ZÔELA 2:13 - Mara Bible RV (BSI)

¹³ “Nama poh châ leipa ta, Nama pathipalôh hrie teh u,” Abeipa ta a tah. Abeipa nama Khazohpa lâ kua teh u, Ano cha ngiachhiena nata zawngiahna a hneipa châ ta, Nônaina nata kyhpachâna ta a biepa a châ; Chhiena patlôsa lei awpa ta A palôh a panano theipa a châ.

ZÔELA 2:13 ပူးပေါင်းရင်းမြစ်များ

ÂTHAONA 37:29

Rubena cha khaohtlô lâ vawh heih ta, Zawsi cha khaohtlô liata y khao vei tahpa a hmô nahta, a chysiazy hrie ta,

ÂTHAONA 37:34

Zakaw cha a chysiazy hrie ta, latho poh a sai ta, noh hluhpi a sawchapawpa mâchhie sa ta.

2 SAMUELA 1:11

Dâvi cha a chysiazy hrie ta, a hnohta a ypa chyhsa zydua chhao ta ano taopa hawhta tao chyu hra ei ta.

1 ABEIZY 21:27

Ahabâ ta cha biezy cha a thei nahta, a chysiazy hrie ta, a sasaihpa ta latho poh a bu ta, kâhvileipa ta y ta, latho poh liata a zia ta, a thachhâ kaw ta.

2 ABEIZY 22:11

Abei ta Ryhpa Châbu biezy a thei nahta, a chyhsiazy hrie ta.

2 ABEIZY 22:19

he su nata a chhôh liata a pahrâpazy kyh liata, roryhrapa nata chhiesapa ta ama y aw tahpa kyh ei reipa na thei nahta, na palôh naipa ta Abeipa hmiakô liata a panawh chi ta, na chysiazy hriepa ta, ei hmiakô liata na chapa vâta, kei chhao ta ei cha thei, Abeipa ta a tah.

2 ABEIZY 5:7

Châ cha a rei khai nahta, Izarei bei cha a chysia hrie ta, “Kei he chyhsazy thie thei ta, a pahro theituhpa Khazohpa ma ei châ? Khazia he chyhsa heta phawhpa chyhsa patlâh awpa ta kei lâ a vaw tuah tly? Chavâta pachâ u la pahno teh u, einâ hryuh thei nawpa lâpi a tluapa a châ hih,” tah ta.

2 ABEIZY 6:30

Abei cha chanô bie reipa a thei nahta, a chysiazy hrie ta. Zawpi ta kaw moh ei ta, abei cha a sapa padaihpa ta latho poh a bu ta, thokhy chô liata a hlaihlâ ngâpa kaw hmô ei ta.

2 THÂTIHZYRONA 6:27

vârâh tawhta vaw nathlie la, châ chakaotuhpa na phopi Izarei sawzy moleina cha a ngiahthai mah y. Lâpi dopa a chhih awpa ta âmo cha pachu la, ryuto châta na phopi na piepa râh liana he avâ pasuasa heih tyh mah y.

NEHEMIAH 9:17

Na biepiepazy zyh khoh leipa ei ta, ama hry liata hmonoâhpa na taopazy chhao pahno khoh khao veih ei. Ama rao pachyu ei ta, ama seichâna Izi râh lâ kua heih awpa ta chhituhpa ama rao. Châhrasala nâ cha a ngiahthai awpa ta a mâ thlâh hapa, ngiachhiena nata zawngiahna a hneipa, a hiehâh a rupa nata kyhpachâna a ipa a hneipa Khazohpa châ chi ta, âmo cha a heihsai va chi.

ZAWBÂ 1:20

Chatawhcha Zawbâ cha thyu ta, a viahkao pasipa cha hrie ta, a luh a ngyu ta, alei liata pao ta, Khazohpa cha hetana heta â chhy:

HLAZY 103:8

Abeipa cha zawngiahna nata ngiachhiena a hneipa châ ta, Hiehâhna kyh liata nainô sôpa ta, Kyhpachâna tleih beih leipa ta a biepa a châ.

HLAZY 106:45

Ama hnohta a biehrai a thei heih tyh ta, A kyhpachâna tleih beih leipa rônah ngaitapa vâta, A palôh a panano heih tyh.

HLAZY 34:18

Abeipa cha palôh keichheihpazy a hnia ta, Thlahpa a ngiapachhipazy a pachha tyh.

HLAZY 51:17

Khazohpa khopa atheihnazy cha palôh keichheihpa châ ta, Hy Khazohpa, palôh keichheihpa nata ropa cha dytha aw va chi.

HLAZY 86:15

Châhrasala Hy Abeipa, Nâ cha zawngiahna nata ngiachhiena a hneipa Khazoh châ chi ta, A hiehâh a rupa nata kyhpachâna nata ngâchhihna ta a biepa Khazoh na châ.

HLAZY 86:5

Hy Abeipa, nâ cha Khazoh phapa nata a ngiahthai theituhpa châ chi ta, Châ padotuhpazy chô liata zawngiahna a hnei hluh ngaitapa na châ.

