ZÔELA 2:1 - Mara Bible RV (BSI)

¹ Zaio liata chiahmie tô u la, Ei tlâh pathaihpa liata Zikyurâna dawh paro teh u. Râhsaw zydua a chalyu mawh ei sy; Abeipa noh cha vaw tlô hai ta, Cha noh cha â hnia haw.

ZÔELA 2:1 ပူးပေါင်းရင်းမြစ်များ

1 THÂTIHZYRONA 15:28

Izarei saw zydua ta mietaku tôhpa ki, chiahmie nata paotlâ pyuzy chhaota thata rahaona chôta nata tlaipihzy nata totâzy a paro ngaitapa ta tôpa ta, Abeipa Biehrai Byh cha ama khykhei haw.

HLAZY 119:120

Ei pôhpa he nâma chipa ta a chalyu ta, Na pachianazy ei ngiaroh kaw tyh.

HLAZY 87:1

Tlâh pathaihpa liata a khihpi padua ta,

PUASAINA 10:14

Izi râh zydua cha khawsu ta bie ta, râh chhôh su to liata a choh ei ta, ama hluhzie cha, cha hawhta khawsu hluhpa cha kha hlâta y beih leipa ta, y beih khao aw vei.

ISAI 13:6

“A rôh teh u, Abeipa noh a hnia ha ta, Atotaotheipa ta a pahleipadia nawpa noh â hnia haw.

ISAI 13:9

“Moh teh u, Abeipa noh a vaw tlô hai, Ngiachhiena a hnei leipa noh châ ta, Pathiiana nata hiehâhna ru ngaitapa noh a châ. Râh cha roryhrapa ta paysa aw ta, A chhôh liata moleipazy a pahleipadia khai aw ei.

ISAI 2:12

A palaipa nata a khotlâhpa nata a pasâhsapa zy cha, Ama chô liata chhiena a patlôsa nawpa noh Pheisaihzy Abeipa ta hnei ta, Panawhpa ama châ aw.

ISAI 66:2

He hmo zydua he keima ku ta tao ta, Chatanachata he hmo zydua he a vaw ypa a châ,” Abeipa ta a tah. “A panawhpa ta a palôh liata a ngiapachhi ta, Ei bie liata a chalyupa chyhsa lâta ei mo ei padeih aw,” Abeipa ta a tah.

ISAI 66:5

Nâmo, a bie liata a chalyu tyhpazy saih u, Abeipa bie he thei teh u: “Châ hao ei ta, Ei moh vâta châ papuatuhpa nama unawhzy ta, ‘Namâ lyna eima hmô thei nawpa ta, Abeipa cha parônahsapa ta y mawh sy,’ ama tah; Châhrasala âmo chaipa cha, Nozapa ta paysapa tlao ama châ aw.

ZEREMIAH 16:10

“He phopi hnohta, cha bie zydua cha na chho ti ei ta, âmo ta, ‘Khâpa vâta ma Abeipa ta cha hawhpa hmo chhiepa rarôh ypa cha eima chô liata patlôsa â chhuah tly? Khâpa hmo ma eima parao tly? Abeipa eima Khazohpa chô liata khâpa moleina ma eima tao tly?’ ama cha tah khiahta cha,

ZEREMIAH 16:7

Mâchhiesapazy cha athipa amâ ngiahna thlapalôh awpa ta, ahy hmahta niedo pie leipa aw ei ta, ama paw tlyma, ama nô tlyma, athipa amâ ngiahna hnapangâhna nyu doh awpa chhao ahy hmahta pie aw veih ei.

ZEREMIAH 4:5

Zudâh râh liata chhopa ta, Zerusale liata phuah u la, Hetana heta tah teh u: “Râh chhôh zydua liata chiahmie tôpa ta, A paro ngaitapa ta awh u la, ‘A vaw hmaoh u la, Thokhy ta dôhpa khihpizy liata a ngia suh u,’ tah teh u.

ZEREMIAH 5:22

Na chi aw veih ei chi ma? Ei hmiakô liata a chalyu aw vei ei chi ma? Kei he tilaipi râhri châta sadi a sohtuhpa châ na ta, Tilaipi a khô lei nawpa ta, Chhâzaw pakhâna châta sadi a sohtuhpa ei châ. Tichatlaopazy a chatlao ngâ kaw hra ei sala, Râhri khô thei leipa ei ta; A aoh ngâ kaw hra ei sala, Râhri siepakhô thei veih ei,” Abeipa ta a tah.

EZEKIA 12:23

Chavâta ama hnohta chho la, ‘Abeipa Zehôvâh ta hetana heta a tah: He bieso he pachhâsa aw na ta, Izarei râh liata bieso ta hmâh khao aw veih ei.’ Châhrasala ama hnohta reih la, ‘Aluahna bie to â dopa ta a tlôpaki nawpa noh â hnia haw,’ tah mah y.

