ZÔELA 2:12 - Mara Bible RV (BSI)

¹² “Chatahrasala tahmâ tlai chhao he, Nama palôh tlokhuh ta kei lâ vaw kua teh u, Kâhvileipa ta y u la, Chana nata mâchhiesana chôta vaw kua teh u,” Abeipa ta a tah.

ZÔELA 2:12 ပူးပေါင်းရင်းမြစ်များ

2 SAMUELA 24:10

Châhrasala chyhsa maluh a rei khai nahta, Dâvi cha a palôh liata thata a tymâ ta. Dâvi ta Abeipa hnohta, “Ei hmo taopa liata thata ei vaw molei haw. Châhrasala tahmâ he, Hy Abeipa y, ei châ haw na, châ chakaotuhpa paraona he rie pahlei ha mah y. Hru ngaitapa ta na ei vaw tao haw,” tah ta.

2 THÂTIHZYRONA 30:6

Châ phaohtuhpazy ta abei nata a beimachâzy châ cha phaopa ta Izarei nata Zudâh râh zydua lâta sie ei ta, abei biepiepa hawhta, “Hy Izarei sawzy saih u, Khazohpa cha nâmo, Asuria beizy ku tawhta a puapa, laibâhpazy lâta â vaw heih thei nawpa ta, Abeipa, Abarahâ, Aisika nata Izarei Khazohpa lâ kua heih teh u.

2 THÂTIHZYRONA 6:27

vârâh tawhta vaw nathlie la, châ chakaotuhpa na phopi Izarei sawzy moleina cha a ngiahthai mah y. Lâpi dopa a chhih awpa ta âmo cha pachu la, ryuto châta na phopi na piepa râh liana he avâ pasuasa heih tyh mah y.

ESTHERI 4:16

“Vawh la, Susâ liata a ypa Zu chyhsa zydua pakhy khai la, ei châta kâhvileipa ta y u la, noh thôh chhôh, chhô nah zâ ta khâpa hmah nie leipa u la, khâpa hmah doh hra khuh vy. Kei nata ei laihsazy chhao, nâmo taopa hawhta kâhvileipa ta y hra aw pi ta, cha khai tawhta abei lâ cha ei ngia aw. Ryhpa chakhiapa a châ awpa vâta, ei thi hapa chhao ta, thi lah vâ na,” tah ta.

PUASAINA 33:5

A chhâpa cha, Abeipa ta Mawsi hnohta, “Izarei sawzy chho teh, ‘Phopi chhoru ngaitapa nama châ. Chavâta nama hnohta buakhata chhao ei sie hra khiahta cha, ei cha pahleipadia khai thlâh ha aw ei. Tahmâ nama sôhthihzy kha pahluh khai teh u, chatanachata nama chô liata ei tao awpa ei pahno aw,’” a vaw tah hapa vâta a châ.

ISAI 22:12

Cha noh liata, Pheisaihzy Abeipa Zehôvâh ta, Cha awpa nata mâchhiesa awpa ta aw ta, Luh a papôlô awpa nata latho poh a bu awpa ta a aw.

ISAI 58:4

A hryuchhia awpa ta kâhvileipa ta y ei chi ta, A tudai awpa ta kâhvilei ta nama y; Moleina kutô ta a chô awpa ta, Kâhvileipa ta a ypa nama châ. Tanoh ta kâhvileipa nama hmâzie hawhpa heta la, Chô lâ tawhta nama ao thei nawpa châ hlei aw vei.

ZEREMIAH 3:22

“Hy ngiapâ hnôhsypa sawzy saih u, Vaw kua ha muh vy. Namâ ngiapâna hnôhsyna tawhta ei cha pathyu heih aw ei.” “Moh tua, nâ cha Abeipa eima Khazohpa na châpa vâta, Nâ lâ eimâ vy hih.

ZEREMIAH 36:7

Abeipa ta he phopi chô liata hiehâhna nata pathiiana a phuahpa kha pasa ngaita tlôh ta, chavâta zawngiah awpa ta amâ hawna cha Abeipa hmiakô liata vaw tlôpa ta, chyhsa to ama hrozie chhiepa tawhta amâ palie thei ngyu aw lah,” tah ta.

ZEREMIAH 4:1

“Hy Izarei y, na kua awpa khiahta la, Kei lâ vaw kua mah y,” Abeipa ta a tah. “Na pasichhihnazy ei mohmô tawhta pasie la, Na palôh a zawvaw leipa sala,

ZEREMIAH 4:2

Ngâchhihna, adona nata siana ta, ‘Abeipa hrona reipa ta ei reih,’ Tahpa ta bie nâ taih khiahta cha, Phopizy cha Abeipa liata huhiehpa ta y aw ei ta, Ano amâ palaikhei aw.”

