ZÔELA 2:11 - Mara Bible RV (BSI)

¹¹ Abeipa cha a pheisaihzy hmiakô liata ao papua ta, A riehmo a lai ngaita; Ano cha hmotaotheipa châ ta, A bie a patlôpa a châ. Abeipa noh cha rônah ta, A rarôh y ngaita; Cha noh cha ahy ma a tao thei aw?

ZÔELA 2:11 ပူးပေါင်းရင်းမြစ်များ

HLAZY 18:14

A châtaizy kapa ta âmo cha papai ta, Dôhlazy chakeihsa ta â chadaipai ha ei.

HLAZY 46:6

Phopizy a tyhreihpa ta, Khinarâhzy pao ei ta; A ao papua ta, Leilô he a zao khai haw.

HLAZY 68:18

Hy Zehôvâh Khazohpa, Chô lâ na kia nota, Patupazy cha sei ta a chhi chi ta; Cha liata na pahrâ thei nawpa ta, Chyhsazy tawhta hmopiepazy daopa ta, Dyuhtuhpazy tawhta chhao na daopa kha.

ISAI 13:4

“Tlâhpizy liata zawpi atymâna pyu cha nathlie u la, Zasâh manôh hluh ngaitapa pyu a lyupa cha nathlie tua u! Khinarâhzy palopasahpa pyu cha nathlie u la, Râhzy ahmaohpakhypa pyu cha nathlie tua u! Pheisaihzy Abeipa ta adyuhna châta Pheisaihzy a pahmaohpa pyu a châ chuh.

ISAI 42:13

Abeipa cha pasaipha hawhta pua aw ta, Pheisaih hawhta a phahnai ngiahna a pathyu aw. Paro ngaitapa ta awhpa ta a pahôpahâh aw ta, A khakhaipazy chô liata a thatlôna a palâsa aw.

ISAI 7:18

Cha noh liata, Abeipa ta Izi chavahzy chhâna lâta mathyupa a ypa nata Asuria râh liata kheih a ypa zy cha a pahipa ta a aw aw ei.

ZEREMIAH 25:30

“Chavâta ama chô liata he hrohsona biezy he phuah thlu aw chi ta, ama hnohta hetana heta na tah aw: “‘Abeipa cha su sâhpa tawhta a rôh aw ta, A pahrâna pathaihpa tawhta a ao a papua aw; A mietaku sadô thata a rôh thlu aw ta, Kre saohtuhpazy hawhta, Alei liata a pahrâpa zydua a awh thlu aw ei.

ZEREMIAH 30:7

Cha noh rônahzie rimâ cha! Cha noh a lyupa rai y veih ei; Zakaw nôpona noh châ ta, Châhrasala cha tawhtapa cha pachhapa ta a y aw.

ZEREMIAH 50:34

Châhrasala âmo Chatlaituhpa cha, Thatlôpa châ ta; A moh Pheisaihzy Abeipa a châ. Ano ta âmo chhâh a châ aw ta, Khizaw liata thlalôhna a paysa aw; Babylaw chyhsazy chô liata deikua cha, Tymâna a patlôsa aw.

EZEKIA 22:14

Na chô liata hmo ei taona nohzy liata, na riahphana pachyu theipa ta, ku thatlôpa ta na y thei aw ma? Kei Abeipa ta reih ha na ta, ei tao aw.

ZÔELA 1:15

Abeipa Noh a hnia ha ta, Atotaotheipa tawhta chhiena a vaw tlô; Cha noh cha a rarôh y ngaita kaw dia!

ZÔELA 1:6

Phopi miakha ta ei râh vaw siehnao ta, Phopi thatlôpa nata maluh rei tiah leipa a châ; A hâhzy chakeibarôhneipa hâh lyu ta, Chakeibarôhneipa panô naoh a hnei.

ZÔELA 2:1

Zaio liata chiahmie tô u la, Ei tlâh pathaihpa liata Zikyurâna dawh paro teh u. Râhsaw zydua a chalyu mawh ei sy; Abeipa noh cha vaw tlô hai ta, Cha noh cha â hnia haw.

