ZÔELA 2:31 - Mara Bible RV (BSI)

³¹ Abeipa noh rônahpa nata rarôh ypa a vaw tlô hlâta, Noh cha zohna lâta a lie aw ta, Thlâpâ chhao thisaih lâta â lie aw.

ZÔELA 2:31 ပူးပေါင်းရင်းမြစ်များ

ZEREMIAH 4:28

Cha vâna chata alei cha, Mâchhiesapa ta y aw ta, Chô lâ avâzy a zoh aw. Bie reih ha na ta, Ei chhuah haw; A ngiapachhi leipa na ta, Pathleih hra aw va na.”

EZEKIA 32:7

Ei cha pamua tita, Avâzy khu aw na ta, Ama awhsizy ei pazohsa aw; Noh cha meihdo ta pahlisa aw na ta, Thlâpâ ta a khaihna papua khao aw vei.

ZÔELA 2:1

Zaio liata chiahmie tô u la, Ei tlâh pathaihpa liata Zikyurâna dawh paro teh u. Râhsaw zydua a chalyu mawh ei sy; Abeipa noh cha vaw tlô hai ta, Cha noh cha â hnia haw.

ZÔELA 2:10

Ama hmiakô liata alei a sih ta, Avâzy â chalyu. Noh nata thlâpâ zoh ei ta, Awhsizy khaih khao vei.

ZÔELA 2:11

Abeipa cha a pheisaihzy hmiakô liata ao papua ta, A riehmo a lai ngaita; Ano cha hmotaotheipa châ ta, A bie a patlôpa a châ. Abeipa noh cha rônah ta, A rarôh y ngaita; Cha noh cha ahy ma a tao thei aw?

ZÔELA 2:2

Zohna nata zoh myhna noh châ ta, Meihdo a chhohpa nata zoh kaluhna noh a châ. Avyhpa ta khupa hawhta, Phopi thatlôpa nata maluh hluh ngaitapa ta Tlâhpizy cha a khu khai haw. Cha hawhpa cha y beih leipa ta, Chhâ vaw y awpa zydua liata chhao y heih khao aw vei.

ZÔELA 3:1

“Pachâ teh u, cha nohzy nata cha daihti liata, Zudâh nata Zerusale cha, Vânoh ei patosa heih aw.

ZÔELA 3:15

Noh nata thlâpâ zy zoh ei ta, Awhsizy khaih khao veih ei.

ZEKARIA 14:6

Cha noh liata, khaihpa y leipa aw ta, chasipa tlyma, dâhaw tlyma y hra aw vei.

MALAKHAI 4:1

“Moh teh u, noh cha a vaw tlô hai; patina mei hawhta a kâ aw. Apalaipazy nata moleina a taopazy cha sawphao châ aw ei ta, cha noh a vaw tlô haipa chata kâ aw ei ta, buchâh lâta a palie ha aw ei; a thari nata a chiah miakha dâhdei chhao pahlôhpa châ aw vei,” Pheisaihzy Abeipa ta a tah.

MALAKHAI 4:5

Moh teh u, Abeipa noh rônahpa nata rarôh y ngaitapa a vaw tlô hlâta hrohsopa Elaizâh ei cha za tuapa tua aw ei.

MATHAI 24:29

“Cha nohzy liata rietheipasana a y khaipata nahta, noh pazohsapa châ aw ta, thlâpâ khaih khao leipa aw ta, avâ tawhta awhsizy tla aw ta, avâ hmotaotheinazy cha chalyupa ta a y aw.

MATHAI 27:45

Nohchhô dawh hrawh hleino tawhta zâlâ dawh thôh taih alei chô zydua vaw zoh kaluh ha ta.

LUKA 21:25

“Cha daihti liata, noh nata thlâpâ nata awhsizy liata ngiana y aw ta, tilaipi a aohpa nata tichatlaopazy pyu vâta, khizaw liata phopizy nôpopa nata pachârôhpa ta ama y aw.

HMOTAOPAZY 2:20

Abeipa noh a vaw tlô hlâta, Noh rônahpa nata noâhchhihpa a vaw tlô hlâta, Noh cha zohna lâta a lie aw ta, Thlâpâ chhao thisaih lâta â lie aw.

BIEPHUAH 8:12

Vâlyuhchâpa papalihna ta a chiahmie vaw tô ta, noh su thôh su kha, thlâpâ su thôh su kha, awhsizy su thôh su kha paraopa a châ. Ama khaihna su thôh su kha pazohsapa châ ta, chhô daihti su thôh su kha cha khaih khao leipa ta, zâ daihti su thôh su kha chhao khaih khao vei.