ISAI 57:15

Moh chônôpa nata cheihchalopa ta hetana heta tah ta, Tlyzaw ta a ypa, a moh Pathaihpa bipa ta hetana heta a tah: “Areisipazy thlahpa pahra ta, Angiapachhipazy palôh pahra awpa ta, Kei he su sâhpa nata su pathaihpa liata pahrâ na ta, Angiapachhipa nata areisipazy hnohta ei pahrâ.

ISAI 58:5

Cha hawhpa kâhvileipa cha, Apanawhna noh châta ei raopa kâhvileipa a châ ma? Kâhvileipa cha lohthi hawhta luh a bôh ta, Latho poh nata buchâh liata a ziapa he ma a châ? Cha cha kâhvileipa tahpa ta, Abeipa a palysapa noh nama tah aw ma?

ISAI 66:2

He hmo zydua he keima ku ta tao ta, Chatanachata he hmo zydua he a vaw ypa a châ,” Abeipa ta a tah. “A panawhpa ta a palôh liata a ngiapachhi ta, Ei bie liata a chalyupa chyhsa lâta ei mo ei padeih aw,” Abeipa ta a tah.

ZEREMIAH 36:7

Abeipa ta he phopi chô liata hiehâhna nata pathiiana a phuahpa kha pasa ngaita tlôh ta, chavâta zawngiah awpa ta amâ hawna cha Abeipa hmiakô liata vaw tlôpa ta, chyhsa to ama hrozie chhiepa tawhta amâ palie thei ngyu aw lah,” tah ta.

ZEREMIAH 41:5

Sekhe, Silô nata Samâri khihpizy tawhta chyhsa sychariezy cha, ama kâhhmizy ngyupa ta, ama chysiazy hriepa ta nata ama pôhpazy âpa ta vaw tlô ei ta. Abeipa Achhyna o liata hlâ awpa niepa hlânazy nata ropahâhpazy vaw phaoh ei ta.

ZEREMIAH 42:10

He râh liata nama y thlâh khiahta cha, cha padua aw ei na ta, cha phie aw veih ei na. Cha loh aw ei na ta, cha phia aw veih ei na. Nama chô liata chhiena ei patlôsapa kha ei ngiapachhi haw.

EZEKIA 9:4

Abeipa ta a hnohta, “Zerusale khihpi chahryh la, khihpi chhôh liata hmo pasichhihpa taopazy vâta a hrôpa nata a rôhpazy chyhsazy khi liata ngiana tao mah y,” tah ta.

HÔSIA 14:1

Hy Izarei, kua la, Abeipa na Khazohpa lâ kua mah y; Na moleina vâta na pao ha hih!

ZAWNA 3:9

Ahy ma a pahno tly? Eima leidia lei nawpa ta, Khazohpa cha a palie thei ta, a palôh pananopa ta, a hiehâhna ru ngaitapa tawhta â palie thei mâh tâh,” tah ta.

ZAWNA 4:2

Abeipa lâ thlahchhâ ta, “Hy Abeipa, ei châ haw na. He hmo he ei râh liata ei y thlâh no tawhna khata ei rei hapa châ vei ma? He vâna heta mah a parapa ta Tâsi lâ ei râ pâ ngâ kawpa kha a châ tâh. Nâ cha ngiachhiena nata zawngiahna a hneipa, nônaipa nata kyhpachâna ta a biepa Khazohpa châ chi ta, chhiena patlôsa awpa tawhta a palôh a panano theipa na châ tahpa pahno tlôh na ta.

MIKÂ 7:18

Nâ hawhta a ryuto laibâhpazy moleina a ngiahthai ta, Ama paraona a mopakhôpa Khazohpa he, Ahy ma a y? Ano cha kyhpachâna tleih beih leipa liata â lypa vâta, A hiehâhna cha chhâzaw ta a vao thlâh ha vei.

NÂHU 1:3

Abeipa cha hiehâhna kyh liata nainôsôpa châ ta, Hmotaothei ngaitapa a châ; Hmoparaopa deikua cha, Thai pachâ beih aw vei. Khisô nata thlihpipa liata a lâpi y ta, Meihdozy cha a phei doh a châ.

MALUHREINA 14:18

‘Abeipa cha hiehâhna kyh liata nainôsôpa châ ta, kyhpachâna hnei hluh ngaita ta, moleina nata hmoparaonazy a ngiahthai theipa a châ. Thailei a châpazy deikua cha, hrie leipa ta y beih vei. Pawzy hmoparaona ty sawzy chô liata patlôsa ta, chhâ thôhna nata chhâ palihna taihta a patlôsapa a châ,’ tahpa ta vaw reih ha chi ta.

RAWMA 2:4

A châ vei khiah, Khazohpa phana cha rona lâ châ chhi awpa a châpa pahno leipa ta, a phana hluhzie nata a nôphazie nata a palôh pasizie zy cha, hraoleipa hawhta ma na pachâ?

EPHESI 2:4

Châhrasala ngiachhiena a hnei hluhpa Khazohpa ta kyhpachâna rônahpa ta kyh miah pachâ ta,

1 TIMAWTHY 4:8

Pôhpa a hriepa he phahnaina rakha hnei ta, Khazohpa chyhsa châna deikua cha, tahmâ hro nata hro a vaw y awpa châta bietai a hneipa a châpa vâta, kyh to liata a phahnai.