ZÔELA 2:17 - Mara Bible RV (BSI)

¹⁷ Abeipa chakaotuhpa theihthaipazy cha, Aikah nata maisâh likawh liata cha ei sala, Hetana heta cha mawh ei sy: “Hy Abeipa, na phopi he pahlôh la, Na ryutozy he pahneiparâsao awpa pasaih leipa la, Phopizy châta pakhona bie châ awpa pasaih khah y. Khazia phopizy hry liata, ‘Ama Khazohpa cha, Khataih liata a y haw?’ Ama tah aw?”

ZÔELA 2:17 ပူးပေါင်းရင်းမြစ်များ

1 ABEIZY 6:3

Achhyna o hmia lâta aikah cha, o hâ nata pakhopa ta, a hâ lâ dy kih châ ta, a doh lâ dy hrawh a châ.

1 ABEIZY 9:7

Izarei cha râh ei piepa tawhna heta chhawh pathlah aw na ta, ei moh châta Achhyna o ei pathaisapa chhao he ei mohmô tawhta ei pasie syulyu ha aw. Chatanachata Izarei cha a chhiena lâta pakhona bieso châta nata pasipasawhna bie châta phopizy hry liata hmâpa a châ aw.

2 THÂTIHZYRONA 7:20

râh ei cha piepa tawhna ei heta cha phia aw ei na ta, ei moh châta ei pathaisapa, he o chhao he ei mohmô tawhta pazaw syulyu ha aw na ta, phopi to châta pakhona bieso nata pahneiparâsaona châta ei tao aw.

2 THÂTIHZYRONA 8:12

Sawlawmaw ta o hmia lâta aikah liata a taopa Abeipa maisâh chô liata, Abeipa lâ raopa hlânazy hlâ ta.

NEHEMIAH 9:36

Moh tua, tanoh he sei ta y pi ta, a theilâpa nata a hmopiepa phapa nie awpa ta miah pathlatuhpazy hnohta na piepa râh lia tlai ta sei ta eima y hih.

HLAZY 115:2

Khazia phopizy ta, “Ama Khazohpa cha khataih liata a y haw?” ama tah aw?

HLAZY 42:10

Ei ruzy zaozi ta chhawhpa pasapa hawhta, Ei khakhaipazy ta na taola ei ta; Noh y ta ei hnohta, “Khataih liata ma na Khazohpa cha a y haw?” ama tah.

HLAZY 42:11

Hy ei thlahpa, khazia a khu chi ta, Khazia ei chhôh liata a tymâpa ta na y? Khazohpa hnabeiseih mah y. Ano cha reithai heih aw na ta, Ei pachhana nata ei Khazohpa cha ei reithai aw.

HLAZY 42:3

Chyhsazy ta noh y ta, “Na Khazohpa cha khataih liata a y haw?” na tah ei ta; Ei mothlihzy he chhô nah zâ ta ei pati a châ bâ.

HLAZY 42:4

Ei hro ei palâhâh nahta, He hmozy he ei thei tyh: Zasâh manôhzy hnohta sie hrapa ta, Khazohpa o lâ a pangaipazy chhihtha tyh ei na ta; Thaphapa ta awh ta alyna bie reina chôta, Kyhchhi a hmâhpazy ei chhihtha tyh ei.

HLAZY 74:10

Hy Khazohpa, khati taih ma khakhaipa ta a cha pahneisao aw? Chariahpa ta chhâzaw ta na moh a reipachhie aw ma?

HLAZY 79:10

Khazia ma phopizy ta, “Ama Khazohpa cha khataih liata a y?” ama tah aw? Châ chakaotuhpazy thisaih phuh miah lapa la, Eima hmiakô lia tlai ta, Phopizy hry liata pahnopa ta y mawh sy!

HLAZY 79:4

Eima chheipâh râhzy pasipasawh awpa lâta pua ha pi ta, Eima kiapâh liata a ypazy ta miah pahneisao ei ta, Miah ama reipachhie.

HLAZY 89:41

A chapiapa maihta hrao ei ta, A chheipâh râhzy ta ama pahneisao.

HLAZY 89:51

Hy Abeipa, na chariahpazy ta miah ama pasipasawhna biezy a thei la, Na sathawthupa pheihnie ama reipachhienazy he a thei mah y.

PUASAINA 34:9

Mawsi ta, “Tahmâ na modypa ei châ khiahta cha, Hy Abeipa, ngiachhiepa ta Abeipa cha eima hnohta sie hra mawh sy. Phopi chhorupa châ hrei sih la, eima paraona nata eima moleinazy miah a ngiahthai la, na ryuto châta miah hnei mah y,” tah ta.

ISAI 22:12

Cha noh liata, Pheisaihzy Abeipa Zehôvâh ta, Cha awpa nata mâchhiesa awpa ta aw ta, Luh a papôlô awpa nata latho poh a bu awpa ta a aw.

ISAI 37:20

Chavâta Hy Abeipa eima Khazohpa y, nâma deita he Abeipa cha na châ tahpa alei chô liata khinarâh zydua ta ama pahno thei nawpa ta, ngiachhiepa ta Senâkeri ku tawhtapa he miah pachha tlai mah y,” tah ta.

