ZÔELA 2:26 - Mara Bible RV (BSI)

²⁶ “A hluhpi nie aw ei chi ta, Nama lôhrâ a tlô aw; Chatanachata noâhchhihpa ta nama chô liata hmo a taopa, Abeipa nama Khazohpa moh cha nama reithai aw. Ei phopi cha, Maophyuhpa ta y heih khao aw vei.

ZÔELA 2:26 ပူးပေါင်းရင်းမြစ်များ

ÂTHAONA 33:11

Byhnâ ei topa na hnohta ama vaw cheipazy kha, ngiachhiepa ta a pyh mah y. Khazohpa ta na ngiachhie ta, ei hneina ta â daihpa vâta kuhria ei cha piepa a châ,” tah ta. Thata â hawpa vâta a la ha ta.

NEHEMIAH 9:25

Thokhy a hneipa khihpizy nata râh pha ngaitapazy la ei ta, hmo pha to ta a biepa ozy, tikhaoh chao chiehpazy, kre sadôzy, ôli sadôzy nata theilâpa kô hluhpi ama hnei. Nie ei ta, rihbiepa ta y ei ta, thawh ei ta, na phana hluhpizy vâta a ly ngaitapa ta ama y.

HLAZY 103:5

Hmo pha to ta na khopazy lôhrâ cha patlô ta, Na thyutliana pahmôhpi locho no hawhta a pathieh heih tyh.

HLAZY 116:7

Hy ei thlahpa, nâ pahâna lâ kua heih mah y, Abeipa ta na chô liata a pha ngaitapa ta a tao ha hih.

HLAZY 13:6

Abeipa cha ei chô liata a pha ngaitapa vâta, Ano lâ hla ei sa aw.

HLAZY 22:26

Pasataopazy lôhrâtlôpa ta nie aw ei ta, Ano a tluatuhpazy ta Abeipa cha ama reithai aw! Nama palôhzy chhâzaw ta hroh thlâh ha mawh sy!

HLAZY 37:19

Daihti pha leipa liata maophyuh leipa aw ei ta, Chakâh nohzy liata rihbiepa ta ama nie aw.

HLAZY 67:5

Hy Khazohpa, phopizy ta cha reithai ei sala, Phopi to ta cha reithai mawh ei sy!

HLAZY 72:18

Abeipa, Izarei Khazohpa cha, Reithaipa ta y mawh sy; Ano deita he hmonoâhpazy taotuhpa a châ.

BIESOZY 13:25

Mosiapa cha a hro lôhrâ patlôna khi hnei ta, Moleipa py deikua cha a rua aw.

HLAZY HLA 5:1

Ei sadô, ei sietanô, ei myuh lâ cha a ngia na ta, Ei deiryh nata ropahâhpa lapakhypa ta, Ei kheihti nata ei kheihthlawh nie na ta, Ei sâhpiti nata ei kresawhti cha ei doh. Hy viasazy, niepa ta, doh u la, Kyhpachâna paripa ta y muh vy!

ISAI 25:1

Hy Abeipa, nâ cha ei Khazohpa na châ; Cha cheihchalo aw na ta, Na moh ei reithai aw. Hmonoâhpazy a tao chi ta, Hlâno tawhta na pachhuapanohpazy cha, Ngâ a chhih ei ta amâ do.

ISAI 29:22

Chavâta Zakaw pathlazy kyh liata, Abeipa, Abarahâ chatlaituhpa ta hetana heta a tah: “Zakaw cha nozapa ta y khao leipa aw ta, A hmia hlâh khao aw vei.

ISAI 45:17

Izarei deikua cha Abeipa ta pachha ta, Tlyzaw pachhana ta a pachha haw. Nozapa ta y khao leipa aw ei chi ta, Tlyzaw taihta nohzaopa ta y khao aw veih ei chi.

ISAI 49:23

Beizy cha châ mohôhtuhpa na pawzy châ aw ei ta, Beinôzy chhao sâhpi ta châ chhytuhpa na nôzy ama châ aw. Ama hmia alei lâ a khupa ta, Na hmiakô liata a bôh aw ei ta; Na phei dohlei ama cha paliepa aw. Chatanachata kei he Abeipa ei châ tahpa pahno aw chi ta, Keima nâ hâtuhpazy cha ama hnabeidy aw vei.”

ISAI 54:4

“Chi khah y, Maophyuh khao aw va chi; Na no za khah sy, Hmiachhiepa ta y khao aw va chi. Na thyutlia nota na maophyuhna kha my aw chi ta, Na nôhmeina moh chhiena a thei khao aw va chi.

ISAI 55:2

Khazia viahchhâ châta a châ leipa liata Nama sôh pahryuh ei chi ta, Rih bie nawpa a châ leipa liata Nama tha namâ pahryuh? Pakhâta ta na nathlie teh u; Hmo phapa nie u la, Nie pahâhpazy ta nama hro lôhrâ a patlô teh u.