ZÔELA 2:2

Zohna nata zoh myhna noh châ ta, Meihdo a chhohpa nata zoh kaluhna noh a châ. Avyhpa ta khupa hawhta, Phopi thatlôpa nata maluh hluh ngaitapa ta Tlâhpizy cha a khu khai haw. Cha hawhpa cha y beih leipa ta, Chhâ vaw y awpa zydua liata chhao y heih khao aw vei.

ZÔELA 2:25

Khawsu zaw ta a nie khai hapa nama kôveizy kha, Ei cha thô aw ei; Tykâ nata kurizy ta ama nie khai hapazy chhao, Cha thô aw ei na ta; Khawthlôhraihpa nata chângyuzy ta ama nie khai hapazy Ei cha thô aw ei.

ZÔELA 2:31

Abeipa noh rônahpa nata rarôh ypa a vaw tlô hlâta, Noh cha zohna lâta a lie aw ta, Thlâpâ chhao thisaih lâta â lie aw.

ZÔELA 3:14

“Zasâh manôhzy kalihpi to ei ta, Pachiana saikao liata ama y! Abeipa noh cha, Pachiana Saikao liata â hnia haw.

ZÔELA 3:16

“Abeipa cha Zaio tawhta a rôhpa ta, Zerusale tawhta ao papua ta, Alei nata avâ amâ chalyu. Châhrasala Abeipa cha, A phopi châta amâ chhaina châ ta; Izarei sawzy châta ama thokhy a châ.”

AMÔSÂ 1:2

Amôsâ ta, “Abeipa cha Zaio tawhta a rôh ta, Zerusale tawhta ao a papua; Mietaku vaituhpa sibiepa suzy mâchhiesa ei ta, Kâmel tlâh laki a uah,” tah ta.

AMÔSÂ 5:18

Nâmo, Abeipa noh a vâpazy saih u, Nama hu a po na! Khâpa châta ma Abeipa noh cha nama vâ tly? Cha noh cha khaihna châ leipa ta, Zohna mah tlao a châ tâh.

AMÔSÂ 5:20

Abeipa noh cha khaihna châ leipa ta, Zohna mah a châ tâh; Pavâna rai y leipa ta, Zoh kaluhna mah a châ tâh.

ÔBADIA 1:15

“Abeipa noh cha, Phopi zydua châta â hnia haw; Na taopa hawh tlai ta, Na chô liata taopa a châ aw; Na hmotaopazy tlai kha, Na luh chô lia â vaw lie aw.

NÂHU 1:6

A ruchhôna ahy ma a dao thei aw? A hiehâhna rupa ahy ma a tao thei aw? A pathiiana cha mei hawhta patlaipa châ ta, Lôpanôzy a patlaw khai haw.

MALAKHAI 3:2

Châhrasala ahy ma â vyna noh liata pachyu thei aw ta, â vaw luah tita a duah thei aw? Ano cha patina mei hawhta châ ta, chysia pasutuhpa sâhbaw hawhta a châ.

MALUHREINA 24:23

A bie daopa thaoh heih ta, “Cha hmo cha Khazohpa ta a tao tita, Ahy a hroh thei aw tly?

1 THYSALAWNIKA 4:16

Abeipa cha rahaopa nata vâlyuhchâpa chônôchaipa ao nata Khazohpa chiahmie pyu chhaota avâ tawhta za chô aw ta, Krista liata athipazy cha ama thyu tua aw.

BIEPHUAH 18:8

Chavâta noh kha chhôh tlai ta, Potlanazy ta a vaw tlô thlu aw; Thina nata mâchhiesana chakâhna vaw tlô thlu aw ta, Mei ta pakâ khaipa a châ aw; Ano a pachiatuhpa Abeipa cha, Khazohpa thatlôpa châ tlôh ta,” tah ta.

BIEPHUAH 6:17

Ama hiehâhna noh rarôh y ngaitapa vaw tlô ha ta, ahy ma a duah thei aw?” tah ei ta.