EZEKIA 20:9

Châhrasala ama hry liata ama pahrâpa phopizy mohmô liata keimasasyh ta â pahnosapa ta, phopizy mohmô lia tlai ta Izi râh tawhta ei kaw chhi papuapa ama châpa vâta, phopizy mohmô liata ei moh papuapaleipa ta a y lei nawpa ta, âmo cha hrie lei awpa lâta hmo ei tao lilaw hapa a châ.

EZEKIA 8:16

Chatawhcha Abeipa o chhôh tlyhmia lâ nâ chhi ta. Abeipa Achhyna o lâ angiana, aikah nata maisâh likawh liata, chyhsa pakih nata papangawh rachhôh â tyuhpa hmô ei na ta. Abeipa Achhyna o hnôhchhypa ta a tyuh ei ta, nochhi lâ hmiachhypa ta, nochhi lâ tawhta noh a kaw chhipa cha a chhy ei ta.

HÔSIA 14:2

Biezy a cheipa ta, Abeipa lâ kua u la, A hnohta hetana heta tah teh u: “Moleina zydua la khai la, Hmo phapa a pyh mah y; Viahchao tôhpa hlâ vyuhpa ta, Eima hmao bietaizy eima cha vaw hlâ.

ZÔELA 1:13

Nâmo, theihthaipazy saih u, Latho poh a bupa ta chaphôh tu u la, Nâmo, maisâh chakaotuhpazy saih u, A hrô teh u. Hy ei Khazohpa chakaotuhpazy saih u, A vy u la, latho poh a bupa ta Azozâkhihdei a zia teh u! Niepa hlâna nata dopa hlânazy Nama Khazohpa o liata pachhâsapa a châ ha hih.

ZÔELA 1:9

Niepa hlâna nata dopa hlânazy Abeipa o liata dia ha ta; Theihthaipazy mâchhiesa ei ta, Abeipa chakaotuhpazy mâchhie ama sa.

AMÔSÂ 7:2

Râh liata sibiepa cha khawsuzy ta ama nie khai nahta, “Hy Abeipa Zehôvâh, rie a ngiahthai mah y! Zakaw cha chyhta tlôh ta, Kheihta ma â duah thei aw?” tah na ta.

AMÔSÂ 7:5

Chatawhcha kei ta, “Hy Abeipa Zehôvâh, rie chalihsa mah y! Zakaw cha chyhta tlôh ta, Kheihta ma â duah thei aw,” tah na ta.

MIKÂ 7:10

Chatanachata, “Abeipa na Khazohpa cha, Khataih liata ma a y haw?” Nâ tahtuhpa ei chariahpa ta hmô aw ta, Nozana ta a khu aw. Ei mozy ta panawhpa ta a ypa cha moh aw ta, Lâpi chiatlao hawhta tlypâpa a châ bâ aw.

MALAKHAI 1:9

“Miah a ngiachhie thei nawpa ta, tahmâ Abeipa khokheina hiah teh u. Kha hawhpa hmohlâpazy nama ku tawhta nama hlâ chhôh zydua cha, a châ pyh thei nah ei ta nama pangiasa ma?” Pheisaihzy Abeipa ta a tah.

MALUHREINA 25:6

Ahmaohna poh o chhikao liata ama cha hai nota, Izarei chyhsa pakha ta Midia chanô pakha Mawsi mohmô nata Izarei zawpi mohmô liata a o lâ a vaw chhi ta.

MATHAI 23:35

Chatanachata chyhsa siapa Abela thisaih tawhta supathaihpa nata maisâh likawh ta nama thiepa Berakia sawchapawpa Zekaria thisaih taih ta, alei chô liata chyhsa siapa thisaih palopa zydua thisaih maoh cha nama chô liata a vaw tlô aw.

MATHAI 27:43

Khazohpa ngâ ta, ‘Khazohpa Sawchapawpa ei châ’ a tah mâh tâh. Khazohpa ta a chô liata â ly tlai khiahta cha, tahmâ pachha bao sa,” tah ei ta.

RYHPACHANEINA 28:37

Chatanachata Abeipa ta a châ chhi nawpa phopi zydua hry liata, chichhihpa nata bieso nata hmo chhiepa lâta pakhopâna nama châ aw.

RYHPACHANEINA 32:27

Ama chariahpazy ta pahno chhei ei sala hmahta, Âmo cha pasipasawhpa ta, ‘He zydua he Abeipa taopa châ vei, Keimo ku ta eima pahniepa a châ,’ Ama tah pathlei awpa ei chipa vâta a châ.

ZAWSUA 7:9

Cha thâtih cha Kâna mo nata a râh liata a pahrâpa zydua ta thei aw ei ta, miah dôh aw ei ta, alei chô tawhta eima moh ama pahlei ha aw he zaw! Chata a châ khiahta cha, na moh rônahpa pabohsa awpa ta kheihta ma na tao khao aw?” tah ta.