ZÔELA 3:1 - Mara Bible RV (BSI)

¹ “Pachâ teh u, cha nohzy nata cha daihti liata, Zudâh nata Zerusale cha, Vânoh ei patosa heih aw.

ZÔELA 3:1 ပူးပေါင်းရင်းမြစ်များ

HLAZY 14:7

Hy, Zaio tawhta Izarei pachhana vaw pua bâ sala ei tah kaw dia! Abeipa ta a phopi vânoh a patosa heih tita, Zakaw a ly sala, Izarei thaphapa ta y mawh sy.

HLAZY 85:1

Hy Abeipa, na râh khokhei chi ta, Zakaw cha vânoh na patosa heih.

BIESOZY 1:23

Ei chhoreina lâ namâ vaw heih khiahta cha, Pachâ teh u, ei thlahpa cha hry aw ei na ta, Ei biezy ei cha pahnosa aw ei.

ISAI 44:3

Râh dâhphipa liata ti bao aw na ta, Alei hipa liata vahtie tizy ei palosa aw. Na chipathla chô liata ei Thlahpa hry aw na ta, Na pathlazy chô liata ei byhnâ ei hry aw.

ZEREMIAH 16:15

Izarei sawzy cha âmo pathlatuhpazy hnohta ei piepa âmo râh lâ ei chhi pakhua heih awpa vâ ei ta, ‘Izarei sawzy Maw lâ râh tawhta nata âmo a chadai paina râh zydua tawhta a vaw chhi papuatuhpa Abeipa hrona reipa ta ei reih,’ ama tah tyh bâ aw.

ZEREMIAH 29:14

Eina hmô aw ei chi,” Abeipa ta a tah. “Vânoh cha patosa heih aw ei na ta, ei cha pasiesana phopi to nata su to tawhta cha pakhy aw ei na ta, sei ta ei cha patusana su lâ tlai kha ei châ chhi pakhua heih aw ei, Abeipa ta a tah.

ZEREMIAH 30:18

“Abeipa ta hetana heta a tah: Moh tua, Zakaw poh ozy cha, Vânoh patosa heih aw na ta, A pahrâna suzy ei ngiachhie aw; Khihpi cha a raona â pachona su liata padua pathipa châ aw ta, Abei o chhao a y tyhna su liata â duah heih aw.

ZEREMIAH 30:3

Moh teh, ei phopi Izarei nata Zudâh vânoh tona ei paduapathi heih nawpa nohzy a vaw tlô hai. Âmo pathlatuhpazy ei piepa râh lâ a chhi pakhua heih aw ei na ta, cha râh cha ama hnei heih aw,’ Abeipa ta a tah.”

EZEKIA 16:53

“Ama pano ta vânoh ei patosa heih aw ei. Sawdawmâ nata a sawchanôzy vânoh patosa heih aw ei na ta, Samâri nata a sawchanôzy vânoh ei patosa heih aw ei. Nâ chhao ama hry liata vânoh ei cha patosa heih hra aw.

EZEKIA 39:25

“Chavâta Abeipa Zehôvâh ta hetana heta a tah: Tahmâ cha Zakaw vânoh patosa heihpa ta, Izarei pathla zydua zawh a ngiah heih aw ei na ta, ei moh pathaihpa cha liahsa ei pabohsa ha bâ aw.

DÂNIAH 12:1

“Cha daihti liata, na chyhsazy a châhkheituhpa hyutuh rônahpa Mikaila vaw pua aw ta, nôpona daihti, phopi y tua no tawhta a y beih leipa cha a vaw y aw. Châhrasala cha daihti liata, châbu liata a moh ropa ta a ypa na chyhsazy cha pachhapa ta ama y aw.

ZÔELA 2:29

Cha nohzy liata cha, Seichapawzy nata seichanôzy chô lia taihta, Ei thlahpa ei hry aw.

AMÔSÂ 9:14

Ei phopi Izarei cha, Vânoh ei patosa heih aw; Khih rypazy paduapathi aw ei ta, Cha liata ama pahrâ heih aw; Kre sadôzy tao aw ei ta, Kresawhti ama doh heih aw; Sadôzy tao aw ei ta, A theizy ama nie heih aw.

MALUHREINA 11:29

Châhrasala Mawsi ta a hnohta, “Ei chhâh a châpa ta hiatliapa ma na châ tly? Kei la Abeipa chyhsa zydua hrohsopa châ khai ei sala, Abeipa ta a Thlahpa ama chô liata soh khai sala tahpa tlao ei khoh,” tah ta.

MALUHREINA 12:6

Abeipa ta, “Ei bie nathlie teh u: Nama hry liata hrohsopa a y khiahta cha, kei, Abeipa ta aluahna ta a hnohta a pahnosa na ta, mâ lâta bie ei chho tyh.

RYHPACHANEINA 30:3

Abeipa nama Khazohpa ta nama seichâna tawhta cha pakuasa aw ei ta, a cha ngiachhie aw ei. Abeipa nama Khazohpa ta a cha papaipatlana râh phopizy tawhta cha pakhy aw ei ta, a cha pakuasa aw ei.