EZEKIA 21:12

Cha hmo cha ei phopi chô liata a tlô awpa a châpa vâta, Hy chyhsa sawchapawpa y, awh la, thata sâh mah y. Izarei beimachâzy chô liata chhao tlô aw ta, ei phopi chhaota hmaohkha ta zaozi liata hlâpa ama châ aw. Chavâta na chakhai a chabaih teh.

EZEKIA 30:3

Noh a hnia ha tlôh ta, Abeipa noh â hnia haw; Meihdo zohna noh châ aw ta, Phopizy châta raona noh a châ aw.

EZEKIA 33:3

cha chyhsa chata râh chô liata zaozi a vaw tlôpa hmô ta, chiahmie tôpa ta phopi cha zikyu a râ ta,

EZEKIA 33:6

Riahvaituhpa ta zaozi a vaw tlôpa cha hmô ta, châhrasala chiahmie a tô leipa vâta, phopi cha zikyu a râpa châ leipa ei ta, chavâta zaozi a vaw tlô tita ama hry liata chyhsa ahy rai a leidia khiahta deikua cha, cha chyhsa cha a paraona vâta a leidiapa châ ta, a thisaih maoh deikua cha riahvaituhpa ku liata ei hnaw aw.

EZEKIA 7:10

“Moh teh, noh a vaw tlô hai! Na raona noh a vaw tlô haw. Chôchahrei a paw pakai ha ta, apalaina a paw a pabyuh haw.

EZEKIA 7:12

Daihti vaw tlô ha ta, noh â hnia haw. Ama zawpi zydua chô liata Khazohpa hiehâhna a vaw tlô awpa vâta, a chaleituhpa ta aly leipa sala, a zuahtuhpa chhao mâchhiesa khah sy.

DÂNIAH 6:26

Ei ryureina râh zydua liata chyhsazy ta Dâniah Khazohpa hmiakô liata chipa ta a chalyu awpa ta biepiepa ei tao. “Ano cha Khazoh hrohpa châ ta, Tlyzaw ta a ypa a châ; A khinarâh paraopa châ beih leipa aw ta, A ryureina ta chhâna noh hnei aw vei.

DÂNIAH 9:16

Hy Abeipa, ei châ haw na, siana ta na hmotaozie zydua hawhta, na hiehâhna nata na pathiiana cha Zerusale, na tlâh pathaihpa tawhna heta rie pakuasa ha mah y. Keimo moleinazy nata miah pathlatuhzy paraona vâta, Zerusale nata na chyhsazy he eima chheipâh chyhsazy ta ama rei tyh awpa eima vaw châ ha hih.

DÂNIAH 9:20

Keima moleina nata ei phopi Izarei sawzy moleina palâhâhpa ta, reihpha cheipa ta thlahchhâ na ta, Abeipa ei Khazohpa hmiakô liata ei Khazohpa tlâh pathaihpa châta hiana ei tlôkhei ngâ nota,

HÔSIA 5:8

Kibia liata saki tô teh u; Râmâ liata chiahmie tô u la, Bethave liata adyuhna pyu parosa teh u; Hy Benzami, eima cha pazi.

HÔSIA 8:1

Ei biehrai parao ei ta, Ei ryhpa amâ dyuhpa vâta, Abeipa o chô liata pahmôhpi hawhta, Na hmao liata chiahmie pataoh teh.

ZÔELA 1:15

Abeipa Noh a hnia ha ta, Atotaotheipa tawhta chhiena a vaw tlô; Cha noh cha a rarôh y ngaita kaw dia!

ZÔELA 2:11

Abeipa cha a pheisaihzy hmiakô liata ao papua ta, A riehmo a lai ngaita; Ano cha hmotaotheipa châ ta, A bie a patlôpa a châ. Abeipa noh cha rônah ta, A rarôh y ngaita; Cha noh cha ahy ma a tao thei aw?

ZÔELA 2:15

Zaio liata chiahmie tô teh u; Kâhvileipa phuah u la, Pakhypi pathaihpa aw teh u.

ZÔELA 2:31

Abeipa noh rônahpa nata rarôh ypa a vaw tlô hlâta, Noh cha zohna lâta a lie aw ta, Thlâpâ chhao thisaih lâta â lie aw.

ZÔELA 3:14

“Zasâh manôhzy kalihpi to ei ta, Pachiana saikao liata ama y! Abeipa noh cha, Pachiana Saikao liata â hnia haw.

ZÔELA 3:17

“Chatanachata kei he ei tlâh pathaihpa Zaio liata a pahrâpa, Abeipa nama Khazohpa ei châ tahpa nama pahno aw. Zerusale cha khihpi pathaihpa châ aw ta, Chihropazy ta chapia heih khao aw veih ei.

AMÔSÂ 3:6

Khihpi liata chiahmie tô ei sala, Zawpi chi leipa ta ama y aw ma? Abeipa ta a patlôsa leipa ta, Khihpi liata chhiena a vaw tlô aw ma?”

