thua pazaopa lâta daih aw ei ta; Ama aseizy cha, Theilâ kô taina tâkô lâta ama daih aw. Râh kha nata râh kha zaozi a hy thlu khao leipa aw ei ta, Adyuhna kyh a chu khao aw veih ei.

ZEKARIA 14:4

Cha noh liata, Zerusale kiah nochhi lâta a ypa Ôli Tlâh liata a phei tlypa ta a duah aw ta, Ôli Tlâh cha nochhi nata notla ta a liah liata a patlaw aw ta, saikao kawh ngaitapa a tao aw. Tlâh khophie maw lâta a pasie aw ta, â khophie chho lâ â pasie aw.

BIEPHUAH 19:11

Chatawhcha vârâh a vaw pahy ta, arâ râhpa hmô na ta. A chô liata a kiahpa cha Ngâchhihpa nata Hmeiseihpa moh bipa châ ta, siana ta ryureih ta, chariah a dyuhpa a châ.