ZÔELA 2:10 - Mara Bible RV (BSI)

¹⁰ Ama hmiakô liata alei a sih ta, Avâzy â chalyu. Noh nata thlâpâ zoh ei ta, Awhsizy khaih khao vei.

ZÔELA 2:10 ပူးပေါင်းရင်းမြစ်များ

HLAZY 114:7

Hy leilô, Abeipa hmiakô liata a chalyu la, Zakaw Khazohpa mohmô ta a chalyu teh.

HLAZY 18:7

Alei he a chathopa ta a chalyu ta, A hie a hâhpa vâta, Tlâhpizy abôna chhao a chachhao ta â sih.

ISAI 13:10

Vâ awhsizy ta ama khaihna papua leipa aw ei ta, Awhsi hlaozy ta ama khaihna papua aw veih ei; Noh a vaw chhipa nahta thlai pazohsapa châ aw ta, Thlâpâ chhao a khaihna papua khao aw vei.

ISAI 34:4

Avâ liata a ypa zydua thuzao khai aw ei ta, Avâ khi châbu chatypa hawhta chatypa a châ aw; Kre zôh tawhta kre hna zôpa hawhta, Avâ liata a ypa zydua khi tla aw ei ta; Theiku kô tawhta theiku hna zôpa hawhta, Avâ liata a ypa zydua ama tla aw.

ISAI 5:30

Cha noh liata, tilaipi a rôhpa hawhta, Izarei chô liata amâ rôh aw. Chyhsa ta râh a sai khiahta cha, Zohna nata nôpona sai hmô aw ta, Khaihna cha meihdozy vâta a zoh ha aw.

ZEREMIAH 4:23

Alei moh na ta, Pizie hnei leipa ta aruapa ta y thlâh ha ta; Avâzy chhao kaw moh na ta, Khaihna hnei veih ei.

ZÔELA 2:2

Zohna nata zoh myhna noh châ ta, Meihdo a chhohpa nata zoh kaluhna noh a châ. Avyhpa ta khupa hawhta, Phopi thatlôpa nata maluh hluh ngaitapa ta Tlâhpizy cha a khu khai haw. Cha hawhpa cha y beih leipa ta, Chhâ vaw y awpa zydua liata chhao y heih khao aw vei.

ZÔELA 2:31

Abeipa noh rônahpa nata rarôh ypa a vaw tlô hlâta, Noh cha zohna lâta a lie aw ta, Thlâpâ chhao thisaih lâta â lie aw.

ZÔELA 3:4

“Nâmo, Tyre, Sidaw nata Philistinâ râhzy saih u, ei châta khâpa ma nama châ tly? Ei hmotaopa kheihawhpa vâta ma viari eina thô ei chi tly? Viari eina thô khiah ei chi ta cha, nama viarithôna cha nâmo luh chô lia tlai ta a chatliepa nata a parapa ta ei vaw pakuasa aw.

AMÔSÂ 5:8

Awhsicharu nata Vaothawlâpia zy tao ta, Thina nohpahli cha my pachâsa ta, Chhô chhao zâ zohpa ta taopa ta, Tilaipi tizy aw ta alei chô lia a patlaituhpa cha, A moh Zehôvâh a châ.

NÂHU 1:5

Ano hmiakô liata la, Tlâhpizy a sih ei ta, Tlâhthlôhzy ama zao khai; Ano mohmô liata la, Alei chhao he a chalyu ta, Khizaw nata a chhôh liata a ypa zydua amâ chalyu.

MATHAI 24:29

“Cha nohzy liata rietheipasana a y khaipata nahta, noh pazohsapa châ aw ta, thlâpâ khaih khao leipa aw ta, avâ tawhta awhsizy tla aw ta, avâ hmotaotheinazy cha chalyupa ta a y aw.

MATHAI 27:51

Achhyna o pohraipa cha, a chô lâ tawhta a ry lâ taihta â khophie ta a hrie ta, alo a sih ta, lôpanôzy a patlaw ta.

HMOTAOPAZY 2:20

Abeipa noh a vaw tlô hlâta, Noh rônahpa nata noâhchhihpa a vaw tlô hlâta, Noh cha zohna lâta a lie aw ta, Thlâpâ chhao thisaih lâta â lie aw.

BIEPHUAH 20:11

Chatawhcha beidyuchhai diehpa rônahpa nata a chô liata a tyuhpa hmô na ta. A hmiakô tawhta alei nata avâ a râ ei ta, âmo châta su rai y khao vei.

BIEPHUAH 6:12

Chahnaona miacharuna a pathlâ nahta, kaw moh na ta, alo thata a vaw sih ta. Noh cha latho poh hawhta vaw vyh ta, thlâpâ chhao thisaih hawhta saih khai ha ta.

BIEPHUAH 8:12

Vâlyuhchâpa papalihna ta a chiahmie vaw tô ta, noh su thôh su kha, thlâpâ su thôh su kha, awhsizy su thôh su kha paraopa a châ. Ama khaihna su thôh su kha pazohsapa châ ta, chhô daihti su thôh su kha cha khaih khao leipa ta, zâ daihti su thôh su kha chhao khaih khao vei.

BIEPHUAH 9:2

Leichiepa khaohtlô cha pahy ta, leichiepa khaohtlô tawhna chata patisana meikhuh ru ngaitapa a lyupa meikhuh kaw pua ta, leichiepa khaohtlô meikhuh vâna chata noh nata aruapa cha vaw zoh ha ta.