AMÔSÂ 5:18

Nâmo, Abeipa noh a vâpazy saih u, Nama hu a po na! Khâpa châta ma Abeipa noh cha nama vâ tly? Cha noh cha khaihna châ leipa ta, Zohna mah tlao a châ tâh.

AMÔSÂ 8:2

Nopi theilâpa ta a biepa hrâbyh vaw y ta. Abeipa ta, “Amôsâ, khâpa ma na hmô?” na tah ta. Kei ta, “Nopi theilâpa hrâbyh ei hmô,” tah na ta. Chatawhcha Abeipa ta ei hnohta hetana heta tah ta: “Ei phopi Izarei chô liata chhâna noh a vaw tlô haw, Âmo cha chapia beih khao aw veih ei na.”

ÔBADIA 1:15

“Abeipa noh cha, Phopi zydua châta â hnia haw; Na taopa hawh tlai ta, Na chô liata taopa a châ aw; Na hmotaopazy tlai kha, Na luh chô lia â vaw lie aw.

ZEPHANIA 1:14

Abeipa noh rônahpa cha â hnia haw, A hnia ha ta, a vaw tlô daihmâ. Abeipa noh pyu rarôh yzie awpa cha, Pasaipha hmahta thata a sâh aw.

ZEPHANIA 1:16

Thokhy khihpizy nata o sâhpazy a dyuh awpa ta, Chiahmie tôna noh châ aw ta, Hladyuh pathluahna noh a châ aw.

ZEPHANIA 1:7

Zehôvâh Khazohpa hmiakô liata a chalih teh u, Abeipa noh â hnia haw; Abeipa ta atheihna a chhuanoh ha ta, A hruapazy a pathaisa haw.

ZEPHANIA 3:11

“Cha noh liata cha, Ei chô liata moleina hmo taopa ta, Einâ dyuhnazy vâ chi ta, Maophyuhpa ta paysapa châ khao aw va chi. Thaphapa ta namâ palaikhei kaw tyhpazy cha, Nama hry tawhta la aw na ta, Ei tlâh pathaihpa liata Akhotlâhpa ta y heih khao aw veih ei chi.

ZEKARIA 14:1

Moh teh u, ama cha hraona hmozy nama hry liata amâ rai nawpa daihti Abeipa noh cha a vaw tlô hai.

ZEKARIA 8:3

Abeipa ta hetana heta a tah: Zaio lâ kua aw na ta, Zerusale liah liata ei pahrâ aw. Chatanachata Zerusale cha Khihpi Ngâchhihpa tahpa ta bipa châ aw ta, Pheisaihzy Abeipa tlâh cha Tlâh Pathaihpa tahpa a châ aw.

MALAKHAI 4:1

“Moh teh u, noh cha a vaw tlô hai; patina mei hawhta a kâ aw. Apalaipazy nata moleina a taopazy cha sawphao châ aw ei ta, cha noh a vaw tlô haipa chata kâ aw ei ta, buchâh lâta a palie ha aw ei; a thari nata a chiah miakha dâhdei chhao pahlôhpa châ aw vei,” Pheisaihzy Abeipa ta a tah.

MALUHREINA 10:2

“Tâkâ chiahmie miano tao teh. Daipa ta tao aw chi ta, zawpi awpakhyna châta nata pasiesana châta na hmâh aw.

MALUHREINA 10:3

Chiahmie cha a miano ta tôpa a châ tita, zawpi zydua cha ahmaohna poh o chhikao kiapâh liata na hmiakô liata amâ vaw pakhy khai awpa a châ.

1 KAWRINI 14:8

Chiahmie chhao he chybia hnei leipa ta a paro khiahta cha, ahy ma a dyuh awpa ta a mâ aw?

PHILIPI 2:12

Chavâta kho ngaitapazy saih u, bie nama zyh tyhpa hawhna khata, ei y nota dei hria leipa u la, tahmâ ei y vei chhôh ta tlao hria viapa ta, chipa nata chalyupa ta nama pachhana cha hria papua teh u.

1 THYSALAWNIKA 5:2

Abeipa Noh cha zâ ta parutuhpa hawhta a vaw tlô aw tahpa nâmo tlai ta a sia kawpa ta nama pahno.

ZÂMIE 5:8

Nâmo chhao palôh pasipa ta y u la, Abeipa avyna a hnia ha tlôh ta, chavâta palôh a ipa ta y teh u.

1 PITY 4:7

Hmo zydua chhâna â hnia haw. Chavâta thlah nama chhâ thei nawpa ta palôh pasohpa nata a sohsi ngaitapa ta y teh u.

BIEPHUAH 6:17

Ama hiehâhna noh rarôh y ngaitapa vaw tlô ha ta, ahy ma a duah thei aw?” tah ei ta.