ZÔELA 2:7 - Mara Bible RV (BSI)

⁷ Pasaiphazy hawhta chatôh ei ta, Pheisaihzy hawhta thokhy ama kiah; Ama lâpi chyu ta sie ei ta, Ama lâpizy tleisai veih ei.

ZÔELA 2:7 ပူးပေါင်းရင်းမြစ်များ

2 SAMUELA 1:23

“Sawla nata Zawnathâ kha, Kho a chhih ei ta amâ ngia ngaita dia! Hro chhôh ta a kao ei ta, Thina liata chhao a chhaih veih ei; Pahmôhpi hlâta chatlie via ei ta, Chakeibarôhneipa hlâta ama tha a tlô via.

2 SAMUELA 5:8

Cha noh ta Dâvi ta, “Zebu mo a dyuhpa maih cha, ti lâpi khaoh lâ tawhta khy ei sala, pheisypa nata mochaopa, Dâvi hro ta â haopazy cha a kaw dyuh ei se,” tah ta. He he “Mochaopa nata pheisypazy cha o liata a ngia thei vei ei,” tahpa bie a vaw puana a châ.

1 THÂTIHZYRONA 12:36

Asera pathla, a dyuhzie thaipa nata a dyuh awpa ta a mâ chiehpa pheisaih 40,000;

ZAWBÂ 16:14

Raona nata raona a pathopa ta na parao ta, Pasaipha hawhta einâ râ thlu.

HLAZY 19:5

Noh cha a chhôhpadâhpa tawhta a vaw puapa myuhneituhpa lyu ta, Chyhsa thatlôpa ta arâpasuana liata a ly kawpa ta â râpa a lyu.

BIESOZY 30:27

Khawsuzy ta bei hnei leipa ei ta, Châhrasala a hri hri ta ama sie.

ZEREMIAH 5:10

“A kre sadôzy lâ khypa ta kaw parao u la, A chhâna taihta deikua parao khuh vy. A chiahzy chhao Abeipa eih ama châ leipa vâta, Thlâ khai ha muh vy.

ZÔELA 2:8

A pakhâpadie leipa ta, Ama lâpi chyu liata ama sie. Chariah chhaichhizy chatôh pathlah ei ta, Pakhâ thei awpa châ veih ei.

ZÔELA 2:9

Khihpi chô liata a zaw ei ta, Thokhyzy ama kiah; Ozy chhao kiah ei ta, Parutuhpa hawhta opyzy lâ tawhta amâ ngia.