ZÔELA 2:2 - Mara Bible RV (BSI)

² Zohna nata zoh myhna noh châ ta, Meihdo a chhohpa nata zoh kaluhna noh a châ. Avyhpa ta khupa hawhta, Phopi thatlôpa nata maluh hluh ngaitapa ta Tlâhpizy cha a khu khai haw. Cha hawhpa cha y beih leipa ta, Chhâ vaw y awpa zydua liata chhao y heih khao aw vei.

ZÔELA 2:2 ပူးပေါင်းရင်းမြစ်များ

HLAZY 10:6

A palôh liata, “A chalyu beih aw va na, Chhâ zydua ta chhiena a tyh aw va na,” tah ta.

HLAZY 97:2

Meihdo nata zoh kaluhpa ta Abeipa chadô ei ta, Siana nata adona cha a beidyuchhai abôna a châ.

PUASAINA 10:14

Izi râh zydua cha khawsu ta bie ta, râh chhôh su to liata a choh ei ta, ama hluhzie cha, cha hawhta khawsu hluhpa cha kha hlâta y beih leipa ta, y beih khao aw vei.

PUASAINA 10:6

Nâma ozy nata châ chakaotuhpa zydua o nata Izi mo o zydua ama bie khai aw. Châ pathlatuhpazy nata âmo a pathlatuhpazy chhao ta khizaw liata ama vaw y pathao noh tawhta tanoh taihta cha hawhpa cha hmô beih veih ei,’” tahpa ta chho ei ta. Chatawhcha Mawsi cha a palie ta, Phiraoh tawhta pua ha ta.

PUASAINA 20:21

Mawsi ta Khazohpa yna meihdo chha kaluhpa cha a kei hnia ta, zawpizy deikua cha lâhlapi liata a duah ei ta.

ISAI 5:30

Cha noh liata, tilaipi a rôhpa hawhta, Izarei chô liata amâ rôh aw. Chyhsa ta râh a sai khiahta cha, Zohna nata nôpona sai hmô aw ta, Khaihna cha meihdozy vâta a zoh ha aw.

ISAI 8:22

Alei lâ moh aw ei ta, nôpona nata zohna nata pachârôhna zohmyhna ta a biepa hmô aw ei ta, zohna chha kaluhpa liata thypa ama châ aw.

ZEREMIAH 13:16

Abeipa ta zohna vaw patlôsapa ta, Tlâhpizy chô liata a zoh chy ta nama phei â chapia hlâta, Khaihna na hnabeiseihpa cha zohmyhna lâta pachâsapa ta, Zoh kaluhna lâta a pachâsa hlâta, Abeipa nama Khazohpa cha palyupalih teh u.

ZEREMIAH 13:6

Noh hluhpi tawhta Abeipa ta ei hnohta, “Thyu la, Ufrâti chavah pangai la, cha liata chaisaih ei cha panyusapa kha kei la teh,” na tah ta.

CHAPHÔHTUNA 1:12

“Zaio a chapiapa zydua saih u, pachâ u la, moh tua u, Nâmo châta khâpa tahna hmah châ vei ma? Ei chô liata a tlôpa ei pachârôhna hawhpa he, A y beih rai tlyma? A hiehâhna ru ngaitapa noh liata, Abeipa ta pasa eina pataosapa hawhpa he a y beih tlyma?

EZEKIA 32:7

Ei cha pamua tita, Avâzy khu aw na ta, Ama awhsizy ei pazohsa aw; Noh cha meihdo ta pahlisa aw na ta, Thlâpâ ta a khaihna papua khao aw vei.

EZEKIA 34:12

Mietaku vaituhpa ta a mietaku zaw a vai nota mietaku a paipatlapazy a tluapa hawhta, ei mietakuzy cha tlua aw ei na ta, vâ panohna nata zohmyhna noh liata, ama paipatlana su zydua tawhta ei pachha aw ei.

EZEKIA 38:9

Hmia lâ tôh aw chi ta, chothyu hawhta na tlô thlu aw. Nâ nata na pheisaih zydua nata na hnohta phopi hluhpi cha, meihdo ta râh a pahlypa nama lyu aw.

DÂNIAH 12:1

“Cha daihti liata, na chyhsazy a châhkheituhpa hyutuh rônahpa Mikaila vaw pua aw ta, nôpona daihti, phopi y tua no tawhta a y beih leipa cha a vaw y aw. Châhrasala cha daihti liata, châbu liata a moh ropa ta a ypa na chyhsazy cha pachhapa ta ama y aw.

