ZÔELA 2:23 - Mara Bible RV (BSI)

²³ “Hy Zaio sawzy saih u, Thaphapa ta y u la, Abeipa nama Khazohpa liata a ly teh u. Namâ dona palâsa nawpa ta, Abeipa ta khihti hmiatuapa cha pie ei ta, Nama châta khihti a paphasa ha hih; Hlâno daihti hawhna khata, Khihti hmiatuapa cha pie heih ei ta, Khihti hnôh chaipazy a cha pie heih ei hih.

ZÔELA 2:23 ပူးပေါင်းရင်းမြစ်များ

1 ABEIZY 8:36

vârâh tawhta vaw nathlie la, châ chakaotuhpa na phopi Izarei sawzy moleina cha a ngiahthai mah y. Lâpi dopa a chhih awpa ta âmo cha pachu la, ryuto châta na phopi na piepa râh liana he avâ pasuasa heih tyh mah y.

ZAWBÂ 33:23

Chyhsapa hnohta a châta hmo dopa chho awpa ta, Ano chhâh a châhpa vâlyuhchâpa, Sâh kha liata pakha a tlypa lyuhchâpa y sala,

ZAWBÂ 37:13

Chyhsazy pado nawpa ta tlyma, A râh chhaohlei papha naw­pa ta tlyma, A kyhpachâna palâsa nawpa ta tlyma, Meihdozy cha a paysa tyh.

HLAZY 104:34

Ei pachâna ta Abeipa palysa mawh sy, Abeipa liata ei ly aw.

HLAZY 147:8

Ano ta avâzy khi meihdozy ta khu ta, Alei châta vâsua a chhuanohpa ta, Tlâhzy liata sibiepa a papyusa.

HLAZY 149:2

Izarei cha a Taotuhpa chô liata a thapha sala, Zaio sawzy cha ama Beipa chô liata a ly mawh ei sy!

HLAZY 28:7

Abeipa cha ei thatlôna nata ei vyhphao châ ta, Ei palôh ta ano cha ngâ ta, eina bao tyh; Ei palôh a ly kaw ta, Reithaina hla ano lâ ei hlâ tyh.

HLAZY 32:11

Hy mosiapazy saih u, Abeipa liata a lypa nata thaphapa ta y u la, Hy nâmo, palôh dopazy saih u, Thaphapa ta rahao teh u!

HLAZY 84:6

Bâkâ Saikao hipa ama siepahlie nota, Tihnawhzy yna su ta tao ei ta; Vâsua hmiatuapa ta pabie ta, Tipozy lâta â lie tyh.

BIESOZY 16:15

Abei hmia khaihpa liata hrona y ta, A khokheina cha châhvâ vâsua meihdo hawhta a châ.

ISAI 30:21

Chachâh lâ tlyma, chavei lâ tlyma, namâ heih nahta, nama nahzy ta, “He he lâpi a châ hih, he lâpi he a chhih teh u,” tahpa ta, nama hnôh lâ tawhta bie a vaw puapa nama thei aw.

ISAI 30:23

Chhaohlei liata na tupa chizy châta Abeipa ta vâsua cha pie aw ta, chhaohlei tawhta niedo phapa hluhpi a pua aw. Cha noh liata, nama sahrohzy cha sibiepa su kawhpazy liata ama lao bâ aw ei ta,

ISAI 41:16

Âmo cha zie aw chi ta, Thlih ta phaoh aw ta; Chothyu ta a hiepatla khai aw ei. Chatawhcha Abeipa liata a ly aw chi ta, Izarei Mo Pathaihpa cha nâ palaikhei aw.

ISAI 61:10

Myuhneituhpa ta theihthaipa hawhta a luh a tobi ta, Myuh ta lôsôhpazy ta â tobipa hawhta; Abeipa ta pachhana chysiazy ta na tobi ta, Siana poh eina pabu; Chavâta Abeipa liata thapha ngaitapa ta y aw na ta, Ei Khazohpa liata ei hro â ly ngaita aw.

ZEREMIAH 3:3

Chavâta vâsua pakhâpa châ ta, Châhvâ avâ suah khao vei. Chatanachôta âzuahnô hmia phaoh chy chi ta, Nozana châh chhao pahno va chi.

ZEREMIAH 5:24

‘A daihti ta avâ pasuasa ta, Chasipaw avâ nata châhvâ avâzy pasuasapa ta, Sâh hria daihti liata avâ a pahiasatuhpa, Abeipa eima Khazohpa cha chi ei suh u,’ Tahna châh ama palôh ta pahno vei.

