ZÔELA 2:3 - Mara Bible RV (BSI)

³ Mei ta ama hmia lâta palâ laih ta, Meipaleih ta ama hnôh lâta a kâ laih. Ama hmia lâta râh cha, Idâh sadô lyu ta; Ama hnôh lâta râh deikua cha, Râhchawhpa roryhrapa hawhta a châ; Âmo tawhta a boh theipa y vei.

ZÔELA 2:3 ပူးပေါင်းရင်းမြစ်များ

ÂTHAONA 13:10

Lawta cha mohmia pasaih ta, Zawâ tlôna taihta Zawdâh bypi zydua cha Abeipa sadô hawhta nata Izi râh hawhta ti phana by a châpa ta hmô ta. Cha cha Abeipa ta Sawdawmâ nata Kawmawrâ khih a parao hlâ daihti a châ.

ÂTHAONA 2:8

Zehôvâh Khazohpa ta nochhi lâta Idâh liata sadô tao ta, cha liata chyhsapa a taopa cha soh ta.

HLAZY 50:3

Eima Khazohpa a vy ta, A thlih thlâh ha vei; A hmiakô liata mei thata kâ ta, A chheipâh liata thlihpi thata a pathli.

HLAZY 97:3

A hmia lâta mei sie ta, A chheipâh liata a khakhaipazy a kâ khai ha ei.

PUASAINA 10:15

Râh zydua bie khai ei ta, râh zydua a vyh khai haw. Pareih ta a daih laibâhpa, râh liata chicheipa to nata theilâpa zydua nie khai ei ta, Izi râh zydua lyu liata hmo hrohpa rai, tho chhao, chicheipa chhao, y khao vei.

PUASAINA 10:5

alei chô bie khai aw ei ta, ahy hmahta alei rai hmô thei khao aw vei ei. Pareih ta a daih laibâhpa zydua nie khai aw ei ta, lyu liata a pyuhpa nama thokô zydua ama nie khai aw.

ISAI 14:17

Khizaw he râhchawhpa hawhta tao ta, Khihpizy pahleipadia ta, A patâhpazy ama o lâ a padisa khoh leipa kha châ vei ma?’ Ama tah aw.

ISAI 15:6

Niri tizy kua khai ha ta, Sibiepazy raohpa ta, Thoti hrohpazy thi khai ha ta, Râh hrohpa a lei khai haw.

ISAI 33:4

Hy phopizy saih u, nama hraona sôhzy cha, Chângyu chhohna pakhypa hawhta pakhypa châ aw ta, Khawsuzy a zawpa hawhta a zawhnaopa a châ aw.

ISAI 51:3

Abeipa ta Zaio cha thlapalôh ta, A su rypa zydua thlah a palôh haw. A râhchawhpa cha Idâh hawhta tao ta, A sadi bypi chhao Abeipa sadô hawhta a tao haw. Cha liata alyna nata thaphana y aw ta, Alyna bie reina nata hla sana pyu zy a y aw.

ISAI 9:18

Paraona cha mei hawhta kâ ta, Diahsai nata ahlohzy cha ama tlôna taihta a kâ aw. Râhmâhpa chha kaluhpazy kâ aw ta, Meikhuh tôh a charihpa ta avâ lâ a kiah aw.

ISAI 9:19

Pheisaihzy Abeipa hiehâhna vâta, Râh cha kâ khai aw ta; Izarei phopi cha, Mei liata ti awpa thothu hawhta ama châ aw; A pachâ tlâ khao aw veih ei.

ZEREMIAH 5:17

Na kôvei nata pati zy nie khai aw ei ta, Na sawchapawzy nata sawchanôzy ama nie khai aw. Na mietaku zawzy nata na viahchao hrizy nie khai aw ei ta, Na kre zôhzy nata na theiku kôzy ama nie khai aw. Nâ ngâchhâpa na thokhy khihpizy tlai chhao, Zaozi ta ama parao khai aw.”

EZEKIA 36:35

Chatanachata, ‘He râh, roryhrapa ta a y hapa râh he, Idâh sadô hawhta vaw châ ha ta, khihpi rypa nata roryhrapa nata a rao hapazy cha chyhsa pahrâna thokhy khihpizy ama vaw châ ha heih,’ ama tah awh.

AMÔSÂ 7:4

Abeipa Zehôvâh ta hetana heta na pahmôsa heih ta: Pachâ tua u, Abeipa Zehôvâh ta mei ta pachiana aw ta, mei chata ti athupa lai ngaitapa cha palâ khai ha ta, alei chhao nie lymâ ta.

HABAKU 1:6

Moh teh u, Kaldia mo ei padua hai ei hih; Âmo cha phopi nôchhiepa châ ei ta, Phopi chahraochatôhpa ama châ; Alei doh nata hâ chahryh ei ta, Chyhsa râhzy a chhu laihpa phopi ama châ.

ZEKARIA 7:14

Khisô paipa hawhta, ama pahno leipa phopizy lâta ei papai ha ei. Chavâta ama siesaipa râh cha roryhrapa ta y ta, a ngiapa nata a puapa y khao veih ei. Râh khochhih ngaitapa cha roryhrapa râh lâta ama pachâsa haw,” Pheisaihzy Abeipa ta a tah.