ZÔELA 1:9 - Mara Bible RV (BSI)

⁹ Niepa hlâna nata dopa hlânazy Abeipa o liata dia ha ta; Theihthaipazy mâchhiesa ei ta, Abeipa chakaotuhpazy mâchhie ama sa.

ZÔELA 1:9 ပူးပေါင်းရင်းမြစ်များ

2 THÂTIHZYRONA 13:10

Keimo deikua la, Abeipa cha eima Khazohpa châ ta, ano cha tleisai ma pi. Abeipa châta chakaona rai hria awpa ta Arawna pathla theihthaipazy hnei pi ta, âmo chakaona rai chyu a hria awpa Livai pathlazy chhao eima hnei.

PUASAINA 28:1

“Na unawhpa Arawna cha, a sawchapawzy chhaota, Izarei sawzy hry tawhta pananopa ta na hnohta a chhi aw chi ta, chatanachata Arawna nata a sawchapaw Nâdâ, Abihu, Eliaza nata Ithamâ zy cha ei theihthaipa rai hriapa ta eina chakao aw ei.

ISAI 61:6

Nâmo deikua cha, Abeipa theihthaipazy tahpa châ aw ei chi ta, Eima Khazohpa chakaotuhpazy ama cha tah aw. Râh hropazy hneirôna nie aw ei chi ta, Ama rônahna namâ palaikhei aw.

CHAPHÔHTUNA 1:16

“Hezy vâna heta cha na ta, Ei mothlih ti hawhta a loh; Thlapalôhtuhpa hra cha nâ hla ha ta, Ei hro tha nâ patlô awpa y khao veih ei; Chariahpa ta pahniena to ha ta, Ei sawzy roryhrapa ta ama y.”

CHAPHÔHTUNA 1:4

Zaio kyhchhi a hlaopa ama y khao leipa vâta, Zaio lâpizy mâchhiesapa ta a y; A thokhy chhikao zydua roryhrapa ta y ta, A theihthaipazy amâ hrô; A laihsazy vâsâhpa ta y ei ta, Ano tlai chhao pasa thata a tao.

HÔSIA 9:4

Abeipa lâta kresawhti hlânazy patlai thei leipa aw ei ta, Amâ theihnazy ta a palôh patlâh aw vei; Amâ theihna viahchhâ cha âmo châta, Mâchhiesapazy viahchhâ hawhta châ aw ta, A niepa maih a papuapalei aw; Ama viahchhâ cha, Âmo nodi papaina châ deita a châ aw; Abeipa o lâ a vaw ngia aw vei.

ZÔELA 1:13

Nâmo, theihthaipazy saih u, Latho poh a bupa ta chaphôh tu u la, Nâmo, maisâh chakaotuhpazy saih u, A hrô teh u. Hy ei Khazohpa chakaotuhpazy saih u, A vy u la, latho poh a bupa ta Azozâkhihdei a zia teh u! Niepa hlâna nata dopa hlânazy Nama Khazohpa o liata pachhâsapa a châ ha hih.

ZÔELA 1:16

Eima mohmô lia tlai ta, Niepa pachhâsapa châ ta; Eima Khazohpa o liata Alyna nata thaphana chhâ ha vei ma?

ZÔELA 2:14

Abeipa nama Khazohpa cha, A ngiapachhi leipa aw ta, A palôh panano aw vei tahpa ahy ma a pahno ei chi? Niepa hlâna nata dopa hlânazy Ano lâ nama hlâ thei nawpa ta, Byhnâzy cha siesaipa aw veih ei tahpa chhao, Ahy ma a pahno ei chi?

ZÔELA 2:17

Abeipa chakaotuhpa theihthaipazy cha, Aikah nata maisâh likawh liata cha ei sala, Hetana heta cha mawh ei sy: “Hy Abeipa, na phopi he pahlôh la, Na ryutozy he pahneiparâsao awpa pasaih leipa la, Phopizy châta pakhona bie châ awpa pasaih khah y. Khazia phopizy hry liata, ‘Ama Khazohpa cha, Khataih liata a y haw?’ Ama tah aw?”