ZÔELA 2:16 - Mara Bible RV (BSI)

¹⁶ Zawpi awpakhy u la, Apakhypazy pathaihsa teh u; Machâzy awpakhypa ta, Hawtizy pahmaoh u la, Sâhpi a ngiehpa hawsaihzy taihta pahmaoh teh u. Myuhneituhpa ta a chhôhpadâhpa puasai sala, Myuh chhao ta a chhôhpadâhpa puasai mawh sy.

ZÔELA 2:16 ပူးပေါင်းရင်းမြစ်များ

2 THÂTIHZYRONA 20:13

Zudâh pathla zydua cha ama hawti chyhpatazy, ama lapinôzy nata ama sawzy chhaota Abeipa hmiakô liata a duah ei ta.

2 THÂTIHZYRONA 29:5

Ama hnohta, “Nâmo, Livai pathlazy saih u, na nathlie teh u! A pathai u la, Abeipa, châ pathlatuhpazy Khazohpa o he pathai u la, Su Pathaihpa liata apuapazy he thy khai teh u.

2 THÂTIHZYRONA 30:17

Zawpi hry liata a pathai leipa ama hluhpa vâta, cha cha ama taopa a châ. Livai pathlazy ta pathaih leipa to châta Zawpakhô mietakutaw thie ei ta, Abeipa liata ama pathaisa lymâ.

2 THÂTIHZYRONA 30:19

Abeipa, a pathlatuhpazy Khazohpa tlua awpa ta a palôh a paheipa maih cha, supathaihpa ryhpa hawhta pathai tuapa a châ leipa chhao ta, Khazohpa ta a ngiahthai mawh sy,” tah­pa ta thlahchhâ ta.

2 THÂTIHZYRONA 35:6

Zawpakhô mietakutaw cha thie aw ei chi ta, a pathai aw ei chi ta, Mawsi ku ta piepa Abeipa bie hawhta tao awpa ta, nama unawhzy châta namâ chhuanoh aw,” tah ta.

ZAWBÂ 1:5

Ama kyhchhina nohzy a pai nahta, Zawbâ cha a sawzy lâta chyhsa tuah ta, a pathaisa awpa ta a chho tyh ei. Ano chhao ta, “Ei sawzy ta moleina hmo taopa ta, ama palôh ta Khazohpa chô liata chhie ama vaw sa tlamaw thei,” tah ta, mydi kari ta thyu ta, a sawzy maluh kipa ta raopa hlânazy a hlâpa tyh ei. Cha hawhna chata Zawbâ cha tao tyh ta.

HLAZY 19:5

Noh cha a chhôhpadâhpa tawhta a vaw puapa myuhneituhpa lyu ta, Chyhsa thatlôpa ta arâpasuana liata a ly kawpa ta â râpa a lyu.

PUASAINA 19:10

Abeipa ta Mawsi hnohta, “Zawpi lâ vawh la, âmo cha tanoh nata mylâ kei pathaisa mah y. Ama chysiazy pasu ei sala,

PUASAINA 19:15

Mawsi ta zawpi hnohta, “A noh thôhna noh châta a pachyh teh u, chanô rai namâ hnia awpa châ vei,” tah ta.

PUASAINA 19:22

Abeipa a hnia tyhpa theihthaipazy chhao a pathai hra mawh ei sy. Chataleipatala Abeipa ta âmo chhao a pahleipadia pathlei aw ei,” tah ta.

ZÔELA 1:14

Kâhvileipa daihti phuah u la, Pakhypi pathaihpa aw teh u. Machâzy nata râhsaw zydua Abeipa nama Khazohpa o lâ awpakhy u la, Abeipa awsao teh u.

MATHAI 21:16

a hnohta, “He sahlaozy biereipa he na thei ma?” tah ei ta. Zisu ta ama hnohta, “Ei thei mâh tâh; “‘Hawsaihzy nata sâhpi pazy haipazy pakah tawhta, Reithaina nâ chhuahdy haw,’ tahpa bie reih beih veih ei chi ma?” tah ta.

MATHAI 9:15

Zisu ta ama hnohta, “Myuhneituhpa a y thlâh ha nota, ahneina kyhchhi a hlaopazy mâchhie ama sa aw ma? Ama hry tawhta myuhneituhpa lana daihti vaw tlô aw ta, cha tita deikua cha kâhvileipa ta ama y aw.

1 KAWRINI 7:5

Thlahchhâ awpa ta namâ pie thei nawpa ta bohpi leipa châta â ryh nama tah raihriepa dei leipa ta cha, nôvah châna kyh liata a paky khuh vy. Thlahchhâ awpa ta bohpi leipa chhôh namâ paky hapa chhao ta, thlah nama chhâ khai tawhta cha, nama yzie tyhpa hawhta y heih tyh muh vy. Chataleipatala namâ sohsi thei leipa vâta Sâtâ ta a cha reipasao pathlei aw ei.

ZAWSUA 7:13

Thyu teh! Zawpi kha pathaisa la, ama hnohta, ‘Mylâ châta a pathai teh u. Abeipa, Izarei Khazohpa ta hetana heta a tah: “Hy Izarei, pahleipadia awpa hmozy nama hry liata y ta, chazy cha nama hry tawhta nama pahleipadia hlâlei nama chariahzy hmiakô liata a duah thei aw veih ei chi,”’ tah teh.

ZAWSUA 8:35

Mawsi biepiepa zydua kha Zawsua ta Izarei zawpi zydua hnohta a rei leipa y vei. Chanôzy nata hawtizy nata ama hry liata chihropa a ypazy hnohta Zawsua ta a rei leipa ryhpa bie miakha hmah y vei.

1 SAMUELA 16:5

Ano ta, “Thlalôhna bie na ei vaw tlôkhei. Abeipa lâta atheihna hlâ awpa ta ei vy. A pathai u la, atheihna hlâna lâ a vy teh u,” tah ta. Zese nata a sawchapawzy cha pathaisa ta, atheihna hlâna liata a hlao awpa ta âmo cha hrua ta.