DÂNIAH 9:12

Chavâta chhiena ru ngaitapa eima chô liata patlôsapa ta, keimo chô liata nata miah a pachiatuhpa eima ryureituhpazy chô liata a bie reipazy a paki lymâ. Zerusale chô liata a taopa hawhpa he avâ ry zydua liata taopa ta y beih vei.

ZÔELA 1:6

Phopi miakha ta ei râh vaw siehnao ta, Phopi thatlôpa nata maluh rei tiah leipa a châ; A hâhzy chakeibarôhneipa hâh lyu ta, Chakeibarôhneipa panô naoh a hnei.

ZÔELA 2:25

Khawsu zaw ta a nie khai hapa nama kôveizy kha, Ei cha thô aw ei; Tykâ nata kurizy ta ama nie khai hapazy chhao, Cha thô aw ei na ta; Khawthlôhraihpa nata chângyuzy ta ama nie khai hapazy Ei cha thô aw ei.

ZÔELA 2:31

Abeipa noh rônahpa nata rarôh ypa a vaw tlô hlâta, Noh cha zohna lâta a lie aw ta, Thlâpâ chhao thisaih lâta â lie aw.

ZÔELA 2:5

Talailih pyu hawhta a vih ei ta, Tlâhpizy chô liata amâ thluah; Sawphao a kâ ngâpa meipaleih hawhta pa ei ta, Phopi thatlôpa hrâsiepa ama lyu.

ZÔELA 3:4

“Nâmo, Tyre, Sidaw nata Philistinâ râhzy saih u, ei châta khâpa ma nama châ tly? Ei hmotaopa kheihawhpa vâta ma viari eina thô ei chi tly? Viari eina thô khiah ei chi ta cha, nama viarithôna cha nâmo luh chô lia tlai ta a chatliepa nata a parapa ta ei vaw pakuasa aw.

AMÔSÂ 4:13

“Pachâ teh, tlâhzy taopa ta thlihzy paysa ta, A palôh chyhsa hnohta phuah ta, Khihdei pavâpa chhao azohpa pachâsa thei ta, Alei su sâhpazy liata a chareipa cha, A moh Zehôvâh, Pheisaihzy Khazohpa a châ.”

ZEPHANIA 1:7

Zehôvâh Khazohpa hmiakô liata a chalih teh u, Abeipa noh â hnia haw; Abeipa ta atheihna a chhuanoh ha ta, A hruapazy a pathaisa haw.

ZEKARIA 14:6

Cha noh liata, khaihpa y leipa aw ta, chasipa tlyma, dâhaw tlyma y hra aw vei.

MATHAI 24:21

Cha daihti liata, riethei pasataona rarôh y ngaitapa y aw ta, cha hawhpa cha leilô pi daihti tawhta tahmâ taihta y beih leipa ta, khati ta hmahta y heih khao aw vei.

MÂKA 13:19

Cha nohzy cha riethei pasana noh châ aw ta, cha tlatlu ta rarôh ypa cha, Khazohpa taopa leilô y tua no tawhta tahmâ taihta y beih leipa ta, y heih khao aw vei.

RYHPACHANEINA 32:7

Hlâno daihti liata nohzy kha a thei u la, Chhâ hluhpi liata kôzy kha pachâ tua u; Nama pawzy hiahri u la, Ama cha pahmô aw; Machâzy hiahri u la, Ama cha chho aw.

HEBRAI 12:18

Ku ta hria theipa tlâh, meipaleih a puapa, zohna nata zoh kaluhna ta a khupa nata thlihpi pathlina tlâh lâ namâ vypa châ leipa ta,

ZUDÂH 1:13

Tilaipi chatlaopa a pathluahpa, âmo maophyuhna buchaphy a papuapazy châ ei ta, awhsi viavipa, zoh kaluhpa liata chhâzaw ta a y awpazy ama châ.

BIEPHUAH 9:2

Leichiepa khaohtlô cha pahy ta, leichiepa khaohtlô tawhna chata patisana meikhuh ru ngaitapa a lyupa meikhuh kaw pua ta, leichiepa khaohtlô meikhuh vâna chata noh nata aruapa cha vaw zoh ha ta.