THEIHTHAINA 25:19

Râh ta a thei pathei aw ta, lôhrâtlôpa ta nie aw ei chi ta, thlalôhpa ta nama y aw.

THEIHTHAINA 26:26

Nama viahchhâ lana lâpi ei chhie pachhô tita cha, chanô pahrawh ta viahchhâ taona beih miakha liata nama viahchhâ tao aw ei ta, nama viahchhâ cha khopathliahpa ta ama cha pie heih aw. Nie aw ei chi ta, nama rih bie hlei aw vei.

THEIHTHAINA 26:5

Nama sawhri liata sâh ta kre thei lyuna daihti taih a daih aw ta, kre thei nama lyupa ta chi cheina daihti taih a daih aw ta, nama viahchhâ lôhrâtlôpa ta nie aw ei chi ta, nama râh liata thlalôh ngaitapa ta nama pahrâ aw.

MIKÂ 6:14

Nie aw chi ta, Châhrasala na rih bie leipa aw ta, Na chhôh liata nodina khâ a y aw; A papai sai ta papai aw chi ta, Pachô thei aw va chi; Na pachô tlakaihpa cha, Zaozi hnohta ei pie aw.

ZEPHANIA 3:11

“Cha noh liata cha, Ei chô liata moleina hmo taopa ta, Einâ dyuhnazy vâ chi ta, Maophyuhpa ta paysapa châ khao aw va chi. Thaphapa ta namâ palaikhei kaw tyhpazy cha, Nama hry tawhta la aw na ta, Ei tlâh pathaihpa liata Akhotlâhpa ta y heih khao aw veih ei chi.

ZEKARIA 9:15

Pheisaihzy Abeipa ta âmo cha vaih aw ta, Cheisiah lôzy hmâpa ta ama chariahzy pahnie aw ei ta, Ama parao aw; Doh aw ei ta, Kresawhti paripa hawhta ama palopasah aw; Biebuh hawhta ti ta pabiepa châ aw ei ta, Maisâh kizy hawhta dâ kaniehpa ta ama y aw.

ZEKARIA 9:17

Kho amâ chhih awpazie nata amâ ngia awpazie rimâ cha! Kôvei phapa ta satliazy pasosâhsa aw ta, Kresawhti thiehpa ta laihsazy a pasosâhsa aw.

RAWMA 10:11

Biehrai ta, “Ahy rai ano a ngiapâpa maih maophyuh aw veih ei,” a tah.

RAWMA 5:5

Thlahpa Pathaihpa miah a piepa khata Khazohpa kyhpachâna eima pathipalôh liata a hry hapa vâta, cha hnabeiseihna chata maophyuhpa ta miah paysa vei.

RAWMA 9:33

“Pachâ teh, Zaio liata achapiana lô soh na ta, Moleina lôpanô ei soh; Ahy rai ano a ngiapâpa cha, Maophyuh aw vei,” tahpa ta ropa hawhta.

RYHPACHANEINA 11:15

Nama sahrohzy châta nama lyuzy liata sibiepa paysa aw na ta, nie aw ei chi ta, aoh veipa ta nama y aw.

RYHPACHANEINA 12:12

Chatanachata nâmo nata nama sawchapawzy, nama sawchanôzy, nama seichapawzy, nama seichanôzy nata nama hry liata tovyuh nata ryuto râh a hnei leipa Livai chi nama khih liata a ypazy chhao, Abeipa nama Khazohpa hmiakô liata thaphapa ta nama y aw.

RYHPACHANEINA 12:18

Nâmo nata nama sawchapawzy, nama sawchanôzy, nama seichapawzy, nama seichanôzy nata Livai chi nama khih liata a ypazy ta, Abeipa nama Khazohpa ta su a rao awpa liata nie aw ei chi ta, nama ku raihria theilâpa cha, Abeipa nama Khazohpa hmiakô liata thaphapa ta nama nie aw.

RYHPACHANEINA 12:7

Cha liata Abeipa nama Khazohpa hmiakô liata nie aw ei chi ta, Abeipa nama Khazohpa ta nama ku raihria maih liata byhnâ a cha piepa vâ ei ta, nâmo nata nama chhôhkhazy thaphapa ta nama y aw.

RYHPACHANEINA 8:10

Nie aw ei chi ta, lôhrâtlôpa ta nama y tita, râh phapa châ pietuhpa Abeipa nama Khazohpa cha reithai muh vy.

1 TIMAWTHY 6:17

He khizaw liata hneirôhpazy cha a palai lei awpa nata a leidia theipa sôh nata piah liata ama hnabeiseihna pachhô leipa ta, eimâ ly nawpa ta ato miah pietuhpa Khazohpa liata ama hnabeiseihna tlao pachhô awpa ta biepie mah y.

1 ZAWHÂNA 2:28

Chavâta sawzy saih u, ano liata y thlâh ha muh vy. Chatanachata â vaw luah tita hnangâhpa ta y aw pi ta, â vy tita a hmiakô liata noza leipa ta eima y thei aw.