EZEKIA 33:11

Ama hnohta hetana heta reih teh: ‘Ei hrona reipa ta ei reih. Moleipa thina liata alyna rai hnei leipa na ta, moleipa ta a hrozie siesaipa ta a hroh awpa cha ei lyna tlao a châ. Nama hrozie pha leipa tawhta kua u la, kua ha teh u. Hy Izarei pathlazy saih u, khazia nama thi aw tly?’ Abeipa Zehôvâh ta a tah.

DÂNIAH 9:3

Chavâta Zehôvâh Khazohpa lâ a heih na ta, kâhvileipa ta, latho poh a bupa ta buchâhzy a miapa ta, thlahchhâna nata hiana zy ta ano cha tlua na ta.

HÔSIA 12:6

Na Khazohpa lâ kua la, Ngâchhihna nata adona patu la, Na Khazohpa cha khâ ngâ mah y!

HÔSIA 12:7

Sôhdaohpa ta khopathliahna doleipa hmâh ta, Chyhsa tlybaipa a paphasa kaw.

HÔSIA 14:1

Hy Izarei, kua la, Abeipa na Khazohpa lâ kua mah y; Na moleina vâta na pao ha hih!

HÔSIA 6:1

“A vy teh u, Abeipa lâ kua heih suh u; Miah hriechheih khai ha hra sala, Miah a patlâh heih aw; Miah tuchheih ha hra sala, Miah a chahrypa heih aw.

ZÔELA 1:13

Nâmo, theihthaipazy saih u, Latho poh a bupa ta chaphôh tu u la, Nâmo, maisâh chakaotuhpazy saih u, A hrô teh u. Hy ei Khazohpa chakaotuhpazy saih u, A vy u la, latho poh a bupa ta Azozâkhihdei a zia teh u! Niepa hlâna nata dopa hlânazy Nama Khazohpa o liata pachhâsapa a châ ha hih.

ZEKARIA 7:3

Pheisaihzy Abeipa o liata a ypa theihthaipazy nata hrohsopazy hnohta, “Kô hluhpi ei vaw tao tyhpa hawhta, thla pangawhna a vaw diehna maihta apananopa ta kâhvileipa ta nata mâchhiesapa ta ei y aw ma?” tahpa ta hiahri ei ta.

ZEKARIA 7:5

“Râh chhôh liata chyhsa zydua nata theihthaipazy hiahri teh, ‘Kha kô sysari chhôh zydua liata, thla pangawhna nata thla sarina maihta kâhvileipa ta nata mâchhiesapa ta nama y tyhpa kha, keima châta kâhvileipa ta a ypa nama châ tlai ma?

MALAKHAI 1:9

“Miah a ngiachhie thei nawpa ta, tahmâ Abeipa khokheina hiah teh u. Kha hawhpa hmohlâpazy nama ku tawhta nama hlâ chhôh zydua cha, a châ pyh thei nah ei ta nama pangiasa ma?” Pheisaihzy Abeipa ta a tah.

HMOTAOPAZY 26:20

A hmiatua ta Dâmaskâ mo hnohta phuah na ta, cha khai tawhta Zerusale mo nata Zudia râh to liata chyhsazy hnohta nata Zenitaizy hnoh chhao ta ei phuah lymâ. Ro moh phaoh tlâh châpa ta hmo taopa ta ro ei sala, Khazohpa lâ a heih awpa ta ei chho lymâ ei.

RYUREITUHPAZY 2:4

Cha biezy cha Abeipa vâlyuhchâpa ta Izarei saw zydua hnohta a rei khaipa nahta, zawpizy cha aoh tlili ta cha ei ta.

RYUREITUHPAZY 20:26

Chatawhcha Izarei pheisaih zydua cha Bethel lâ khy ei ta, cha ei ta. Cha liata Abeipa hmiakô ta a tyuh ei ta, cha noh liana cha zâlâ taihta kâhvileipa ta ypa ta, raopa hlâna nata aryhna hlânazy Abeipa lâ hlâ ei ta.

1 SAMUELA 7:3

Samuela ta Izarei chhôhkha zydua hnohta, “Nama pathipalôh tlokhuh ta Abeipa lâ a kuapa nama châ hmeiseih khiahta cha, râh hropa khazoh nata Astarôzy nama hry tawhta thy khai aw ei chi ta, nama palôh Abeipa lâta paheipa ta, ano deita nama chakao awpa a châ. Chatanachata Philistinâ mo ku tawhna heta a cha pachha aw ei,” tah ta.

1 SAMUELA 7:6

Izarei sawzy cha Mizpâ liata a hmaohpakhy ei ta. Ti thaih ei ta, Abeipa hmiakô liata patlai ei ta, cha noh cha kâhvileipa ta y ei ta. Cha su liana tlai chata, “Abeipa chô liata eima vaw molei haw,” tah ei ta. Samuela cha Mizpâ liana chata Izarei sawzy chô liata ryureih ta.