CHAPHÔHTUNA 4:2

Zaio sawchapawzy cha, Ngôh suapa hawhta a sôhpazy ama châ; Tahmâ deikua cha alei beih hawhta pachâpa châ ei ta, Beihvituhpa ku ta taopa hawhta pachâpa ama châ ha bâ!

EZEKIA 34:26

Âmo nata ei tlâhthlôh chaby suzy cha byhnâ pachâsa aw na ta, a daihti ta avâ pasuasa tyh aw na ta, vâ byhnâzy a vaw suah aw.

HÔSIA 6:3

Abeipa pahnona chadai sih la, Ano cha pahno lymâ suh u; Khihdei awpa a siapa hawhta, Ano chhao â vaw luah tlai aw. Vâsua hawhta keimo lâ a vy aw ta, Châhvâ vâsua ta chhaohlei a padâpa hawhta â vy aw.”

THEIHTHAINA 26:4

avâzy a daihti ta cha pasuasapa aw ei na ta, chhaohlei ta kôvei papua aw ta, lyu liata thozy ta thei ama pathei aw.

AMÔSÂ 4:7

“Sâh hria daihti thla thôh a y chy nota, Vâsua cha pakhâpa ei na ta; Khihpi miakha liata avâ pasuasa na ta, Khihpi hropa liata avâ ei pakhâ; Lyu miakha ta avâ hmô ta, Avâ a hmô leipa lyu cha a chawh tyh.

ZEKARIA 10:1

Châhvâ daihti liata Abeipa lâ vâsua hiah u la, Vâ thlih a taotuhpa Abeipa lâta hiah teh u. Chyhsazy châta vâkatlâ pasuasa aw ta, Mo to hnohta lyurâh sibiepazy a pie aw.

ZEKARIA 10:7

Epharai pathlazy cha, Pasaipha hawhta vaw châ aw ei ta; Kresawhti do no hawhta Ama palôh â ly kaw aw. Ama sawzy ta hmôpa ta ama thapha aw ta, Abeipa liata ama palôh â ly aw.

ZEKARIA 9:13

Zudâh cha ei libaw châta a kei na ta, Epharai cha a châtai ta ei tao haw. Hy Zaio, na sawchapawzy ei pathyu aw, Hy Krikâh, na sawchapawzy ei dyuh aw, Pasaipha zaozi hawhta ei cha pahieh aw.

ZEKARIA 9:9

Hy Zaio sawchanô, thapha ngaitapa ta y la, Hy Zerusale sawchanô, thata awh teh! Moh tua, na bei cha nâ lâta â vy hai; Mosiapa nata pachhatuhpa a châ; Areisipa ta alâ vaw kiah ta, Alâtaw, alâ panô taw tlai vaw kiah ta â vy.

HMOTAOPAZY 14:17

Chatahrasala a pahnokheituhpa y leipa ta y beih vei. Hmo phapa tao lymâpa ta, avâ tawhta vâsuazy nata kô pha kôzy cha pie ei ta, niepa nata alyna ta nama palôh a cha pabie tyh ei,” tah ei ta.

RYHPACHANEINA 11:14

nama râh liata a daihtita liata vâsua hmiatuapa nata vâsua hnôhchaipa zy pasuasa tyh aw na ta, chatanachata nama sâh, nama kresawhti nata nama sathaw kôveizy nama pakhy tyh aw.

RYHPACHANEINA 28:12

“Abeipa ta ryubyh phapa avâzy cha pahypa aw ei ta, a daihtita liata nama râh liata avâ pasuasa aw ta, nama ku raihria zydua byhnâ a pie aw. Chatanachata phopi hluhpi dyu pacheisa aw ei chi ta, nâmo deikua ta dyu chei aw veih ei chi.

RYHPACHANEINA 32:2

Ei pachuna avâ hawhta suah sala, Ei bie diati hawhta tla mawh sy; Si panyupa chô liata avâ di hawhta tla sala, Sihnapa chô liata avâ hawhta suah mawh sy.

PHILIPI 3:1

Achhâna ta cha, unawh saih u, Abeipa liata a ly teh u. Bie hmopa nama hnohta ro chaneipa he, namâ boh nawpa a châpa vâta, kei châta noaichhihpa châ vei.

PHILIPI 3:3

Keimo, Thlahpa ta Khazohpa a chhypa, Krista Zisu a palaikheipa nata sapa liata ngâna rai a pahnie leipazy pi he, chopawtaipazy cha eima châ.

PHILIPI 4:4

Abeipa liata khâ a ly teh u; ei tah heih aw, a ly teh u.