ZÔELA 3:10 - Mara Bible RV (BSI)

¹⁰ Nama leipaliena thua pazaopazy cha, Zaozi lâta daih u la; Theilâ kô nama taina tâkôzy cha, Asei lâta daih teh u. Chyhsa chiehleipa chhao ta, “Thatlôpa ei châ,” tah mawh sy.

ZÔELA 3:10 ပူးပေါင်းရင်းမြစ်များ

2 THÂTIHZYRONA 25:8

Hrâ na sie awpa khiah cha sie la, a dyuh la, adyuhna châta riahphapa ta y mah y. Chataleipatala Khazohpa ta chariah hmia liata a cha panawh pathlei aw. Khazohpa cha bao theina nata panawh theina hmotaotheina a hneipa châ tlôh ta,” tah ta.

ISAI 2:4

Abeipa ta râhzy likah pachia aw ta, Phopizy likah aeinazy a pathlâ aw; Ama zaozizy cha leipaliena chhaichhi lâta palie aw ei ta, Ama aseizy chhao thochiah taina chaihrai lâta ama palie aw; Phopi nata phopi ta zaozi a hy thlu khao leipa aw ei ta, A dyuhzie chhao a chu khao aw veih ei.

ZEREMIAH 51:11

“Châtaizy chata u la, Vyhphaozy a chaba teh u! Abeipa ta Babylaw parao a chhuah ha ta, Chavâta Media beizy palôh a pathyu haw; Cha cha Abeipa phuh lana châ ta, Achhyna o phuh a lana a châ.

MIKÂ 4:3

Khazohpa ta phopizy likah liata bie pachia aw ta, Lâhlapi liata phopi thatlôpazy châta biepathluna a tao aw; Ama zaozizy cha, Leipaliena thua pazaopa lâta daih aw ei ta; Ama aseizy cha, Theilâ kô taina tâkô lâta ama daih aw. Râh kha nata râh kha zaozi a hy thlu khao leipa aw ei ta, Adyuhna kyh a chu khao aw veih ei.

ZEKARIA 12:8

Cha noh liata, Abeipa ta Zerusale liata a pahrâpazy pabohsa aw ta, ama hry liata chyhsa chiehlei chaipazy chhao, cha noh liata cha Dâvi hawhta châ aw ei ta, Dâvi pathlazy cha Khazohpa hawhta châ aw ei ta, ama hmia lâta a siepa Abeipa vâlyuhchâpa hawhta ama châ aw.

LUKA 13:12

Zisu ta ano cha a hmô nahta, aw ta, a hnohta, “Chanô, na pasana ta a cha pathlie haw,” tah ta.

LUKA 22:36

Zisu ta ama hnohta, “Tahmâ la tâkâ byh a hneipa ta a phao sala, sahria a hneipa ta a phao mawh sy. Zaozi a hnei leipa ta a poh zuah sala, chalei mawh sy.